新聯威餐廳 (已結業)

本身好鍾意食茶餐廳嘅特餐，因為一嚟價錢相宜，而且份量大，有多士、炒蛋、腸仔、通粉唔同選擇...喺銅鑼灣呢度都搵到間地道啲嘅茶餐廳，雖然個沙嗲牛公仔麵嘅味道 都算唔錯，不過最好食嘅反而係佢嘅炒蛋，好重嘅蛋味，而且好香滑，值得一讚！…查看更多

仲記得好多年前，係尖沙咀返工，公司的外賣食堂就係新聯威，因為佢地會send fax update menu、電話落單後一般都準時送到上黎。呢間茶記都真係幫襯了好多年後來轉工又轉工，有時行過山林道都會諗起佢今日去cwb做野，重遇新聯威！我不肯定係咪同一集團的分店，但情意結就一於一試同同事order了兩個tea set。芝士豬扒撈丁, 雖然芝士唔夠濃但都好食, 豬扒煎得岩岩好,仲𠝹埋俾你, 好細心。見唔到有水吧, 咖啡應該係咖啡機整出黎既，夠晒香滑。另外點了香芋菜脯肉崧飯, 由於同事食素要走肉崧, 芋頭夠多夠香, 份量多, 加埋杯奶茶, 正！…查看更多

逛完SOGO，我哋就去咗新聯威食飯。呢度出名係精選冠軍扒，係大大塊用鐵板上嘅牛扒，真係大件又抵食。三個人之中，就有兩個人叫咗食牛扒，另一個食雙拼燒味飯。樣樣嘢都係五十幾蚊有交易，加多七蚊仲有埋凍飲，喺呢區真係大件夾抵食。【燒腩油雞飯】燒腩、油雞多到要用震撼來形容。燒腩唔肥，又入味，層皮仲係脆卜卜。油雞層皮有少少肥膏，雖然有點邪惡，但食落又好甘香，好難取捨。仲有就係，有好香嘅蔥油，點雞食至啱。兩個牛扒係一個要了瑞士汁，另一個要了黑椒汁。用鐵板上嘅特色就係，當啲汁淋落去塊鐵板時，會引起煙霧迷漫嘅情境。不過，要小心啲汁會彈上身。啲牛扒超大塊，厚得嚟都幾腍，而且牛味濃。以呢個價錢食到，OK 啦。…查看更多

Why is New Win a cha chan teng with  a difference? It serves sizzling  grill plate items after 6 PM. Yes, there may be other cha chan tengs that offer this but oddly this is the only thing people order here.  I am not joking. While waiting for our order, we saw every single dish that came from the kitchen was a sizzling plate.Menu is in English and Chinese.  There is no 10% as it's a cha chan teng. They have several to choose from. We chose the mixed grill ($56). This included a chicken wing, steak, ham, sausages and mixed vegetables. Boyfriend chose the black pepper sauce. And it arrived in sizzling style. Overall, it was ok. The steak at least didn't taste like it was soaked in baking soda. The chicken wing didn't have enough marinade. Cheap in price? I guess so but it didn't include a drink and had to be ordered separately. But I guess for the Causeway Bay area, it is fairly inexpensive in price. But for a better sizzling  grill plate cha chan teng experience, I would rather go to Rose Kitchen in Wanchai. Taste better and cheaper price. And includes a  drink, too. …查看更多

喺銅鑼灣呢啲旺區，閒閒地食餐飯都要成$50先落到樓～更何況要鋸扒呢?咁你就錯喇！喺銅鑼灣鋸個扒分分鐘平過你食碗車仔麵架…渣甸街一間樓上舖茶記只要用$53 就可以鋸到扒～食過幾次，質素仲唔伏架！(當然，如果你食慣A5和牛就唔係咁講啦…)有雞扒、牛扒、雜扒、豬扒、龍脷5款揀，價錢都係$53 – 56。留意返呢個價錢係唔包野飲架，可以加多$9跟凍飲。呢度5款冠軍扒除左龍脷之外Nuts全部都食過，次次嚟都keep到水準。今次就決定食個雜扒，咩都有啲啱晒貪心嘅人。熱辣辣鐵板上枱，「炸」一聲淋上黑椒汁，忍唔住開餐先喇！$56嘅雜扒餐意料之外咁豐富，有牛扒、豬扒、火腿扒、雞全翼、腸仔，仲有薯條同椰菜，夠晒大份！扒類好稔，唔會硬實實咁，配埋濃稠嘅黑椒汁，雖然唔可以話係好好食，但味道都絕對對得住個價錢有突。薯條略嫌稔左啲，但吸收左黑椒汁個味好夾。唔夠飽就可以+$10追加個意粉/白飯，意粉上枱時已經係涼左，建議擺落鐵板熱一熱先食。餐廳唔收加一，扒+凍飲+意粉埋單都係$72，鋸扒嚟講都幾抵食。有時平平地同男女朋友嚟鋸返個扒，其實都幾浪漫呀～唔一定要食貴野既!…查看更多

個餐牌寫住大大碗但係就得個細細碗，員工服務態度又差，句句粗口講埋黎，諗住同個朋友冇乜錢平平哋咁黎呢度食飯點知就要收啲咁嘅氣真係好無辜囉！我哋好聲好氣咁唔該前唔該後你就一句粗口講埋呢我想知呢啲香港今時今日點解會有啲咁嘅服務態度呢？…查看更多

:(今天叫了一個外賣,已經在下單時問清楚收費.店員也重複確認了但到達時價錢不合每一個菜都多收了跟外賣姐姐說明  姐姐表示因為是新店員 不了解價格之後聯絡店舖 他說沒確認任何價格辛苦了外賣員…查看更多

平時大清早落開銅鑼灣必去幫趁食早餐，貪果度地方大，四周都有電視播放晨早新聞！可惜，最近食物水凖急降！要盡量簡單，便點叫了雙拼，鷄旦蕃茄三文治toast底，奶茶！等左成20分鐘仍然不見蹤影，経多次催促才有得食！toast已經凍了，變柴皮，蕃茄只有幾片，炒旦尚可，但莫名奇妙地加了幾塊硬崩崩的椰菜，（不是生菜）完全吾夾的，不好吃！奶茶變了細size, 吾夠喉！下次要另覓早餐好去處了！…查看更多

今日收工突然好想好想好想食切雞飯🐓🐓🐓於是，小弟又再次走入世界級茶餐廳。雖然一心係諗住入黎食切雞飯，但一場黎到，即管睇下個餐牌先囉。睇睇下，小弟有個驚人發現😱😱😱😱😱😱蔥油雞飯$28，我無睇錯係$28🙈🙈🙈落單啦仲睇，再唔叫無嫁喇😂😂😂😂呢個蔥油雞飯雖然價錢平，但都幾足料，有4-5舊雞，仲要係雞腿肉添👅👅👅最正係d蔥油味，好食之餘唔會搶走d雞味正阿👍🏻$28喺銅鑼灣竟然食到個切雞飯，仲想點先☺️…查看更多

平時真係唔會特別去呢D小菜館,不過當日真係太肚餓,所以同朋友諗住醫肚算數.餐廳外面同裡面感覺好唔同,菜色選擇都幾多一班人開飯剛好可以點幾款小菜,老實講我真係估唔到賣相都幾吸引,當中我最推介係伊比利亞叉燒,雖然油光閃閃但一D都唔肥膩,好彈牙又juicy呢個黃金蝦擺盤相當精緻,蛋黃亦炒到好香,D蝦肉都唔會散曬一品葵相當清新,好少見中式菜會咁加南瓜~開餐之前食左呢碟一定好開胃咕嚕肉D肉同菠蘿都幾多,反而無太多我唔鍾意的青椒,所以我食得好開心~雖然大家來呢度都係食快餐或者雜扒餐,但佢地D小菜都好用心製作同高質,重點係唔太油膩,下次再試下其他菜色~…查看更多

叫得世界級茶餐廳就緊係唔少野啦，小弟第一次望到個餐牌嗰時，真係嚇一跳。一間茶記，翅都有得食，唔係掛，仲有黑毛豬，有無搞錯。當然啦，身為平民既我都係食番d平民野。叫左個咖哩班腩飯。由於太好味，食到一半決定要寫個食評表揚下佢，所以賣相上有d扣分。不過唔緊要，最緊要係佢本身賣相ok。咖哩有咖哩味，班腩有班腩咩😂😂認真講，個班腩夠香口，咖哩味濃，正👍🏻👍🏻👍🏻埋單好似係$4x，銅鑼灣黎講算唔貴。真心推介👅…查看更多

尼間茶記系一樓，方便度差少少，但係勝在地方大較容易搵位，價錢算抵食。沙嗲肥牛--肥牛放上麵度然後才淋汁，所以肥牛冇味。麵質麻麻地，唔夠滑，亦唔彈牙。不過，碗麵加條菜就加番dd分。炒蛋腸仔及麵包合格。收銀員多謝冇聲。…查看更多

這間茶餐廳經過無數次，由以前比較噏耷的地舖，直到現在因為租金昂貴而被「迫遷」至樓上舖，都從來未幫襯過；每次晚飯時段經過這裏，總會見到三數人在門口排隊。今日出去銅鑼灣影樓拍家庭照，由於無法預計時間，所以沒有訂位食飯；再次經過這裏，依然有幾個人排隊等位，莫非真的有過人之處？就這樣，那天晚上去了「新聯威餐廳」䦕飯。下面的餐廳照片好似很少人，乃拍攝於第二晚光顧的 1月30號大年初三晚上，一眾香港人不是在各大酒樓與親朋戚友食飯、就是在戲院看電影、甚至正在外地旅遊。最估佢唔到嘅係，茶餐廳都有開放式廚房 ⋯⋯ 更估唔到嘅係，這個開放式廚房實在太過簡陋，仍然維持茶餐廳的水吧格局，一眾廚房員工又可以在廚房的缺口出出入入，客人也可以從這個缺口清楚看見廚房內的混亂擠迫情況，甚至乎是比較污糟的地面。與其這樣，倒不如保持傳統茶餐廳的封閉式廚房與開放式水吧的分隔格局。坐低看看餐牌，竟然有一大疊，跟住又發現一樣完全意料之外嘅事，茶餐廳例牌必有嘅炒粉麵飯、中式小炒套餐、甚至鐵板扒餐固然唔會少；竟然仲有極黑豚肉眼 / 安格斯牛柳、蛇羹、大閘蟹（但係好似已經過晒食蟹季節？） ⋯⋯驚喜陸續有來，還有西班牙伊比利亞豬叉燒！採用新鮮火龍果及菠蘿、25年陳西班牙黑醋、伊比利亞豬梅肉炮製的咕嚕肉！第一晚光顧本來想要兩個中式小炒套餐，但白飯、例湯、飲品竟然全部要另外加錢；正在猶豫之間，唔覺意又發現了有一款超特價蔥油貴妃雞飯（$28），包飲品。所以很聰明地叫多兩個中式小菜，但只揀一款轉套餐：白飯加 $9、凍飲加 $9。蔥油雞飯相當大碟，足夠一個成年人份量。講到賣相，只是一般而已；雞肉雖然有少少雞味，但鮮味欠奉，雞肉也不夠嫰滑。再想深一層，只需 $28 有一大碟雞飯、又有杯飲品，味道又未至於難食，仲唔滿足？椒鹽焗豬扒（$56）是典型的茶餐廳質素，肥腻、太過濕身、唔夠香口，油炸的火喉控制不佳；唯獨總算有少少椒鹽味。XO醬野菌爆牛肉（$60）味道好一點，但同樣擺脱不了茶餐廳小炒多油、肥腻的毛病，作為鑊氣小炒，也不夠乾身。XO醬些微香辣，味道是對辦了，但卻欠缺材料，江瑤柱、蝦米、金華火腿茸的份量既不多、也不明顯。野菌不夠爽口；牛肉雖然軟腍，但欠缺彈性，也缺乏牛肉味，實在落了太多鬆肉粉醃牛肉，幸好未至於完全沒有牛味或肉質過霉。是晚餐飲凍檸茶、凍奶茶各一杯，味道中規中矩。第二晚光顧大年初三，睇完戲，想起這裏的抵食港式鐵板扒餐及西班牙伊比利亞豬叉燒，決定再度幫襯。美國極黑豚肉眼餐（$138）（餐湯、飲品、麵包全包）。羅宋湯算相當足料，有很多蔬菜；但都是那個茶餐廳的老問題，很油膩。三大件豬扒，一個人食晒真的有點吃不消。極黑豚的味道真的不錯，豚內的質素拍得住外邊的高級餐廳；當然，炮製手法就真的是有點不行，尤其是那些墊底的急凍波浪形粗薯條、及有點似漿糊的港式黑椒汁 ⋯⋯ 但這些卻是港式鐵板扒餐的特色。黑椒汁澳洲牛扒（$52）（餐湯、飲品、麵包全部欠奉）更加是超級大件，表面同樣有一大團濃稠的黑椒汁。切開牛扒，居然也煎到七成熟；以這個價錢而論，牛扒的味道已算合格，而且實在非常抵食。比較起鐵板扒餐以及前兩日食過的中式小炒，乾炒牛肉意粉的質素就真的不成了。意粉的老抽色唔夠、油淋淋、唔夠乾身不特止，甚至清楚見到碟底有點豉油汁。意粉因為濕身，食落去也偏腍、唔夠香口，總之就唔似係「乾炒」。今餐的重點西班牙伊比利亞叉燒煎雙蛋飯（$108）。買相睇落去真係唔係好掂，四件超厚切叉燒、一條芥蘭、兩隻太陽蛋，與普通茶餐廳或者燒臘枱的叉燒飯真係沒有什麼分別。值得一讚的是那兩隻太陽蛋真的煎得很工整，蛋白、蛋黃分明，蛋黃又非常完整，比起很多經常煎穿了雞蛋黃變成熟蛋的茶餐廳好很多。叉燒只是從一大條切幾塊出來，表面又欠缺了一層反光的蜜汁，不夠吸引；而且見不到任何脂肪，開始有點擔心會否肉質粗糙、乾硬。夾起一件叉燒，就更加只見到瘦肉，完全沒有脂肪。咬一啖叉燒細味咀嚼之後，竟然出人意表；肉質非常鬆軟、充滿肉汁，完全沒有渣滓；莫非西班牙伊比利亞豬真的這樣神奇？明明外表是一件唔係好掂嘅叉燒，竟然有如此鬆軟的肉質兼充滿鮮味 ⋯⋯ 只可惜叉燒的烹調技巧及醃料就唔係太夠班，影響了這一碟叉燒飯的質素。在短短五天內幫襯這間茶餐廳兩次，餐牌上的各類型出品部差不多試過，味道只能夠叫做合格；但以銅鑼灣區來説，價錢算做合理，加上食物選擇多元化，難怪會有相當多人選擇在這裏開餐。…查看更多

Good morning breakfast with brother Who has introduced me to the Cha Chan tien I just like some vegetables 🥒 Choose a 22$🥒☕️😂🍅tomato sandwich In USA we ate a lot of the red fresh fruits But here we seldom have vegetables meal Because food is delicious and inexpensive I always have pork chop in h k yet for 22$A breakfast With Cha Chan tien milk tea ☕️ The cost is ok for me brother has a great taste of break A bowl plate of ham soup noodles He finished with out a piece of meat love the Chinese choice and the price …查看更多

銅鑼灣難得的平價鐵板餐！二人都點了最出名的冠軍雜扒餐！雜扒上檯時熱辣辣，淋上滿滿的黑椒汁炸炸聲真係好香～雜扒餐好豐富足料，有豬排，牛排，厚火腿，炸雞翼，腸仔同炸薯條，未食已經好興奮！一次過滿足哂貪心之人的願望！薯條吸哂黑椒汁好惹味！難得豬排爽脆，牛排無筋，反而火腿比較普通好似無煎過。我地都留返最期特的炸雞全翼慢慢品嚐！加埋咸檸7都好似唔使$70一個人，性價比相當高之選！…查看更多