新記美食

昨晚買了新記的魚蛋燒賣等食物外賣，回到家食完之後什麼都沒有食過，半夜開始不舒服😭 到早上又痾又嘔！聽我朋友講返他之前都試過食完這間的車仔麵都是又痾又嘔，結果要去看醫生！ 我一會都要去看醫生了，一直作嘔🤮 這間店永遠黑名單，太恐怖了！…查看更多

同朋友過開嚟銅鑼灣食晚飯，點知份量太少唔夠食，朋友搵到呢間出名嘅舖頭，就行去買咗兩串小食食吓填一填佢個肚🤭兩串都係平時佢唔會點嘅嘢，但見前面個客人點所以佢又想試吓喎😂牛柏葉同八爪魚，可以唔要辣，但朋友叫咗辣，點知意外地辣😂但朋友話辣得嚟又好食。我個人就麻麻地，覺得醬汁分離，牛柏葉同八爪魚都無咩味，口感都一般般。口味嘅嘢真係見仁見智😗想知好無食可能真係你自己試過先知喇😂…查看更多

新記嘅車仔麵，我已經食咗超過10年，香港好少有小店可以開足10年但係質素仍然可以保持不變。新記最出名嘅係佢嘅辣汁，鍾意食辣嘅朋友仔絕對唔可以錯過。以下張相就係我經常性都會嗌嘅餸菜，包括滷水雞翼，白菜仔，同埋辣豬紅。佢嘅滷水雞翼同埋辣豬紅非常入味，白菜仔新鮮，唔會煮得太生或者太淋。另外主食我係基本上都叫粉絲嘅，因為吸左啲湯底，食落去真係啖啖好味。新嘅唯一令人垢病嘅係絕對唔好期望有服務，因為你一定會失望。…查看更多

次次嚟銅鑼灣都要嚟呢到買四串野，點解要四串，因為四串先有隻碗。通常會叫魚蛋，燒賣，齋，同牛丸。但其實呢啲都只係配角，主角係食佢嘅秘製辣醬，真係好辣好好食，最緊要係刺激到味蕾。佢嘅牛丸都好食嘅，幾有牛味。其他車仔麵嗰啲就真係冇興趣啦。…查看更多

已經嗌四個餸，份量極少！食完等於冇食過大部份餸都煮到梅哂！㩒入OpenRice睇先知道咁多差評!!!!!!!!!!!!!!!!!!!!!!!!!!!!真心冇下次！…查看更多

收工想食下垃圾食物行過景隆街馬會投注站旁邊嘅小食店見倒有一串串橙色既生腸、雞腎、魷魚$12/串，肚餓之際一口氣買咗超過十串，一大腕用發泡膠碗裝走，買完去隔籬街買煎釀三寶，電競舖頭旁邊見到人哋賣$10一串，即時覺得自己買貴左返到去開出嚟見倒咁大盒梗係又肚餓又興奮好想食啦一食落去好辣好辣食左幾嚿辣到頂唔順要加水點知愈食愈覺得難食D生腸、腎同魷魚點可以煮到咁韌咁難咬？愈食愈唔想食落去又冇味、又咬唔倒佢啲色素勁到我食完屙d尿變左深橙色又難食又貴又重色素冇下次…查看更多

之前個3年都有幫襯～諗住會有進步，but。。。個別嚟講，佢啲餸係好食。但係加埋嚟講，就係非常唔值幾次行過，有啲餓，買咗外賣。我算係細食，但係真係忍吾住，就算係淨餸，所有份量都好少辣汁係ok 豬紅，得個4粒仔，甜甜地果隻，質地ok貢丸，一般般牛筋，軟淋淋，正，入味，but得過 4舊仔仔，剪都好細好細粒，手指公咁大only 墨魚丸，有啲彈口，but得過4粒仔仔，係我有生以嚟見過最細粒嘅墨魚丸魚蛋，好細粒，有啲彈口，但係真係太細粒，其他街邊檔好食啲豬腩肉，OK，但份量偏少In general，服務ok，好食但係真心唔抵，唔會再嚟。經過冇嘢開先會再諗諗。感覺上都係坐得多遊客／行過客多，唔係真係想進步個隻。如果佢哋環境同份量可以進步，一定會再諗。…查看更多

夜晚求其搵間野食啦 見外面裏面都有人 又有人準備叫外賣諗住無死 點知….三餸38蚊 米粉滷水雞翼 最好食 唔錯 抵讚通菜 正常發揮 保持脆身豬頸肉唔掂 雖然爽 但係係中式燒肉味黎 咸米粉份量男士應該唔夠 女士夠飽要左腩湯 微辣 點知都好Q辣好彩佢係用匙羹不起 可以撥走大部份辣椒醬如果唔係成碗面唔使食辣味蓋過左腩湯 所以唔知好唔好飲仲要偷隔離湯飲🥲🥲🥲三餸38蚊 河粉 黐埋一舊 質感一般蘿蔔 死甜 加左糖？搞唔掂牛柏葉 un到傻咗 橡筋咁 咬唔開比較正常 墨魚丸 鮮味不錯 但無彈性 🤔🤔滷水湯 不錯 唔好過咸過甜👍🏼但整體都係唔合格🤢…查看更多

碗麵只係食左2啖得返甘多(份量小到)。點解下午茶份量。但吾係下午茶價錢?$62 食左個寂寞。價錢唔係平，份量又少。正常人都要加底錢夠飽。睇黎一個鐘後又要再食嘢啦。…查看更多

依家疫情嚴重 去到邊坐低食野都會有一杯水（浸餐具 ）今日行過呢一間門口望落去好像好好味 就坐低食了 搵服務員那杯水 姐姐答我無水 好啦 無水 個筷子係檯面上筷子桶插一日 疫情嚴重我又唔敢去拿 之後就拿左對一次性筷子 買單個時我問個哥哥 點解會貴四蚊 哥哥答我 因為我拿左對一次性筷子 我心唸 算啦大家都唔容易 點知個姐姐答我 （係吖 我對一次性筷子用水浸過既 好乾淨嘛）我爆發了 我問距 咁你地外賣時外賣用品收幾錢 距話 一蚊 咁點解要收我貴四蚊？ 我知大家呢個時候賺錢都不容易 但係無理由係咁搶錢 態度又差 真係以後都唔會去幫襯…查看更多

幫襯了最小二十多年，今天去買3碗面外賣，2碗5餸，一碗4餸，包起袋時見到其中一碗包袋盒特別细碗的。問30多歲的男人為什麼其中一碗特別细，佢話因為其中一碗冇叫菜。當時我已經唔係好明，什麼叫冇菜，^好，算。走左幾步，都係返去問多次點解，個所謂太子仔話因為冇叫菜，我話有乜關係，價錢都同另一碗都係53元，點解細左，我話做生意最緊要公公道道，佢就話，爭你D湯炸吓，咁鐘意飲湯入黎厨房飲哂全部湯吖，我慶到話，你阿爸一直都吾會咁樣做生意同咁嘅態度對客人。佢即刻又繼續鬧話我吾識教仔，我話我識吾識教關你咩事，你咪又係靠你老豆！佢然後就狂燥証發作，下删十萬操口。。鬧到全條街頭街尾都聽到。做生意公公道道最緊要，我有比足錢，我只係要番我自己應得嘅嘢。咁樣偷工減料，當客人水魚，自已理虧，還大罵客人，唔係從细就相識老闆咁多年，我一定繼續同佢鬥鬧，最好成條街黎觀摩。老細咁樣交比自己個仔打理真係倒米。以後一生都不會帮襯！！！…查看更多

新記車仔麵幫襯多年依然好味😋一個辣汁顛倒眾生，從前入到舖頭一定見到個句子，由我以前唔食辣到而家無辣不歡。無論係辣定係唔辣都一樣令我念念不忘。以前讀書時期食過一次，就已經返唔到轉頭。佢個湯底非常濃郁，牛腩汁配少許滷水汁甜甜地，係我鍾意嘅口味😆！車仔麵有好多同嘅餸揀，我次次黎都係揀豬紅豬大腸同雞翼尖，其實佢既八爪魚牛柏葉同埋香滑齋都好好味，如果同朋友嚟會share餸食😆餸菜都非常足料，有成五隻雞翼尖，九舊豬紅，5塊豬大腸，正。去開銅鑼灣必定要食，三餸一麵$40。…查看更多

1330 嘅銅鑼灣街頭小店居然冇咩人，見肚餓求其搵間車仔面食下就揀左佢。一入去就有張岩岩執好嘅台，唔洗搭台係疫情下都幾緊要。地下都幾油下，行果陣真係要小心。店員都好鬼快手，一收點餐紙過左幾分鍾就送野食黎。見等陣約左去party有下午茶食，求其叫左2個雙餸米粉: 1.腩汁牛腩豬腩米粉絕對食得出係hea整嘅面，牛腩係最cheap果隻，冇飛水有雪味，仲要係炆嘅時間明顯地唔夠耐，唔稔唔入味。豬腩肉一舊瘦一舊肥，個組合一睇就知唔係咩好野。腩汁方面都係現成，而米粉個份量都好少。2. 辣汁魚旦豬紅米粉魚旦冇特別加工，好普通嘅咖哩汁。反而豬紅居然有怪味。個湯同上一樣咁hea，米粉一樣地少。38蚊車仔面就一D都唔係高價，但以呢個份量同味道黎講就真係完全唔抵，唔知自己食左D咩。…查看更多

以前間中都會幫襯這間小店，記起每次食完野就立刻俾員工收起啲碗筷趕你走。但今時唔同往日，生意一落千丈，小貓三幾隻，諗住佢哋啲態度會好少少，原來冇變過,態度保持一樣差⋯發誓以後唔會再幫襯⋯因為態度極惡劣。當我埋單嘅時候，我用八達通俾錢，拍完卡聽到咚一聲就走(好正常）,跟住老闆娘好大聲話我未俾錢唔好走，其實係佢自己唔識用八達通機，就話我唔俾錢走人⋯，跟住佢搞咗部機好耐，我一直等，跟住就話有錢就唔好用用八達通啦。食完真係成肚氣🤔😡…查看更多

從小就喜歡吃車仔麵。 之前住香港島經常到銅鑼灣這家車仔麵。 這次剛好經過， 即刻食番碗。家姐仔麵出名咖哩魚蛋， 咖哩汁調配得 微辣少甜， 是他們被制的獨家咖哩汁。 魚蛋不算彈牙， 但配咖哩汁和河粉， 十分美味。另外點了一碗奶粉 加了魚腐腐竹貢丸。 貢丸一般， 有少少豬肉臭味。 但勝在他們的秘製辣汁， 辣到我不停出汗呢。…查看更多