新泰東南亞餐廳 (太子集團中心) (已結業)

暑假本身就打算去泰國玩，但今天飛唔到就好可惜唯有係香港品嘗一間泰國風味嘅地道菜啦～呢間新泰位於尖沙咀北京道，由地鐵站出發唔駛5分鐘腳程就到。雖然佢係樓上鋪都唔易搵，不過入面裝修真係好chill，我地五點幾食果時人少少好似包場咁好正（之後真係爆晒棚）餐廳可供嘅選擇都好多，有小食有主食有甜品有燒烤，真係好豐富。我哋叫咗兩款小食，一款甜品，同飲品，雖然好似唔多咁，但其實佢提供嘅份量係好多㗎，下圖慢慢講越式蝦米紙卷每次一定會食嘅泰國小食，佢所選用嘅材料充足，而且菜好新鮮，炸蝦仲熱辣辣好脆口。咬落去真係好爽口彈牙㗎沙嗲串燒（雞、牛、豬）每樣兩串沙嗲汁分開上真係好細心，我試過去過一間佢直接將汁淋落去嘅時候，怕辣嘅我真係食唔到鮮肉沾上沙嗲汁嘅濃香，加埋佢本身嘅油汁，咬落去一啲都唔韌，值得一試啊泰式甜品小拼盤一碟總共有八件，我覺得最好食真係椰汁糕，而佢一啲雪藏味都冇，睇得出係用心製作，唔係擺咗好耐嘅艙底貨配埋椰青一齊飲，先有泰國風味㗎嘛如果你行開尖沙咀，又好想喺夏天食到泰國嘢嘅，真係值得一試啊

我哋不嬲都好少食泰國菜的原因是因為在九龍X的泰國餐廳多數地下好油，坐得不舒服，但是這間位於尖沙咀北京道的泰國餐廳10分好坐，而且同九龍X的泰國餐廳價錢差不多。夏天最好就是叫返個椰青解下渴，這個椰青很大，兩個人飲都得。絕無欺場，一揭開個蓋，啲椰青水基本上是滿滿的。我每逢到泰國餐廳食嘢都一定會叫金邊粉，通常一般泰國菜餐廳都是好像小炒形式一點頭上菜，但是在這裏，真的很深刻，竟然會有一個好似鳥巢的蛋雕花。本身以為嗰個鳥巢是熱氣炸出來會𠝹損口的，但是一夾上來就知道原來是類似炒蛋的質地，我其實最喜歡這些，因為不用太熱氣，亦不會𠝹損口。這條鹽焗烏頭一定要叫，本身我哋鍾意食魚，貪佢冇咁漏冇咁滯。一上菜先知原來條魚都幾大條，配埋泰式辣醬，就算平時唔食開魚的人都鍾意用魚肉點辣汁食。烏頭10分新鮮，沒有泥味，鹽焗一定在屋企整不到。這個真的不知道，原來在魚肚位置攝一些香茅落去，唔怪得知成條魚有好香嘅泰式香料味。

港人身活習慣都不大喜歡等候太久餐廳有電話訂坐服務，與朋友們聚餐不用等候環境比較寧靜、帶點優雅舒服菜式點選了以下：最初考慮叫醃無骨鳳爪沙律，覺得酸酸地開胃點，但由於朋友不太吃鳳爪改叫了泰國青芒果沙律味道辣辣地又酸酸地，也是不錯選擇冬陰功 （大）上桌時湯的顏色令朋友們有點擔心會太辣（因為顏色紅紅的），湯必需要熱飲，涼了會有點酸酸咸咸，最底剩下的比較咸，是鹽放太多吧椒鹽軟殼蟹 炸蒜加上辣椒令味道恰到好處，推介泰式燒春雞釀香茅黃飯，泰國餐廳比較少有的菜式所以叫這嘗試一下，燒春雞味道可以，但主要是黃飯，配上了小沙律，另原來會覺得油膩帶了點消化（沙律是酸酸的）馬拉盞通菜，也是推介之一，野味

好耐之前食過一次，所以今次又去食返睇吓質素有冇變差。巴東牛腩配白飯牛腩份量幾多，個汁好適合送飯。牛腩口感都夠淋，不過午巿價錢小貴，75蚊。星州喇沙蝦米線呢個就真係唔太掂，湯好稀，最重要係湯底冇咩喇沙味，而且有啲過咸，比通普通唔推薦。越式春卷 入面係素菜，配芒果汁。炸得好香口，加配價$28都算合理既，因為味道都唔差。其他評價：當日加配既小食應該係越南絲綢春卷，不過佢話冇貨，所以配咗呢款，所以我都唔知真名叫咩。

朋友同我慶祝食生日飯，咁我自己就揀咗呢一間之前都食過唔錯嘅泰國餐廳，座位較廣闊！一早book定為餐廳預留左一個六座位比我地，四個人坐都唔會係好擠迫！-生蝦夠新鮮甜味，而且配搭嘅蠟像都好惹味-馬拉盞炒通菜食炒通菜最怕就係通菜好老好鞋！呢度就冇嗰個感覺！新鮮得來好入味夠濃味-咖喱蟹咖哩蟹夠大隻勝在夠多實肉！咖哩配埋薄餅正呀！-泰式豬肉串肉質唔會好鞋，有彈性，係個汁一般-生菜包即叫即炒味道較辣正，生菜新鮮-泰式春卷都唔錯嘅對比其他嘢食就略為一般

一如標題，我又尼encore新泰啦新泰係尖沙咀有兩間分店平時去開加拿分道地舖既我今次決定搞搞新意思去下北京道分店北京道分店整體裝修比較摩登啲位於中層，坐窗邊位可以睇下景不過我地個日就坐唔到窗邊了再再再再次向各位隆重推薦我認為既新泰名物：1. 蒜蓉扇貝大大隻 熱辣辣 滿滿既蒜蓉加上拉絲芝士再搭配上鮮甜既帶子 超yum yum😋2. 黃薑雞飯鮮嫩既春雞入面釀滿左炒香過既黃薑飯不單止唔乾 仲粒粒芳香撲鼻 好入味雞焗得亦岩岩好 肉嫩 juicy 輕輕一拮就已經骨肉分離 岩曬我尼啲唔中意lur骨既懶人🤤3.椰青大菜糕我朝思暮想既甜品❤️原隻椰青雪起 清甜既椰汁涷加上一片片既椰肉夏日解暑一流無得頂😳❤️今次仲搞搞新意思棄左我必嗌既椰青 試左椰子沙冰估唔到都有驚喜 拌入椰奶一齊打既沙冰好有椰香同樣係原個椰青上 但啲沙冰堆到好似小山丘咁超抵飲🤣🤣🤣

之前有朋友試過尼間餐廳話好食，所以今日決定黎尼間餐廳farewell 一位好同事！我地一早已經訂左6人枱，希望可以4+2 咁坐附近，方便傾計。但係最後餐廳職員堅持比左一張 4人方檯同埋一張6人圓檯比我地，中間仲要隔條行人通道，所以都有少少唔開心。不過好彩餐廳大部分既菜式都好好食，咁先無咁唔開心！個人黎講，覺得香芒軟殼蟹米紙卷、鴨肉生菜包、泰式甜品大拼盤最吸引。尼間餐廳其實好適合三五知己一齊去食，咁就可以試多好幾款菜！希望下次去既時候，座位安排上可以再做好D啦，畢竟隔著條通道同同事farewell 感覺真係好怪！

位於太子集團中心樓上的東南亞餐廳，第一次去這裡覓食，去到才發現幾乎每一層都是餐廳！餐廳類型繁多，多來幾次也不會悶😆1. 泰國青芒果沙律🥭（$78）青芒果絲新鮮爽口， 有少量的洋蔥絲，因分量不多所以不至於奪走芒果的味道，配上泰式清新酸辣汁，是一到不錯的開胃前菜，辣度方面適合能接受少辣以上的人嘗試，美中不足就是分量太少，性價比略低。評分 🌕🌕🌕🌗🌑2. 越式蝦米紙卷（$68）外面一層紙非常煙韌，而且很薄不會膩，紙卷裡面的生菜和粉絲分量很多，而蝦仁則個頭偏小，由於配料本身都沒有味道，所以需要輔以酸辣汁提味，這款紙卷健康低卡，減肥人士也適合！評分 🌕🌕🌕🌕🌑3. 越式蟹肉炒粉絲（$98）粉絲和配菜的分量都很足，整體也不會太過油膩，粉絲軟硬度適中，但蟹肉鮮味不算特別突出，粉絲味道偏淡，適合淡口味人士，小編則要另外加辣椒粉和鹽調味。評分 🌕🌕🌕🌕🌑4. 菠蘿沙冰🍍（$38）菠蘿味濃郁，沙冰打得很細膩，不會吃到冰粒，本身因為不能更改甜度而擔心過甜，但沒想到甜度剛剛好，清新解渴，是夏天的味道☀️評分 🌕🌕🌕🌕🌗

天氣咁熱就梗係要來食泰國嘢呢間生泰有幾間分店之前食過灣仔分店覺得唔錯今次再嚟encore門面好四正同乾淨八點入座幾乎全場爆滿上菜個速度都幾快香芒軟殼蟹米紙卷軟殼蟹加芒果係冇得輸嘅組合同埋佢嘅米紙卷個質地勁好食好煙韌食落去感覺好清新泰式柚子蝦沙律係我去親每一間泰國餐廳都必叫嘅菜式柚子甜到不得了，加埋非常之大隻嘅蝦同埋魷魚，配上非常之開胃嘅辣醬汁份量有好多，以呢個價錢來講係cp值超高串燒拼盤有六串，雞牛豬各兩串肉質相當之唔錯配上佢嘅沙嗲汁更提升佢嘅味道日本南瓜焗海鮮飯完全打破咗我對焗飯嘅認知南瓜係甜嘅但配上辣嘅醬汁令人食指大開入邊仲有切粒嘅南瓜同埋大量嘅海鮮然後喺拌飯嘅途中仲可以將南瓜側邊嘅肉刮埋落嚟一齊去撈入口嘅感覺係非常之協調同埋好食賣相就更加知唔使講，重點仲要係非常之平我覺得可以講係呢間舖頭嘅必食之選芒果糯米飯嘅份量亦都大得嚇親人只糯米嘅口感亦都相當之煙韌係食到最後覺得椰漿甜咗少少番石榴沙冰非常之清新嘅一杯嘢飲唔會太甜之外仲食到有番石榴嘅果肉珍多冰一貫嘅水準非常之解辣

90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑____________👉 不專業食評🍽️.【麵包焗咖哩軟殼蟹】HK$208【泰式燒春雞釀香茅黃飯】HK$188【椰青沙冰】HK$58【芒果糯米飯】HK$68.(👦) 今次就去到北京道既分店，上到去就會知道餐廳都幾大間，到處都有唔同既泰國特色擺設同裝修風格，另到好有泰國Feel阿👍👍 之前有留意👦🐥食泰菜都知我地偏好咖哩軟殼蟹😋😋 咁緊係要必試啦(畢竟間間餐廳都話自己招牌菜係呢個🙈🙈...).上枱時，👦覺得個咖喱軟殼蟹份量適中，唔算太大份，咖喱味有少少椰香唔辣，味道不錯。不過食得多咖哩軟殼蟹都會想試下其他泰菜，今次係餐牌到見到有泰式燒春雞釀香茅黃飯就覺得要試下👍👍 因為係其他泰國餐廳都冇見到有😂😂 👦覺得味道方面好入味，喜歡香茅黃飯的話可以一試！同樣係泰菜餐廳，係菜式上可以睇得出呢間餐廳款式會較多dd🤣🤣.👦總分評價：⭐⭐⭐(3/5)--- 食物：⭐⭐⭐(3/5)--- 性價比：⭐⭐⭐(3/5)--- 服務：⭐⭐⭐(3/5)--- 環境：⭐⭐⭐⭐(4

上次同朋友諗住食泰國嘢， 喺尖沙咀一search，最多好評就係呢間， 環境同食物賣相睇落幾吸引，就即刻衝咗入去食！ 果然高水準！🌟1️⃣ 泰式燒春雞釀香茅黃飯 呢個係我覺得最好食，果然係店舖嘅招牌菜！ 燒春雞肉質嫩滑唔會乾，雞皮係最好食！ 而裏面嘅香茅黃飯亦吸收哂雞汁鮮味，好惹味嘅一道菜！🌟2️⃣ 椰青沙冰呢間嘅椰青沙冰令我最深刻，而且都好出名！份量又大！多到滿瀉！ 沙冰迫爆到足足多咗一倍椰青咁高！ 白雪雪軟綿綿好香椰子味😋 必嗌！🌟3️⃣ 芒果糯米飯正值夏季食芒果嘅時期，食泰國嘢不得不嗌返個芒果糯米飯！ 我好鍾意佢嘅黑白糯米都煮得都好軟熟， 加埋椰漿同鮮甜嘅芒果，真係令人念念不忘！

兩個人食泰菜當然無難度，《新泰》食物種類非常多，多到選擇困難症又出現，食物有水準價錢大眾化，所以大家最好先訂枱，仲有用餐時間得個半鐘。🥢麵包焗咖哩軟殼蟹 $208⭐️⭐️⭐️⭐️呢個包好適合打卡，除咗賣相得之外，味道都唔錯，咖哩汁一啲都唔辣，而且夠香又夠多，蘸晒成個包都無問題，個包焗得外脆內軟，而軟殼蟹又香脆可口，必試🥢串燒6串 $88⭐️⭐️⭐️豬牛雞各兩串，串燒烤得唔夠惹味，而且個沙嗲醬都好一般🥢泰式柚子蝦沙律 $98⭐️⭐️⭐️⭐️估唔到個沙律有蝦又有魷魚，蝦同魷魚都爽口彈牙，而醬汁越食越開胃有少少辣但可以接受，柚子又甜又多汁，非常好味二人共消費：$433

放工就係肚餓，今晚約朋友出黎尖沙咀再次朝聖我最愛既新泰一貫新泰走高檔泰菜既風格，太子集團中心分店都唔例外，感覺相當luxury 由於太肚餓既關係，我同朋友好快就揀好以下心水菜色椒鹽軟殼蟹大大粒椒鹽配上炸到外脆內軟既軟殼蟹,完美小食馬沙拉咖哩雞 配 印度酥餅重椰香既馬沙拉咖哩雞深得小妹既心，連配菜薯仔三色椒同車厘茄都索哂味印度蘇餅烘到岩岩好金黃色，一d燶咗既黑色都見唔到，抵讚鐵板蠔仔炒蛋蠔仔份量都幾多，一碟都有十幾隻，炒蛋唔會太老，點埋辣醬真係好惹味，而且食唔到腥味越式燒春雞釀香茅黃飯平時葡式燒春雞就食得多，呢款越式版本既飯充滿香茅葉同雞油香味，飯粒焗得粒粒分明，配上啖啖肉既春雞真係好食到停唔到口呢款菜仲包埋泰式沙律🥗，有花生🥜洋蔥🧅豆苗，甜酸汁微辣，清新口感中和左春雞同油飯既油膩，讚必叫飲品：椰青沙冰清甜椰青🥥改造成軟綿綿沙冰，變得更有口感，成大大個椰青都注滿沙冰，二人share 仲開心🥳作為泰菜頭號fans ,新泰由環境、食物、服務都相當高質，難怪分店愈來愈多，小妹誠意推薦比一樣鍾意食泰菜既你

呢間舖係商業大廈嘅樓上舖，坐窗邊有落地玻璃可以望下街景同樓景。午餐時段我哋叫左個星洲蝦喇沙米線嘅lunch set，再以優惠價叫左個炸蝦餅。之後散叫左一個炒金邊粉同埋燒豬頸肉。由於同行友人唔係好食得泰國香料陣味，所以佢都唔太鍾意食泰國野，今次都係就我先食，所以都揀番啲冇咁重香料嘅野俾佢，佢居然好滿意呢一餐喎，仲話覺得自己中意左食泰國野，哈哈。 佢個喇沙米線個湯底辣辣地又好重椰漿香味，令到個湯溫和左好多，口感都好滑，食完哂啲料之後我哋連個湯都飲哂。入面有蝦、魚片同豆卜，當中豆卜吸晒啲湯最好食，一咬落去啲湯爆哂出黎。炸蝦餅雖然係用優惠價加配，但一啲都唔馬虎。佢啲蝦肉整得好彈牙，外層都炸得好脆，仲要足足有四件，叫得套餐嘅人記得一定要加錢食呀！至於佢個燒豬頸肉都食得出有啲香茅味同炭燒味，我個人就中意個種香嘅，但友人就麻麻，佢一定要點個醬一齊食。個醬咸咸地，有啲似叉燒汁嘅味，點完係真係cum過左啲香茅味，各有所好啦。雖然係薄薄嘅一片片，但都食得出佢個肉質好彈牙，肥瘦都均勻。最後係金邊粉，佢用蛋漿整左個網形嘅被舖左喺紅紅嘅金邊粉上面，視覺效果好正，擺盤上都幾有心思。金邊粉入面落少少青檸汁落去酸酸地

新泰係我食過so far最正既泰國菜餐廳，忍唔住一定要同大家share！餐廳環境好泰色，燈光柔和，坐得好舒服，食野都開心啲。menu同好多泰國餐廳差唔多，common既泰國菜都應有盡有，不過都有好多特色食物。首先係呢個椰青沙冰，椰汁勁重，加上細滑沙冰，唔係一粒粒碎冰，飲得好舒服，正！椒鹽軟殼蟹，勁脆，軟殼蟹好食就緊，加埋避風塘，雖然好熱氣，但超好味！一定要連埋啲椒粒一齊食，個味好出，好夾軟殼蟹！馬沙拉咖喱，唔辣、重椰汁味，唔會稀好似水咁，配上印度酥餅一流！鐵板蠔仔蛋，不過不失，同普通泰國餐廳差唔多，無乜特別突出最正要提呢個燒春雞釀香茅黃飯，春雞一切開入面塞滿晒香噴噴既黃油飯，燒春雞肉質好軟，而且佢胸骨全部都去晒，切又切得易，食又唔會好狼狽，細心！黃油飯調味亦足夠，唔洗點佢個醬都好好味。另仲有個沙律，有少少辣汁係上面，但好清甜。呢道菜超驚喜其他餐廳搵唔到！