新港去骨海南雞 (已結業)

今次同朋友黎食點左個二人餐，本人和朋友都認為好豐富，兩杯野飲，兩碗油飯，兩碗老火湯，一碟油菜， 仲有幾款菜式選一款，最重要既有半隻去左骨既海南雞，海南雞口感嫩滑，樣樣菜式也有特色，一試難忘，下次一定會再黎，咁多野每人除番都係64左右，好抵

最近放工後都鍾意落旺角散步，感受下真正既香港地。講到本土，點可以唔試下旺角一帶既橫巷小店。「凍檸茶走甜丫唔該！」點左啲小食，試左幾款招牌菜。熱食鹵水元蹄，真材實料，煮得軟爛入味，肉帶鮮香之餘不會過咸。另一款凍食燻蹄，汁香味美，以蔥蒜香襯托出肉鮮，冰涼口感吃起來一點不覺膩。朋友叫左碟海南雞飯，老闆話係用新鮮雞整，試左一舊，果然雞嫩皮滑，配埋無味精靚湯，能在這裡吃到家的味道，感覺相當窩心。老闆們既熱情又貼心，和我們有講有笑，招呼周到。這種小店風味，絕非連鎖店可以取代，老闆請加油努力撐下去！

同幾個志同道合的朋友出黎旺角支持下，拎下遮咁，肚餓囉就搵間小店支持下入到黎見到大量元蹄放係度，賣相樸實無華，咁梗係要試下啦叫左碟元蹄飯，份量唔大剛剛好醬汁味道唔算濃，但就係因為咁先試到元蹄炆煮過程所積聚而成的鹵水味皮肉分離之餘，重有少少彈牙以四十蚊呢個價錢的確係超值下次要試埋個招牌海南雞先!

平靚正！獨自晚餐，行過女人街，見門口貼有些明星照，好奇之下一於試一試。 點了才$4x多元大海南雞飯餐， 油飯好味， 雞肉也嫩滑， 老火湯也好飲。 下次會來幫襯試下滷水元蹄飯。