新泰東南亞餐廳

营业中

休息中

同朋友喺尖沙咀行完街，就喺附近搵野食。喺K11出面見到呢間泰國餐廳，鋪面裝修得幾靚，一開始就比佢架Tuk Tuk吸引到，之前試過其他分店覺得質素唔錯，所以就決定揀佢啦🤓沿住樓梯落去先到用餐嘅area, 比想像中大好多，環境認真唔錯，非常闊落，唔會有任何壓迫感😀 我地6點半左右到，太早餐廳未有好多人，按排到我地坐卡位，沙發位坐得好舒服。泰式蝦炒金邊粉 $108賣相好精美，外面包住一層蛋皮，配料有好多蝦球同泰式魚蛋，啖啖肉好鮮嫩又爽口，材料豐富，份量十足。 金邊粉炒到乾身，食落好彈牙，加左青檸汁，可以中和醬料嘅濃味，好食👍🏼蜜糖燒肋骨 $88肉質軟嫩入味，外面塗左層蜜糖，甜甜地好好味~ 而且佢燒到岩岩好，一啲都唔乾，軟腍又多汁，啖啖肉又易甩骨🤓蒜蓉越南牛油雞翼 $78雞翼勁香牛油&洋蔥味，咬落層皮脆脆地，但肉質仲係嫩嘅，好juicy~馬拉盞通菜 $75通菜味道比較濃，同馬拉盞嘅味道好夾，但係又唔會太油膩，食得出好夠鑊氣！用利送飯就岩曬。泰式甜品大拼盤 $168最後叫左個大甜品拼盤，有5款唔同嘅糕點，可以一次過試曬唔同款式！甜品椰漿味好濃，每款都有唔同口感: 依韌，香脆...  不過

今日嚟係K11 對面嘅新泰東南亞餐廳餐廳佈置高貴有格調，環境非常舒適，整潔。今日叫咗兩個午市套餐。首先係星馬咖喱雞。雞肉份量非常多，有超過10件雞肉，而且雞肉質地嫩滑。咖喱汁好creamy，味道啱啱好。接住就係泰式炒金邊粉。味道非常正宗，份量非常足夠。不過蝦肉只得兩隻，略嫌不足，幸好蝦肉非常新鮮爽口。今日另外仲加咗一碟飛天通菜。碟菜非常好味！最後就加咗一個原個椰青大菜糕。依個甜品味道非常清甜，啖啖椰青肉，令人越食越想食！ 由於我哋係下午茶時段嚟，所以有全單八折。依間餐廳好食又抵食，而且服務又好，值得推介！

一向都好鍾意食泰國菜 經朋友介紹 知道有呢間食東南亞野食一嚟到門口 就見到佢有好特別的擺設 好有創意 唔似一般泰國菜都走街坊路線入面的裝修先令我地最讚嘆 design好decent 好適合大家想坐得舒服地聚會呢度有好多款東南亞野食 泰國越南野都有 選擇十分豐富！蜜汁燒肋骨估唔到會有rib食 肉燒得好香好淋 加上蜜糖燒好惹味😋越南牛油雞翼牛油味好香 不過個人口味鍾意再脆d 就會更香口🤪馬拉盞通菜食泰國野必食通菜 通菜吸收左蝦醬味道 少少辣 配埋蝦米 超級正👍🏻泰式金邊粉份量好足 三個人食左其他野再食呢個已經好飽 水準亦唔錯！甜品大拼盤睇相都覺勁豐富 除左有必食嘅芒果糯米飯 仲有好多特色甜品個人覺得糕品做得幾出色 朋友略嫌甜 但我諗都係口味問題食埋呢個做ending就好滿足🥰雖然餐廳裝修好高級 但價錢都好平民化 性價比好高👏🏻

琴晚係尖沙咀，女朋友話想食醒胃菜，除左有重慶大廈咖喱原來仲有e間泰國菜。門口裝修唔錯，有架秦國打卡的士（篤篤？）落到去原來都幾闊落同幾有情調，播住秦文歌，難怪坐滿爆晒人啦餐廳食物款式好多，好彩侍應都好好人推介左幾款秦國傳統美食首先有東陰公湯（細），兩個人飲份量岩岩好，d料靚蝦肉唔係霉既仲又有蝦膏又大隻，但個人認為辣左dd跟住黎個生蝦做頭盤，女朋友一啖食左隻蝦淨點酸甜汁唔食埋粒辣蕉同蒜頭。我眼都大埋，你當食緊刺身咩？識食一定一齊食埋，唔食得辣都淨食蒜。試完就知全完係兩個級別黎椰菜苗係堅係苗黎，夠晒細粒夠嫩。最正係識得用牛油去炒，椰菜同牛油既配搭係十分香甜街邊豬肉串配糯米飯，d豬肉好香軟似蜜汁叉燒，最得意係個糯米飯用個籃仔裝住，夠晒傳統既樣最後係酥炸香茅魚，賣相好靚（呃like用），食都好有誠意。原本係鰂魚，不過冇晒換左鱸魚。d肉起晒出黎啖啖肉，又即叫即炸。個人完全對得住價錢有找。配辣醬同青芒果沙律，食完辣可以解返。

估唔到繁華的街道下面別有一番天地，裝修超靚同埋坐得勁舒服的泰菜！ 佢張梳化有埋咕𠱸，大到攤係度都得！ 黎個生蝦先！ 好大隻好有肉地同埋咬感，加埋佢呢個汁，蒜頭同埋辣椒，完全將蝦嘅味道提升，好正！ $98 要左個細嘅冬陰公湯，都幾辣，入面有一隻大蝦，不過其他配料就較少，$78 唔太抵。椰菜苗仔，細細粒，真係好苗，同埋用牛油蒜蓉炒都好香，好味又健康！ $98呢個係職員推介嘅豬肉串配糯米飯，話係泰國果邊嘅人都成日咁樣食，佢啲飯拎個竹筒放住，豬串個汁勁好味，兩樣夾埋好Match! 本身有三串豬，食左一串先記得影相。 $88最不了係呢味餸！酥炸香茅魚，佢話冇鰂魚用鱸魚，冇問題！ 條魚起曬魚再去炸，脆卜卜，加埋果個無敵辣醬，勁惹味，好彩有個酸嘅青芒果沙律同埋好甜的龍眼冰中和下。$168

因為突然間想食泰國嘢，所以就揀咗間就腳嘅。因為搵唔到個門口所以喺後門入，落咗條長樓梯就見到一堆垃圾車，然後入咗呢間餐廳。個侍應叫我入咗間房食，間房個環境雖然係比較靜，不過其實同出面差好遠，冇咁靚仲有啲污糟。青咖喱雞肉真係沒有比較就沒有傷害。前兩個星期食咗啲太好味嘅青咖喱，覺得呢個完全喺度食香料，雞肉得幾舊，都唔知夠你食定我食。冬陰公炒飯非常之辣，冇冬陰公嘅酸味，仲有啲炒燶左添。啲蝦都叫做彈牙新鮮嘅。啲飯都炒到乾身，有咬口。蠔仔煎蛋非常油膩，可能呢度真係正宗泰國風味，我呢啲港女就唔係幾岩。最後因為啲冬陰公飯太辣叫咗兩個椰青，每個$45仲要加一，即係齊頭$50。兩個椰青$100喎，鑲金咩。

話說我好中意食泰國菜🇹🇭班friend成日都笑我鄉下係泰國😂 唔同嘅朋友都同我推薦過新泰，食物高質得黎又好抵食，今晚屋企冇煮飯就黎會一會佢先😝😝😝門口有架好搶眼嘅Tuk Tuk 🚘 冇諗過餐廳範圍有咁大，而且坐落好舒服好闊落👍🏻每次去泰國餐廳都必點生蝦刺生 🦐 好中意個sauce，比起係其他餐廳食到嘅冇咁酸同辣，唔會蓋過生蝦本身嘅鮮甜，一份有6隻，每隻都大大隻，食落爽口彈牙😋正呀！泰珍珠椰菜苗炒香菇 🥬第一次食炒椰菜苗，本身以為係一個個波波咁😆食落好食過椰菜好多(細個食d飯盒有嚴重陰影🙈）我真係好中意食呢個菜，除左食落好爽脆之外，配埋香菇同蒜蓉清清地，好fresh 🥰燒豬頸肉🐷🐽我同朋友都覺得燒豬頸肉好抵食， $78有一大碟，食到最尾勁飽，食唔晒要打包😂值得一提嘅又係個汁，比起平時食到嘅甜啲，有少少似中式嘅乳豬醬，幾特別喎又😋日本南瓜焗海鮮飯 🎃 呢個食落好有驚喜！初初係睇Menu覺得佢個樣幾靚，所以就叫黎試下🤗食咗第一啖覺得好香，入邊好似有啲蟹膏，又好似有啲curry嘅味，入邊仲有勁多海鮮，有魷魚、青口等等🤩椰青沙冰食泰國嘢點少得一杯凍冰冰嘅嘢飲呢！ ？平時食親泰國嘢都會叫椰青飲，

平時食開泰國菜多數會去九龍城，但之前同朋友試過尖沙咀呢間新泰東南亞餐廳就經常來到這裏食，這裏裝修比較有泰國氣息，地方很大坐得好舒服，同朋友傾計敘舊一流。泰式生蝦😋😋😋生蝦隻隻晶瑩剔透，夾著蒜頭及紅椒，肉質彈牙爽口，帶點膠質，新鮮清甜不腥。青咖喱雞肉份量雖然不多，但材料非常豐富健康，有蘿蔔、豆角等多款蔬菜類，雞肉肉質鮮嫩，配咖喱汁甜甜地，有椰香，幾好味。我們還點了一個薄餅配青咖喱一齊食，食唔停口。燒鱔（4串）串燒來說價錢亦唔平，但物有所值，鱔肉外皮燒得脆卜卜，咬落有豐富油脂，又彈牙，不得不食。生菜包（豬肉）🐷🐷🐷泰菜必點菜式，份量亦都幾多，豬肉非常多汁，不會太辣，味道適中，生菜亦新鮮。

今晚同個friend出尖沙咀食飯，趁係呢個夏天尾想食啲凍嘅泰國嘢所以見到呢一間餐廳就入咗佢睇睇。點解入呢一間餐廳呢，最主要係見到門口果部篤篤。我心諗，係呢一個年代竟然仲有餐廳願意晒位去擺一個咁大嘅擺設，應該係勁野。咁喺餐廳門口落一層，喺下邊原來真係內有乾坤。我自己已經好耐冇去過咁大間有酒樓咁大嘅餐廳。間餐廳其實幾好坐不過我就冇乜點影相，同埋好多鬼佬去幫襯。(呢一個部份只係房中房中房中房中房既其中一張枱。)咁話明食啲凍凍地嘅嘢，就梗係食生蝦啦。蝦就同正常差唔多，但係嗰漿就幾好食。但係一餐飯冇可能全部都係食凍野，所以都係叫咗咖喱，薄餅同埋一啲豬頸肉。全部都幾好食啦。你問我會唔會再返嚟食，我會答你會。食物水準固然之重要，但係服務質素會係更加吸引我嘅地方。全部侍應今日都好好笑容，另外我杯水係從來冇試過飲晒，而且仲要係暖嘅。(作為一個cheap精我係唔會叫嘢飲嘅。)最後俾大家睇睇個Menu，價格係尖沙咀來講就咁上下甚至乎偏低，想食嘅就試吓啦，我覺得幾好坐嘅一大班人去會更加好。

放工陪女兒去尖沙咀買手袋，之後找地方食飯，她記得之前去過新泰東南亞餐廳，食物唔錯，梳化座位坐得好舒服，說今晚就去新泰食晚餐。蜜糖燒肋骨，面層加在蜜糖，肉質軟嫩入味，味道帶甜。泰式去骨海南雞：雞肉已經起骨。肉身嫩滑，配以濃味醬汁非常惹味。日本南瓜焗海鮮飯：海鮮材料有青口、蝦仁、鮮魷和南瓜粒。用原個日本南瓜起出南瓜肉，放入飯和用特製咖喱醬汁煮過的材料，焗至面層微蕉，香噴噴的焗飯份量不少，海鮮新鮮爽口彈牙，咖喱醬汁帶甜味，香濃美味！

朋友從美國來港旅遊，約我食晚餐聚下舊，我知他喜歡食泰國菜，所以帶他到尖沙咀新泰東南亞餐廳，餐廳裝修擺設好有泰國feel，座位寬敞舒適，而且除了泰國菜，還越南和星馬菜式，朋友一定喜歡。鹽焗鱸魚，用鹽焗方式烹調，比蒸和煎更能保持原汁原味，魚肉Keep到juicy結實，魚肚放入了很多香料焗，又香又鮮味，相當不錯。泰式去骨海南雞已去骨，皮爽口，肉質鮮嫩啖啖肉，跟上的醬料有辣有唔辣，本覺得點辣的比較惹味！泰式干炒河(豬)，滑滑的河粉炒得夠香，豬肉片大塊，肉質軟嫩入味。

呢間泰國餐廳喺我心目中嘅前三名之一，有時一個人喺屋企唔想煮嘢食就會來呢度點個奄列海鮮炒飯加份串燒， 就可以食得非常飽仲好好味。呢度嘅海鮮炒飯炒的好靚，飯粒粒粒分明，外面用一層薄薄嘅蛋皮包住，上面仲配有肉鬆，全部一齊食好好食。串燒喺必點之一，呢度嘅串燒有豬肉嘅，雞肉同埋牛肉。肉質新鮮，燒完嫩滑多汁，沾埋香料醬料，十分惹味，太好食。

一向愛食泰式食品，今趟來到新泰，比預期有驚喜，下次一定會再食！👍🏻🐠泰式酥炸香茅魚（配青芒沙律）是藝術品吧！未食先加分！😍魚頭魚尾中間盛載著已去骨的魚肉，炸粉薄，點旁邊的酸辣汁食更添野味！泰式沙律爽口開胃，唔錯！🐂巴東牛展唔～～陣陣椰香咖哩味，牛展入味林身，連著筋位，超正！微辣咖哩汁伴印度薄餅食，一流！😋🥥椰青沙冰非常清甜，最喜出望外的，是沙冰混埋了椰子肉，誠意可加！👏🏻飲落仲有淡淡奶香，推介！💓除了食物質素💯，服務態度亦是💯，點可以唔介紹俾大家!💓

星期日晚約咗朋友去食泰國菜，喺open rice見到呢度裝修好靚。去到果然無令我哋失望啊，佢個位置系地庫嘅，噉嗰餐廳面積都幾大嘅，同埋有好多卡位。我六點左右嚟到，店員就安排咗我哋坐張好大嘅卡位。食下食下我發覺原來呢度真都幾受歡迎啊，雖然係星期日夜晚，但都差唔多坐咗八成滿。野食方面我就點咗個燒虎蝦，個虎蝦會有埋個甜酸醬畀我哋嘅，噉我哋將d蝦點落啲醬到，酸酸甜甜。另外點咗個泰式甜品小拼盤，呢個拼盤有四款甜品，每款都有兩個，啱曬鍾意食甜品嘅朋友，可以自己選擇鍾意食邊款就揀邊款來食。最好食係綠色個款椰汁糕，因為咬落去比較有椰香味同埋口感呀。如果你想同朋友舒舒服服噉傾下偈啊，食下飯，呢度係一個唔錯嘅選擇。

好耐冇食泰國菜，心血來潮就去左尖沙咀依間幾多人揀的餐廳，門面都幾靚太肚餓了，叫左好多野食。有金邊粉,冬蔭公,炸軟殼蟹,蝦餅+魚餅,泰式奶茶,芒果沙冰。金邊粉係我最中意的一道菜，檸檬汁同花生碎撈埋d粉，好彈牙同爽口，仲有蝦！都係好鮮味！炸軟殼蟹同蝦餅+魚餅同樣炸得好香。平時坊間的軟殼蟹同蝦餅+魚餅都會炸得好乾，冇左口感，但依到的蝦餅+魚餅好厚身，咬落去好有口感,仲有香料味添啊。我次次食泰國菜都會叫冬蔭公湯。佢加左小小椰奶,令湯唔會太辣。湯入面有好多菇同香料,仲有一隻入哂味既大蝦，好抵食到左飲品,泰式奶茶就有少少甜，但都ok,芒果沙冰就必叫，好香芒果味！