新泰東南亞餐廳

营业中

休息中

又去咗尖東依間「新泰東南亞餐廳」食飯，不得不說依間餐廳除咗炒粉麵飯充滿鑊氣值得一讚之外，佢哋嘅湯麵都同樣出色。*此餐廳收取加一服務費。窩巴牛肉（單點$98），牛肉肉質嫩滑，肉味濃厚，表面鋪滿巴東醬，食落充滿香料味道，配以窩巴食用，口感香脆，食落好香口，略嫌價格比較貴。冬蔭湯海鮮金邊粉（單點$88），鮮蝦肉質爽口，食落好新鮮；魷魚份量多，口感彈牙、不韌；青口肉質飽滿，味道鮮甜；魚蛋食落有鮮味；冬蔭功湯底味道酸中帶辣，帶有香茅、南薑味道，金邊粉口感幼滑，容易掛湯；配料包括有紫洋蔥、芽菜、生菜、香蔥。青木瓜沙律（單點$78），青木瓜口感爽脆，味道酸辣，配以櫻花蝦食用，味道鹹鮮，配料包括有車厘茄、生菜、花生，略嫌份量比較少。泰式凍奶茶（單點$48），茶味濃香、帶有回甘，甜度適中。凍綠茶（單點$48），奶味醇厚，茶味清香。

最近在泰國回港，我自己仍對泰國菜式念念不忘的呢！ 朋友說都想食泰國菜，介紹一間香港尖沙咀原來有間是正宗泰國菜😋的餐廳：新泰東南亞餐廳 ，原來1990年時開業了， 而廚師同大部分員工都是泰國人，加上充滿泰國風情裝飾，當我入到餐廳感覺就在泰國呢！其主打多款泰、越、星馬菜式，還有必食香中帶辣、好惹味爆炸蟹！這日午餐我們便簡單吃， 點了菠蘿🍍炒飯 、 芒果🥭糯米飯 🍚！菠蘿🍍炒飯有鑊氣、粒粒分明， 美觀又美味！芒果🥭糯米飯好有泰國風味，鮮甜芒果愛不釋手

今次我地黎左尖沙咀玩，經過呢間泰國菜餐廳門口幾多人排隊，而我地都鐘意食泰國菜，又有一排冇食，就決定揀呢間食飯啦🇨🇷呢間餐廳環境幾靚，卡位仲有枕頭，勁舒服，除左卡位，人多都有大圓枱，唔同人數都適合黎👏🏻泰式青咖哩（牛）（$108）印度酥餅（$42）咖哩配薄餅係我其中一個最鐘意係泰式餐廳會點既食物，咖哩汁既濃度岩岩好，唔會太杰或者太稀，辣度唔算辣，唔食辣既我認為都會食到，佢用黎點簿餅食好正，d簿餅整得夠酥脆，幾好食😄泰式燒雞（$208）泰式燒雞佢係即燒既，佢上碟時勁香，皮脆肉嫩，最正係佢跟埋泰式辣醬，泰式辣醬食燒雞好夾🐥泰式蝦炒金邊粉（$118）呢個金邊粉整得幾型，用d蛋絲包住上碟，拆開之後都幾大碟，d蝦大大隻，炒得香口，調味夠🔥芒果沙冰（$55）大熱天時就要飲沙冰消暑，芒果沙冰既甜味同果香都有，咁熱天氣夠曬正🥭椰青沙冰（$78）呢個沙冰就犀利，佢椰青味既沙冰，係成個椰青殻上，d冰堆到滿瀉，椰青味仍然keep到，睇得又飲得🥥呢間餐廳環境真係幾好，最正係有大圓枱，多人聚會又多間餐廳選擇，食物質素都幾好，而椰青沙冰都令我好深刻，好好飲☺️

抵食午市套餐🥹🥹有同事介紹呢間地理位置勁佳，就係k11商場對面，入到去發現位置好寬敞，坐得舒服既泰國餐廳，我地早左所以都唔駛等位😃😃每個午市套餐仲配一杯飲品~~泰式豬頸肉炒河🫢🫢份量好大份，豬頸肉軟硬適中，唔會太稔太鞋 河粉唔會太油，幾有質感，味道不錯！ ！喇沙鮮蝦魚片米線😲😲鮮蝦大大隻，夠新鮮，有幾舊魚片，味道一般，喇沙湯底比想像中淡，唔夠入味，稍為失色，份量足夠，下次黎唔會再點呢個餐

之前一直都見依間餐廳大排長龍，所以趁住未到午市仲有位，我就入去叫返個泰式套餐嚟試吓先😋😋一入到去環境好靚，嘢食選擇都多，而且牛市去嘅時候仲會有午市套餐。我就簡簡單單叫咗一份二人餐。首先係越式蝦米紙卷，啲紙卷包咗新鮮嘅蔬菜，粉絲同鮮蝦，卷得好實，再點少少泰式酸辣醬，味道更加香濃，真係開胃又健康！之後喺主食方面我哋叫咗烤餅。叫咗烤餅咁就梗係要咖喱嚟食啦，所以我哋揀咗泰式青咖喱雞作為配搭。咖哩湯底濃郁，配上新鮮嘅雞肉同蔬菜，令味道更加清新。咖哩煮得剛剛好，唔會太辣太濃。馬拉盞通菜係今次嘅另一道菜式，通菜炒得恰到好處，清新爽口，配上香料獨特嘅馬拉盞調味，令味道更加豐富。我另外仲叫咗一個芒果雪糕配糯米飯，用咗椰子殼作為一個盤，而且裏面仲有唔少椰子肉，芒果雪糕香甜滑嫩，配上糯米飯搭配，好食！

之前都有嚟食過覺得都OK去開尖沙咀就再去食去到門口難得唔使等位喎！.叫咗個柚子蝦沙律只有兩隻蝦 份量比較小但係味道都OK.之後叫咗個馬拉盞通菜今次嘅通菜有渣要唔少都有渣🙁🙁.叫咗個細嘅冬陰功啱啱好可以分到兩碗味道都算正常.之後叫咗個海鮮炒河點知嚟咗個炒牛河🫥因為唔食牛，所以就叫佢換啦.結果等咗幾個字都仲未有其他嘢都食完.再催單之後又再等咗好幾個字 🫨今次啲河粉黐埋咗一Pat ☹️☹️☹️之前都唔會咁.其實仲叫咗個綠豆沙冰佢落單嗰陣時 明明都有覆單呢個最後都係冇嚟到😩.又落錯單又漏單 食物水準又下降 應該暫時唔會食住

黎TST想搵地方下午茶，呢到絕對係我首選，因為真係坐得太舒服，食物選擇多之餘又夠大份，話就話下午茶，但同正常lunch既份量係一樣！今次黎到我地叫左:泰式海南雞飯 雞肉啖啖肉，雞皮爽滑，淡淡雞味，仲有碗湯同一份雜菜，追求健康既話，呢個就菜肉飯都齊哂，好岩叫!泰式蝦炒金邊粉 好有鑊氣，記得支埋D檸檬汁，酸酸甜甜仲好食南瓜咖喱帶子焗飯 醬汁好綿密唔死咸，飯粒粒分明，撈暈哂一齊食，好惹味，如果帶子再多D就更滿足❤️❤️

其實本身喺香港都試過唔少東南亞或者泰國餐廳，呢間其實本身之前我真心想試吓，因為見佢個門面都裝飾得幾得意。今次喺度食完一次，我覺得我有少少對男朋友唔住，因為係我自己堅持要試嘅。但就令到佢有個唔開心嘅體驗。我睇返呢度都幾多好評，但係我睇返啲好評我真係有啲懷疑真實性，咁當然呢個世界可以請KOL做啦。勸喻大家可以睇返佢Social Media先知真假，其實都唔止我咁講。公道啲講句，門面啲泰國姐姐其實個個都好有禮貌都好有笑容，所以其實我冇期望身為都唔知係咪店長嘅物體，係一個男人着住黑色西裝，你一個人嘅態度衰到咁嘅地步，其實你係好影響公司其他員工嘅努力。不過我都知道你係出份糧未必有考慮太多。講返食物嗰方面，當日我係叫咗細嘅冬陰功湯炒金邊粉同埋串燒，豬牛雞各兩串，啲相我本來都係好有心情影低諗住做個記錄。好老實，冬陰功湯係唔錯嘅，都幾足料。但係個金邊粉個樣係做得幾靚，不過就真係冇乜味。我覺得串燒先至係重點，因為個串燒真係啲肉韌到不得了。不過其實我都唔係真係太過介意，有時食飯都係講氣氛講服務態度。仲有如果安排座位你哋要留意，因為當日我就係坐正喺洗手間側邊嗰道門，好多人出出入入可能都會好影響你哋嘅用餐體驗

晚餐又走來《新泰東南亞餐廳》🍽️泰國菜對我來說就是一種迷人的菜式。 無論是酸的、甜的、鹹的還是辣的，每一款都特別合我的口味😋「冬陰公湯」世界十大名湯之一，一碗湯端上桌來，酸辣香甜，瞬間就把味蕾打開。「泰式肉碎生菜包」脆爽的生菜包著鮮香可口的肉碎一起吃，微微辛辣，食慾大開，簡直停不下來～「馬拉盞炒通菜」馬拉盞可是提鮮的小能手，樸實的通菜遇上它，就能變得別具風味！「泰式蝦炒金邊粉」用上金黃色綱格蛋皮包裹著，充滿著滿滿的蛋香氣，金邊粉軟糯又不失韌性，醬汁濃郁的味道充斥於口腔之中，甜中帶酸。

鍾意食泰國菜都係去泰國旅遊嘅原因之一，不過夏天嘅泰國太熱啦，好在香港都可以食到正宗，泰國食物止下癮。呢度嘅廚師來自泰國擁有多年經驗煮泰國、越南、星馬地道菜式，我就最鍾意食呢度嘅肉碎生菜包，超級正宗夠味！個肉碎會有好香嘅九層塔同埋香茅味，辣得來又唔係死辣嗰隻，尤其是雞肉肉碎，口感食起嚟更加嫩滑，用嚟包生菜真係冇得頂！老公就鍾意食呢度嘅南瓜焗咖喱海鮮，用上真南瓜肉，挖空咗個南瓜之後用嚟裝飯，賣相勁靚！吃起嚟嘅時候會食到好香椰子味，落重椰漿所以個咖喱唔會好辣，米飯粒會吸晒啲海鮮汁，味道勁香濃！而且海鮮配搭都多，有青口、大蝦、魷魚等等，都幾足料㗎！頂頭仲用咗勁多芝士，拉絲感十足！試埋泰國名物排骨山，上菜時有火，等啲火燒完之後就可以開始食。辣度十足，排骨份量都好多，足夠兩至三個人食👍而且啲排骨位都好多肉，加上炆到好腍骨肉分離，口感都唔錯。嘆番杯芒果沙冰就最消暑啦！即叫即整，而且我鍾意佢口感，唔會太多冰粒，飲落好滑又夠香濃芒果味。

今日來了這家位於尖沙咀的經典泰國菜餐廳，每次去k11逛街都會經過，原來餐廳位於地庫，餐廳面積很大，環境很舒適每次吃泰國菜都會點大蝦炒金邊粉，店家煎了很好看的蛋網包裹著炒金邊粉，很精緻，蝦的size大隻又新鮮，調味都像在泰國吃的一樣，泰式風味十足青咖喱牛肉椰汁味很香濃不辣的，牛肉不會乾柴，而且份量又多。建議一定要點印度煎餅配咖喱，這家的印度煎餅烤得外脆內軟，滿滿的牛油香，很有驚喜！燒豬頸肉外表很焦香，配搭店家特製的酸辣汁很惹味，吃得很滿足Menu選擇豐富，不時有好多新菜式，而且地理位置很方便，下次都會再來！

因為一早預計，所以不用等待，直接入場！門口有大裝飾，別具一格！先叫了一生菜肉碎包（豬肉）肉加入咗紫洋蔥粒呀、蔥粒、千層塔、芫荽、仲有其他調味料，頗辣，各種香料，配菜加埋混合嘅味道層次非常豐富、濃郁，惹味，炒得好香！如果吾食得辣既朋友注意唷！豬肉肉碎肉質嫩。配埋新鮮又爽脆嘅生菜，好吃泰式炸蝦餅：大大舊蝦餅！炸得金黃酥香，蝦餅好爽口彈牙，蝦味重，咬落有蝦肉粒，不錯另外叫左串燒，分別係豬牛雞！配上特製醬汁好惹味最後一道係蜜糖燒肋骨肋骨燒得好香，配上蜜糖醬特別夾，甜甜的

今次再尼開業二十多年，由泰籍廚師主理嘅「新泰東南亞餐廳」食晚餐🇹🇭.泰式濕炒海鮮河🍜有青口🐚魷魚🦑蝦🦐菇菌🍄‍🟫西蘭花🥦椰菜、芥蘭🥬紅蘿蔔🥕粟米芯🌽河粉寬闊厚身，非常掛汁😛比較有咬口😆但青口唔新鮮🥲.串燒沙爹🍢有齊雞🐓牛🐄豬🐖串燒本身有醃過，帶微甜🤤配埋有粒粒花生嘅沙爹醬🥜更加香口惹味😬但有部分肉燒得過老，口感較韌🥺.香芒軟殼蟹米紙卷🌯米紙包住軟殼蟹🦀米粉、蘿蔔🥕芒果🥭牛油果🥑薄荷葉🌿生菜🥬表面放上蒜片🧄再點上酸辣汁🌶️成個組合清爽酸甜😋脆卜卜嘅軟殼蟹同煙韌米紙好夾👍🏻.凍綠茶🍵泰式綠奶帶淡淡奶香🥛而且有陣陣幽雅茉莉花香🌼甜度適中😌

今日約咗好耐無見嘅舊同事，大家都鍾意食泰國菜，齊齊搵咗間尖沙咀嘅泰國餐廳飯聚一下。 聽聞餐廳係由泰籍廚師主理，裝修同擺設都好地道，門口有架篤篤車，充滿泰式風情，就連啲職員都係泰國人。 泰式青咖喱：青咖喱辣度適中，有陣陣椰香味，配菜入味，雞肉亦夠嫩滑。配埋個印度酥餅點嚟食，鬆化香脆，真係非常美味！ 燒豬頸肉絕對係必點嘅菜式， 肉質好爽脆，亦有焦香，再配埋個泰式酸辣汁無得輸。 泰式炒椰菜仔炒得有鑊氣，蒜香味十足，提升鹹鮮味。

呢間餐廳既泰國菜響地底底層，門面好有泰國風味，見到黃色篤篤車俾人打卡，下面既環境好大好闊落而且座位舒適，好似去左泰國既後花園甘入面好浪漫既燈光我地叫左一份濕炒豬頸肉河粉，份量都幾大碟，不過油左少少，豬頸肉爽口彈牙既，仲叫左半隻海南雞，雞肉嫩滑食落啖啖肉加埋薑蓉醬食岩岩好，份量都好大碟半隻都算抵食又唔會好咸甘我地仲叫左個dessert呢度既dessert好特別係椰子雪糕唔係到到都有得食同埋入面有椰子肉加芒果肉。