影片
以上资料只供参考，请与餐厅确认详情
招牌菜
这素菜馆味道未到非常好! 但胜在有Sandy 姐(老板娘).....太子店时仍未认识佢, 但到深水埗开分店后开始认识到她.在深水埗店通常喜欢外卖点心及斋卤味, 因为做得不错!如果堂食我一家选自选晚饭套餐(二人量), 2个汤, 2款自选小菜及1款自选饭面. 呢晚, 眼阔肚窄, 但由于真系好钟意呢度斋卤味, 尤其咖哩, 够晒浓味, 所以再加单!好喜欢这例汤(任何款式), 因为每次都好足料, 虽然无肉煲, 无味精, 但好够味道但同时汤底亦好清!素叉烧口感像真度都系有八成似"真瘦叉", 反观乳猪较逊色, 因为太干令到整体较硬, 变得有点尴尬, 达不到乳猪的香脆同时又没有应有的肉汁感觉.一款将素肉包著金菇炸的菜式, 类似金菇肥牛, 味道很香口, 但因为炸的关系, 令金菇尽吸油, 但胜在有酸汁混和, 变得中和了这油腻感觉!唔知什么原因, 蒸后出了很多水, 再加上因为材料上没有什么较抢味, 再加上出水关系, 味道变得淡口, 所以就有点失望!这里菜式款式多, 但略嫌比较油份重, 但整体质素都属中上, 再加上老板及老板娘为客人殷勤款待, 感觉亲切, 真的加了不少分!
继续阅读
星期五放工后约了好友吃饭，我俩的中心点刚好是太子，一周的大吃大喝之后想来点清淡的，逐胆粗粗向好友提出不如来这家店食斋，不料她一口答应！这家店是在地库，一进去的感觉像一家老茶楼，大部分都是上了年纪的食客。前菜是花生，入口爽脆，而且带咸香，十分开胃！招牌菜斋叉烧，味道像真度极高，口感烟韧，可是觉得太油腻，吃不了全碟。粟米粥，清甜可口，份量足够三个人吃。红烧豆腐扒时蔬，家常菜的味道。这晚跟好友谈谈近况，天南地北，无所不谈，尤其谈到大家工作已数年，但都开始对前程感到有点迷茫，不太清楚下一步应该怎样走，能有一知己互吐心声，甚是畅快。唯一美中不足的是一开始邻座的食客扯破喉咙的在争埋单，扰攘了好一阵子，非常刺耳，多次打断了我们的对话。吃饭过后，大家互勉一番，约定定期的见面也要食斋。希望大家下次再见面时大家已在目标清晰的路途上进发！
继续阅读
小弟平时上openrice 都系睇既多写既少最多都系update去自己个blog度今次点解要写? 因为真系一肚火本身都几钟意食素闲时同家人去品尝下素菜都系一种享受由油尖旺到大屿山素食店自问都食得七七八八边间好边间差心里一早有分数我住旺角, 新聚宝近我都食过5,6 次但经过今次我同自己讲我一定唔会再去因为睇住佢越做越差香港做食店, 食物首要, 服务其次你服务差我无理由再去帮衬你再者食物有比较, 你无过人之处更加唔洗讲~入正题~今次同女友一早订位, 所以唔洗等坐低睇左阵决定叫个二人餐 $228 两𩠌两汤包甜品1.例汤 *22. 咕噜腿球3. 荷叶饭4.镇江骨𩠌超快上枱...本来系好事...但d 𩠌唔热的除左碗汤做热镇江骨一个字~ 淡, 最惨真系无汁,垫底果d 西兰花真系干哽咕噜腿球...又系无味, 口感还算合格荷叶饭都算有荷叶味....不过又系淡你可能会话我? 食斋紧系淡架啦如果你系咁话我你一定系食得斋少兼见识少 !! 斋唔一定系淡 ! 还可以比肉好食灵隐寺d 斋已经好佢十倍食物都算啦...都放晒落肚了饱到死食埋个糖水糖水(渣咋)系好食的 !! 由坐低同放低碗糖水都系半个钟多少少食紧糖水阿姐已经叫我埋单...都算一放低碗连我杯茶都收埋.......想清下口都唔得七点半系食饭时间我都明岩岩食饱俾我休息下都得卦? 我又唔系赖死唔走, 多坐五分钟松下裤头都卦..你咁样赶我走我非常反感 ! 找钱我都费时拿...留返俾你老人家最后几年用或者你唔care 我呢个客我又唔care你呢间野做唔做到不过我同你讲做食店唔系笑笑口就可以留到客系你做每样事在客人眼中都会好在意用心做好服务, 做好每道菜 口碑自然来我份人好均真, 你做得好我一定赞, 做得衰一定大把意见缘份有始有终....新聚宝 byebyep.s 用餐途中厨房突然传来4,5声好大声的"乞痴声" 好恐怖.... o系食店遇见呢d 情况我第一次见...
继续阅读
又系隔一段时间就揾阿舅母食饭嘅日子，见见面闲话家常，舅母对食无乜要求，唯一系要食斋，佢系信佛之人，杀生故然唔会，连五辛都唔掂，所以唔系间间素食馆都得，稳阵嘅梗系揾番斋菜馆。之前都试过常悦素食、六榕仙馆、三德、功德林几间，都甚有水准，但小弟贪心想试试其他，唔想翻兜，所以，依次就选中新聚宝，一来晌太子又近地铁，交通方便，其次食评对店舖评价都唔错，好几篇更系值得参考。店子晌地库，才7:00pm，一入内估唔到都几旺，入面嘅位已经坐满晒，系得番近门口一列枱，不过坐落无耐，𩠌菜都未点，都坐满埋。环境属于老派旧式斋铺格局，平实朴素。枱上一个散叫用嘅大菜谱，另一个细嘅系套餐餐牌，翻开内容简单易明，一整页都系多款「自选晚饭套餐」，ABC餐系由2位到6位用嘅，价钱由$168去到$468，包招牌靓汤，精选小菜同粉面饭；另外DEFG餐系一围围嘅素宴，8-12位用，特价由$888至$2,080，不过拣半席都得，价钱就一半多少少。跟住就一页一页咁，罗列晒套餐可拣嘅小菜同粉面饭，天天新款招牌靓汤，再加多页就系大厨嘅6款推介。 我哋4个人，咁就简单啦，就B餐（4位用），招牌靓汤例窝，精选小菜自选4款，粉面饭就自选1款，仲送埋糖水，份量都唔细添，真系点止4个人丫，5、6个人都够食呀！个餐要$338，好似$5位茶钱，$10碟花生，加埋一，四旧水落楼，食到饱饱。未讲食，先讲人，一众侍应唔系后生细仔，都系中年人士，但手脚之快真系唔可以睇少，因为上菜速度超快，落好单无耐，澎澎声就上晒啲嘢，除咗糖水之外。金粟海底椰汤招牌靓汤虽然日日唔同款，但系指定嘅，无得拣，好似今日系星期六，就系金粟海底椰汤。话叫例窝，其实好多，滔完第一轮，仲有成半兜汤可以再添。始终系素菜，无肉无骨，味道难免稍为清啲，但感觉几润。桂花炒素翅素翅几好口感，真翅一样，色泽金光晶莹，桂花就系炒蛋白粒，内里仲夹杂咗素火腿、银芽，食落几爽口。就算唔点醋，都OK㖞！三菇浸时蔬唔系浸时蔬㖞，变咗蚝油炒。依期时蔬系白菜仔，而三菇分别有草菇、磨菇、鸡脾菇，虽然系素蚝油，都几香，而且啲菇菌几鲜甜。五柳炸仙斑斋菜中嘅经典菜式，仙斑做得好有睇头，大大条。「鱼皮」炸得松脆甘香，又唔算厚粉，而里面嘅芋头蓉粉香软糯，蘸点五柳酸汁，中和一吓油腻感之余，食落更醒胃。竹笙鼎湖素好清淡嘅传统素菜，材料落得几足，有竹笙、冬菇、草菇、蘑菇、珍珠笋、木耳、银耳、发菜，炒埋一大碟，味道较为淡口。据知依个素菜源于肇庆鼎湖山，做法大概以多种素材，煮好依序排列成整成12层包山形上碟，所以取名叫鼎湖素。虽然今日依碟就未有包山咁嘅形，但份量够晒多。海鲜荷叶饭扮海鲜嘅成员有「虾」同「蟹柳」，再加埋杂菜、素火腿炒香个饭，再以荷叶包裹焗一焗，奈何，无乜荷叶香，而且饭粒炒得太干身，认真麻麻哋，只系够大份。渣喳糖水系送嘅，似西米红豆沙多过系渣喳，味道本身已经普通，最弊系少少煲㶶，虽然好轻微，都入到口嘅，只系感觉差咗少少啫。同舅母闲话家常又一晚，唔知几时再约食下餐。老人家都呻咗好多屋企嘅难处，同仔女相处嘅问题，表面以为佢哋一家几好，真系家家有本难念的经，希望佢哋一家平平安安，心宁安好啦！
继续阅读
原来吃斋都可以这么美味, 而且选择这那多, 味道与卖相跟模仿的原装𩠌菜像真度逹八成或以上, 真不简单!传统斋舖必备, 味道很好, 很入味, 令人开胃的头盘!炸得香脆, 味道不错, 质感虽不像真鹅, 但美味以足够补偿!超脆的仿乳猪皮, 近真乳猪的肉及那层肥羔的质地, 入口感觉亦相似! 叉烧烧得干身及脆, 差点忘了这不是真叉烧呢!不知如何弄出来的牛肉, 竟然可以这么美味及与肥肉质地相似, 十分惊喜, 整个煲热䲢䲢, 很香很美味喔!像真九成的口感, 卖相当然能以假乱真! 感觉真的像在咀嚼一块肉块, 想不到吃斋也不一定是清淡的呢!眼见差不多每枱都点的炒饭, 必定要试吧, 果然没令人失望, 一是炒得够镬气, 非常香, 二是味道真的很好, 不知那些火腿物体究竟是由什么造山来的, 几可乱真呀!!!是次真的是很满意的一顿, 事关𩠌菜真的美味, 令人有不在吃素的感觉真不易, 赞! 服务更相当好, 大家都很亨受店员的热情招待啊!
继续阅读