新梨花苑韓國料理 (已結業)

21/8(二) 7pm推搪了若干次的飯局,好好醜醜總得象徵式應酬一次.上堂前跟新結識,追魄call連天的男性友人到此韓菜館覓食.晚餐時段,場面冷清清的,猜測是否土記街坊們對韓菜不感興趣,抑或問題出於食物素質呢?樸實的小店格局,環境總算企理.翻開菜牌,發覺菜式價錢並非想像般大眾化.在沒套餐供應下,我倆只草草點了炒什菜$35及石頭什錦飯$48.炒什菜--青紅椒,洋蔥,紫椰菜,椰菜,蘿蔔,椰菜花,西蘭花等什菜入口爽脆鮮甜,滲透著輕清的蒜頭味,清新開胃!石頭什錦飯--一眾食材如牛肉,青瓜,蘿蔔絲,大豆芽,冬菇跟飯粒來個大兜亂;至於食味方面,還以為自己在吃隔夜"送"及炒冷飯!全沒鮮度可言;飯粒短捷鬆散;遑論正宗的韓式辣醬!貨不對辦!委曲求"存"的平凡韓店!

周一的晚上八時許客人不多D餐逼住要食雞肉同牛仔骨...所以冇叫!我同媽咪叫左3樣:什錦石頭飯超正超正!!海鮮豆腐煲超正超正!!牛仔骨...有d 'un'...不過都個味好濃...都合格既老闆同侍應不停斟茶...不過冇乜笑容!!不過都明白既...我都做過飲食業直踩到晚上都幾累~!我有機會會再去食架^^p.s.埋單$142 (2 person)

今日放假，老遠從元朗到此午餐，叫一客雜錦石頭窩飯，前菜為泡菜和大豆芽，入口味道韓式地道，飯未來已掃清，未夠喉再加碟廿元泡菜，飯夠乾、熱、爽，不是一般行貨，正！和店東閑談得知不再供應大骨湯，失望！告誡食友未試過大骨湯味道，不要胡作妄論，不是每個人都合享用，有濃洌牛油骚味，過後清甜，絕不是洗腳水！

和友人去吃午飯.一入門口女侍應已經黑口黑面( 這已不是第一次去次次去都是黑口黑面好像不想做的樣子)坐下等了很久也沒有餐牌問女侍應可否要個餐牌女侍應用力掟在我們的檯上..之後點菜時服務態度更令友人想起身就走問到"請問有冇前菜呢"女侍應呼喝地說: 等陣啦放前菜, 主菜都是用力掟在我們的檯上呢而女侍應全程都是黑口黑面食物方面. 鐵板燒牛肉. 牛肉夠味 煎蛋是凍的很多油唯友人的石頭飯用料十足, 味道也很好可惜因為女侍應的服務態度令友人吃得很不是味兒很多時侍應服務態度是令食客是否會再來這間食物雖尚好但因為這個女侍應的態度(我心想你唔想做就唔好做啦...)下次不會再來

又再到這間在北帝街尾的"新梨花園",難得友人肯誇區來陪小弟用膳,還要指定吃這間,似乎,這間小店也有點點知名度.土瓜灣唯一一間的韓國菜,韓流略冷卻之下仍然生意不俗.可見並非個個也是"三分鐘熱度".兩個人前來,四碟前菜例牌,味道仍是未夠酸辣.大家並不是太餓,點個牛尾湯,海鮮煎餅,烤豬肉三味便夠.牛尾湯味道比上次喝過的好,起碼不是淡到沒有下鹽.煎餅材料也足,煎得幾香.這個價位也交足功課.烤豬肉在鐵板上,香味逼人.吃落惹味.沒有華麗堂皇裝修,沒有真正韓國100巴仙口味,但這等街坊韓國菜,仍是吃得過.

今次，我同同事2人再食午市套餐，食物味道真係幾好，但份量好似少，好彩我唔係太肚餓。我叫：板雞肉(配1碗白飯) - 味道真係幾好，但略嫌雞肉太碎。韓式炒年糕- 味道幾好，又熱辣辣，但份量好似少。套餐包1碗紅蘿蔔粟米湯，粟米超甜。

今日，我同2位同事食lunch，我叫3個套餐share食，包括鐵板雞肉、鐵板鰻魚及什錦石頭飯。1. 鐵板雞肉($28) 好好味，不過雞肉就碎。2. 鐵板鰻魚($28) o.k.啦！凍有腥。3. 什錦石頭飯($35) 味道唔錯套餐包前菜、湯1. & 2. 包白飯1碗另加白飯加$3，熱飲加$2 / 凍飲加$4午市套餐供應時間為12:00p.m. - 4:00p.m.(Wed-午市休息)

我地前幾日,3個人去到呢間餐廳食野,點左個2人套餐加生牛肉, 食左280蚊!2人套餐入面D野食都OK,但係個牛尾湯黎到之後就出事啦!個湯聞起上黎成煲洗腳水咁,入口係無味架!我地即刻向伙記投訴,起初個伙記係咁同我地講個湯隻味係咁架,好多客都好鐘意飲,我地叫佢試下飲,佢又唔肯!後來,佢話幫我地同個老闆講話換海鮮湯。開頭個老闆又係死都唔肯換,我地話無所謂囉,你唔換我咪唔飲,爭持左一陣,老闆都換左。海鮮湯個味度都係唔得,但係無左洗腳水味!老闆全程黑面兼無道歉過,態度令客人難受!我地以後都唔會再去!

因為廣告的效應, 本來以為土瓜灣沒有什麼好食....本著一試無防的心態, 跟鴨公到來此店試試新口味.不用費心思, 立即點了招牌菜:1) 牛仔骨(肉中有少許筋膜, 牛肉味濃, 可惜雪味亦同時重了, 比想像中較差)2) 韓國石頭什錦飯(跟牛肉+ 其他雜菜拌勻一齊食, 簡直做到飯香又美味)3) 蛋包蝦(入口蝦肉爽脆, 鮮味)4) 炒雜菜(跟其他小炒沒有太大分別)其實以小店的格局, 已算做到韓菜的效果, 加上價錢經濟, 值得一試.不過, 人數多比較好些, 選擇也較多, 又可嘗試不同菜式

本人亦是土瓜灣個間新梨花苑食客之一,成家及朋友都算是熟客,據我地所見該食店只是一間家庭式韓國式料理,你所講的幕後功臣的確曾在出名的阿里朗任職超過十餘年! 話明係家庭式,服務當然未能同一流的食店比較! 試問,你去一間出名少少的食店食,服務當然少不了,而該新梨花苑不但無收"加一"服務費,價錢平,真不知道呢位係土瓜灣新梨花苑韓國料理食過一次就決定吾去食第二次既無啖好食既人兄係咪真係付出左好多而要求人地呢?真是甚麼滕結甚麼瓜,甚麼樹開甚麼花,甚麼人說甚麼話...

炆鱈魚$35韓式烤雞$28柚子蜜$4在比較人少人的時段到了這間家庭式餐館。泡菜很好味。好的泡菜應該有一種鮮味,而不同製作方式的泡菜,例如加小蝦醃製的泡菜,又在鮮味裏再加上一層。炆鱈魚、韓式烤雞,兩樣的味道也很好。烤雞的味道是正宗韓式醃味不過切法應該大塊一點。魚用蘿白炆,魚的份量不少,味道也很好,食得過!

未去過尋日去試下，叫左個海鮮蔥餅，一個牛肋骨煲，一個辣什錦冷麵。等左好耐，先黎個牛肋煲同餅，牛肉好霖，味道都唔錯，個餅普普通通，冇乜特別，但等左差不多半個鐘先黎埋個冷麵，麵質幾爽口，不過個樣認真麻麻。基本上地方細，人又多，又多人食煙，伙記極度唔夠，雖然D野食OK，但我諗都唔會再去啦。

韓流到左今時今日,依然方興未艾.全賴香港傳播媒介,對所有觀/聽眾洗腦式教育.早期少少藍色生死戀,到左比較近期的天國XX梯,大長今,浪漫滿屋等.已經上晒腦.就連無論外貌氣質似足師奶的李英愛,一樣比人當女神咁拜.救命.對我黎講,完全置身事外,韓劇等如廿年前港劇一樣.我要睇不如買番TVB復刻VCD唔好?大長今只係一個hype,真係唔明點解會有人訓訓下覺都會叫聲閔大人?少少勵志都要加埋"長今精神"上去,等於家下同性戀都要用到"斷背"呢個terms,香港人炒作能力,的確比其他發達國家優勝.唔睇韓國劇,唔聽韓式偽美日R&B HIP HOP,唔迷韓國女仔,但就唔會ignore韓國菜.在土瓜灣北帝街尾,上年年尾時間,靜俏俏開左間韓國料理"新梨花苑".單睇個門面,格局,同埋員工,當然唔係正宗韓國料理,已吃過好多次,不過個人懶到的唔起心肝寫,今次就講下我吃過的.一個人去,前菜送兩碟,兩個人就四碟.真係幾少.不過在土瓜灣,得一千零一間韓國菜.又唔係韓國人開設,咁上下啦.泡菜係唔多辣.真係走街坊路線.折衷local口味.生牛肉$35,很平,差不多每次來到必吃.有時收工未番到屋企門口,路過入去填一填肚.韓式生牛

20060303 2030估唔到呢個位置會有間韓國菜館,唔係放工經過都唔知.裝修普普通通,似茶餐廳多o的,不過收費亦唔貴,一於去試試係咪正宗韓國o野!我諗由於價錢關係,奉上的前菜只有四碟,當中以泡菜最好食.一揭menu,大部份主食都係around$50,鍋類就大概$100左右,仲有好多小食等等.兩個人叫左:海鮮煎蔥餅($45), 牛肉石頭飯($48)及牛尾湯($48)海鮮煎蔥餅係類似煎薄撐o既東東,材料主要有蝦及菜粒,鐵板上幾好食,但貴左少少...石頭飯燒得唔夠香,冇飯焦,材料新鮮但食唔出o係其他韓國菜館食石頭飯果種味道, 可能同個碗有關, 因為唔係正式用石頭做o既碗.牛尾湯非常濃郁,上檯的材料只見幾舊牛尾,但相信必定有幕後功臣,因為湯的口感非常豐富,有很厚的膠質而且現白色,至於牛尾亦很入味,有少少實但絕不是韌,出色!!服務方面侍應們都很有禮,還樂意為我們加前菜及斟水.還要一讚係呢度o的飲品很便宜,汽水只是$5.埋單一百四十幾, 下次黎會試試鍋類食物.

韓國料理一向去開尖沙咀食,次次埋單都兩舊水一個人.但係口味比較地道, 今日見呢間.連個裝修都好似韓國本土咁.味道仲非常好,價錢同尖沙咀個D相比平好多.值得再黎!!