新疆回族薄餅店 (已結業)

前幾個月在電視上見到有d推介這間店,一直很想試試,可惜沒機會,前幾天終於去試了!!點了一件牛肉薄餅,果然好味啊!!有少少辣,牛肉份量剛好,可惜薄餅是一早做好的,如果是即做的相信更好味。

想食咖哩，甘岩又起附近，所以黎試呢間。兩個人食0左咖哩雞餐+soft drink（$30）- 少少辣，不過都ok接受到。唔似港式咖哩甘淨係得D辣油浮洒上面。呢度D咖哩唔係太香，得個辣字。但係又唔知點解D薯仔同D雞就好有咖哩味0咼？通常食咖哩既主個唔係個肉係D薯仔，但係佢地做呢兩樣野都做得好好。薯仔唔會爛洒，散洒，都冇話令到D咖哩漿洒。D雞炆得好稔但唔會un , 又冇overcook, 得!Softdrink –起雪櫃比我但係都會唔凍既.如果係好凍既話黎送辣辣地既咖哩好正好多印度薄餅($7)–唔係即叫即做，只有少少暖暖地。因為做定所以有少少un左少少.如果係即叫即做即食會好好多。難得係唔油，幾好甘囉!D印度人好nice, 環境差D囉。坐起到好熱冇冷氣，又有好多人行黎行去，睇住我地食0野囉

早前曾經行過這間薄餅店，對它興趣濃厚。週日既來到登打士街，又有胃納，當然不會錯過來試試!　叫了羊肉薄餅，只售$10一份，味道卻令人驚喜：薄餅做得又薄又鬆化，油分不多，加上香口的羊肉碎，十分好吃!　幾位新疆人(還是印度人呢?分不到...)又幾nice，我想過買多幾件返屋企，不過考慮薄餅需新鮮即製才好吃，算數，等下次再幫襯吧~　大家經過的話，記得一試!

羊肉薄餅$10正正方方的, 好熱好大件! 雖然唔似平時d油酥餅咁酥脆, 但都好香軟煙.料好足, 羊肉味唔濃, 咖哩味就好重, 薯仔又多, 最鍾意就係呢d香料味咖哩, 好正.一件夠一個lunch, 好滿足!

近期突然間好想食curry, 繼係中環咖喱屋食一次之後未夠喉, 今次旺角掃街再食,雖說係回族, 但廚師係印度人o黎ge, 感覺好似好正宗gum.叫o左羊肉薄餅, 比中環o個個好好多, 熱辣辣得o黎又香軟, 食唔出係羊肉, 似係肉碎多d, 都有咖喱香味, $10一大塊, 好飽肚. 但都唔係話好特別.見menu有咖喱羊肉係$30, 覺得好奇怪, 對面o個個就真係叫o左, 原來係好似餐廳gum, 一舊舊肉, 可以跟薄餅,好似好得gum, 應該會好正宗. 一定會再去食.同埋d印度人都ok, 可以communicate到ar, 同埋好好口咁, 靚女前, 靚女後.我建議掃街人士可以兩個人share咁可以食多d其他o野

我點了吞拿魚薄餅，微辣加上香料，既足料味道又好！奶茶香濃令人回味，未喝已經聞到茶香。買完搭車回家吃，味道還是很好，真想搭車回去再買。但朋友點了炒飯，連我們平日都愛吃辣都覺得過辣，吃了一半就吃不下去，本身味道是不錯的。

任何東西都由基礎開始...所以要了一個Plain Paratha $7拿上手還是暖暖的..口感鬆軟...唯美中不足的...就是那使人煩厭的滂沱大雨...

今天在yahoo 看到一個標題名為'充滿活力的回族薄餅', 心裡就想到'喀什米爾咖喱屋', 哈, click 進去一看, 果然如此.ref. link:http://hk.where.yahoo.com/a/article.html?id=125很久以前就對這家店子的招牌感到很迷惘, 回族vs喀什米爾, 究竟在賣哪種食品, 至此我還未搞清.我在這兒吃過的是薄餅, 記憶中是沒有豬肉口味的, 十元一份. 始終是異國風情, 薄餅的質地頗油, 要吃是需要有覺悟的. 此外, 薄餅的構造和蔥油餅不同, 建議先摺一下才吃, 散開的機會就可以減少. 個人覺得薄餅很好吃, 叫兩份的話, 可當作一餐.'沙漠沙'是另一種值得推薦的食物, 看起來有就像炸糉, 餡料是咖喱薯蓉之類的東西.口渴的話可以叫一杯奶茶(拉茶?!). 雖然吶, 都是用微波爐叮熱的, 甚至只會給你大半杯茶, 但這家店的奶茶比深水步那家更有風味. 後者賣的很像港式奶茶...這店子, 以及深水步店都有一個共通點, 就是熱情, 語言不通和鄉里生意. 也許一時語言不通會令你生氣, 不過誠意搭救, 忍一忍吧, 最好想好了才落單, 別轉來轉去, 他們會

老遠行去食．．．．點知叫左個牛肉薄餅．好油．Ｄ　肉好粉好碎．．．．跌到一地都係．．．最攪笑係食到一口都係．．．．．我都係食格離中國野好D 喇。

路過試了牛肉Paratha ($10) --- 店員入紙袋後拿入microwave oven 叮左陣，食時微暖，但感覺唔夠新鮮。皮軟，咖喱味可以、辣辣地，但餡就... 無乜，食唔出有牛肉味，係得d辣ge感覺，好似食緊咖喱薄餅je

店名為新韁回族,實情或喀什米爾咖喱屋,門面全部人為亞Singh.新疆同喀什米爾,完全是兩碼子的事情.後者的話,那就印度加巴基斯坦了,這個屬於印度北部的地方,長年成為兩國之磨心,衝突無日無之.言歸正轉,位於香港旺角的廣華街一角,絕對不會有什麼暴力事件,可以安心賣餅.$10一塊的帕拉塔"Paratha",有薯仔,牛肉,羊肉,雞肉,魚肉等等.沒有豬肉是正常.餅皮拉得薄透,皮身偏軟,要個雞肉餡,咖喱味幾刺激,但又未去到特別辣.香口有餘,辣度不足.如果在旺角吃厭街邊小吃的話,行遠少少,可以感受一下"異國"風情.如果店內播著Kula Shaker,更加入型入格.邊吃著雞肉薄餅,路過好景,"四樓有四級"的阿叔不見了,這個其中一個"地道"香港文化icon,沒有他,整個好景,頓時失色不少....

好香香料味，食落味道濃郁，有輕微咖喱辣，最適合鍾意食咖喱但係又怕辣之食客門。

(30/10/06)本身好鍾意食印度煎薄餅,行過見到"香蕉",竟然有香蕉餡薄餅?薄餅皮好軟熟,香蕉又多,賣十蚊,算抵食!下次要試埋薯仔餡先!

放工時見對面開間新舖於是試下.呢度中文店名雖然是"新疆",但英文店名則是"喀什米爾"!而所有店員均是印度人!! 呢度食物其實多數係印度,種類很多,主要賣muslim及halal食品.叫個牛肉Paratha(薄餅),雖然不是即叫即整,但是熱辣辣.份量不少,食起來與在curry-in-a-hurry的paratha不同.呢度薄餅加蛋,食起來很香,雖然牛肉不多,但香料很多,食起來又香又辣,!以10蚊價錢來講十分抵食.下次會試下其他食!