新紅山泰國菜館 (已搬遷) 新店位置

已經食過好多次既一間泰國私房菜, 亦都係最鍾意既泰國菜, 佢既蒜蓉包同埋生蝦, 冇其他餐廳可以同佢比, 老闆娘係泰國人黎, 難怪D野咁好食~!不過唯一要彈一彈既係, 多人既時候, 餐廳真係會好嘈好嘈, 因為餐廳真係有點細, 不過有好食既泰菜就抵返!

壽星女極愛吃泰國菜, 很多出名的泰國菜餐廳幾乎都試過了, 唯有捐窿捐喇揾新野食, 今次找來新開位於荃灣的泰國私房菜 ~新紅山泰國菜館, 一心以為私房菜一定係寧靜舒適, 食物有返咁上下水準, 點知.....私房菜位於住宅樓宇的二樓, 大門深鎖, 初時以為是冒牌經營, 原來佢哋係持牌食店, 但點解咁神秘呢…..又？一入到食店便知何解, 可能樓底低之故, 食檯又排得密密麻麻的, 可以用嘈到拆天來形容, 我坐嘅位置係路口位, 食客出入成日撞到我, 餐飯食得真不爽炸蝦餅 (送的小食)香脆可口, 炸得乾身不油膩。蒜蓉包 ($30)麵包好鬆軟, 蒜蓉都算香, 但可以再放多一點。泰式鳳爪 ($68)夠酸夠辣, 醬汁做得幾惹味, 好食。生蝦 ($98) 夠新鮮, 夠大隻, 也鮮甜, 略嫌蝦肉唔夠爽脆, 配泰式酸辣醬汁, 酸辣清新。明爐烏頭 ($128)剛上檯食好清淡, 烏頭無乜味, 泰式香茅、辣椒、芫茜及青檸等香草, 越滾越出味, 酸酸辣辣胃口大開, 烏頭也越食越好味, 最後連個湯底都飲左一半。馬拉盞炒芥蘭沙爹串燒(牛/猪/雞各4串) $120 雞肉最嫩滑, 牛豬比較嚡口, 沙爹醬唔夠香, 又少了花生碎

朋友介紹左呢間泰國菜，唔係佢介紹真係唔識黎！入面坐得唔算多人，都係得7-8枱左右，因為係星期五晚，比較旺，我地都預先book左位，同留定一份生蝦刺身原來椰青都要預早留架，但本身唔知，最後試唔到。有啲失望既係佢上菜速度非常慢，我地8點入座，叫左少少野先，但佢9點先開始上菜呢個蝦片係送既，都幾脆同香蝦味，幾好食！今晚天氣凍，叫左個冬蔭公湯暖下胃，但係麻麻地，味道偏淡，唔夠酸+辣。生蝦黎喇！好大隻，好爽口，真係值得推介！個醬好夠辣，好好味，除左點蝦，我地仲用黎撈生菜包食，都好惹味叫左雞同豬串燒，個沙爹汁好好味！值得推介既係蒜蓉包超好味！必食！我地都忍唔住翻叫！！叫左個咖哩雞，諗住點包食，但太遲黎，只可以就咁食，不過呢個幾失望，冇乜味炒金邊好多芽菜，唔中意既人記得要走芽～味道同出面差不多，冇咩特別。生菜包我好中意～～都幾重青檸味，夠濃味，包埋菜食中和返岩岩好，再加少少生蝦醬成件事仲正！芒果沙冰冇咩味，好淡，有啲失望。另外都有叫青檸梳打同珍多冰，都係一般，可惜試唔到佢個椰青～臨尾佢會送個椰汁糕（其實係用椰青整，同出面果啲唔同）都幾好食！真係有椰子肉係入面，感覺有啲桂花糕咁，幾清新另外都叫左炒通菜

食過n咁次都要再食。咁你地明啦！間野好有私房菜feel，老闆係香港人，老闆娘係泰人。夫婦都己nice!我地食到最尾都冇趕我地，仲叫我地慢慢坐！👍今次一行8人，可以嗌勁多野食，巧開！但留意喔，依到冇menu咖，想食乜就自己嗌，基本泰菜都有咖！最中意佢個生蝦，大隻又爽，勁想encore,不過要留肚食其他野。另外仲嗌左明爐魚，生菜包，蒜蓉包，金邊粉，炒通菜，炒飯，串燒(雞 豬)。。咁上下。掛住食都冇影到相，下次再食一定影返比大家睇！必食嘅有生菜包，多酸又開胃，生菜亦好爽！蒜蓉包切條上，同出面食開嘅形狀唔同，似係自制嘅，正！金邊粉。。本人好討厭芽菜，所以冇試到，朋友就話不過不失！泰式炒通菜，今次食落有小小喊，但之前一路都好好咖。明爐魚，我就有小小失望，醬汁幾好果，但魚肉蒸得太耐，唔夠滑。炒飯加單叫嘅，本人亦無試到，飽飽啦！串燒我like爆！不過一切要熱食，凍左食左串豬，即刻係兩樣野！飲品方面，芒果沙冰，好飲，中意佢啲沙冰磨得夠smooth，又唔太甜。另外朋友就叫左椰青，真係泰國街邊即開嘅椰青，朋友話不錯！期待下次再去！

食過一之後便時不時會黎呢間食，生蝦刺身每次來都必食，虎蝦大大隻又新鮮，好正❤️雖然沒餐牌，熟客黎開都知道點落單，飯後甜品椰汁糕好清甜，幾飽都會食得落😋老闆娘好好招呼，態度好👍🏻

5個人食，4道菜食得好飽我都係成日幫襯個個。d野又真係好食。樓上鋪，好有住家味。記得要提早book位。今日等左半個鍾有位都算快。咖喱蟹要268。有小小貴。但還是值得推薦。叫埋蒜蓉點咖喱蟹超好味。贊贊贊鳳爪沙律意外好吃。椰青 26一個。都值得推薦。菠蘿炒飯也是不錯。但點了咖喱蟹，最好係點白飯。還有點了一個豬頸肉就麻麻。其他都好好味。贊贊贊。還是會經常來。適合多d朋友一起來食。抵d。

去食太座喜歡食的泰菜, 在試過的舖中, 荃灣區沒有什麼特別好的泰菜館, 見到這店未試過, 抱著孤且一試的心態去試一次上到去見環境好住家式, 心想不會有驚喜, 但坐下時見其中一些檯椅頗有特式, 坐下後先點了生蝦刺身, 沙嗲和泰式翅生蝦刺身, 蝦夠大隻, 夠新鮮,入口彈牙, 好!沙嗲半打已可包括牛.雞.豬各兩串, 沙嗲燒得很到火喉, 外香內淋, 肉汁豐富, 但略嫌沙嗲醬偏甜泰式翅內用仿翅 [$78一客算係咁喇] 但加入真蟹肉,肉絲和冬菰等, 入囗像真度達九成, 湯底不會過糊又夠味, 清甜.之後加了原條烏頭起肉炸好配上青咖喱的咖喱魚及蒜蓉包, 蒜蓉包夠大件,但蒜味不夠, 只是一般; 反而咖喱魚這店用上原條烏頭魚拆肉再炸, 使魚肉入囗夠脆, 夠香口之餘魚肉又嫩滑, 配青咖喱更令人食慾大增, 只是有些魚背位置有骨不能全起, 如可改善就更佳不能不提的是這店送的小食炸蝦片, 剛剛炸好送上來, 香脆可囗, 美味之極

新红山整體由服務到食品都有一定水準!遺獨是地址難找一点說回正題!我点左幾樣菜,試他一試!1 )青咖哩雞 2)冬蔭公(小) 3)鲜蟹木瓜沙拉 4)蒜蓉包 5)炸蝦餅 6)鮮芒果糯米飯青咖哩雞...青咖哩,咖哩中我个人認為最正!農,香,色,味!樣樣都可接受!可一讚!冬蔭公....绝对正统!自己試鲜蟹木瓜沙拉....好正宗!但不是人人接受到隻蟹蒜蓉包....配青咖哩一绝!炸蝦餅.....最平凡!但低食有八件!鮮芒果糯米飯....依个唔試真係晤知咁掂!糯米飯由椰子汁加調味煮成上碟時再配椰醬,味道一流!食得出用心煮!講太多都無用!自己試下啦!(依个價錢,绝对合埋)