新興食家

营业中

休息中

位於堅尼地城呢間新興食店，歷史悠久，喺附近返學嘅港大學生，一定有幫襯過。之前比小紅書吹捧完，更加成為遊客熱點。大鄉里出城去堅尼地城搵嘢食，兩點幾去到唔算好多人，決定試試佢。由於街坊老店，整體裝修同埋環境都比較新舊，座位都好迫，更加要同人搭枱。如果對環境同衛生好有要求嘅就自行考慮要唔要嚟試啦。😃不過撇除環境，舖頭嘅提供好多傳統點心，質素都好有保證，熱辣辣真材實料。可惜就係因為當日下晝先去到，同埋佢地差唔多落場，所以有啲點心都賣晒。除咗Classic點心，想推薦糯米包，特別又唔係度度食到。食落有d似糯米飯，煙煙韌韌。炸鮮奶大件抵食，不過當日得貨尾，阿姐好好咁送埋最後一嚿俾我哋，好多謝佢😝舖頭食嘅係懷舊，基本上員工都係d 姨姨叔叔，佢哋都好nice。有時可能講野大聲左d，但可以體驗一下本土風情同埋人情味。會再回頭幫襯🙆🏻‍♀️

今日中午朋友帶我去堅尼地城一家老牌點心餐廳，大概排了十分鐘隊就輪到我們啦～好多街坊在這裏吃～經濟實惠在這裏需要搭臺，小小四方桌竟然可以坐到三隊人馬，香港特色🤭 但是點心是不錯的😌皇牌流沙包朋友推薦，看上去沒什麼特別，但是咬開流沙真的可以流下來，好香滑，仲有鹹蛋黃在流沙內👍🏻炸鮮奶本身不想吃炸物，但隔壁點的炸鮮奶實在太香了，抵不住誘惑🤣 有驚喜 外表酥脆裏面嫩滑 甜甜的 就是太大塊了咖喱金錢肚色澤金黃 咖喱味香濃 金錢肚吸收了咖喱汁的精華 吃起來有嚼勁 街坊推薦🙌🏻北菇棉花雞本餐我的最愛😍，我吃過一些點心中，這個算是很鮮美的了，魚肚吸收了雞肉的肉香以及冬菇的菌香，下次還要點😋豉汁鳳爪粵菜點心必點😍 嫩滑脫骨，醬汁還可以再多少少🤏懷舊糯米包薄薄的蛋皮包裹着糯米、臘腸、花生等餡料，夠懷舊鯪魚球旁邊街坊點了三份鯪魚球，於是我們也試下，大粒厚身實在，Q彈鮮甜，爽口彈牙，麵粉不多😋

簡簡單單的點心食出人情味。呢一間食家其實係飲茶食點心嘅，去過就知道間舖唔算好大，成L形，搭枱搭到嚇死你，不過就係成日要排隊而且好多人Keep住黎支持，佢嘅點心味道係唔差嘅，尤其是佢地係自家製點心，不過味道又唔算好有驚喜嗰種。好似我今日叫了雞絲粉卷、雞扎同埋潮州粉果咁樣，呢3個點心其實都係中規中矩，雞絲粉卷的粉卷皮太厚，雞扎用黃牙白包住而唔係用腐竹黎包兼且唔知點解包埋條蟹柳入去九唔搭八，個潮州粉果算係最正常。但係老老實實，佢D野又真係幾新鮮，仲有見D茶客(應該係街坊但係唔係一齊黎)會互相幫助，連D點心都可以Share嗰吓勁。如果你問我會唔會再黎，會。

人多排隊冇問題，有人打尖冇人理就唔好，食物水準普通偏貴，點心紙上大部分點心欠奉、服務麻麻，只有普通點心及蒸飯，全程都係蝦餃燒賣叉燒包排骨飯，其他腸粉叫左都冇，如果有其他選擇，可以不去也冇所謂°

老點心老地方，四人枱坐六個人二人枱坐四個人，繼續排長龍，遊客路街坊比比皆是，還有像我們遠道而來的本地人，就是喜歡這裏的風味與及人手製作的懷舊點心。今天只點了三個點心，有我最愛的蝦餃，買少見少的懷舊點心臘味糯米包和炸鮮奶，蝦餃皮薄餡靚蝦肉新鮮而且是傳統有筍絲的那款舊蝦餃，糯米包真的好耐冇食過，薄薄的蛋皮配上香香的糯米飯，花生很脆臘味很香。炸鮮奶有點失望，可能不是新鮮出爐，而且粉漿比較厚，幸好入面的鮮奶很滑。

山竹牛肉球 $22- 牛肉球食落幾扎實，有汁有口感，唔錯。香脆炸鮮奶 $22- 大大件炸鮮奶一份有3件，每件都炸到金黃色，外層粉漿唔會太厚，入面好多奶同好滑，外脆內軟，好食。咖喱金錢肚 $25- 好多人叫依個咖哩金錢肚，個咖哩汁整得好濃郁，金錢肚吸晒D咖哩汁，少少辣，煮得幾入味。蟹膏燒賣皇 $28- 燒賣上嘅蝦彈牙，但燒賣肉少少偏硬。

睇咗食評都知道應該環境有啲差 有心理準備係傳統茶樓咁樣點知入到去 杯碟啲油用滾水洗完都仲好油 籠邊起晒污跡 貌似仲有上一種食物殘渣拼檯都預咗 坐唔落都要拼 但上一檯客人嚟嘅骨都仲喺度嘢食方面 點心唔熱 皮厚到黐線最後我連出名既流沙包都無叫 見到好多都係睇大众点评叫嘢食 好多遊客 香港茶客少 一百蚊 舒服坐茶餐廳仲好餐牌上面好多嘢都冇 要自己行出去拎地下油立立到黐線 嘢食都係好普通 普通酒樓都仲好 廿幾蚊個點心起 好多地方都仲做到 唔推薦衛生環境惡劣

走進這家小店，香氣四溢，各種傳統的港式點心讓人垂涎三尺。環境雖說平民，但絕不減食物的美味。首先嚐了一籠蒸得剛好的蝦餃，🥟外皮透明，薄得吱一聲就破，裡頭的蝦則是鮮美彈牙，一口咬下去，鮮甜汁液滿溢，簡直係靚絕。再來的燒賣，粒粒飽滿，點上面嗰粒蟹籽，「真係著數！」豬肉同蝦肉嘅混合口感，啖啖肉感，味道剛剛好。點心推車一來，嗌聲四起，好似返到舊時光。撈起一籃叉燒包，「包到好，賣相精緻」。一口咬開，鬆軟而帶點彈性的皮，咸甜適中的叉燒餡料，真係滿足到唔得了。又點了幾件鹹蛋流沙包，「爆漿流金」，鹹甜兼得，絕不膩口。店員服務態度親切，雖然忙到接近「手忙腳亂」，但都盡力照顧每一位客人。整體嚟講，經歷了一次平民價格但貴族享受嘅美食體驗。下次想嘆港味，我知道邊度搵。🍜💛🎉

一年前去過食，一試難忘，特別係炸鮮奶同金錢肚。所以今個Weekend特登過海入堅尼地城食。之前去食果陣，大陸仲未開關，今次去成條隊有7成都係遊客🫥。不過因為人流去得快，等咗20分鐘就入到去🤭。通常2-3個人都係要同人搭枱，環境就真係坐得唔係幾舒服🤧。開咗茶之後，可以攞張卡出去攞野食🤣，如果有姐姐推車仔攞新鮮出爐嘅點心出去，我地都可以係架點心車到攞野食添🤪。我地第一時間攞咗籠咖哩金錢肚😆，個咖哩汁整得好濃郁，件金錢肚掛哂啲汁，😋仲要煮得好入味。出面好少有咁入味，真係好野味🤤🤤。🔹咖哩金錢肚9/10之後攞咗籠鳳爪，正正常常。🔹鳳爪 6/10聽到有人話炸鮮奶新鮮出爐，即刻去咗攞。一份有3件，每件都炸到金黃色🤩，幾大件。D粉醬唔會好厚，入面好多奶。個奶好滑，又。唔會太甜。因為新鮮出爐嘅關係，唔會成啖油。外脆內軟，好好食😋🔹炸鮮奶等咗好耐，終於等到流沙包出爐。D餡唔會太少，食落去蛋黃味好濃😍，我仲咁啱咬到少少咸蛋黃，超級香🥰。係我食過最香咸蛋黃味嘅流沙包🤩🤩。🔹流沙包最後友人話金錢肚唔夠喉，叫多咗一籠😜😜。❤️好味：8.5/10❤️性價比：6/10❤️環境：2/10

「新興食家」承襲老派茶樓風格全部點心人手製作 半開放式廚房 可以見到點心師傅忙碌咁包緊大大粒蝦餃 餡料真材實料又好食!而且茶樓伙記好有人情味雖然樓面好好好忙但佢哋唔會好惡 有姐姐好好人同我哋分享邊樣點心好食 點心出爐又問我哋要唔要❤️茶樓姐姐會推住新鮮出爐嘅點心車嗰日好幸運坐到廚房附近點心一出爐就食到!!1️⃣ 滑豬潤燒賣 ($23)一齊搭枱食客推薦嘅點心豬潤燒賣依家真係買少見少係傳統懷舊點心之一豬潤大大嚿 滑身爽口豬潤下面係豬肉燒賣足料又好食2️⃣ 皇牌流沙包 ($25)新興食家必食皇牌點心!!!新鮮出爐熱辣辣咬開係流心奶黄餡甜甜地幾好食新鮮出爐一定要同點心姐姐講!唔係就要等第二輪㗎喇3️⃣ 豆苗蝦餃皇 ($27)坐喺廚房附近見到點心司傅馬不停蹄咁包蝦餃忙到連飯都唔得閒食🥹好佩服點心司傅嘅匠人精神❤️蝦餃食材好新鮮蝦餃size好大 名乎其實蝦餃皇🙈皮薄蝦餡香👍🏻👍🏻👍🏻4️⃣鵪鶉蛋燒賣 ($22)好好味嘅手工燒賣個人最中意嘅一道點心之一推薦👍🏻👍🏻5️⃣ 豉汁蒸鳳爪 ($25)豉汁好入味6️⃣ 咖喱金錢肚 ($25)淡淡咖喱味 同爽口金錢肚好夾聽同枱食客分享成籠點心係放滿金錢肚唔會好似連鎖酒樓咁 下面放蘿蔔絲只

呢間新興可以話係日子悠長由後生仔飲早茶到啲上咗年紀嘅老朋友都會去嘅茶樓必嗌嘅緊係流心奶黃包熱辣辣出爐要好小心咁搣開個包 因為一搣開啲流心奶黃係會咇出嚟㗎又濃又滑嘅奶皇好正呀 不是太甜的 不過一個起兩個止始終會有啲滯呀跟住誠意推介炸奶 唔係經常出爐有 睇你同佢有無緣啦每次去要捕住佢新鮮炸好拎出嚟即刻嗌外皮薄薄一層脆皮 咬落去奶味又香濃又滑溜炸奶甜度剛好 新鮮炸好即食呢個炸奶係世一食過攤凍咗嘅炸奶真係會遜色咗 所以睇大家運氣啦🤣今次晏晝去試埋蒸魚配白飯蒸得啱啱好滑魚 咸咸香香都唔錯

堅尼地城其中一間令我念念不忘嘅老字號就係呢一間點心小店，環境係差D，不過經常排長龍就知道佢一D都唔野少。今日1個人去食，一行入去講1個人就竟然係D茶客招乎我埋去搭枱，呢D人情味事件常發生於此，人生數十載可以同枱食飯都係一種緣份。先來個罪惡至極嘅鵪鶉蛋燒賣，D鵪鶉蛋真係有蛋味，D肉夠新鮮。飲茶又點少得蝦餃同燒賣呢？呢度嘅出品勝在自家製，而且味道一D都唔會比嗰D著名大酒樓輸蝕。今日真Lucky竟然食到我的最愛，呢度嘅炸鮮奶一定要揀新鮮熱辣辣炸起嘅，先祈唔好要嗰D已經凍晒放在金屬盤上嗰D，因為個味道真係差太遠。

第一次去食食之前已經睇左食評話環境唔好，有哂心理準備點知入到去完全更衰環境極度惡劣，地下濕笠笠，完全唔認同咩食懷舊就等同要食咁樣既環境一入去未叫茶已經擺低左一壺我冇叫既茶問佢仲要話我冇出聲？黑人問號完全冇服務態度（衰過澳牛）叫左蝦餃、流沙包、炸鮮奶同金錢肚蝦餃皮薄到一拎就爛，咁叫好？流沙包ok,但個籠入面仲有上一手既鳳爪炸鮮奶都冇想像中咁驚為天人好老實 出面其他點心鋪都有呢個水準 什至好過佢要食呢個環境真係不了如果要同區食點心，我寧願食嚐囍

This place was super busy and lining up in Hong Kong's summer heat was not something that we were looking forward to. We would say that the overall experience was average and many of the items that we tried to order were actually sold out (deep fried items) when we visited around 2-3pm. Prepare for a very dirty experience which actually adds to the authentic "Hong Kong" dimsum element as this is most definitely not a clean environment by any means - but that should be expected.The chicken rice a

今次係第二次嚟經過上次嘅經驗之後，今次好清楚呢間食店嘅流程因為今次好近午飯時間嚟，同埋多咗好多遊客，但都只係等咗10分鐘已經可以入座，非常好乖乖地坐低，阿姐就會幫你開茶跟住就啲員工會不定時攞啲啱啱出爐嘅點心出嚟叫賣，你可以睇吓啱唔啱，或者你直接用點心紙點就得咖啦而今次因為太肚餓，所以我選擇咗後者豉汁排骨飯，普通，但係配埋個鳳爪又一流喎豬潤燒賣，有少少薑絲響面嘅三大塊豬潤，好好好好味環境係比較逼同埋人多，不過可能係第二次嚟，有晒心理準備同埋覺得食物嘅味道先係最緊要加上呢個價錢，覺得超合理