影片
相关文章
以前一讲起焗饭，多数会谂起大X乐嘅招牌焗猪，但价钱嚟讲其实一啲都唔吸引，再加上佢无野饮跟，变左好多时要自己加野饮，令个价钱「更上层楼」，整整下就少左去食了...直至搬左过港岛之后，先发现有一间焗饭专门店，性价比超级高！除左野食味道好之外，价钱、份量等等各方面都系一流，再加上外卖自取有优惠(88折)，所以好多时我都会买返屋企食，帮衬左咁耐一直都未有为佢写食评，今次真系要评一评、赞一赞了！我点餐嘅时间仲喺下午茶时段(2-6p.m.)，我嗌左一个下午茶A+B套餐：黑椒芝士焗猪扒饭配蟹柳凯萨沙律，餐饮系热奶茶，88折之后盛惠$36，等左大概十分钟就出餐，速度嚟讲都算几快！之后讲下味道，本身钟情黑椒汁嘅我觉得呢间餐厅嘅出品十分之高质，佢嘅黑椒汁浓而不「杰」，猪扒肉质虽然唔算嫩滑，但亦好入味；加上份量好足，绝对唔会偷工减料，整体嚟讲都系一份出色嘅黑椒焗猪扒饭！至于蟹柳凯萨沙律，生菜好新鲜、沙律酱同蟹柳嘅配搭亦都唔错，值得一试再试！最后讲下店内环境同服务，之前曾经喺店内堂食，环境比较阴暗，室内光线明显不足；服务态度方面大致良好，侍应们工作效率十分高，行步路都快过人果只！总括嚟讲，新森林焗之专门店系一间性价比非常高嘅餐厅，而且佢分店非常多(湾仔、中环、佐敦、北角都有)，大家经过嘅时候不妨试下！
继续阅读
放工好眼瞓, 所以揾处下午茶加晚餐一炮过食, 然后返归揾Mr.Chow。今次拣咗新森林, 下午茶A or B set包热饮, 冻饮+$3, A B set分别系多个小食, 价钱$39/$47； 我当然拣$39喇…下午茶有多项选择及配搭, 我就叫咗个鲜茄焗猪饭+煎饺子配央走。焗猪正常操作, 以下午茶份量算大份量, 萤光橙色汁味道唔错, 猪扒正常松软, 饭粒分明；煎饺热辣辣, 味道无乜好讲, 正常水准, 热央走咖茶味分明, 味道ok, 埋单$39, 只收现金。环境：6/10, 味道：7/10, 服务：8/10
继续阅读
北角呢一间都好多年历史，佢个格局基本上就系一般茶餐厅，啲设施其实都开始残旧。焗饭黎讲其实佢都算好多选择，价钱普遍都系50至60左右，其实以晚餐黎讲都算系平。叫咗个黑椒芝士汉堡扒焗饭，正正常常冇咩投诉，所以耐唔耐都会去食。
继续阅读
地道港式茶餐厅～早午晚餐menu 都好地道，都好多嘢拣，一定有款啱食今次下午茶就食炸鱼汉堡，再加埋炸薯角好邪恶 但真系抗拒唔到啊～以上嘅好难唔好食，炸鱼炸薯角 够脆！都好够味下次想试埋佢其他款～
继续阅读
经常点新森林外卖，饭量好足，大胃王餐。如果饭量少建议少饭。等待时间唔长，值得试。不过个人比较钟意佢嘅冻啡，唔算好甜，而且都几足料，次次堂食堂外卖必点。拉面都好食，值得试。
继续阅读