新金豐餐廳

营业中

休息中

嚟到這間老字號，一定要試佢嘅咖啡同蛋包三文治🍳🥪☕！咖啡味道夠濃郁，香中帶苦，仲要有啲少少果仁嘅餘香，諗起都令人興奮；而蛋包三文治，簡直係軟綿綿嘅享受，香滑嘅蛋呢，包裹住新鮮多汁嘅蔬菜同火腿，微溫、不油膩，咬落去分分鐘令你有種幸福嘅感覺。話說返呢幾款糕點嘅話，豉油西多士同肉鬆包都很正！豉油西多士外皮香脆得嚟又唔會過於面包干身，沾上豉油黄油，簡簡單單就係一種幸福；肉鬆包呢，就算個肉鬆唔係特別出色，但配合住嘅那啲醬汁，真係又甜又香，冇得輸！至於紅豆冰同鳳梨冰沙，就正！紅豆冰啲紅豆熬得啱啱好唔會太甜，有咬口又唔會太硬，而個冰沙滑嘅，鳳梨甜度啱哂，冰凍凍嘅真係解渴又消暑。最後，最正宗嘅就係三寶飯啦！豬扒、魚柳同煎蛋，每樣都做到恰到好處👌。豬扒外皮炸得金黃香脆，肉質鮮美；魚柳又軟又嫩，與煎蛋嘅鹹香完美結合喺一齊，真係嘆為觀止！响這間店食，每一次都係一個驚喜，每一樣食物嘅質素都一流，味道更加係正中心口味，間間房都值得一嚐再嚐！

見打風就叫新金豐外賣😋呢間餐廳已開業多年，今日決定幫佢打篇食評！咖喱雞扒飯 呢間餐廳嘅咖喱夠辣，辣得來又唔會係勁辣嗰隻，好惹味！今次雞扒煎得好香，有兩大舊雞扒，雞扒肉質都嫩滑，配菜有薯仔，好入味！

開完工好肚餓見到附近有間茶餐廳就入左去同朋友一人叫左一個餐蔥油雞扒煎蛋飯份量好夠😂係好肚餓既情況下食完都好飽雞扒煎得都香脆，調味岩岩好美中不足如果係太陽蛋會更加好🙈泰式冬陰功貢丸拼牛丸河湯底都幾濃，唔算好正宗但都過得去酸酸辣辣好開胃

伏伏伏！夜晚食晚飯，C餐蔥油雞飯，$57 ，黎到係滷水雞翼兩隻，加啲蔥油上去就叫蔥油雞飯😤😤😤你呢個叫滷水雞翼飯囉，唔可以話好難食，只能話貨不對辦，間舖頭係有燒臘叉燒飯嗰啲，所以蔥油雞你都會覺得係燒味，但係點知比滷水雞翼你，真係好嬲囉! 細細個食過已經難食，今晚冇嘢食，諗住俾多次機會佢，真係以後都永遠唔會再食！好黐線！我為咗要俾個差評佢，我真係寫到200字😤😤😤個冷氣吹到頭都痛埋，唔明點解仲有人等位？？

食左咁耐，佢堂食燒味係ok既其他都好食，唯一一樣要虎既係，講左3次叉燒飯要肥叉多色，係3次，無肥叉都比半肥丫，你老闆全瘦點再幫襯牙。飯既質地我都算無所謂但唔係綿到咁牙。平時堂食就算天差，叉燒都係淋身同入味好食，個外賣仲衰過隔離燒味店30蚊貨仔，又瘦又柴，好難唔比1分你。想食佢地既靚d既燒味個人建議堂食。外賣要買就咪簡燒味，佢地蒸野係出色d ，但平心而論作為叉燒愛好者呢兜野只可以用劣去形容。就算你堂食幾咁好我都要嬲到比劣評。

今天做到氣咳，肚子很快就餓了，真的要「唔理好醜，最緊要就手」，這個晚餐，就在附近解決。侍應先來了兩碗例湯，不錯㖿，有老黃瓜，但還有肥膏，飄浮在湯面上，而且，師傅味明顯，也沒有其它湯渣，正！🙄“節瓜蝦米粉絲煲”，料頭有薑和蝦米，本來爆得香，夠味，但粉絲太碎，芡汁又太濃稠，不夠乾爽，失去了XYZ粉絲煲的精髓。“xo醬西芹炒豬頸肉”，那些豬頸肉像叉燒一樣大塊，「啖啖肉」，整道菜雖然味道不錯，xo醬又惹味，但㕑師實在太懶，這幾塊肉切得太隨便，「大件」不等於「抵食」，一點口感都沒有。

啱啱坐低，睇都未睇就問你食咩，到落單時，講嘢慢咗啲，即刻比個阿叔黑面，反白眼比邊個睇？仲要聽錯咗要麵，同佢講返係要米粉，點知佢串人，態度極差，咁啱唔小心倒瀉水，佢就話人特登倒瀉，手指指咁講野勁難聽，然後指住門口趕人走，廢事同佢解釋，最尾去咗第度食。咁樣嘅態度真係咪鬼開門做生意！之前一直食開呢間，但經過今次件事唔會再幫襯，啲嘢又唔係好食，態度又差，唔係要求五星級服務，但至少有啲基本尊重，做咗幾廿年人連尊重兩個字都學唔識？

石蔭呢邊其實都幾多茶記，呢間就多選擇同價錢平其他餐廳7-10蚊😎同埋我同🐥細個成日有老細請我哋食呢間既宵夜…有鑊氣！👍🏻今晚就想簡簡單單～咖喱牛腩飯 $59神速上菜，落左單一分鐘左右，已經有得食啦🤣驚人嘅速度牛腩炆得好林，當中會有牛根，個咖喱係辣辣地嘅咖喱，而薯仔都有五六粒～🐥話唔係椰香風格，而係香料辛辣風格🤣🤣鹹魚雞粒炒飯 $53之前毛啦啦想食炒飯，要好好味既炒飯…所以見到有炒飯就嗌左啦😎夠氣係夠既，但唔係每一粒飯都咁分明，會有一兩舊飯癡埋一齊🤭 應該落多啲鹹魚…因為無咩鹹魚味😭小失望有冇人可以同我講，邊度有最好食嘅炒飯？🧞‍♂️味道：⭐️⭐️⭐️🌜（3.5/5）環境：⭐️⭐️⭐️ （3/5）服務：⭐️⭐️⭐️ （3/5）衛生：⭐️⭐️⭐️ （3/5）抵食：⭐️⭐️⭐⭐️ （4/5）總分：❤️❤️❤️🤍（3.5/5）📍 新金豐餐廳 ［葵涌］葵涌石蔭路113號地舖

一個人放假無所事事，想起之前朋友介紹的餐廳，一直沒有去試試看，就選擇今天吧。位置不算太難找，入到去店員亦十分友善，很快便點餐了。豬頸肉撈出前一丁 ： 豬頸肉十分爽口，至於出前一丁就不算太特別。

呢間店可以打電話嗌外賣送上樓 等候時間正常食物選擇好多 通常嗌碟頭飯 價錢唔會太貴 份量都大 仲會包埋嘢飲 今次嗌魚香茄子飯 味道偏濃 小小辣 好惹味 總括而言十分滿意 會再到呢間店食飯

嗌咗辣子雞正常辣子雞應該好多辣椒點知得個幾條個樣又似雞煲又咸。仲嗌咗個椒鹽鮮魷啲皮厚到乜咁，又冇味，魷魚又細舊😡羅宋湯就正常幾好飲咁啦不過實在太過分大家千其不要叫

為了果腹，沒有特別想太多就入左一間茶記，點知茶餐有驚喜！諗唔到食咩的下午就order個沙爹牛肉麵, 麵底不過不失, 不過個沙爹汁就非常出色! 食到粒粒花生，食得出係自家制沙爹汁! 牛肉唔"鞋"口又淋滑，沙爹汁另到個麵底湯錦上添花~

新的裝潢，新的風格，一於試下，見證著這餐廳的轉變，覺得座位比之前舒服了，光猛了。在新風格下多了燒味部，一於就試下好唔好味先，因為都幾喜歡食燒味，所以就叫了砂薑雞和芥蘭炒臘味。砂薑雞肉質嫩滑，不老，值得推介。開始有點涼意，叫下芥蘭炒臘味，炒得很香，至且也不太油。新風格下味道比之前好了，所有菜式沒有之前那麼咸，現在大家都比較注重健康，確實是不錯的餐廳另外，有Gulu取票，確實抵讚舊區中有火，有心去做的餐廳不多，要多多支持下先

尋晚發既最後一個夢入面竟然係周圍去，搵緊好野食！！相信係由於太耐無食過卡路里有D高高地既乾炒牛河，日有所思夜有所夢既影響下，係夢中我不停尋覓緊一間乾炒牛河炒得好味既餐廳。我承認對於美食我係有少少追求完美，發夢都一D都無鬆懈到。😅瞓醒之後，為咗完成夢中既搵食任務，我即刻急不及待咁去到我至愛既飯堂食好野。😍呢度除咗食物質素高之外，D奶茶亦都好掂，茶味香醇，濃淡適中，非常香滑。基本上我係無奶茶不歡，每日都會被召喚到茶餐廳嘆杯靚茶。🦔今日食呢個乾炒牛河炒得夠乾身又大碟，配料D洋蔥非常脆又好甜，牛肉多汁夠嫩仲有些少甜味。我食野一向好慢，足足食咗成個鐘，週末最鍾意慢活～慢食～～慢慢嘆～～餐廳座位幾舒服，雖然經常爆滿，但服務質素keep住咁好，點餐後好快食物就到，餐廳職員既招呼好好，好專業又有禮，食物價錢亦都屬於好超值，性價比勁高，呢D原因令呢度成為好多人經常去既飯堂。💯👍

突然好想食西多士併曲薯條呢個邪惡又美味既組合。距離搬去無啖好食既火炭區得番幾日，趕住去試下呢間餐廳D西多士有幾好味，薯條比起想像中好味，好香脆，西多士大大件，跟練奶最好味。