新泰東南亞餐廳 (太子集團中心) (已結業)

自從上年summer去完泰國，一直對泰國美食念念不忘！做野時甘岩同朋友提起，佢就介紹我去北京道呢間泰國餐廳度食飯我去到時已經覺得好正！點正法，啲侍應姐姐相互間全部都以泰文為溝通語言，唔望個街景差啲以為自己身處泰國🇹🇭我點左：1. 芒果沙冰 （$38）2. 香芒牛油果軟殼蟹卷（$88）3. 青咖喱羊架（$108）4. 芒果糯米飯（$62）芒果沙冰：芒果沙冰相當有驚喜！飲咗第一啖就覺得自己好似食緊一個頂級芒果咁，而且沙冰打得很幼細，消暑一流，夏天嚟食飯真係必點嘅！香芒牛油果軟殼蟹卷：點菜後唔夠5分鐘就上菜啦，原本以為咁快上菜一定係俾啲舊貨我啦！點知原來個軟殼蟹卷係即叫即正嘅，炸軟殼蟹熱辣辣、卜卜脆！很讚嘅starter！青咖喱羊架：$108呢個價位，有三大塊羊架，真係物超所值，仲抵過好多其他嘅餐廳！羊架肉質鮮嫩，配以青咖喱同蘿勒葉簡直係一絕！芒果糯米飯：糯米飯熱辣辣軟糯得黎又粒粒分明，仲好香椰香味，正呀！飯後甜品必點

朋友帶路來呢度食個late lunch, 每人叫了一個海南雞飯，呢個餐真好豐富~~~~~~~~~飯大大碗，雖是油飯但不是很油膩，味道也很好!!!雞件的份量也很多，肉好嫩，皮很滑，沾上醬汁，一流👍🏼菜就不太新鮮....湯比較咸，飲了幾啖就無再飲了~~~整體上也ok~~份量十足，還包一杯熱飲，飽足的一餐！+8元轉特色飲品，我要了杯熱檸水，不會好特別，那就不用影啦~~XDD食完呢餐全無口渴感覺只感到十分飽。

係呢頭都生活左一段日子，最近同同事竟然仲發現到好野食！大門好多綠色植物，睇到好舒服。Lunch menu 算中位，$75要加一，另外特飲仲要加$9。一行8人，比左張大圓枱，而個座位都好舒適。海南雞飯($75)+龍眼冰($9)。等左十分鐘到就有得食，雞好滑，無骨，連雞皮都好爽口，配上果個辣汁真係好夾。個飯就係雞油飯，少少lim，好香口，第一次差不多食晒個飯。個湯就正正常常無特別，用黎比你濕下個口都ok. 龍眼冰好甜，中間加左次水，可以唔使特別加錢去試。

近來天氣很差，每天一到放工時間都天陰大雨，濕濕熱熱的，間接令胃口都不佳。在這種天氣下，最想去吃一些能醒胃及刺激味覺的食物，所以特地跟朋友找了一間東南亞餐廳吃晚飯。餐廳在一間商業大廈的8樓，環境寬敞，我們坐在靠窗的位置更能觀看到尖沙咀的夜景。先看一下餐牌，由越南的粉卷、馬來亞沙嗲到泰式咖哩都有，哈哈😄真的能一次過滿足三個要求。我們那天主要想吃泰菜，點了一個青木瓜沙拉，主菜試了餐廳推介的咖哩羊架，再加上我最愛的泰式明爐烤魚，最後加了一個炒金邊粉。咖哩羊這道菜我去每間泰國餐廳都會點，一來是我喜歡吃羊，二來是可以作為會不會再來這間餐廳的評分標準。新泰的咖哩羊架是非一般的，羊架是先炸過才放入咖哩煮，入味之餘又香口。羊架更配上大量蔬菜，沾上咖哩汁剛好減去肥利。特別一提是餐廳有好幾款無酒精雞尾酒，當日我叫了一款Minty Lime Lychee，酸酸甜甜，在悶熱的天氣時飲一口暑氣全消。

要找尖沙咀方便得來又要價錢合理兼且舒服好坐的餐廳，我會推薦這裡。有幸可以坐窗口位置看著尖沙咀的夜景進餐，而且這裡環境裝潢也精緻，就算客人很多，大家也不會是嘈吵高談闊論的一類，很適合兩小口撐抬腳或者幾個好友cozy聚餐。椰青是好貨色，我把肉全部都吃光，很得我心。青芒果沙律很清新開胃，微辣，腰果點綴很合適，也比平常吃的青木瓜沙律特別。主菜是明爐烏頭，這個在其他店家也常吃，但這回吃的魚本身是很新鮮，沒有魚腥味，其他配菜也幫忙提升味道不少，湯汁調味也剛好，不會太過酸，讚呀！炒金邊粉水準也好，不過下回我可能想試試這𥚃的湯粉麵，看見鄰座的客人吃得很滋味呢！最後要讚的是這回我吃過泰菜後是沒有很口乾呀，相信調味上沒有太多MSG，實在是難能可貴的。

同同事食lunch! 之前一直都未試過呢一間泰國餐廳，所以有一日就試吓佢😂今次試咗肉骨茶，佢可以選擇飯或者公仔麵😂個人唔係特別喜歡食公仔麵所以就選擇左食飯。仲叫左杯熱龍眼水🤪唔好睇佢細細兜咁，入面都有好多舊肉。佢個飯份量都好多🤣肉骨茶嘅味道都算幾濃郁，好香。肉質唔會好鞋，啱啱好。好鍾意食豆卜嘅我都有三舊🤩仲要索晒肉骨茶嘅味道😍好好食！呢度嘅lunch set係$75（加一），尖沙咀來講都算中價位，而且座位闊落都坐得算舒服，下次都會繼續幫襯😛

已經唔係第一次同朋友喺呢間餐廳食晏晝，食物都幾高質同環境幾好，所以就寫個食評推介下！門面非常草綠仲有流水🤡😂😂上次食晏晝有肉骨茶，不過今次冇咗，即係唔係set死一個Menu😮喺尖沙咀食晏晝$75來講都算係中價。今次就試咗佢個海南雞飯，份量非常大！有返非常香同埋好好味！湯就普普通通。雞肉都好滑，唔鞋口。除咗有薑溶可以點之外，仲有一個紅紅地嘅辣醬。配埋雞同油飯一齊食都好好味好夾。整體來講環境非常闊落，食物都好味嘅。得閒會再去試吓其他嘢食😛

早2 個月同閨密去泰國華欣旅行，返到黎香港仍然對泰國嘅陽光與海灘，同埋美食念念不忘。今日再約閨密去泰國---餐廳，止一止渴。今次我地揀嘅泰國餐廳係位於尖沙咀的新泰東南亞餐廳。一出電梯，就見到好有泰國feel的擺設歡迎你 ，餐廳入面牆身又有大大把芭蕉扇裝飾，最吸晴就係有一大隻大象頭掛飾，令你至身係泰國！入到餐廳餐牌都未睇就order 一個椰青，而家天氣咁熱飲椰青就最啱，簡直透心涼。呢個椰青大大個好清甜！餐廳有好多野食，花多眼亂，我同閨密揀左好耐先決定到。我地試左以下幾款：小拼盤，有魚餅同蝦餅2 款。魚餅同蝦餅本身已經好好味，但點埋甜酸漿就prefect, 食多幾件都唔會覺得溜喉。串燒，一共6 串，分別有豬、牛、雞。好怕食串燒好乾好硬，但呢間餐廳d串燒就完全無呢個問題，個人喜歡雞肉，好嫩滑，好好味！記住要點沙爹醬食，簡直絕配，好野味。越式蟹肉炒粉絲。好怕食粉絲一係好油，一係一"pat " 野咁。但呢個粉絲做得好好，材料多之餘，粉絲食落口仲好彈牙！一個字--正！泰式青咖哩，食泰國野必點咖哩！服務員一放上枱就聞到好香咖哩味！咖哩有豬、牛、雞比大家選擇，我地揀左雞肉。個咖哩汁超香濃，送飯簡直一流

在尖沙咀剪完頭髮，就順便約埋附近上班的朋友吃飯，朋友介紹這間泰國餐廳，就去了吃。店門口設計非常「泰」，雕刻很美，環境燈光比較有格調，如果坐窗口位，更能俯瞰香港燈色！而環境燈色幽暗，莫名覺得有浪漫的感覺，座位有長台、細台、還有多人圓台（很難得在泰式餐廳見到），多少人也不是問題！我們兩位女孩子點了串燒(雞、牛、豬各2串)、小併盤(蝦餅、魚餅)、越式蟹肉炒粉絲、泰式青咖喱(雞)、印度薄餅。小食先點評一下，串燒很香口，串燒中最喜歡就是豬和雞了，肉很嫩，還配上醬料，非常惹味!而小併盤蝦餅和魚餅對於兩位女孩份量是想像中多，蝦餅上台也是熱騰騰，蝦餅也很彈口，對蝦餅有要求的我，是非常合格，再配上酸甜醬，很滿足!魚餅也好吃!因為我們不知不覺點了有點多，所以沒有叫飯配泰式青咖喱(雞)，改了加印度薄餅! 青咖喱很濃郁，也非常好味，雞也很嫩，再配上印度薄餅是絕配! 印度薄餅不是冷掉，也是熱的，而且很香口和很脆!我想有青咖喱汁，我可以吃幾碗飯，很開胃。到主菜越式蟹肉炒粉絲，蟹肉不少，而且配料不少，有扎肉、西芹等等，豐富的口感，炒粉絲也乾爽彈牙!另外，他們茶式都會加上花，擺設食物都很整潔，值得一讚!他們服務態度不

最近食泰式野次數都多，但人少食不盡想食的種類，剛好網上見到呢間店既食評好評如潮，就諗住試試，果然冇令我失望。呢個鋪既裝飾佈置很用心，淨係影相位都很多。最最最重要是佢地員工十分好服務，我真心覺得很難得，不但食物水準好連服務生的態度很一流。好，講大多 ，說食物先。燒豬頸肉，肉質鮮嫩，不厚不簿，佢個汁醬配合後 真的很好食，醬汁很加分燒烏頭魚，我是最喜歡點的一道菜，一掀起魚皮，魚汁還有在，沒有乾爭爭 ，燒得恰好。我沒有點汁醬都很好食了。通天炒通菜、味道剛好不過鹹有獲氣，正。今晚都只是食3味菜，除外就是叫白飯。不過冇影相但唔知點解就是好食，不軟不硬的。總括來說這幾道食物已好味過前日的泰菜，我仲想下次要試埋其他食物先得。

小食拼盤(💰$198)有蝦餅 魚餅 春卷 肉碎生菜包每款炸物有4件 啱哂同朋友share😆蝦🦐餅香 炸得幾脆而且好彈牙其他炸物味道都幾好 但我鍾意蝦餅多啲😚啲肉碎惹味微辣 用生菜包住 正🤤🤤泰式蝦炒金邊粉(💰$98)睇落幾吸引 個外層係用左蛋包住而入面就有啲啲蝦 芽菜 豆乾等等金邊粉炒得幾好 而且個汁幾惹味🤩加埋啲花生🥜碎一齊食 口感更加豐富😆泰式菠蘿炒飯(💰$108)炒飯用咗原個菠蘿裝住🍍配料有菠蘿 蝦 雞肉 腰果 肉鬆 青豆等等炒飯炒得夠乾身 味道唔錯😌珍多冰(💰$38)平時飲開珍多冰係甜嘅 但呢杯野就唔係😳唔知點解飲落係咸既 怪怪地😣😣😣而且啲珍多食落仲有浸藥水味😶😶杯嘢飲好伏😥😥😥

話說一個月黑風高的晚上，街上落住滂沱大雨，小弟亦餓致饑腸轆轆。在車水馬龍的街道上搵過了好幾間食肆，附近最吸引我嘅都係一間泰國菜館叫新泰，所以便走入去一嚐果腹。餐廳樓下嘅門面非常型格，就像酒店的樣子一樣。搭lift上到去餐廳，立刻被漂來的泰式風味香味迷到了！打開餐牌，便看見琳琅滿目的泰式食品，我們選擇了香芒軟殼蟹米紙卷，四串串燒，泰式青咖喱，印度酥餅，冬陰公雞煲，泰國椰青，芒果糯米飯，最後一枱也是佳餚！無論係食物嘅新鮮度，賣相，食物嘅配搭，新泰都俾到你意想不到的驚喜。

一條友行開尖沙咀, 廢是係大商場搵食, 之前呢間新泰好多選擇, 除左泰菜, 仲有越南/星州/馬拉野都有得食, 重點係一條友都叫到野食!叫左一碗海鮮蝦喇沙, 一個蝦餅, 同埋一個椰青沙冰~椰青沙冰真係好好飲, 用新鮮椰肉黎打, 好清甜!! 炸蝦餅好彈牙, 不過我更加鐘意魚餅, 香料味特別重, 呢個都係我鐘意食泰國野既原因而且熱辣辣, 真係食唔停口, 不過廢是太熱氣, 留左幾件打包XD最後就係個喇沙, 唔知係咪無咩人叫所以漏左單呢? 呢個湯底都幾香, 不過就無平時既喇沙咁多辣油, 所以相對就無咁油膩, 而麵質都好彈牙好好食!!

今日試一試燒春雞。燒春雞飯。有醬汁，酸甜青菜開胃。有魚吃，盲曹選擇左鹽焗的做法，鹽撒在周邊都有鹽焗的沾鍋氣味。鰻魚也選擇了是串燒的味道。一碟是四串的串燒，醬汁也有一點點酸汁。沾埋會兩種溝埋口感。

青木瓜沙律🥗$68👍🏼👍🏼👍🏼👍🏼👍🏼非常喜愛之一的泰國沙律，酸酸辣辣「正」👍🏼😝香芒軟殼蟹米紙卷$88👍🏼👍🏼👍🏼👍🏼👍🏼好清新的感覺芒果也很甜。蛹蝦$98👍🏼👍🏼👍🏼一客有五件香脆可口但若是用粉絲包圍隻蝦比麵條炸的口感鬆脆點😝泰式炸蝦餅$78👍🏼👍🏼👍🏼👍🏼👍🏼蝦餅份量多又大件😃香脆可口口感彈牙😁食得出有蝦味👍🏼馬拉盞炒通菜$78👍🏼👍🏼👍🏼👍🏼好像比較細小一點但不會過鹹而且通菜也很嫩😁泰式咖喱炒蟹［時價～今天是$488]👍🏼👍🏼👍🏼👍🏼👍🏼現在有很多泰國餐館都沒有正宗的泰國咖喱炒蟹。『超正』超開心這一家是正宗的泰國炒蟹。一家人超開心的吃到這個泰式正宗咖喱炒蟹，細細品味真正的泰國炒蟹有雞蛋的😝有家人不吃得辣的也很喜歡這個咖喱蟹汁😆白飯$20一碗👍🏼👍🏼👍🏼👍🏼白飯夠熱且軟，好吃只是貴了一點。總括：雖然位於尖沙咀地段但座位寬敞裝修好有泰國餐館的味道。服務員個個都很友善，性價比和味道非常之好比一些大品牌的泰國菜館梗好吃😋