新泰東南亞餐廳

营业中

休息中

係K11對面，平日行過已經因為佢門口嘅裝修對佢有d印象，今日就入去一試食肆位於地庫，但入面枱同枱之間好闊落，唔會有焗促嘅感覺，6點入座，未要等位，到左7點個場就開始full full 地菜式就一般泰國餐廳有嘅，呢度都有燒豬頸肉燒得外皮香脆，但一d都唔乾柴，好juicy青木瓜沙律少少酸，辣辣地，配上花生，又爽又脆又清新黃咖哩蝦今日突然好想食黃咖哩，呢度煮得幾正宗，黃咖哩入面混左蛋白，配埋印度酥餅，汁都撈埋。d蝦有沾左粉炸過，都有10隻左右，蝦好平，呢道收$188係有少少overprice，不過好食，一次半次都ok印度酥餅飛天通菜好惹味！辣度十足，下次要request 小辣泰式蝦炒金邊粉上枱時好靚，有個蛋皮網包住，就咁望落以為好細份量，點知一撈散佢，份量超多！如果一個女仔淨係食呢碟都應該會食唔晒埋單人均約$300，味道好，性價比都算幾高，值得一試

聽同事講呢間泰式餐廳好味又唔貴，於是就拉埋係附近返工既朋友仔黎食下野，傾下計。香芒軟殼蟹米紙卷軟殼蟹唔會炸到油淋淋，仲保持到香口既口感，香芒少少甜唔酸。一口一舊，啖啖肉，食落好滿足。鹽焗鱸魚肉身夠滑，又有不少配料做調味，一d都唔腥，不蘸醬都好夠味。再者，d肉同骨好易分開，連我吾鐘意食魚吐骨既fd都大讚。原條上，百幾蚊，咁好食，值得一試。見午巿套餐75蚊，幾抵，所以都叫左個泰式蝦炒金邊粉+綠豆沙冰。泰式蝦炒金邊粉份量不少，配料幾豐富，有蝦仁、芽菜、魚片、花生碎、蔥等……大男人都應該夠食。綠豆沙冰大大杯，充滿綠豆味，甜度唔記得叫少甜，都無話過甜，清熱解辣必叫。雖然餐廳不算超大，但到處都係泰國既感覺。

串燒沙嗲 (雞，牛，豬 各2串)$88好味指數：7.5/10雞肉🐔都算嫩滑，Size都幾大舊，少少焦香😌味道好香口。雞肉食得出有輕微醃過，所以本身都有少少味道。豬肉🐷串就偏瘦，如果有多少少肥膏更加好味。牛肉🐮串過咗火喉少少，所以有少許難咬，但係配返佢個沙嗲汁💦即刻加分。如果再熱🔥啲上枱就好了。香草肉碎炒飯 $75好味指數：7/10同平時食開嘅肉碎飯🍛好唔同，呢個係炒飯，伴左啲炸脆左嘅珍珠葉🍃鋪咗上面，再將啲肉碎混合埋入去炒，加咗少少辣椒🌶️同香料，提昇咗飯嘅味道之餘亦都好香辣椒味，不過唔食得辣嘅朋友可能會嫌呢個辣。😛綠豆沙冰 $38好味指數：10/10次次嚟都會叫呢個嘢飲，因為好鍾意，口感就好似將雪凍🧊咗嘅綠豆沙擺入口咁，好清甜，亦都可以清熱，仲要甜味恰到✔️好處。

朋友介紹尖沙咀呢間泰國餐廳泰國菜唔錯，所以黎試下。餐廳裝修得好有特色，門口有一對大象，入面有好多泰國擺設佈置，充滿泰國風情。泰式去骨海南雞一定要試呢度嘅海南雞，可以話係我食過數一數二好食，雞皮鮮黃爽滑，雞肉超級嫩滑，雞味鮮美，配薑蓉同泰式辣醬，更加突顯到雞肉嘅鮮味。燒西冷牛扒牛肉肉味濃郁，肉質鬆軟多汁，牛扒只係用鹽同黑椒簡單調味，就已經突出牛扒嘅原汁原味。泰式青咖哩我地揀左青咖哩配雞肉，青咖哩上菜已經聞到好香，青咖哩汁唔太杰身，香料嘅味道香氣撲鼻，辣度同椰汁分量均勻，顯得青咖哩更加惹味，啖啖雞肉軟嫩充滿咖哩汁，用黎送白飯一流！朋友叫嘅椰青，仲可以刮到椰子肉食。三色冰，椰汁味幾出，唔會太過甜，仲有三色啫哩喺底。

餐廳環境好有泰國風情，門口兩隻大象係熱門打卡位，餐廳有好多泰國裝飾，令人感覺好似置身泰國咁。餐廳主打泰國菜，仲有其他東南亞地方菜式，價錢唔貴，都幾抵食。泰式菠蘿炒飯非常好食，送上黎已經超級香菠蘿味，真係新鮮菠蘿先有咁濃郁嘅香味，上面鋪滿豐富材料，有蝦、魷魚、青口，配埋好香嘅炒飯底，正！呢間嘅鹽焗烏頭鱸魚都好食，搣開魚皮裡面魚肉好肥美，肉質鮮甜嫩滑，一定要沾d泰式辣汁食，完全冇泥味，連我唔太鍾意食魚嘅人都覺得好好食。仲叫左個越南胡椒炒牛展，胡椒係未成熟已經摘落黎未加工嘅青胡椒，青胡椒比起黑胡椒溫和，同牛展嘅味道真係絕配，令牛展更加提味，食起黎好有異國情調的辛辣風味。甜品我最鍾意椰汁西米糕， 椰香味濃， 加埋軟綿口感嘅西米， 香甜唔膩。椰汁冰味道有d似西米露，好有椰香味。菠蘿沙冰好好飲，夏天飲完透心涼！

呢間尖沙咀新泰東南亞餐廳好出名 ，喺k11加拿芬道旁邊，門口有兩個大笨象 ，都幾多人排隊，book左枱唔使好耐就落得去食啦！要行一層樓梯落去，落到去地方好大，分左右兩邊，地方暗暗哋，幾有情調嘅！ 全部位都坐滿客人，氣氛熱鬧開心， 枱同凳都寬敞，坐得幾舒服。 menu都好多元化，食物種類好多，店員係正宗嘅泰國人 ，之後我哋揀咗 無骨海南雞，菠蘿海鮮炒飯，燒 西冷牛扒等，仲嗌左飲品 ，嗌左三色冰 ，菠蘿沙冰同埋 椰青。先講海南雞，超級好食呀！啲雞好滑，雞味好濃，啲雞皮係鮮黃色嘅，好有雞味！ 加上啲醬料， 辣辣地，好惹味！燒西冷牛扒都好出色，燒得好靚，外面係脆，入面仲半生熟嘅， 食落好嫩滑，而且加上的醬汁都係香辣惹味，平時泰式比較少食到。菠蘿炒飯好出色，係成個菠蘿上碟嘅，即刻聞到好香嘅菠蘿味！ 而且海鮮份量都好多：有蝦，青口，魷魚等等。令我喜歡嘅係佢將腰果同埋肉鬆分開上。因為我有朋友唔係太喜歡食用鬆，所以佢分開上，我地自己可以調教份量係自己碗度。 另外菠蘿海鮮炒飯炒到粒粒分明，而且份量都幾多，4人分嚟食，食完好飽！最後啲嘢飲都好飲，好正宗，整體感覺好好，價錢環境服務都好好， 我一定會再叫朋友

食完呢間之後，我可以話，下次食泰國菜唔使去九龍城喇！嚟尖沙嘴都一樣食到好正宗好好食嘅泰國菜！呢間就係叫做新泰東南亞餐廳。我同幾個朋友嚟到呢間點作幾度菜都覺得好滿意， 叫咗個鹽焗烏頭魚， 越南鮮胡椒炒牛展， 泰式青咖哩雞，配上白飯，最後食埋泰式甜品小拼盤，好滿足。先講鹽焗烏頭魚，我覺得係最好食嘅！佢呢用鹽焗包住個條魚，個皮都仲係保留住魚嘅肉汁同鮮味。烏頭魚個肚放咗大量嘅香料，所以一啲都唔醒，而且一meet開個魚皮，啲肉好鮮嫩，好滑，而且仲係熱辣辣嘅，點埋嗰啲醬汁，酸酸辣辣咁，好醒胃丫。越南鮮胡椒炒牛展都好正，面炒得好香，好香脆，而且真係一串串鮮胡椒一齊炒 ，好惹味，而且份量都好，多幾個朋友分開嚟食，都食到幾嚿，好好食。泰式青咖哩我揀咗雞 ，青咖哩係比較辣，不過好惹味好正， 而且雞都好滑， 唔會蓋過咗雞嘅鮮味， 送飯一流，飯都食曬！最後甜品諗住食芒果椰子雪糕糯米飯，不過冇曬，之後就揀咗甜品拼盤。 有啲糕點同埋熱食嘅炸甜品，全部味道正宗都是比較甜的，今晚呢餐食得真開心！

幾年前有食過呢間餐廳印象好好 覺得好好味 好正中 好抵食 點知幾年後再食 仲衰過食快餐店 佢冇得訂位之如 仲要點知只得70分鐘食 咁冇辦法啦 約咗朋友嚟到都要食㗎 因為朋友話真係好想食泰國菜 冇諗過55分鐘已經開始吹你 問你落齊嘢食未呀 到齊未呀 仲有冇再加單呀....起初只叫咗4樣菜：泰式柚子蝦沙律 燒西冷牛扒 冬陰功湯 泰式炒椰菜仔 + 2個椰青沙冰 1開始就只嚟個泰式炒椰菜仔 過咗差唔多15分鐘先嚟另外2個菜 食咗1陣我地覺得仲想叫嘢食 就再叫多個蜜糖燒肋骨 差唔多40幾分鐘後先嚟個冬陰功湯 其實用餐時間真係好趕 佢上菜又遲 但又係咁吹人埋單 根本就係唔合理嘅用餐時間 仲衰過向速食快餐度食嘢呀 起碼人地唔會係咁吹係咁向你周邊行嚟行去 1樣1樣墊枱紙 餐具 杯 碗 碟 咁收走 所以1定唔會再幫襯 雖然我知道而家餐廳向疫情下好難做生意 但唔係咁樣去對食客囉 講到食物 ：柚子蝦沙律......得2隻蝦 真係冇嘢呀 蝦沙律得2隻蝦？ 燒西冷牛扒......個肉質韌到咬都咬唔斷咬唔開 係半生熟咁嘅樣㗎 但真係咬唔倒 冬陰功湯......已經係差唔多40分鐘先上枱 諗住應該會好正啦 上到枱

位於尖沙咀嘅新泰東南亞餐廳 場地好大 而且座位之間都有一段距離😜 食物質素同環境都好好 價錢合理 值得一試👍🏽🍀冬蔭功 (大)材料好足☺️ 有4隻蝦🦐 多片秀珍菇 香茅 天椒 芫荽 乾蔥等香料😛 所以味道好香好夠濃 飲落口偏酸少少辣🌶️ 但幾好飲嘅😉🍀巴東牛展配印度酥餅味道好香濃😍 牛展夠淋身 吾煙靭🐮 就咁食都吾會好鹹 調味調配得好好👍🏽 配埋印度酥餅一齊食 多左一層口感🤩 煙靭嘅酥餅 加埋易嚼嘅牛展 再點少少咖哩汁🍛 口感同味道都一流🥰🍀鴨肉生菜包泰式肉碎生菜包🥬 通常都係用豬肉 不過依間餐廳有鴨肉選擇 所以決定試下佢🦆 味道鹹左少少🤏 但加埋生菜包住 中和返都可以接受嘅🤣 香料味好重 少少辣 味道吾錯 只係吾係好食到鴨肉味🫣 🍀泰式明爐魚爐魚有少少部位煮老左 所以有啲煙韌🥹 但其他部位都吾錯 有嚼勁得黎吾會太韌😛 魚味夠濃 點埋泰式酸辣醬更加好食😋 爐魚算大條 份量夠3個人食☺️🍀泰式菠蘿炒飯用左菠蘿做底咁上枱🍍 份量好多好滿🤣 每一匙羹都有啲配料 三色豆 提子乾🍇 雞肉🐔 菠蘿粒😜 腰果同肉鬆另外碟囝上 可以隨口味加🤫🍀椰汁冰椰汁味好濃🥥 飲落口吾會太稀 口感豐富🥰

假期前夕約左朋友食飯,去到時因為時間仲早仲有朋友未到, 咁我同另外個朋友就諗住等齊人先啦. 點知門口負責接待既呀姐係咁催我地掃安心出行又話方便我地一陣人齊就可以直接入去. 到朋友黎左佢又叫我地出去跟返人龍排隊, 咁你頭先講咁多黎做乜🤷🏻‍♀️唔單止我地, 佢對其他食客既態度都好差, 行遲一步又係咁嗌佢話開左枱啦你快啲啦😕仲有訂枱時明明係講90分鐘要交枱, 黎到又改口話70分鐘,當刻都嬲嬲地真係想轉場. 到頭來我地坐低左5分鐘就即刻嗌嘢食, 反而係啲侍應忙到冇時間黎落單, 仲好似有啲發晦氣咁話佢好忙叫我地等等😕由坐低到所有野上齊足足要50分鐘, 你仲好意思同人講70分鐘交枱? 仲要我地眼見個場咁大其實仲有好多位, 真係有需要咁樣催食客咩? 野食係唔錯既, 價錢以尖沙咀區都好合理, 但真心冇興趣再返去受氣啦

來到尖沙咀食泰國菜，我一定會嚟到加拿芬道呢間新泰東南亞餐廳，這是一間好出色嘅泰國菜餐廳。這餐廳設計都好泰國feel，好似去咗泰國一樣，令人有度假的感覺。我哋叫咗一個泰式海南雞飯，海南雞係去去骨嘅，食起來啖啖肉，雞肉軟嫩滑溜，再加啲泰式嘅醬汁，真係幾有滋味，配上我最鍾意食嘅油飯，別有一番風味。套餐仲有一個炒雜菜，蘿蔔湯，真是美味又抵食。呢個午餐可以加$28多一份泰式炸蝦餅，真係唔錯。 我哋再叫一個星洲喇沙蝦米線，這個很有喇沙嘅風味，朋友好鍾意食喇沙，真係冇令佢失望喎。湯底好濃厚，材料：有魚皮、豆卜、雞蛋和蝦，仲有啲菜。米線爽口彈牙，真係一個唔錯嘅選擇。我哋加$28叫了一個馬拉盞通菜，正常味道，通菜幾脆，都不錯。芒果糯米飯，正正常常，冇乜特別。再配綠豆沙冰、椰汁冰，好有泰國feel。

I had dinner in this restaurant, ordered Singapore soup noodle. Found cockroaches on the food, when we ask Supervisor, he simply took away the food and say nothing, not even say sorry or inconvenience that happened. I was so starving and planned to have dinner, it is the worst dinner i ever had in hong kong for the last 2 years. Dont be visiting this restaurant and try to find out some other Thai Food shop which will worth for your money with good quality food or Atleast not a unhygienic foods.

尖沙咀受歡迎既泰國餐廳之前經過都見到有唔少人龍！今日終於黎到訪一下😍棉棉既椰青沙冰 點少得～ 佢上檯賣相超級吸引 一黎椰青好大 而且椰汁非常濃唔會因為變成冰而變淡味 😌仲叫左半打串燒 雞牛豬 醬汁夠花生味 我幾中意而且燒得好入味 肉質好淋😇叫左菜 炒得非常香 有鑊氣 最尾當然唔少得芒果糯米飯中意佢既糯米夠淋 仲有紫米😍整體黎講間餐廳CP值幾高 味道都唔錯 唔怪之得平時都唔少幫襯😜

今日放工去同同事去K11 行下街,行行下到左食dinner 時間，諗住喺K11 搵有咩食，但突然見到對面有間泰國餐廳勁多人排隊，就係呢間叫新泰東南亞餐廳， 見佢價錢非常親民, 裝修非常華麗, 唔試對唔住自己，於是就入左去---------------------------泰式燒豬頸肉$78豬頸肉真係燒到啱啱好，嗰邊燒得幾好食，再沾上佢嘅醬汁，真係好夾-------------------------飛天通菜$75好足料，分量多，每條菜入味，而且好有鑊氣-------------------------泰式香辣炒飯$78炒飯加左d 肉碎，好有味道，辣得黎又好過癮總括而言，喺尖沙咀呢個價錢食到咁ge 質素，已經好值

呢間泰菜係尖沙咀好似好出名，去左試果然唔錯泰式蝦炒金邊粉去泰國餐廳緊係要試pad thai，呢間係用左網絲蛋去包住金邊粉，煎到有蛋香，而金邊粉就炒到好有鑊氣，每條都沾到酸酸甜甜嘅醬幾開胃，而且配料有蝦、豆干等好足料～椰青冬蔭功出面好少見加左椰青嘅冬蔭功，好似多左份椰香清甜味，balance番辣味配料勁多，有切開左嘅蝦方便去食、大量唔同種類嘅菇、椰青肉etc 呢份L size份量真係好多，應該夠3-4人用香芒軟殼蟹米紙卷層米紙有少少煙韌嘅口感，但整體又唔會太厚，包住菜、炸軟殼蟹同埋芒果，芒果食得出係新鮮keep到juicy，再配埋外脆內軟嘅軟殼蟹，感覺好fresh～番石榴沙冰呢杯沙冰勁大杯😂冰打到綿綿冰咁幾smooth，番石榴味重唔似人工味，天氣咁熱飲完透心涼