新海濱茶餐廳 (已結業)

穷人恩物，$42快餐，日日转款，社交平台 可以睇哂成个星期有咩食包冻热饮，今日就系西芹排骨味道就正常，只系难得有菜，而且望落都算健康，所以俾大家过目下。女仕们（如有）可以考虑少饭…查看更多

打工仔一名，求求其其一餐。去观塘码头买外卖，就门口入去第一间。阿姐落力推介，话叫是日午餐会快啲，咁就叫左个沙丹猪扒饭。点知就等左三个字，唔知佢系咪group埋咗d单...😥$40连野饮都抵嘅，不过都系饭多，绝对系男人的浪漫；但猪扒都系一件正常份量，其实附近几间都差唔多价钱。味道呢，我就觉得只系普通，唔知呢日失水准定乜，个汁只有颜色而冇味，食到口寡寡，猪扒就一贯松肉粉质感。下次可能先会试吓其他几间观塘码头嘅食肆先。…查看更多

因为疫情关系，所以而家都好少堂食，9成9都系嗌外卖。呢间成日食，但无写过，今日就写佢啦。佢个menu系每日都会转，可以打电话去问，或者好似我哋咁，系熟食中心门口睇。简而言之，就系40蚊一个餐，包嘢饮，冷饮都唔洗加钱，可以要罐装可乐(´▽｀) 同事加过钱要豆浆。劲正，系大和豆浆嚟，500ml一樽𠮶只，仲要雪冻！(´▽｀)今次嗌咗2号餐，白汁粟吉列鱼柳火腿饭。好好食呀，份量又系超级大。睇图。我谂睇完图都唔洗我讲啲咩，一睇就知好食，又丰富(´▽｀)…查看更多

星期六既下午谂住去食下Factxxx9x，点知佢冇开，行下行下打算去另外Corxxx、拿x或者另外几间之前想试既唔开，可能系疫情既关系！谂起观塘码头海滨熟食市场帮衬下小店，就谂起呢间之前误打误撞既小店！如果大家唔介意马兰佬既可以去一试，之前间中都会食佢早餐，好平，虽然由几年前24蚊加到依家都系28蚊，最重要冷热系同价........估唔到！咁今次就试下佢既午餐兼下午茶，点知........两个字.....惊喜介绍下环境，讲真熟食中心环境大家谂到，唔介意或唔要求既话系冇问题！加上佢系⬇️黄店，点都要支持下干牛河，老实讲已经唔多餐厅炒得咁有镬气，仲要有银芽韭菜，牛肉滑同林，河炒炒得唔油又干身美极叉烧炒饭👍🏻冻奶茶茶胆一流，冻饮仲要唔加钱真心好食既小店…查看更多

这是一篇年度回顾。公司搬咗黎KT差不多两年，起初以为工厂区容易揾平食。点知大部份铺头要四十几五十蚊一个午餐，六十蚊亦属等闲，与高级商业区无异。寻寻觅觅，揾到呢度仲系唔洗四十蚊包冷热饮品($37，2018年)，渐渐亦成为我的午餐铁窦。铺头在近码头的熟食中心，地方简陋，一支公食个饭，冇计较啦。有冷气，唔似骏业里熟食中心果边，夏天真系食到大汗揼细汗。午饭有快餐牌，五款你拣，由大路的拼乜拼物，到中式饭，蒸𩠌，烧味等都有。写单阿叔通常会强力推荐您拣快餐， 嗌其他炒粉面惊要等得耐。我亦通常拣快餐。依家消费讲性价比，呢处我觉得都有中高分。放出的照片是我年度个人精选。大大碟，够实惠，有卖相。出品都保持到水准，冇话时好时坏。我的至爱计有:1. 扒或骨类: 香茅猪扒，乳香排骨2. 炒蛋类: 韮王火腿叉烧/ 虾仁炒蛋3. 烧味类: 卤水鸡肶红肠，沙姜鸡( 垫底花生好香口)4. 拼乜拼物类: 咖喱汁配猪/鸡扒，鸡肶/翼，或肠仔/餐肉/煎蛋等等。佢有时D拼凑组合系好意想不到，例如今日(31/1)嘅"豆豉鲮鱼拼鸡扒"。吓?! 乜咁都有得拼?就系咁搅鬼!食味以香口味浓为主，偏肥腻㗎。我很多时都讲明要少汁。标题说到"义气"，皆因有一次坐底先发觉自己冇带银包。同落单阿叔讲，都谂住起身走人。阿叔只是一句: [𪠳，听曰俾番咪得啰!] 呢D就系小铺独有嘅人情味，D大集团铺头真系睬你都傻。见墙上挂上几面舞龙舞狮的锦旗，老板似系武林中人。每次到前堂，他找钱给我时的一声: [多谢!!] 已经感受到其凌厉的内劲! …查看更多