影片
🥢琴晚去咗亲戚屋企聚会，夜晚向亲戚屋企附近嘅一间中菜宴会厅食晚餐，叫左几款𩠌，又几有惊喜。🥢我哋叫咗一盅粟米鱼肚羹，三个人分每人大约可以有三碗，都几足料，羹底够稠，唔会水汪汪。🥢我哋仲叫咗一条龙趸仔🐟，Size都几大条，百零蚊都算抵，🥢见有片皮鸭，都系$138，食开出面啲酒楼通常啲饼皮都系一叠过上，等几分钟冻咗就会黐埋一旧，但呢度竟然每张饼皮都会用牛油纸分开，有成20张咁多添，每张都够薄。而片皮鸭都有20件左右，每片都有肉连皮，鸭烧得好香口，超正👍🏼🥢片皮鸭加$40仲有两食，我哋就拣咗茄子炆鸭，以为细细碟，殊不知一上菜超大碟鸭，三个人食唔晒都要打包食多两餐。🥢仲叫咗个豆豉蒸带子豆腐，清清地，仲有几条菜。带子够鲜味，豆腐够滑又饱肚。🥢整体嚟讲，呢度坐得好舒服，食物质素都有一定嘅水准👍🏼
继续阅读