新照記茶餐小食店

营业中

休息中

D魚蛋真係好大粒, 一串2粒, $7.00, 都幾貴唔係太彈牙, 偏咸左D馬豆糕 $4.00一件, 椰汁味夠, 甜味適中, 馬豆夠多但唔夠"林" , D糕比較"削"唔夠實淨

第一次見到咁大粒魚蛋 又幾得意wor大粒魚蛋: 我咬左4,5啖先食得哂味道方面...覺得一般...林林地咁...未算彈牙我比ok...一試無妨

大約三點幾去到，當下午茶小吃因假期關係，超多人GF 想食茶果，另外再買左一些糕點，茶果都 OK糕點呢，種類好多亦有唔少特別野，而且賣得好快亦經常有唔同既出爐要大家睇運氣，例如我地買時未有芝麻味，食完就剛出爐糕點買左「奶黃味」、「椰汁西米」、「馬豆」奶黃味 OK，我本身鍾意食奶黃包椰汁西米，食唔到椰汁味，唔掂....馬豆，冇乜特別味道另外仲有大大粒魚蛋，賣點只限大大粒，食落去都 OK 既

今日趁假期行咗轉, 食咗隔離檔個薯塔同冰菓胡蘆, 就食呢下呢間出名既糕點. 試唔到南瓜糕, 因為要攤涼, 老婆聞到芋頭糕幾香要試下, 因為都仲熱辣辣, 軟身d, 但係真係好濃芋頭香, 又夠滑, 又唔係好甜, 正! 我就諗住買芝蔴糕, 但佢只有芝蔴紅豆, 即管又試下, 糕凍咗感覺差咗少少, 而糕身唔多夠滑, 但紅豆夠多, 而且稔身得黎又唔爛, 算ok啦.

去到第2個有意思的食店就係新照記, 因為呢度有好多野食. 有各款不同糕點, 有砵仔糕, 紅豆糕, 芝麻糕, 馬蹄糕..... 大概3-4玩/件. 多款式, 亦係長洲糕點店多人幫襯之一! 而另外此店豆花跟炸魚條亦都係必試之選, 價錢都係4 , 5 塊港幣就可以. 而味道亦可以!

上星期同肥豬去左長洲食.食.食行行下黎左呢到我地買左3粒糯米池.有奶皇味.花生同芝麻仲買左1串魚蛋.肥豬食奶皇我食花生食左1啖之後.我地兩個都覺得好好味佢D皮好薄.又唔會痴牙.D料仲要多到1咬就爆曬出黎之後我地SHARE個芝麻.呢個就麻麻地姐.不過都好足料串魚蛋都好好味呀.1粒要食幾啖先食得曬好有咬口.真係好好味!之後我地周圍行.行下行下又行返黎呢到我地又買左3粒糯米池.今次食左2粒花生.1粒奶皇再買多串魚蛋.D糯米池食到我上左癮食完晚飯仲有3個字就有船.肥豬問我有冇野想買.我1諗就諗起D糯米池喇.我地即刻跑去買都係買2個花生.1個奶皇.個嬸嬸好好人話送多兩個俾我地我地原本諗住花生奶皇各自要多1個但嬸嬸話淨返個D花生俾風吹到實曬唔好食咁唯有要多個奶皇喇.我地順手買埋紅豆糕.奶皇糕同埋西米糕個嬸嬸又好好人咁俾左好大舊紅豆糕我地.真係好開心買完就拿拿臨跑上船.岩岩好!雖然食完晚飯好飽.但上到船我地就忍唔住1人1舊糯米池之後又試左D糕.紅豆好有陳皮味.不過我地都覺得一般奶皇就要大大舊先食到有味.奶皇味唔係好重.不過都唔錯西米就好好味.我地兩個都覺得西米係最好味!不過最好味都係糯米池.原本諗住

二月十四日 (星期六)看過相片,知道長洲有特別的大大粒魚蛋我們一下船,就不停地找,來到滑浪風帆海灘旁,帶着微雨,我們終於找到新照記嘩!真的是很大粒的魚蛋,友人說得沒錯,出面的魚蛋一串五粒,但這裡的就只能拮到兩大粒7元一串的魚蛋,入口是很爽的魚肉,第一次吃魚蛋要分開數次才能吃完一粒的想多吃一串和新照記的豆腐花,但...還有任務在身,只好等下次

我本身喺長洲人，已幫嚫咗呢間舖頭好耐架啦！以前啲嘢食平好多，糕點只係$10/4件，而家就要$12/3件，真係貴咗好多呀！不過，老闆娘認得喺熟客都會切大舊啲架！言歸正傳，我特別推介南瓜糕，真係食到有南瓜肉架！另外，芝麻糕亦十分香，但略嫌 "鞋口"，唔知喺咪啲芝麻磨得唔夠幼呢？至於豆腐花，滑就滑喇，但唔夠豆味。其實呢間舖都有車仔麵食，味道都唔錯嘅，而且價錢又平，值得一試。

吃得飽飽的, 但我們還有很多target!!! 下一站就是大粒魚旦!!去到時人很多, 大家也在買魚旦買糕點我們也快快的叫了每人一串。大粒魚旦: 真得很大粒, 咬下去十分彈牙, 啖啖肉有口感, 最怕炸魚旦乾巴巴的　　　　　　　但這間的完全不會。本來想繼續試中式糕點, 誰知發現了target之一, 在旁邊的紅豆餅,肚子容量有限, 要等下次了。期間店員不停把新的魚旦倒出來, 可見人氣十足!回程時我們也多買兩串魚旦在船上吃呢, 真的一流^口^

長洲特色魚旦就係夠大真係大過粒乒乓波喎真係我平時食開果間今日無開咁岩路經此地一於買一串試下一串兩粒彈牙就未算,個皮唔太脆都算有魚味既下次都係食返食開果間lu.

上次同幾個朋友入左長洲, 經過呢度見到咁多人, 於是行埋去睇下有咩筍野,點知見到好多小食, 我就食左件砵仔糕, 好多豆, 3蚊舊都值得一試~(唔記得影相)而友人就食左奶皇糕, 我試左少少, 幾好食, 又唔係太甜, 唔錯~另外一個友人就食左勁大粒魚蛋, 好好食, 雖然$7好似得兩粒定三粒好似唔抵, 不過真係值得一試~(冇影相)因為果陣岩岩食完野好飽, 所以冇試哂D糕點真係幾吸引下~整體上都唔錯, 下次會再黎試哂D野

估唔到第二站就係呢到, 見到人頭湧湧, 幾驚想食既野賣晒, 於是行快2 步, 點知魚蛋都賣晒…不過只等左2,3 分鐘又再出爐 $7/2粒 : 好似幾貴下, 點知…..原來大粒到震, 拎起都幾開心, 都未食過咁大粒魚蛋, 原來唔知外觀掂, 連內錎都咁得, 魚味足而且幾有咬口, 不是粉質魚蛋, 食左2 粒已經有點飽, 而大舊要連食2 串, 只因太好味啦 紅豆糕 +芝麻糕 : 一盤盤咁出,,真係好賣得, 先試紅豆, 豆多,有果皮香, 但不夠甜,只是一般 芝麻糕 : 有陣陣既膠水味,感覺怪怪下次只食咸味食物

食完薯棒梗係要食埋隔離"新照記"D大大粒魚蛋啦!!係度買既人...多數都係買糕點為主!!!我地梗係都買返份la….$12/3件糕..大大件!!買返去俾阿媽食一定會好鐘意者...hehe~~咁由於我地之前已經食左好多野...所以我同朋友夾份買1串..1人1粒d魚蛋真好好味啊!!!而且又好大粒...咬落去又唔會有沙係裡面wor..!!真係好好味!!!!!好值得再食嫁!!!依家真係有d後悔...當初點解唔1人1串!!><

要數長洲必食第一位我一定投佢一票!!!雖然間店係無環境可言...通常係自己拎sit tim。不過佢d野真係好好食!!魚蛋係我必食之選!! 雖然貴左d...不過真係好大粒好好食!! 仲有雞脾．係男友至愛．佢話大隻又夠味糕回同糯米糰都有食既．係幾夠味的 阿姐 d service都幾好家．好有人情味~~所以我入長chau最少食2次家!

nov 29, 08, 前後嚟咗2個round,買咗 : 1) 大魚蛋 ($7/串)-1串有2大粒,同食友share,1人1粒,咁先可以保留到食力.............(你遲d就知點解要咁留力,hahahaha)-都幾大粒,不過無benchmark d嘢1齊影,所以你哋無辦法有概念,大約喺1個乒乓球左近-唔可以話好彈口嗰隻,但都叫結實,味道亦弄得不錯 2) 紅豆糕 ($4/件)-好有陳皮同紅豆味,不錯 3) 眉豆茶果 ($4/個)-皮薄且黏,餡料亦多-有微微5香粉味,但難頂喺嘅鹹-呢個唔掂嘅地方喺太鹹.......搶咗個5香粉同眉豆,我食咗1 1/2就放棄咗 4) 馬豆糕 ($4/件)-食友喺船上請咗我食少少,真喺好椰汁味,馬豆亦多,清甜-好足料,亦令我回想起小時家姐嘅出品 5) 蘿蔔糕 ($4/件)-呢個我無試到,但聽食友講,好有蘿蔔味,似乎有點喜出望外