影片
营业时间
今日营业
07:00 - 23:00
星期一至日
07:00 - 23:00
公众假期
07:00 - 23:00
公众假期前夕
07:00 - 23:00
以上资料只供参考，请与餐厅确认详情
🔸 椒盐肉排 $86 套餐跟白饭冻饮呢度晚饭套餐几抵食，肉排一大碟，椒盐炒香好惹味， 用大量香葱、红椒、炸蒜粒，爆炒够镬气，猪扒味道比较浓厚，好𩠌饭👍 餐饮拣咗冻柠檬茶，估唔到呢间茶餐厅用嘅柠檬大大片又去核，所以个冻饮 饮落几好饮。🔸 XO酱叉烧炒滑蛋 $93 套餐跟白饭冻饮新记嘅烧味系唔错嘅，落咗较多叉烧，滑蛋炒得够嫩滑，上面撒满甜甜辣辣嘅XO酱，酱里面嘅干瑶柱原来跟滑蛋系十分配嘅，好味😋小菜 🔸 香脆炸大肠 $60虽然话系小菜但碟头都唔小，有好多大肠，炸得脆皮👍 佢仲保留咗少少肥脂喺肠里面，如果钟意食肥肥哋嘅朋友就最啱食喇。🔸 蚬介鲮鱼球 $60即点即炸，圆碌碌大大粒六粒， 大过乒乓波，味道就比较淡口，可以空口食都得，如果想咸啲就可以蘸上餐厅提供嘅蚬介。🔸 酥炸鱿鱼须 $64 要咗一份，原来个份量都好多，其实可以要半份都足够，半份价钱$32，鱿鱼须新鲜，如果可以配上椒盐就更惹味喇。🔹环境： 喺康丽花园地舖，近屯马线屯门总站，做街坊生意，价钱相当平民化，卡座阔偌，一家六口坐埋一齐都唔会觉得逼。
继续阅读
当时下午茶时段, 叫左女侍应落单,叫左 一份常餐本身有跟牛油多士，可能我口快快话跟西多士，之后女侍应话 边有西多士架，我话系牛油多士至真，唔该晒。之后佢仍然企我隔离 不停重覆再重覆 话我讲错，直至我要同佢讲 “唔好意思，系我错，sorry!"先至收声。呢间唔会再有下次！！😡😡😡
继续阅读
今日去新墟街市买𩠌，买完𩠌好想食过下午茶抖一抖，谂住快靓正！入左新记，叫左个下午茶茶餐「鸡翼配薯条」，热柠蜜。鸡中翼3只，冇乜味，应该系冇腌过，薯条有小部份㶶，感觉是番炸的。
继续阅读
下午茶生滚姜丝猪润通粉餐+ 冻柠茶汤底味道不错 有追饮汤；通粉弹牙；猪膶厚薄适中 有猪膶香味；多士是厚身的 烘底后 外脆内软；太阳蛋不错；冻柠茶有点甜 同职员讲后 调整下 好饮整体来讲 喜欢👍🏼
继续阅读
星期六一支公番屯门食Lunch, 见到有间茶记都几干净企理就入去试下。 见到Menu 原来系粥舖出身，但因为太肚饿都系叫个碟头饭食。见到Menu 有个XO 酱滑蛋叉烧饭就即管试下。滑蛋熟度刚刚好，唔会太熟。叉烧就正正常常，唔系平时d 过夜叉烧，厚度大细岩岩好。配少少Xo 酱去送饭都唔错，但唔可以太多。整体黎讲呢间茶记都唔错，款式都算多而且味道唔错。下次试下黎食粥再同大家分享。 😁
继续阅读