新泰東南亞餐廳

营业中

休息中

終於都可以食泰國菜啦，去完曼谷旅行一直心思思，剛好今天尖沙咀行街見到新泰東南亞餐廳，門口接待員係泰國人，就衝左入去。間餐會的裝潢完全是泰國風，侍應又係泰國人，真係完全好似返咗曼谷咁樣。睇吓有咩食先，餐牌圖片好吸引，價位中等，不算太貴，見到隔離枱菜式份量都大。先叫左泰式肉碎生菜包，肉碎酸酸辣辣非常開胃，而且上碟嘅生菜好新鮮，加埋一齊就一個一個咁食個唔停。生菜包嘅份量都好足大約有10塊生菜左右，鍾意食生菜包嘅朋友仔可以試吓!冬陰公雞煲，湯底辣味唔係好重，但係成碗湯就非常香，飲落口感同埋層次都非常豐富。而佢與別不同地方就係比坊間嘅冬陰公甜少少，因為用了鮮雞熬製，更加可以能夠帶出到雞肉鮮甜味。食泰國菜又點少得，熱辣辣上枱，條魚真係好大條，兩個人差點吃不完，魚肉好鮮甜，配埋香料甜酸醬一流👍最後加多個馬拉盞炒通菜，好友鑊氣，食得出一粒粒蝦米，好多料，夠曬味。食泰菜都要嘆番杯啤酒成餐飯勁滿足，一大杯ashahi 啤酒好似$68，係貴左少少，但是環境服務食物質素搭夠👍整體來講食物的質素非常之唔錯，中等價位，食物質素有保證，兩個人加埋都係食咗6百左右，可以講係CP值極高，推介鍾意食泰國菜嘅朋友仔去試吓！

四個朋友晚飯聯誼，坐卡位，點了一前菜五主菜三甜品。柚子沙律 - 柚子新鮮、調品好，可口清新咸魚炒芥蘭 - 好多咸魚粒，有少許紅辣椒，微辣，芥蘭炒得爽口，好味鐵板煎蠔餅 - 喜出望外的好多蠔仔，配上新鮮嫩滑鷄蛋及牙菜，好味喎鹽燒馬友 - 昨晚無馬友比咗另一條魚—>盲鰽，燒的時間剛好，都係好新鮮嫩滑，沒有腥味芝士焗青口 - 青口就無咁新鮮，因為天氣實在熱，青口加燈籠椒粒芝士局，味道還可以咸魚炒飯 - 炒飯內夾著臘腸，旁邊配豬肉鬆腰果、切片臘腸，青瓜和蕃茄，炒飯軟硬適中，都係出色之作兩個芒果糯米飯 - 芒果好甜， 有兩球黑白糯米，椰汁甜咗少少（本人不太愛椰漿但都可以接受）一個南瓜布甸 - 第一次食這種做法的南瓜布甸，好特別，但食唔出布甸係乜味？因為南瓜本身好濃味，都好好夾，皆作總括來說：份量足夠，味道好坐位寬敞，暢談一晚好開心，待應服務好，價錢實惠，會和朋友再嚟！

今天去開尖沙咀行街，我朋友心思思想食泰國菜，上網check下，原來這邊都有新泰東南亞餐廳，之前喺灣仔食過，一直覺得水準唔錯，原來尖沙咀加拿分道都有分店，於是就決定食呢間啦。去到餐廳門口，嘩，裝修好靚，餐廳位於地下一層，全部泰國侍應，感覺就好似去咗泰國那樣，泰式裝修，門口好似有好多綠色植物，感覺好舒服。因為我們比較早去，所以安排了坐卡位，張凳舒服到好似去咗泰式Spa咁樣，可能這間是新分店，裝修非常新淨，比其他分店豪華，連餐廳牆身壁畫，全部都好有泰國風味。朋友點了冬蔭雞煲$168份量真係好多，用火盛著上檯，熱辣辣，又可以食雞煲，又可以飲冬蔭公，依道菜真係一舉兩得。冬陰公湯底比一般泰式冬陰公湯的味道沒有那麼濃烈，應該是想要符合返香港人口味，湯底滲著雞的鮮甜味道，中和了整個鍋，所以入口非常舒服。啱晒食唔到辣的朋友，也可以飲這碗冬陰公湯。雞肉出奇地滑身，煮到剛剛好，份量多，一定要試下，出面泰國餐廳好小見呢道菜。泰式明爐魚 盲鰽 $188一直都比較喜歡食盲鰽，肉質比烏頭滑好多，果然這條魚沒有令我們失望，魚肉鮮甜，混著泰式香料，不用其他調味，已經好正。再來一碟泰式肉碎生菜包$68可以選擇豬肉或者雞肉

泰菜好去處。。位於尖沙咀呢間新.泰東南亞餐廳，地方大，環境舒適，侍應服務質素吾錯！頭盤先黎一個泰式生蝦，蝦肉彈牙爽口，再配搭特製醬汁，甜中帶辣，好味👍🏻食泰菜必叫冬蔭公湯。。大蝦配上大量香料及配菜煮，香氣撲鼻，加上椰汁香，又酸又辣真飲完再想飲！餐廳推介👍🏻燒黃蟮。。秘製醬汁燒，火喉剛剛好燒到金黃香口。。咬落去超juice，肉質爽滑冇骨。。。超正👍🏻👍🏻泰式炸蝦餅。。鬆脆可口，外脆內軟又彈牙！用料十足，食落濃濃嘅鮮蝦味！泰珍珠椰菜炒香菇。。新鮮椰菜苗配上泰式炒法，加蒜椒，魚露蠔油炒微辣，食落爽口惹味！

第一次食新泰東南亞餐廳，喺尖沙咀K11對面，真係好方便😌餐廳位於地牢，門面已經好多盆栽流水，東南亞feel十足，地牢地方非常大，侍應全部穿着東南亞色彩嘅衣服，夠醒目、笑容親切，裝修氣氛都非常好👍！同朋友叫咗幾碟餸，份量都夠多，當然要叫支泰國啤酒🍻，送嘢食真係超正！第一個推介就係燒牛肋骨，有埋泰式醬料，夠熱、夠香、夠風味！😋😋第二樣餸伴酒非常好，新鮮香茅炸魚🐟係成條魚🐟上，賣相一流，魚亦都鮮甜，配埋香辣醒胃嘅泰式芒果沙律，甜酸苦辣都齊晒😋😋😋😋！第三樣餸係肉骨茶，湯料都幾足，同埋因為煲咗好耐，所以肉排嘅骨都可以食埋！肉骨茶味道都夠濃，係送飯食嘅良伴😋😋😋😋第四樣餸鹹魚炒芥蘭，有鑊氣、夠晒惹味👍！最後就係南瓜布甸，以為係凍食，點知原來係焗出來，都有啲意外驚喜，味道清甜，甜品來說都幾特別！👩‍⚖ 坐得舒服,服務周到, 價錢合理, 又一食泰菜嘅好地方😉

同朋友出尖沙咀聚舊, 帶左我去一間鄰近港鐵站出口, K11對面既一間泰國餐廳, 平時經開都有留意到呢間餐廳, 門外裝修氣氛確有泰國Style, 今日終於可以一試!!走落樓梯到下一層餐廳座位, 平日晚放工時段人氣已經很旺, 不但是香港本地人, 就連旅遊都不少。Menu上款式應有盡有, 基本上一般泰國菜款式都有齊,【串燒】HK$88可自選豬、牛、雞, 我地就選擇每款各兩串, 每串份量都幾多, 雖然唔算很嫩, 但都keep到些少肉汁, 重點在於旁邊既沙爹醬, 當中有花生幼粒, 除左很香既沙爹, 仲滿足到些少口感。【拼盤】HK$198 想不到呢個拼盤份量咁大!!! 包括有蝦餅、魚餅、春卷、肉碎生菜包蝦餅略帶彈牙, 而且鮮甜, 表面有些少油, 唔算太乾身魚餅質地林, 入口甘香甜甜的, 更有香草既香口春卷皮很脆, 入面有蔬菜絲、肉碎、粉絲, 甜甜地而最有驚喜係肉碎生菜包, 肉碎夾集左洋蔥碎、香料炒過, 帶豐富肉汁, 以清爽生茶包住入口, 清新遇上辣辣地既餡料, 非常惹味開胃。最後仲order左個甜品【原個椰青大菜糕】HK$68椰肉被刮出一片片混於大菜糕中, 大菜糕主要以椰青水做主角, 質地呈實淨啫

我好喜歡食星馬泰餐廳，一來食物惹味，二來又多小食，正！今次朋友帶我到新泰，真係好期待！餐廳裝修好有心思，等候區超多植物，真係好似係亞熱帶地區。地牢環境非常大，座位亦都寬闊，同埋最欣賞係服務員態度非常熱誠，又有笑容，值得一讚！一定要食當然係肉骨茶！Size有大同細，湯料非常多，有豆卜、排骨、冬菇，肉骨茶味道都算濃郁，有藥材味道，都不錯！如果再熱啲就更加正！另一個主菜係新鮮香茅炸魚配木瓜沙律，炸魚嘅刀工真係非常利害，一條條又冇骨咁樣食非常方便！炸魚配埋辣汁同埋沙律，可以中和炸嘅味道，都好清新同惹味！燒牛肋骨，燒得非常香，牛肉亦都好軟身，連埋醬汁食，真係非常好味！推薦！鹹魚炒芥蘭，非常夠鑊氣、夠熱，鹹魚都好香，份量亦多！另外一個有趣嘅甜品，係南瓜布甸！原來係暖食，布甸甜甜的，配埋好似番薯味道嘅南瓜，我覺得都好夾，同埋都好健康！

七點已經門口有人龍，幸好訂位，否則要等一等。門口負職人能講泰文，應該係泰國人，由泰式主理，我未入座，已經滿有期待內部九成外地人，一成本地人，成功吸引各地人士食飯，我一入去聞到香味，我已經肚子餓了餐具配上香葉，有心思頭盤柚子蝦沙拉，賣相精緻，份量幾多！沙拉除了柚子，蝦，仲有有墨魚，腰果，材料豐富，先填飽肚nnna點青咖哩，nna係酥皮，唔似一般印度店，特別有風味，由於我唔食得辣，點了青咖哩，變得無咁辣雜菜青咖哩，有椰菜，青椒，薯仔...nana有八份，點點咖哩，又一食法肉碎炒飯，口感有啲似糯米飯，食落去好煙銀，而且入邊有少少肉碎再加辣椒，非常之有口感。而且炒飯可以加入咖喱，令到我哋呢試咗另一個咖喱嘅食法雖然四種菜，已經食飽我地，下次再食其他！一定會再食服務人員好好服務，不停加水，滿有笑容

幾個人行過見到門面幾好，又唔駛等位，就落左去試下。入到去裝修及侍應都好，價錢也公道，我自己好鍾意食泰國菜，於是叫咗幾個最簡單嘅。上菜速度非常快，令我諗過係咪整定，份量比較細。首先冬陰公，係唔熱嘅，味道又偏太酸，個人認為不太合格。青咖喱魚，重椰奶味，太多三色椒。成碟得三舊魚，完全唔知食咗啲乜。生蝦刺身，呢個好基本，所以冇乜特別。泰式炒雜菜，又係唔係太熱嘅，呢味冇乜難度，但口味偏淡，鍾意濃味嘅朋友可以唔使叫。總括嚟講食物水準認真一般。

通常一想到食泰菜都會選擇去九龍城，但最近發現位於尖沙咀加拿分道一間泰國菜館裝修環境食物質素都不錯，所以今次帶埋屋企人去試吓。一行到門口已經覺得裝修很豪華特別。每張卡位座位寛敞坐得好舒服😌泰色椰菜苗炒香菇-椰菜苗炒得好香口，不太油膩，夠鑊氣，爽甜。醃無骨鳳爪沙律-鳳爪酸甜無骨，容易入口，一隻接一隻，食唔停口。泰式生蝦-原汁原味，捲上辣椒蒜片加埋個泰式汁，酸酸地不太辣，蝦肉新鮮度夠，不會有黏膠的感覺，帶有少少彈性，非常好食😋泰式炸蝦餅-蝦肉炸得好香好彈牙👍燒黃鱔-都係第一次食，肉質非常軟熟入味，加入秘製燒醬，非常好味👍👍👍

之前同同事喺灣仔食過呢間新泰東南亞餐廳，食物味道以及環境都不錯👍所以今次同埋幾個好姊妹就嚟尖沙咀呢間分店試吓入到店內環境不錯，裝修好有泰國氣氛。餐牌菜式種類多，樣樣都想食😋泰式生蝦食泰國菜必點的菜色，食生蝦最重要係新鮮爽口，呢碟真係超好食，加入醬汁簡直絕配👍泰珍珠椰菜苗炒香菇-椰菜苗嫩嫩綠綠，不會太鹹，清清地加入香菇炒，味道不錯👍泰式菠蘿炒飯-材料分量十足，有臘腸、菠蘿、肉鬆、鮮蝦及提子乾，炒得好好，一啲都唔油膩。冬陰公-湯煮得好濃，不會太辣，酸酸地辣辣地非常開胃😋😋😋芒果糯米飯-糯米飯熱辣辣軟綿綿，加入椰汁超正，芒果又香又甜😋😋😋

公司未搬前成日去灣仔新泰食晏，$8x左右有大大份泰式美食，平。靚。正！因此，同朋友食飯想食泰國野都會諗起新泰🥴🤟🏻有晚想係尖沙咀食泰國野，一openrice就發現原來尖沙咀依家都有分店！——————可能餐廳範圍係地庫嘅關係，尖沙咀嘅門面主要用作等候同接待區。等候區慷慨到有沙發同成牆植物，令你等都等得感覺舒服過人😂因為冇訂位嘅關係，唯有食早啲，6點幾就已經入座。雖然午市已經食過好多次，但其實餐牌上仲有好多食物未試過。（😂 梗係啦，唔知係第二個餐牌嘛）所以，是晚就同7哥決定叫新野食！———-首先前菜，都係叫返我食開又鍾意食嘅😂1. 醃無骨鳳爪沙律 同 2. 飛天通菜（其實冇諗住當前菜，但佢極速上菜）🔥無骨鳳爪好開胃，沙律部份有生洋蔥等，就比較重口味🤭而食泰國嘢點會唔叫通菜啊😬我8掛望下附近啲人食咩，至少左右兩檯都叫咗無骨鳳爪或/及飛天通菜，果然係熱門美食🥴3. 椰青食到辣辣地，而我又唔食得辣😂梗係要叫個椰青減減辣！冇伏！清甜！由於係堅椰青，啲椰青肉真係刮哂出黎食 😂4. 串燒（豬、雞、牛）$88 有6大串，抵到喊😂 冇特別preference，就每種肉2串，岩岩好同7哥一人3串試勻哂！啲肉

串燒 HKD88；不專業評級：6/10🥇豬肉*2｜🥈雞肉*2｜🥉牛肉*2其實🐷🐣串燒都好嫩滑 但唯有🐮非常鞋口😭仲好乾身 所以牛肉食左一舊就好衰仔咁交左比朋友ko🤪.泰式炒椰菜仔 HKD95；不專業評級：5.5/10講就講係泰式 其實同普通蒜茸炒無分別🤣 略嫌炒的時間短左啲 口感偏硬☹️ 雖然落左好大量蒜茸落去炒 但唔入味 蒜香咸味只留於表面😣.泰式蝦炒金邊粉 HKD98；不專業評級：6/10同一般泰式餐廳食到既金邊粉差唔多🙈 無特別驚喜芒果糯米飯🍚 HKD62；不專業評級：7/10😍😍😍好正‼️ 絕對有驚喜‼️ 糯米帶暖且軟糯 配合紫糯米 口感一流🤤 再加埋大量的椰汁同甜中帶微酸的芒果🥭 簡直就係無得頂‼️❤️🧡💛💚💙💜 真係好味到食完一個仲想叫多個😭.推薦度：🌕🌕🌕🌕🌕🌕🌗（滿分十分）

周末同朋友喺尖沙咀行行吓街落大雨，到附近食個early dinner避一避雨。估唔到門口充滿泰國風味，有一刻以為我去咗曼谷做Spa一坐低先叫個椰青沙冰燒消暑，啲沙冰多到滿瀉，濃濃嘅椰子味，大愛！小食拼盤叫咗個細嘅，有我最愛嘅蝦餅同魚餅，蝦餅香脆彈牙，魚餅則有濃濃嘅泰式香料味，勁正豬頸肉沙律，原來可以包生菜食，沙律個汁酸酸甜甜，包住生菜食就可以中和到個汁嘅味道，不過我就包唔包山菜都咁鍾意呢碟餸！朋友叫咗呢碟蠔仔炒蛋，我初初以為即係蠔餅，點知其實佢真係一個炒蛋，而且啲蠔仔仲鬼死咁多同大粒，好抵食！個泰式蟹肉炒粉絲，連埋啲扎肉一齊炒，非常惹味，不知不覺就會食晒，好邪惡！而呢個日式南瓜焗海鮮飯，味道偏甜，真係比較似日本嘅風味。女人食甜品係會有第二個胃，雖然食主菜已經食到好飽，但係都係想貪心叫埋個甜品拼盤！個大拼盤仲啱啱好每樣甜品都有3份，唔洗share!正

今日唔知食咩，行過呢間又試下啦。要行樓梯落地庫的餐廳，落到去地方好大，最欣賞佢既係地方大得黎佢無放好多枱迫死你，枱與枱之間空間感十足！絕對坐得舒服！👍🏻叫左海南雞飯同埋豬肶飯，仲加左$28前菜泰式鳳爪沙律。先有泰式鳳爪沙律☝🏻$28都有6,7舊嫁，味道唔差。海南雞飯☝🏻便當形式既午餐，份量大既，大碗雞油飯，大舊雞，仲要係雞脾！最欣賞佢啲菜，係蒜蓉炒雜菜！所有野都好食！☝🏻再黎泰式豬肶飯，都係好大碟，好多豬肉好大碗白飯，湯都好大碗！豬肉下面有好多好味咸酸菜，都好好味！👍🏻☝🏻仲有飯後甜品，綠豆椰汁大菜糕咁既野，好好食！其實仲包咖啡茶添，不過凍飲加3蚊。好食夾大份既餐廳，女仔實食唔哂，好似好浪費咁，其實可以收平少少份量少番啲。會推薦，有得番轉頭既餐廳👍🏻