新滙江小菜茶餐廳 (已結業)

長沙灣的新滙江並不是結業，只是裝修，且已經重開。就趁星期日打完波，跟波友來吃點下午茶。原本想食蛋撻，可惜售罄，唯有改要菠蘿油。菠蘿包仍是熱的，中間的大片牛油冰凍，冰火效果自然吸引，如果包身可以再軟鬆一點，就仲好。飲的要凍奶茶，茶味不很濃，屬偏重奶味的版本。

好友由台灣公幹返來，約埋去元州邨探望另一好朋友的BB，同BB玩完一輪，主人家就帶我地到附近的茶餐廳食晚飯～每人叫個小菜都係40﹣45蚊，加6蚊就有碟菜，我地叫左魚香茄子、瑤柱雜菌燒豆腐、鹹魚肉餅、京都骨...各樣餸菜配埋大大碗白飯，都幾好味，長期在台灣做野的朋友更食唔停口，好懷念港式美食咁話！我覺得味就唔錯，但係好油好油，一餐半餐無妨，餐餐食就唔係幾好啦！最好食都係個魚香茄子，自己整點都唔夠呢D小菜館的好味～呢個推介！

定期的練習完畢，又可以去嘆下午茶，這次找間茶餐廳搞掂，就到了去慣去熟的新滙江。整個常餐，有奄列，也有公仔麵，同埋飲品。那所謂的火腿奄列，貨不對辦，只是煎好隻蛋，放火腿絲在中間，把雞蛋對摺而已。唯好彩夠香口，味道還可。雞翼公仔麵，怎麼雞翼要墊底，浸在湯內呢? 由於這做法，雞翼全是腍的，不好吃；麵條亦淥得太耐，毫不爽口。最好就是杯熱奶茶，既香且滑，喝得滿意。

今日星期日所以就陪婆婆食個LUNCH一家人一齊去到呢到食以後夜晚都試過係到炒小菜食味道都唔錯不過因為地方唔係好衛生所以少尼左好多lu今日本身想叫特餐食但係又驚食唔晒所以就係叫左一個車仔麵我揀左炸醬,肥牛,雲吞仲有粗面本身叫左牛腩汁做湯底不過最後就比炸醬既味蓋過左炸醬既味道都幾濃不過我比較喜歡譚仔果種肥牛好滑幾好呀但雲吞就唔係咁新鮮同埋個麵好生唔好食希望可以改善下

幾個FD行完黃金 見E到好旺場下 於是去試下 入到去先知日間係工廠區樓下既飯堂 無咩裝修可言或者係星期日關係 睇來好多街坊客幫趁我地點選了~椒鹽骨 好香口惹味 腊肉荷蘭豆 多腊肉 京都骨 肉厚汁多 酸甜味剛好魚香茄子煲 茄子甜 但魚香唔夠再另加油菜$15 大大碟 總括來說 合格 唯碟頭太"SMALL"***其一友人嚴未夠飽 走去松記食返碗HELLO

與公司同事齊齊叫外賣。由於拿在手上的外賣紙乃4年前舊版，於是打電話問清楚特餐食物是否依舊。4年前舊版外賣紙上寫著……特餐A︰豬扒湯米線特餐B︰沙爹牛肉公仔麵特餐C︰五香肉丁米粉我逐一向電話那頭的老闆確認!全因不想叫的跟送來的不相符!那老闆也說現在的特餐也是這幾款，沒改變。那我放心落order，怎知送來的特餐C變了雪菜肉絲米粉!!!!!我們以為送錯!於是打電話要求更換!那老闆聲大夾惡話我自己聽錯!有無搞錯呀!!!!明明佢自己話無變，我逐個餐問佢逐個餐答，邊度會聽錯????唯一可能係佢當初求其敷衍我!!!!!由於想食五香肉丁，我還是詢問是否可以更換!我們都是常客~~大概可以通融一下吧!!!反正價錢都是一樣嘛!!!!但那老闆就是不肯換!!!我覺得這樣的服務態度很差!明明是自己有錯也否認!食物質素已經不是突出，連服務質素也惡劣，絕對令整份午餐扣分。也許$25的一份特餐不是什麼大錢，所以那惡老闆也不想賺吧!!!真的令人不想再幫襯!!!

今日落大雨, 所以就去左屋企附近既呢間工廠區食堂食午飯佢十幾年前係工廠食堂, 但而家工廠都轉型哂, 連佢地都轉型左唔少,至少一入內已經無左以前亂拋落單紙落地下既習慣,而且廚房玻璃同食客枱面都乾淨唔少好......先講番d野食, 今天媽媽叫了個干炒牛河同凍檸茶,牛河牛肉不少, 最重要係很軟, 而且炒得很有鑊氣, 不錯我就叫了車仔麵, 有蘿白, 豬紅, 豬皮, 鳳爪同幼麵底,味道不錯, 蘿白非常甜, 豬皮也發得很好, 豬紅也口感,最重要各樣餸的醬汁都不會太濃, 可以吃到每樣配料的原味, 好吃這裡的奶茶咖啡都沖得不錯, 但不論熱or凍飯都偏細杯,夏天會覺有點不夠喉這間食堂開得很夜, 也好像有波睇, 但我不確定是不是24小時營業,不過以這個價錢和食物質素, 算是可以一吃P.S. 記得一提是午飯時間吃完就要走, 因為有很多學校和附近白領人仕幫襯,你唔走既d伙計大哥都會幫你清枱, 到時你唔走都唔得

朋友係呢頭做野,熟晒地頭,帶我同小牛黎呢度食野…我地分別點左兩個客飯同一個車仔麵。蕃茄炒蛋煮牛肉幾豐富,蕃茄大大件,唔算少,牛肉唔靭少肥,個汁都唔錯,酸酸地,同埋唔太杰,唯一係蛋少左d,就黎變左蛋絲;紫蘿炒雞柳都算ok,又係酸酸地既一味,勝在菠蘿份量夠,雞柳一般,肉都算嫩滑; 車仔麵點左豬紅、紫菜做送,本來加多樣菜心,點知侍應話呢度只有生菜和通菜,又會咁少選擇?唯有要金菇菜…碗麵普通size,但都只係$18,算係咁,豬紅都有成十件八件,可惜有少少腥,紫菜同金菇都係又多又好味。整體上,價錢合理,食物質素一般,叫做ok架喇!