新泰東南亞餐廳

营业中

休息中

餐廳門口有好多打卡位影相，等朋友嗰陣唔使怕悶，餐廳就係地庫，好大好闊，枱與枱之間都好多空位。 冬蔭公 $78(小) 去食泰國嘢真係唔少得冬陰功，料頭都好足，海鮮有兩隻開邊蝦，好多草菇，不過酸度同辣略嫌不足。 串燒沙嗲(豬、牛、雞) $88(6串)串燒就各有千秋，三款都燒到個皮好脆，個沙嗲汁好多花生碎，算偏甜。不過就略嫌沙嗲汁少咗啲。 越南烤庶蝦 $78蝦肉好實好彈牙，甘蔗味略淡。唔會烤到好乾，而且最尾條甘蔗好多汁！ 泰式燒春雞釀香茅黃飯 $188唔好以為隻雞細細隻，真係內有乾坤，無論係個飯定隻雞，都好入味，隻雞又唔嚡，個飯又唔會乾。 椰青沙冰 $58呢個就原個椰青上，堆到好高，同埋每一啖沙冰都食到啲椰子肉，而且飲到後面，唔會得返水，真係極度推薦。

上次朋友生日就去了灣仔新泰東南亞餐廳，好好食呀！今日尖沙咀做完野，見到新泰都有分店，就點了幾款我最想食的，埋單300元左都好飽，仲要食唔晒打包走，都算抵食，唔怪得走時全場爆滿，仲有唔少人等位。巴東牛展$88面層鋪上香茅絲、咖哩、馬拉盞等，入口就感受到炆煮的牛腱，腍滑又鬆化，吸盡濃濃的香料的精華，不算辣，但好惹味，伴飯一流，可惜是夜晚唔敢食太多飯，所以食左兩件就打包回家，聽日晏晝餐飯有著落。🍃泰式炸春卷$68入口脆卜卜，內裡的饀料有紅蘿蔔絲、菜絲、菇絲及馬蹄粒，口感清新，充滿泰國特色，吃時加點酸甜充滿檸檬香的醬汁同吃，更是滋味。🐥泰式青咖哩雞配蒜茸包$88就有豬、牛及雞可揀，我揀左雞，份量都幾足，雞肉好嫩滑，都是雞肶肉，配料就有南瓜、豆角、紅椒、香葉，咖哩汁調教得剛剛好，少辣但好咖哩香，帶少甜。蒜茸包$32食青咖喱雞，必配的蒜茸包，咖喱汁淋在蒜茸包上，咖喱很香又夠厚身，與香脆的蒜茸包簡直是絕配，食到要吮手指，一客四件好想再Encore，但肚皮唔爭氣，一於下次再食。☕凍咖啡$33本來想飲杯泰式咖啡或奶茶，好彩問一問，真是調教時已加甜，還是飲杯還魂凍咖啡就算，咖啡都幾濃，走甜都唔苦，以咖啡作

次次行過，次次都一大堆人係門口等位，唔食唔知道，原來餐廳十分之大！係勁大，超多位，座位都寬敞，一大班人聚餐最啱！餐牌好多嘢食，不能盡影。大部分店員都係泰國人，夠哂地道 冬蔭公 $78(小) 兩個人嗌細碗已經好夠！望落去比較稀少少，酸辣度可以更強，但湯料十足，呢個價位好抵食。 串燒沙嗲(豬、牛、雞) $88(6串)各款2串，平均$15/串唔洗，以呢個大舖位同地段，性價比高。沙嗲醬偏甜，啱我口味，肉類都燒得唔錯，個人口味覺得可以再醃得濃味d。 越南烤庶蝦 $78好耐無食過！炸粉均勻，蝦肉勁彈牙，必點！ 泰式燒春雞釀香茅黃飯 $188呢個唔好睇少佢份量，係十分飽肚，成隻雞都釀入香茅黃飯，飯十分之入味，唔知有無加入雞油，好香，至於泰式燒春雞夠哂火喉，皮燒至微脆，但肉質就唔夠嫩。 椰青沙冰 $58必點！超大杯不特止，真係啖啖有果肉！

尖沙咀呢間泰國菜一向都比較隱蔽，今次就同朋友來try try先！我哋平日晚市嚟食，7:30左右，已經全場坐滿，都幾好生意😌冬陰功湯 $78分量比想像中細少少，味道正常都唔錯👍🏻鴨肉生菜包 $78鴨肉比較少見，都幾特別。食落比豬肉香，有陣陣鴨香味👍🏻鹽焗烏頭 $128條魚份量好大，但外皮焗得唔夠脆，魚肉唔夠新鮮，略嫌平淡😌越式燒春雞釀香茅黃飯 $188呢個菜式都少見，唔係到到有😌燒春雞一流，雞肉香滑嫩口，黃飯都好香。但兩樣食材夾埋一齊好似未有火花😌整體來講，依家環境都幾舒適，菜式水準不錯，又喺K11隔離幾方便，都幾適合同朋友嚟約食飯👍🏻

尖沙咀K11對面有間泰國菜開咗好耐，一直都好想試，今次就同朋友來食下先🌝間餐廳係地庫，雖然店面好大，但係因為見唔到餐廳內部，所以感覺上都比較隱蔽😌店面都好有心思，有架好得意的泰式砵砵車的士，打卡又幾岩wo🌝冬陰功湯 $78份量每人有兩細碗左右，味道調得剛剛好，唔會好似某啲泰國餐廳太鹹或太甜，都好滿意👌🏻鴨肉生菜包 $78平時食泰國菜多數都係得豬肉可以揀，鴨肉比較少見。炒得都幾惹味，食落有少少鴨肉香味，十分開胃👍🏻😍鹽焗烏頭 $128隻烏頭好大條，分量比想像中大，可以啖啖肉😍。魚外皮唔脆，魚肉比較軟熟，但未能食到新鮮感。越式燒春雞釀香茅黃飯 $188呢個菜式都係第一次食，幾新奇！成隻春雞包裹住啲燴飯，啲飯吸晒啲雞汁，好Juicy😂但又唔會太油要讚嘅係隻雞已經去咗骨，好方便進食👍🏻整體來講，呢間泰國菜菜式誠意十足，味道都好食，環境都好闊落舒服👍🏻我見佢都有好多大枱，好啱成班朋友放工嚟食飯😌

要等齊人先能入座，冷氣夠凍，位置闊落，安靜舒服，不過有限時90分鐘交枱，其實我個人都幾唔鍾意限時交枱安排。特色－正宗味道，不過比較重味精，好食的，賣相也不錯，對得住價錢。想食正宗泰國菜可以考慮。有個椰青沙冰，份量非常大，成個椰青卜枱，全部都係沙冰，有花心機在內的。芒果沙冰甜度適中，亦都很重鮮肉味道，不錯！另外的主菜，冬蔭公湯偏甜，食唔到辣嘅都飲到，重配料味道。泰式蝦金邊粉份量十足，超大份，佢上菜時賣相有心思，一翻開兩個女仔真係食唔晒！仲有青咖哩雞，亦很濃味，我地配薄餅食都非常入味！香芒軟殼蟹米紙卷配汁都是自己配製。

行完k11落返對面搵嘢食, 見到這間泰國菜有肉骨茶， 即刻入去試下， 門口有架車仔都幾得意坐落覺得環境都不錯， 有D似喺泰國酒店嘅大堂咁樣， 都幾舒服咁就梗係一定要叫最想飲嘅肉骨茶la唔係胡椒味嗰種，偏向有藥材味， 有五六舊排骨啖啖肉， 而且肉質都幾淋滑， 裏面仲有啲冬菇一齊煲，湯汁香濃另外叫咗個豬頸肉沙律， 原本以為淨係一碟， 原來仲配埋生菜，一齊食真係不錯，味道夠香辣，又係啖啖肉冇諗過個炒飯係咁大，仲有隻菠蘿配料不少，有蝦，仲有好多魷魚配料分開，肉鬆食嗰陣先加唔會淋曬另外腰果我唔鍾意食，所以冇落地點就腳，價錢唔係貴， 店舖夠大唔使點等位，個人而言應該會返食

餐廳位於地庫, 內裹裝修得幾靚, 雖然佢係尖沙咀地段, 但食物價格竟然比我想像中實惠!家人一早訂左位, 所以準時去到即入吾洗等 ( 假日記得訂位牙!出面勁多人等位)生菜包 : 夠哂SPICY! 好惹味明爐魚 : 大大條冇泥味! 蝦餅 : 熱辣辣脆卜卜, 彈既! 一碟剪成8件夠哂分!XXX釀燒雞 : 賣相一流，但D雞肉入吾到味 , 反而隔離個伴菜出色!餐廳唯一吾好既係開既冷氣太大, 叫極都冇理會,奉勸大家記得帶件衫入去!翻兜指數 **** (5粒滿)

今日和老婆在尖沙咀行街，行到肚餓在這裏有間泰式餐廳，泰國菜我和老婆都很喜歡食，晚飯時段這裏已經有很多人等位，證明餐廳有質素這裏環境寬敞，空間感十足，而且這裏設計東南亞風格細看餐牌有很多選擇，每一樣我都很想食這個泰式生蝦，食泰菜又怎能少得泰式生蝦，以冰鎮形式上枱，每隻蝦中間放了一片指天椒和1片蒜片，吃時蘸上泰式辣汁，更加惹味，生蝦呈半透明，冰凍新鮮，肉質爽口彈牙， 吃時拿走指天椒，只蘸上泰式辣汁，已令我吃得出汗，越吃越好味，蝦肉配上泰式生蝦汁非常美味蝦肉肉質厚實，口感爽口，咀嚼後，蘸了泰式汁，辣味慢慢滲出， 十分美味這個蟹肉炒粉絲，送到我的面前很香，望落去材料豐富，吃一口粉絲，綿密中帶有彈牙的口感，咀嚼起來還有一種濃郁嘅鮮香味，而且加上蟹肉一齊食鮮甜，香口的粉絲加上蟹肉的甜，非常好食滿滿的蟹肉真材實料，而且很好味柚子沙律啖啖柚子肉，汁液充盈，清甜可口夾雜紫洋蔥美味辛辣，和果仁一齊食又香又惹味，而且好味又健康，還有蝦肉，魷魚，蝦肉爽口，而且魷魚彈牙，用料非常新鮮軟殼蟹炸得剛剛好，表面金黃而脆口，軟殼蟹連殼帶肉都可以吃，卜卜脆好滋味泰式烏頭魚，用青檸香茅原材料煮成湯再以細火將魚浸熟，開胃得來

以前食泰國嘢通常都會過九龍城食因為成條街都係食肆，泰國菜仲特別多但係而家越開越多連尖沙咀嘅泰國菜都有好多選擇啱啱去完加拿芬廣場做facial行落嚟就見到呢間泰國菜見到都有不少嘅人流呢間泰國菜好好味相當地道，分量相比起其他店舖都較為多，環境舒適，服務亦都不錯比起普通嘅泰國餐廳更有特色門口嘅裝修都好特別，見到有好多排緊隊嘅客人都拍照留念環境空間闊落充滿泰式嘅感覺而且食物質素又有水準時間尚早，行到落去見到原來已經好多人，所以要食嘅朋友仔記得book位泰式明爐烏頭$168烏頭魚非常大條湯底酸酸辣辣入面有好多芹菜芫荽香葉同埋不同嘅配菜飲落都已經好好味連埋烏頭一齊食冇得頂烏頭本身已經鮮甜再飲埋湯，又啖啖肉，勁快食晒成條魚酥炸軟殼蟹$78，軟殼蟹炸得非常脆入面完全吾乾身，仲好有口感，旁邊伴有好多炸蒜頭生蝦刺身$98蝦肉新鮮彈牙，佢最特別嘅就係佢嘅泰式醬汁又夠酸又夠辣同其他餐廳嘅味道有啲唔同真係好惹味絕對係開胃嘅前菜蟹肉炒粉絲$98，用咗好多配菜，有炸乾䓤，蒜頭，芹菜，芽菜….完全沒有油膩嘅口感令海鮮嘅味道提升左多咗一份肉汁滲入粉絲再夾住芫荽同唐芹嘅獨特味道令到個粉絲味道增添乾身又彈牙淡淡充滿着豐富嘅

每次來到尖沙咀都見到好多人係呢間餐廳門外大排長龍，今日終於可以試試佢啦。餐廳上層有好多特色泰國擺設，下層就係用餐區，剛剛步入就有返到泰國既感覺。原來員工好多都係純正泰國人，用泰文溝通。👍🏻步入秋冬，聽先暖暖胃。先叫左個細既冬陰功湯，2個人share剛剛好。湯底足料，夠晒濃味，大蝦仲保持到鮮嫩彈牙，好正！必叫之選！馬拉盞通菜，相信每個香港人都會叫既泰式小菜，份量充足，味道清淡得黎夠鍋氣，食完一大堆濃味泰菜，配上呢款小炒真係唔錯。主角之一既馬沙拉咖喱雞，另外再叫多份印度薄餅。咖哩好香濃既椰奶味，食落好香好順滑，薯仔洋蔥配菜都好出色。最最最夾既係佢地既薄餅，剛剛出爐點咖哩真係冇得輸，叫咖哩食既朋友千其唔好漏左佢。今餐重點，鹽焗鱸魚🐟，第一次食呢款鹽焗魚類咁好食。剛剛上台一打開魚皮，香氣撲鼻，魚肉肉汁依然存在。點一點特製醬汁，酸咸鮮味都好突出。全晚最正👍🏻，但如果凍左食就冇咁好味，所以呢個菜真係要襯熱食！街邊豬肉串，豬肉夠爽，味道都夠香濃，點埋醬汁又有幾返風味。食左咁多野，但都忍唔住叫多個芒果糯米飯。十分好食，作為飯後甜點，真係極度滿足。糯米同紫米飯都夠熱，椰醬暖暖，配上味道偏酸既芒果剛剛好取

次次去red mr唱k都會見到新泰勁多人等位，等位區又有架超搶fo既tuktuk，呢晚專登book定位去試下佢～餐廳喺地牢，環境相當闊落亦充滿泰式風情，我地兩個人就被安排喺靠壁畫嘅二人枱，下次叫多兩個人黎坐中間啲卡位相信會更加chilled~先叫咗兩個小食：鹽焗鱸魚同埋街頭豬肉串，鱸魚超級juicy，雖然係鹽焗但絕對唔會過鹹，點埋特製醬汁更加帶得出魚肉嘅鮮味～豬串比起沙爹味道偏甜，加埋個汁又隱若帶出啲焦香味，一試無妨～黎到泰國餐廳又點可以唔叫咖哩同薄餅呢～早幾日食咗麻辣火鍋今日就收斂啲叫個唔辣嘅黃咖喱，雞肉味道偏淡，但咖喱本身好香滑，好似個咖喱忌廉湯，配酥酥脆脆嘅薄餅超好食～我地仲叫咗個細既冬陰公湯同埋馬拉盞炒通菜，冬陰公湯香辣惹味，蝦肉超級嫩滑；通菜炒得唔算油，不過不失～最後既芒果糯米飯好大驚喜，雖然而家已經唔係芒果嘅當造季節，但呢度既芒果唔算酸，雙色糯米飯熱辣辣，喺呢個天氣食完成身暖笠笠咁出餐廳真係好滿足～

環境：環境舒適闊落，適合同朋友或者家人共聚嘅好地方！服務：服務不錯！上菜快食物：食物整體都有水準！今餐至愛：炸軟殼蟹米卷配上酸甜醬汁唔會太油膩，炸軟殼蟹亦都10分香脆！

間唔中都想食下泰國🇹🇭菜 今晚兩個人晚餐就簡咗新泰東南亞餐廳！之前成日經過尖沙咀都見到門口好多人排隊，好彩個晚係閒日唔洗等就可以入～ 門面裝修好有泰國風🛺🌴猶如置身泰國🇹🇭個晚兩個人都好肚餓！叫左好多野🤤食到飽飽濟濟豬肉碎生菜包- 食落小辣幾惹味 都包到成8塊 好充料🤤 串燒沙嗲- 我地簡左3雞3豬 雞肉好嫩滑🥰 忍唔住食晒 豬肉我地都以為會好「鞋」但食落又唔會喎！燒原條魷魚🦑 配酸辣醬 - 雖然魷魚🦑唔算大條 但個燒汁真係好香！點埋個酸辣醬 食唔停口～～～～馬沙文牛腩 另加薄餅 - 想食咖哩又想食特別d 唔想簡青咖喱 🍛於是第一次簡左呢款馬沙文牛腩 意外地好食 食到有好多牛腩、薯仔、蔬菜🥬 配埋薄餅 超好食！ 不過因為後期食到好飽 只能食小小🥲芒果糯米飯- 講到泰式甜品點少得芒果糯米飯！就算幾飽都要叫😍 佢有普通糯米同紫米 個人鐘意食紫米多d 加埋椰汁🥥好正～～～～飲品方面叫左椰青😋😋味道不錯！整體而言 好滿足既一餐！餐廳適合一大班朋友嚟食！因為可以試多幾樣野🥰🥰🥰

落到地庫，充滿泰國風味的裝飾，而且地寬敞又大，感覺上乾淨，職員也熱情地打招呼，第一下感覺不錯。食物上，炸軟殼蟹、牛油雞翼，蒜味足和香口；炒菜都不錯，之後再叫了炒豬肉河，鑊氣足，味道不會太濃。最後，馬來西亞咖喱豬肉，如果是辣就好了。整體不錯，食物、服務、環境也高分，當日不用排隊，可以再來。