影片
以上资料只供参考，请与餐厅确认详情
招牌菜
成日经过但一次都无试过，今次见到门口写住98蚊有大鳝火腩煲，连饭例汤，仲送糖水，真系要试下先来个60蚊客饭餐客家酿豆腐都系连饭加有野饮，估唔到60蚊客饭可以有8件酿豆腐，虽然每件酿豆腐既猪肉份量唔算多，但有8作真心觉得抵食个大鳝火腩煲等左有啲耐，追左两次先到，不是个个侍应都好积极咁帮忙追单，有些同佢讲左好似无件事，anyway 个煲最后都出现，成个煲上枱时热辣辣，煲细细，但鳝件都有6大件，鳝味唔算好出，调味出啲，火腩啖啖肉，唔会系全旧肥猪肉，另外有几旧豆腐，整体呢个煲98蚊，以自己屋企好少会煮既𩠌来讲系抵食ok 既最后餐饭既一个亮点，系碗送既红豆沙，有陈皮味，好足料，红豆煲到起沙，为呢餐饭画上唔错既句号
继续阅读
今日叫咗外卖，住马鞍山嘅人应该都成日会叫呢间新海枫茶餐厅，佢哋定期就会派外卖纸入信箱。都算多选择，而且唔使运费。今日叫咗个蕃茄焗猪扒饭，嚟到一打开心谂咩料呀？首先我唔知点解佢哋要用发泡胶盒装住个锡纸兜，根本就冇需要咁样装，之前叫其他外卖用锡纸兜都系放块纸皮喺底咋嘛。第二，点解可以㶶到咁？仲要照送俾客人食…..第三，成个饭黐埋一pat嘢，好难食。多啲酸味，食唔出又蕃茄味，又多骨少猪扒其实叫过佢哋其他嘢食都唔算差，系唔知点解今次搞成咁
继续阅读
呢间茶餐厅，睇外表就知求其地踎是但共冶一炉，只不过因为以前住开呢一区，今日睇早场，顺路就怀旧一下。呢度早餐嘅价钱都得上经济实惠，见到两𩠌面餐$38，竟然配菠萝包夹牛油，劲想试，但卡路里热量太高，肯定食唔晒，于是转头去试香煎牛扒配餐肉煎蛋，上碟一睇牛扒超大件，成只碟占咗一半咁滞，牛扒煎到金黄色，虽然明知道系雪藏牛扒，但系腌肉味道都可以，无话用松肉粉搞到冧pay pat 无味死肉，配左煎蛋都可以，但餐肉就麻麻哋，最美中不足嘅系扒餐竟然冇跟餐包/方包，不过如果生酮饮食，就真系啱啱好。奶茶就一般般，俾一般餐厅算OK，虽然唔系好香茶味，但饮落都算滑口，唔会搞到又苦又涩，都算饮得㗎。总言之， $38早餐，确实系对得住价钱啦。
继续阅读
住喺马鞍山十几二十年，叫外卖食得最多就系新海枫，因为大件夹抵食，最钟意👍：炸猪扒、炸鸡翼、炸牛丸、炸鸡脾、炸薯条、沙爹牛肉红肠汤通粉、梅菜扣肉饭、煎䲝鱼、椒盐或普柠豆酱剥皮鱼仔、焗猪扒饭、焗芝士肉酱意粉、黑椒牛柳丝炒意粉、上海粗炒、金牌什扒餐配黑椒汁、盐焗鸡、红豆冰及多款小菜……等等😋，绝对系价钱平、份量多同好食，果阵觉得新海枫系一间良心食店，所以成日都会叫外卖，有时一日仲会叫二到三次！好可惜新海枫依家变晒质，又贵、份量又少兼难食，有时仲好过份，例如焗猪扒饭，唔单止份量少咗，猪扒用料同味道更是差到难以接受，一盒里面至少有二至三件根本唔系猪扒，而系带有猪腥臭味嘅超厚身肥猪肉🤮！而且其他出品亦同样有类似状况出现，都系令人难以入口，因此依家再无帮衬……Anyway，新海枫已经唔再系良心食店😖！
继续阅读
第一次食到咁难食嘅生炒排骨饭，都系第一次难食到会令我主动叫人换咗去，兼特登上嚟写差评。个排骨咸到癫，由闻到𠮶一刻就开始觉得攻鼻到放唔到入口，结果食咗一啖之后发觉完全得死咸同唔知点解充满着喼汁味第一次食一间餐厅食到想呕，十万分唔推荐呢间餐厅！！！！！
继续阅读