影片
呢间新都会茶餐厅分两部份,除左兴芳路大门口个边既茶餐厅之外,中银对面都有饱饼部,今次讲住饱饼先。呢度饱饼款式属于比较传统,唔会有较新款款式,所以连炸蛋球都有得食。4件卷蛋($3.5)已经充塞左一个饼盒,盛惠14大元!虽然而家望落都几巨型,其实开业初期时体积更加巨哩,而家已经缩水了!!味道方面唔会太甜带有蛋香,质感较实净,唔似其他连锁式饼店个种轻盈感,中间奶油部份唔太厚,所以食完不觉太腻。我同家人钟意食呢度卷蛋多过其他连锁饼店,除左味道唔错之外,抵食夹大件都系原因之一!!另外买左两个菠萝包($3)比大人做早餐,又系大大个货色,只系自己无试过不能作准,观乎外表都系实净货色,因经过小妹左fing右fing之后,外皮仍然保持完整无缺,同包身紧密接合。
继续阅读