新泰東南亞餐廳 (興旺閣)

营业中

休息中

今日想食下午茶經過灣仔 一定唔愁冇嘢食啦但之前食開嗰幾間都厭了就試吓呢間新嘅泰菜依家新泰都有幾間分店灣仔呢間就未試過下晝4:00到 唔使等位餐廳入邊好大 啲凳亦都好舒適最啱同朋友嚟食下午茶，慢慢傾唔使趕住走又坐得舒服冷氣有夠 地方又大如果一大班朋友嚟，想食吓甜品下午茶呢間都真係灣仔可以選擇嘅餐廳我哋嗌咗龍眼冰三色冰味道都好OK 唔會太甜，又唔會太淡尤其三色冰幾正宗跟住我哋嗌咗個甜品拼盤拼盤有細有大細嘅就冇芒果糯米飯 大嘅就有我哋嗌咗個細嘅另外，加多個芒果雪糕糯米飯芒果雪糕糯米飯，用成個椰青上仲加埋啲新鮮嘅椰肉好好味除咗食甜點 我哋嗌咗個香芒軟殼蟹米紙卷店員話要用時間炸軟殼蟹好禮貌咁同我哋交代咗幾次呢樣真係要讚尤其而家香港啲餐廳 都出咗名態度麻麻以上係餐牌 大家可以參考吓都好多泰國嘢食你講得出嘅都有埋單四百幾蚊 價錢都唔係好平但係坐得舒服 服務態度良好 已經好夠啦

餐廳嘅環境好舒服，裝潢有種好grand嘅感覺😆座位好舒適，都有好多大枱超級啱family gathering 。啲員工都好nice，會主動介紹有咩好食👍🏻🔅冬陰功湯湯底酸辣開胃，就算夏天食都覺得好ok👍🏻而且加入咗各樣嘅香料，令湯更加味道更有層次! 入面有新鮮嘅海鮮同埋香嫩嘅雞肉，大滿足~🔅串燒 (雞牛豬)呢度嘅串燒配埋自製沙嗲汁，真係好正！尤其係雞肉串，肉質鮮嫩多汁，配埋香濃嘅沙嗲汁真係好惹味😋🔅燒春雞釀香茅黃飯個燒春雞皮脆肉嫩，配上香茅釀料，帶出獨特嘅香味。黃飯飯粒鬆軟，入口有淡淡嘅香氣。而且個份量超足，完全係4人份量嚟🤣同朋友或者屋企人share嚟食絕對係好選擇🔅椰汁珍多冰 & 泰式奶茶椰汁珍多冰同泰式奶茶，兩款都好飲！椰汁珍多冰唔會死甜而且珍多冰好煙韌😋至於泰式奶茶，香氣四溢，滑順嘅奶茶味道加埋茶香，絕對係一種享受！

今日放假同朋友去灣仔附近行街食晚飯。 朋友喜歡食泰國嘢，話附近有間好地道嘅泰國餐廳，叫新泰東南亞餐廳。 它位於灣仔大王東街21-23號興旺閣地舖至2樓，港鐵灣仔站B2出口行幾分鐘就到。 餐廳有三層高，遠處一望就見。 外面招牌十分光亮，很有氣派！ 室內環境非常寬敞，裝修以泰式風格為主調，樓梯及牆上都罷放了泰式的擺設作為裝飾， 好有傳統特色。 枱椅擺設都好濶落，令人坐得舒服。 餐牌上的食物款式有不少：沙律、小食、湯、燒烤、咖喱、海鮮、飯麵類、甜品及飲品等。🌟香芒軟殼蟹米紙卷軟殼蟹炸得酥脆可口，米紙卷內有：生菜、紅蘿蔔、芒果和牛油果。 塊米紙好煙靱有口感。 加埋酸魚露汁料來吃，很惹味開胃，超正！🌟串燒雞、牛、豬 （6串）每款2串，份量十足。燒烤得很香口，不會太乾，很嫩滑多汁！ 尤其是雞肉串，軟滑又有咬口！牛肉串也不錯，熟度剛剛好，有牛肉的鮮味。 豬肉串微焦好惹味，真的吃個不停！🌟泰式青咖喱牛肉+蒜蓉包泰式青咖喱的味道很清新又香濃的。 牛肉的份量不少，很嫩滑可口。 配料豐富：茄子、南瓜、豆角、九層塔和香料，味道配搭一流！ 再加上剛烤脆的蒜蓉多士，青咖哩汁和配料一同來吃，真的好搭配和好好食！這

新泰呢間泰國向來好出名，食過返尋味，今次一於再黎試吓串燒沙嗲（3串牛、3串雞）雞肉嫩滑，用左雞脾肉燒；而牛肉新鮮，亦唔會燒得太熟太韌，甚至可以唔洗蘸沙嗲汁，都食得出鮮味！豆腐酥沙律豆腐酥嘅煮法，就係豆腐整碎，然後拎去炸，變成一顆顆脆粒，口感幾新奇，而上面放左好多不同水果（如藍莓、蘋果）、腰果，酸酸甜甜幾開胃！泰式燒春雞配香茅黃飯個人認為係鎮店之寶, 原隻燒春雞直接上檯, 雞皮燒到金黃色, 雞肉燒得好入味好juicy!一切開, 入面鋪滿大量黃飯, 每口飯都充滿啖啖既油香&薑味, 米飯粒粒分明嫌太油既話, 可以食返旁邊既沙律菜中和下口腔既飽膩感~馬拉盞炒通菜通菜新鮮爽脆, 再放入馬拉版蝦醬一齊炒, 味道香口惹味!芒果雪糕配糯米飯底層放上熱辣辣既糯米飯, 上面放上冰凍既椰子雪糕&粒粒芒果肉, 再將椰青肉刮出來做成一道甜品有冰火二重奏既享受! 感覺幾得意, 同時亦唔會覺得太甜!椰青冰凍既椰青水, 飲落好清甜, 係呢個炎炎夏日下, 尤其解渴!

呢度嘅店員都好nice，尤其對於有選擇困難症嘅我，佢哋會問使唔使幫我介紹下啲菜式，真係好感動，啲菜到左又會問我好我好唔好食，真係好好👍🏻♦️冬陰功(小）個湯好香椰奶味，辣度剛好，入面有草菇，而且啲蝦仲有蝦膏係入面，好正🙌🏻♦️燒豬頸肉豬頸肉外脆內嫩，唔加醬都好夠味。當然加咗就惹味啲🥰♦️巴東牛展+ ♦️薄餅啲牛展好嫩，好好味呀🤩呢個醬一定要加薄餅一齊食，超正👍🏻♦️芒果雪糕配糯米飯啲糯米飯仲係熱辣辣，配埋芒果雪糕🍦同芒果肉，入面仲有椰子肉，一齊食真係好正❤️

Hanging out with friend in the nearby district and feel like having something thai!!We ordered: 1. Tom yum soup2. Stirred fried minced pork wrapped with lettuce 3. Stuffed chicken riceStirred fried minced pork wrapped with lettuce It tastes really good! A bit sour and spicy. Very appetisingThe Tom yum soup has so many ingredients in it. Mushroom and two huge half prawnsThe soup is very rich and tasty Stuffed chicken is absolutely amazing. The fried rice is moisturised and just tastes like chicke

灣仔嘅內街有唔少特色美食，無論係fusion定正宗菜式都有，今日二訪呢間成日比friend吹捧嘅東南亞餐廳🙂‍↕️水準依舊冇令我失望👍🏻✨泰式生蝦 $118六隻生蝦，份量十足，淡淡彈牙嘅蝦肉好有咬口，配上特製酸辣汁😋jeng! ✨飛天通菜 $98😋惹味之選🫦大量花生粒爽脆好有咬口🥜，加埋炸蒜粒超級惹味，絕對係重口味之選！通菜新鮮爽口😙✨香芒軟殼蟹米紙卷 $98多重口感，有芒果、生菜🥬、粉絲、蘿蔔絲、軟殼蟹同埋牛油果🥑軟殼蟹炸得啱啱好，香脆唔會厚粉👀配料超級多嚟講，其實都有啲飽肚🤣✨泰式乾炒雞肉河 $98👀份量都幾多😮兩個人share加小食啱啱好，雞肉份量好多，個人覺得更嫩滑就更好🙂‍↕️河粉好滑同好入味，絕對係飽肚之選👍🏻✨芒果沙冰🥭 $55有驚喜！沙冰非常綿滑完全冇冰粒🧊好有芒果嘅天然果味，唔會好重糖漿味，個人覺得定價比較進取，但質素都okay😌總括嚟講餐廳好大，好似有三層，空間感好足之餘裝修好精緻，好似置身東南亞咁，店員好熱心同埋好Nice🥹夏天太熱會飲多啲水，基本上個杯未空就已經有店員主動問有冇需要幫手斟水，真心係比較少有服務態度好好嘅餐廳🤩

今次呢間餐廳真係有啲驚喜！環境方面，餐廳嘅裝潢好有風格，燈光柔和，座位間距適中，唔會太迫，感覺好舒服。音樂亦都係輕鬆嘅背景音樂，令到人好放鬆。食物質素方面，真係冇得彈！我叫咗烤雞串同糯米飯，雞串燒得啱啱好，外層香脆，入面肉質嫩滑，味道濃郁，佐料調得非常好，唔會過甜亦唔會太鹹。糯米飯包得好靚，黏度剛好，香味撲鼻，一啲都唔會乾。配埋個泰式青木瓜沙律，酸辣適中，清新爽口，啱晒夏天食。員工服務真係要讚一讚。從入門到埋單，服務生都好有禮貌，面帶笑容，服務態度非常好。問佢哋關於菜式嘅問題，佢哋都細心解答，仲會俾啲建議，令我哋食得更加開心。總括嚟講，呢間餐廳真係值得推介，無論係環境、食物質素定係員工態度，都係一流。下一次我一定會再嚟試其他嘅菜式，睇下有冇其他驚喜！

今日係灣仔食左一間好值得推介比大家既泰式餐廳, 預左食物, 餐廳既舒適度同埋店員既服務都好好餐廳係大王東街, 有2層樓咁多, 門面都好光猛, 而且地方大, 枱凳之間都有距離, 唔會好迫我地叫野食個陣店員有埋黎推介, 我地叫左個米紙卷, 青咖哩雞, 因為我地想食金邊粉但又想用冬蔭炒, 店員仲可以幫我地將泰式改做冬蔭汁去炒首先黎既係芒果軟殼蟹米紙卷, 作為前菜都幾大份, 有六粒, 軟殼蟹炸得唔錯, 外皮脆得黎唔會太乾, 加埋酸酸甜甜既芒果, 食落去口感好豐富, 而且好開胃, 而且都唔貴, 值得一食之後黎到東南亞餐廳, 冇理由唔試下佢既咖哩, 我地就叫左青咖哩雞, 味道幾好, 食得出青咖哩好多既香料味, 但係我覺得辣可以加多D, 而家既口味就偏甜, 但唔食得辣既人就一定好岩食, 雞肉好嫩滑, 加埋咖哩一齊食, 好好味主食我地就叫左冬蔭蝦炒金邊粉, 賣相黎到好靚, 仲有蛋網係上面, 佢係類似泰式炒咁都放左D配料係旁邊撈, 但係就用左冬蔭汁, 食落酸酸辣辣咁, 幾有特式, 不過我覺得如果炒飯應該會更加好食最後我地叫埋個甜品椰子雪糕芒果糯米飯, 雪糕就凍既, 糯米飯就熱既, 有種冰火交融既感覺,

呢間餐廳喺灣仔開咗好多年裝修都幾泰式風味同埋舒適！星期六嚟都好多一家大細幫襯而且仲有大圓枱方便聚會1. 番石榴沙冰 - 清新又酸甜適中,口感順滑凍爽！值得一讚就唔係好甜！啱晒老人家同埋養生嘅人士飲！2. 燒豬頸肉 - 肉質鮮嫩多汁,外皮香脆入口即化。而且啲醬汁都唔係好辣，同埋幾開胃。3. 馬沙文咖哩 - 濃郁芳香的咖哩醬汁,與軟腍嘅薯仔同埋唔算好肥嘅牛腩完美融合。甜咖喱嚟講都幾好食對於我呢啲唔食得辣嘅人嚟講簡直係福音。4. 印度酥餅 - 酥脆可口,仲鬆脆過台灣啲手抓餅！5. 肉碎生菜包 - 鮮嫩多汁的肉餡,配上清脆的生菜葉,口感豐富多樣。6. 泰式菠蘿炒飯 - 米飯顆粒分明,菠蘿果肉鮮甜多汁,而且個菠蘿都超級大最後尾都刮到好多肉食。除咗蝦之外，入邊仲有提子同埋雞腿肉，臘腸等等！即叫即炒！7. 芒果糯米飯 - 糯米溫潤綿密,配上軟嫩多汁的芒果😋😋

第一次嚟灣仔新泰，好驚喜，環境乾淨、座位舒服、氣氛放鬆，充滿泰國風情，辛苦完一日嚟relax下真係好嘆食物賣相好吸引，份量好足，味道又好蠔仔炒蛋蠔多過蛋，多蛋少粉漿，所以蛋味好出好香，墊底嘅芽菜亦吸晒啲精華，好好味豬肉碎生菜包嘅香料同辣味好香濃，肉碎咬落口感好好，生菜新鮮實淨，包埋食感覺好清新沙嗲串燒豬、牛、雞，肉質軟腍，大大串啖啖肉，沙嗲汁甜甜地好香口蒜蓉包熱辣辣脆卜卜，蒜蓉牛油香突出飲品同甜品都好出色，杯沙冰好似直接食緊芒果咁，泰式奶茶陣雲利拿香亦好突出，糯米蒸到好煙韌，口感勁好，加埋椰汁、椰肉、芒果肉同芒果雪糕，味道好豐富，一路食一路覺得好幸福餐廳望落勁吸引，圖文並茂，種類同款式又多，下次嚟會想試下啲cocktail好在早少少過嚟，入嚟坐低一陣後已經坐滿全場咁滯，今次晚餐食得好開心，想快啲再嚟

成日晏晝經過都見坐到滿晒，今次約朋友夜晚嚟，好在早放工，咁早嚟都已經唔少人，食完就明，服務、食物賣相同味道都唔錯，份量足，抵食食物份量十足，賣相吸引，色香味俱全肉碎生菜包($88) - 啖啖肉好滿足，份量多到可以包到又滿又實，調味好好，辣辣地好過癮，生菜又新鮮又乾淨串燒(6串)($108) - 燒得幾好，唔會燒乾晒，沙嗲汁夠香濃，食落好惹味鐵板蠔仔炒蛋($118) - 蛋香十足，啖啖都食到蠔，完全唔腥，底部鋪滿芬菜，加埋一齊點辣醬，口感同味道即刻豐富晒蒜蓉包($42) - 滿滿嘅蒜蓉好香口，個包脆卜卜，高質芒果沙冰($55)、泰式凍奶茶($48) - 兩杯甜度都啱啱好，芒果沙冰勁香濃解渴；泰式奶茶陣味勁香醇芒果糯米飯($78) - 黑白糯米都好夠煙韌，椰汁又多又香，芒果鮮甜芒果雪糕配糯米飯($68) - 配雪糕食糯米飯係另一種感覺，一樣咁好味，加埋椰肉冇得輸樓高三層，座位闊落、乾淨、舒服，裝修好有泰國風情，喺度食嘢就好似去咗泰國旅行咁，氣氛好放鬆，服務好殷勤餐牌嘅選擇好多，咩種類都有，價錢公道，大推

燒豬頸肉豬頸肉本身質地鮮嫩多汁,搭配細緻入味的調味料.入口即化的肉質搭配微微焦脆的表皮,口感層次豐富。馬拉沙咖哩濃郁香醇的咖哩醬汁裡,包裹著軟嫩多汁的牛肉塊,入口即化。口感豐富的咖哩佐上白飯,無疑是一絕佳組合。泰式炒椰菜仔這道泰式炒椰菜仔可謂是清新可口的一絕。新鮮彈牙的椰菜仔在快炒過程中保留了爽脆的口感,再加上泰式特有的微辣調味,整體呈現出了清甜可口的風味。作為一道健康美味兼顧的泰式經典,這道炒椰菜仔絕對值得一試。泰式濕炒海鮮河鮮美多汁的海鮮如蝦肉、魚肉與軟嫩彈牙的河粉完美結合,,再加上泰式獨有的香辣調味,彷彿置身於泰國小吃攤一般。泰式凍奶茶泰式凍奶茶。這款飲品融合了濃郁的奶香和淡雅的茶香,入口清爽順滑,甜而不膩。作為一款清爽解膩的飲品,它無疑能夠為這頓泰式大餐畫上完美句號。

今天是父親節正日，就和家人一起去餐廳慶祝。餐廳預訂已滿，幸好之前預訂了位置。店鋪裝飾得很有東南亞特色。坐下後，我們點了麵包焗咖哩軟殼蟹、印度烤餅、巴東牛展和泰式菠蘿炒飯。麵包焗咖哩軟殼蟹：咖哩惹味香濃，微辣的口感恰到好處。軟殼蟹外皮酥脆，內裡肉質鮮嫩。巴東牛展：這次比較失望，有點失水準。牛展不夠嫩，有點硬，溫度不夠熱，味道有點鹹。印度烤餅：香酥鬆脆，再配合咖哩，味道充滿了豐富的層次感。泰式菠蘿炒飯：味道普通，沒有特別突出的地方。整體來說，可能是因為太旺場，味道有些失準。

今日同朋友去完灣仔會展睇展覽，順便喺灣仔食埋野先番屋企😌😌喺修頓球場附近嘅大王東街見到呢幢三層高嘅泰國東南亞餐廳，感覺好吸引，門口有好熱情嘅職員招待，亦都主動提供餐牌俾我哋考慮☺️感覺好貼心我哋兩個人叫咗唔少嘢食，食到好滿足，啲嘢食超級好味，每人都係二百幾蚊，真係好抵食。泰式燒春雞釀香茅黃飯$228串燒沙爹（雞、牛、豬）$108馬拉盞炒蒜芯$88原個椰青大菜糕$75肉骨茶（細）$98我哋見到隔籬枱叫左麵包焗咖哩軟殼蟹和日本南瓜焗海鮮飯，個樣超級吸引，最衰今次已經好飽啦，下次再同一大班朋友嚟試吓😁😁新泰東南亞餐廳（灣仔）灣仔大王東街21-23號興旺閣地舖至2樓