影片
港铁柯士甸站 F 出口, 步行约4分钟
继续阅读
电话号码
27304968
营业时间
今日营业
12:00 - 23:45
星期一至日
12:00 - 23:45
公众假期
12:00 - 23:45
公众假期前夕
12:00 - 23:45
以上资料只供参考，请与餐厅确认详情
相关文章
放工去佐敦办事，顺便同老细揾食。朋友极力推荐呢间「新肥泉」，话佢哋嘅小炒够晒镬气，一于去会一会佢！ 🍤 蒜片头抽煎海虾 一上枱就闻到阵阵香气，每只海虾都有手掌心咁大，虾壳煎得金黄脆身。虾肉结实弹牙，头抽嘅咸香恰到好处，唔会盖过虾嘅鲜味。最正系连虾头都有膏，吮埋啲虾汁真系好满足！ 🦪 碧绿炒象拔蚌花枝片 象拔蚌片切得厚薄适中（当然唔系新鲜象拔蚌啦～🤭😅），花枝片雪白爽脆，两样海鲜都炒得刚刚好熟。配菜用咗西兰花，沾满咗海鲜嘅精华，仲保持到翠绿爽口。最欣赏佢哋嘅火候控制，完全冇过火变韧。 🐸 避风塘炒田鸡 田鸡虽然唔系件件都系髀位，但够晒大只，啖啖肉之余仲好嫩滑。避风塘炒法够晒香口，洋葱片、蒜粒同辣椒干爆得脆卜卜，微辣惹味但唔会太刺激，送啤酒一流！ 🐮 豉椒炒牛柏叶（老细至爱） 平时食开豉椒鲜鱿、鹅肠就多，第一次见用牛柏叶咁特别！牛柏叶切得够薄，炒得爽口得嚟完全唔韧，豉椒汁挂得均匀又唔会太咸。老细大赞有惊喜，话下次嚟一定要encore呢味！ 呢度价钱相当亲民，难怪我哋食到一半已经全场爆满。如果想揾间有镬气又抵食嘅大排档，新肥泉绝对系佐敦区嘅隐世好选择！ **温馨提示**：晚市最好7点前到，否则要等位啊～
继续阅读
叫左4样𩠌，5分钟内起镬，大排档师傅真系好劲，小炒起菜快，值得一赞。黑椒薯仔牛柳粒我最中意既一道菜，薯仔好脆，有蜜糖味，牛柳粒够入味，好正宗！而且份量够大，好味虾酱炒通菜虾酱味道浓，菜份量多，有镬气，唔会太多油椒盐九肚鱼炸得非常之酥脆，而里面肉质细嫩，连骨都可以一齐食埋，调味唔会太咸，真系食完一旧仲想再食咸鱼鸡粒炒饭一上菜已经闻到咸香味，师傅炒得好有镬气，饭粒分明，鸡肉依然保持鲜嫩，咸鱼味恰到好处，令人食唔停口
继续阅读
新肥泉，位于佐敦嘅一间大排档，今次叫左四个𩠌😆都几出色，唔错唔错😙海盐香煎雪花和牛粒，外层微焦，入口即化，油脂分布均匀✨ 简单调味已经好好食🫶🏻完全唔需要多余酱汁😙榄菜肉松四季豆🐽 咸香中带微甜，榄菜点缀得啱啱好，唔会抢走四季豆清甜。炒得都几爽口，唔油腻😌😍正！✨咸鱼鸡粒豆腐煲😗食第一啖系超级惹味，豆腐吸晒酱汁精华，滑溜入味🤓😳 鸡粒嫩滑，咸鱼咸香突出，配埋豆腐一齐食，真系想即刻叫返碗「靓仔」黎食下😋当红炸子鸡半只，皮色金黄👻 鸡皮炸得超脆，咬落去有卡滋声，鸡肉依然保持嫩滑多汁，完全唔鞋口🫶🏻，咸香味道啱啱好🐽😌
继续阅读
带外国朋友黎体验香港大排档文化，感受当中风味，位于佐敦官涌熟食中心「新肥泉海鲜大排档」绝对是不容错过的选择。做紧最新$288 任饮任食放题小菜，比想同朋友相聚但又怕OUT BUDGET的朋友仔。基本上叫超过三碟都回晒本。$288 任饮任食小菜同煲仔，限时120 分钟，每转最多叫四碟，要食晒先可以叫下一转，不可浪费。老干妈炒四季豆：是一道非常下饭的家常菜，结合了四季豆的清脆和老干妈豆豉酱的香辣，味道层次丰富。香辣浓郁，老干妈的豆豉、辣椒和香料带来咸鲜微辣的风味，渗透到四季豆中，开胃十足。加埋豆豉酱香，豆豉的发酵香气让整道菜更有深度，比普通清炒更醇厚。够晒镬气，外皮微皱、内里脆嫩，裹著酱汁很入味。 黑椒薯仔牛柳粒：现磨黑胡椒的辛辣味渗透牛肉和土豆，带来微冲的香气，后味略带温暖感。牛肉的嫩滑多汁，牛柳粒通常用蛋白或淀粉腌制，口感软嫩，吸附黑椒酱汁后肉香浓郁。 薯仔香煎或炸至外皮微脆，内里粉糯，表面裹满黑椒汁，咸香中带淀粉的甘甜。 猪润啫啫鸡煲：猪肝的嫩滑、鸡肉的鲜香和浓郁的酱汁，煲仔快速焗煮，让鸡肉和猪肝表面微焦，散发出浓郁的焦香味，猪肝处理得宜、外焦里嫩，略带粉糯口感，无腥味。蚝油、料酒、姜蒜等调和，咸鲜中带微甜，突出粤式酱香风格。仲有洋葱、芹菜、葱段等辅料吸饱酱汁，保留脆度，解腻提香。可爱BB鸽：脆皮乳鸽，肉质细嫩，风味浓郁，肉质细嫩多汁，纤维细腻，尤其是胸肉不柴，带有一点类似牛肉的柔嫩感，比鸡肉更浓郁，略带野味的甘香，皮薄且易入味，尤其是烤制后皮脆肉香。总结：镬气十足小菜朋友聚会一流
继续阅读
有时一班朋友想吹吹水，啤一啤，就会拣香港地道大排档，除咗份量多又抵食之外，仲唔会赶人走可以坐耐d 都唔怕！呢间大排档位于佐敦熟食中心，地铁站行过去都好近，虽然街市入面环境一般，但地方阔落，一围枱都坐得自在。😋 味菜炒牛柏叶 ~ 酸酸咸咸既惹味又开胃，加上牛柏叶够晒爽弹，极力推介！另外仲叫咗沙爹肥牛煲、千岛汁虾球、炸子鸡、咸鱼鸡粒炒饭、银牙豉油王炒面等等，碟碟都够晒镬气，香港本土大排档风味就是如此！唯一有少少挑剔就系个粟米鱼肚鸡粒羹咸咗少少 🙈🙈
继续阅读