新景園咖喱小廚

营业中

休息中

相信見到灣仔同咖喱都應該估到我要講新景園😎！好耐無黎過堂食，同同事lunch去排隊，前面大約有10幾人，但一場黎到梗係食埋先返去😛。但等等下都等左大半個鐘…天氣再熱啲既話真係搞唔掂🥵😂堂食坐位唔算好多，唔好預坐得好舒服😂，但我同同事2個，再加1個人搭枱坐4人仔枱，唔似茶記會湊齊4個人坐🤓。同埋店員好貼心俾張櫈我地擺袋💕🔅咖喱豬扒飯 ($96)佢既咖喱同豬扒都好出色，真係久唔久都想食一次🧡。豬扒炸到啱啱好，肉質鬆軟～咖喱少辣🌶但好香，唔重椰味啱我😋，雖然望落偏稀但撈飯一流見人可以叫無咁辣，咖喱望落濃稠啲，似外賣咖喱既texture(外賣平一半不過真係差好遠😂)🔅咖喱雞扒飯 ($96)第一次試佢既雞扒飯，份量同豬扒一樣都係巨扒😂，炸得幾脆，都算嫩，不過無咩調味😂🔅凍檸茶 ($21)無跟餐價，雖然貴少少，但食咖哩太重口味都係想飲杯野，同埋個0T都唔hea既🥤😌💬呢間份量係超多，又限左每人最低消費($80)，建議女士們可以叫少個飯，每人加野飲😂，或者準備定打包🥡😼

住咗喺灣仔十幾年，差不多每日都經過春園街，但從來都冇諗過要去呢間舖頭食嘢。近期見好多人喺呢間舖頭未開門就開始排隊，令我覺得自己係咪走咗寶呢？聽人講呢度有兩個招牌菜，一個係乾炒牛河，另一個係咖喱豬扒飯，於是就同朋友去試，叫咗呢兩個所謂嘅招牌菜，結果係失望嘅。首先，中午食飯時間上菜上得非常非常之慢。乾炒牛河十分多油，上色唔錯，但可以用唔夠味去形容。河粉炒唔開。牛肉係算多同大片嘅，但味道過咸，整體絕對唔屬於好食。咖喱豬扒飯嘅份量非常之大，豬扒厚度適中，炸得好Juicy，屬於做得好。咖喱並非馬來亞咖喱或傳統港式咖喱，味道唔錯但並非我口味。其實最大問題係份量過大，眼見絕大部份客人都冇辦法食得完。其實一個咖喱飯要$98屬於唔平，點解唔將份量改細啲收平啲呢？再加上呢間舖頭嘅每人最低消費係$80，冇可能兩個人叫一碟咖喱飯食。我覺得呢間舖頭做生意嘅理念有問題…..冇諗過再幫襯佢。

據聞這店的招牌菜是咖哩豬扒飯，乾炒牛河和星州炒米，於是一行3人去光顧這店。這天下午1時35分到達，發現已有十多人在外排隊等候，大熱天時，排隊地方又唔多通風，仲要旁邊有個建築地盤，真係汗流浹背，頗為辛苦！等了約1小時，正當就快可以入座的時候，店員出來替客人落單，但竟然說米粉和河粉已沽清，因此乾牛河和星州米已暫停，建議可以叫咖哩豬扒飯。此刻真係怒火沖天，唔好玩啦！一心諗住人多可以試唔同菜式，唔通要我哋3個人叫3碟豬扒飯！這店的豬扒飯賣成舊水，非常大碟，絕對唔係一個正常人的份量，除非你將食剩的打包，否則便成為廚剩，非常浪費！3個人叫2碟又唔夠數，因為人均最低消費為$80，但店員都懶得理你，繼續為後面排隊客人落單。其實這店的營運好有問題，如果廚房發覺物資快將耗盡而要暫停菜單上某些項目，尤其是招牌菜，是否應該早些通知在排隊中的顧客，讓他們選擇繼續排隊或離開，而不是到最後一秒先通知，還說“這也沒有辦法，廚房真係冇貨”！甚麽是待客之道？根本沒有尊重和顧及門外排隊已久顧客的感受，大熱天時人地响出面排咗起碼成粒鐘先知冇得食！其實這店附近有不少賣粉麵專門店，要短時間內去補貨又有多困難！況且這店仲會經營晚市

終於到呢一間喺灣仔區嘅名物，當日去嘅時候下午非常熱，不過都冇阻到好多粉絲去排隊，咁啱嗰日我哋去開灣仔做野，所以就決定試吓呢一間我從來都冇試過嘅餐廳，餐廳主打咖喱豬扒飯！今日就試吓佢！✔️咖喱豬扒飯，咖喱底非常好食，而且加埋煎豬扒，送飯簡直就係100分！豬扒嘅味道醃製得非常好食，難怪咁多捧場客！咖喱送飯又係好好食，成功組合嘅配搭，我都覺得冇得輸！可惜價格有少少貴同埋整體嘅座位唔係真係咁好坐，下次會考慮外賣返屋企食！

第一次去食，星期一中午12:30。門口排隊等外賣（大約$60左右），坐底吃$96，奶茶另外+$21。個個都叫咖喱豬扒，乾炒牛河。我比較反骨，試個咖喱牛腩飯。值得一讚，飯好大碟，牛腩由四至五舊，三舊牛筋，半個薯仔，咖喱汁香濃有水準（有少少辣），我自己食得辣，覺得幾好，奶茶少甜都唔錯。不過服務態度唔耐煩。大佬吃$100一個飯，5星級酒店都差唔多價錢。貴唔貴就見仁見智。地方比較細坐到20人到，環境同茶餐廳差唔多，時間忙需要搭枱。食物大份，價錢中上。建議組團去食（2-4位）試過一次就OK。

呢間餐廳一到食飯時間就排晒隊，個個黎食定價差唔多100蚊一碟嘅碟頭飯😂份量大到可以分兩餐食，以份量取勝。其實咖喱又冇話驚艷到一定要黎食，如果經過唔洗排可以試下😂.🥘咖哩豬扒飯 $96豬扒超大份，剛炸起，外面微脆，肉質軟腍。咖哩少少辣，唔係有椰奶味果種，望落有層油係面，幾惹味👍.🍛咖喱牛腩飯 $96牛腩份量亦好多，炆到入味，牛腩帶少少筋，較落軟腍👏🏻.📍 新景園咖喱小廚 (灣仔)灣仔春園街20號地舖

超級巴閉，你唔打電話去預訂，現場等位應該啲人話要等九個字一個鐘，我打電話都打咗10分鐘先至通有人聽。查實唔洗留電話，會唔會唔打去叫定，隨便行過話叫左1300 一盒咖豬飯，照比$一樣得呢😂其實用返個系統，一條隊等糖食一條隊做現場落單，再另一條隊就係電話預先落單的外賣自取，😵‍💫其實係咪方便以及有系統得多囉？遲黎先上岸，唔分先後，1300 三四個一齊叫，報到比$先繼續等，麻煩。🤢飯有啲人講到好好，但其實我覺得冇乜特別，都只是普通飯盒那種，沒有什麼有粒粒飯分明嘅質地。👹豬扒的確是非常大塊，啲人話外賣已經少咗一半，都有8至10件，大大塊，佢最好嘅就係因為唔算太過厚身，😲內裏有沒有大量用梳打粉醃過，因此不會是鬆化但沒有肉味那種質感，😏脆炸又沒有太多炸粉，因此外皮不算太厚；不過起初， 食開平時嘅日本豬扒，你都會覺得佢有少少乾燥以及鞋身，不過食落習慣咗，才醒起這才是真正的豬扒。 炸粉不太厚身，😀因此旁邊那些位置，比較香脆，薄薄一層炸漿，顯得更為香脆。咖哩汁份量都夠多，因為旁邊的飯以及咖喱豬扒其實不算太少，如我這種喜歡撈汁的人，🤣竟然也食完成個飯都仲有咖喱汁剩下，簡直難得，多汁好過少，因為太少汁就會乾

呢間舖頭一直都好想試！因為太多人介紹同講！今次趁真係喺開灣仔做嘢，特登早少少去排隊，佢6:30先會正式開門，但係去到嘅時候已經前面排住10幾個人，嗰陣已經諗究竟佢個咖喱豬扒飯真係咁好味？入到去安排好座位之後，即刻落呢一個咖喱豬扒飯，一到左個豬扒飯，我唔小心好大聲嘩咗出嚟！因為我自己想像中都係好基本一塊豬扒配個咖喱，點不知佢個豬扒大到多到個份量係嚇親我😧佢係真係即叫即整！全部都脆香嘅豬扒，配上小小辣嘅咖哩，外脆內軟，真係名副其實終於知點解佢咁出名！🥹另外佢有套餐，配一個菜心加汽水🥤👍🏻而且啲姨姨叔叔話好態度好好人，全部都勁有禮貌🥰真係要再去😍

真係好少會去食需要排隊嘅舖頭，但係呢間新景園咖喱小廚嘅咖喱豬扒飯睇到有好多人推薦，今日係特登過嚟要食呢間嘢㗎，工作日中午12點嚟到呢度，但係門口已經排晒隊，特登過嚟食，所以就跟住排隊，起碼要排半個鐘以上，但係唔係好推薦囉，叫咗個招牌咖喱豬扒，豬扒出邊係乾身脆口嘅，仲要出邊個皮呢係比較薄啲，入邊好嫩，霖埋佢哋嘅特製咖喱汁，淨係個豬扒炸得比較好食啲，咖喱汁香料味好濃，如果唔係好鍾意香料味嘅話呢，應該唔會鍾意佢哋個咖喱汁，齋香料味唔係好夾，個價錢叫呢個豬扒其實都唔係好抵，仲要係要等好耐，唔係好明點解仲會有咁多人排隊去食，食完今次冇下次啦。

咖喱豬唔錯 超大份 但門口個阿姐唔知係咪見有熟客 大家都係一位 排我後面幾個人既一位竟然打左我尖 我已經舉手表明左我係一位 勁唔公平 體驗好差 入坐前話左佢一句 sorry都冇一句 唔肯認錯

成日經過都見到好多人排隊，所以冇機會試，今日見到唔係好多人排，所以扚起心肝去排隊成條隊中有好多遊客，有講日文、普通話、韓文、英文嘅遊客我排到去冇幾耐，就截隊啦排左一段時間,終於可以入啦～咖喱豬扒飯落單嘅時候，可能已經就嚟閂舖，所以講明咖喱已經冇晒薯仔，但係排咗咁耐，冇理由因為冇薯仔而唔叫㗎嘛上到枱,好大碟阿咖哩辣辣地,好惹味豬扒都炸得好香～乾炒牛河又係好大碟,好足份量,牛肉份量都好足

好多年冇食新景園了，以前閒閒哋都要等一個鐘， 今日因為過來灣仔工作，專程來到灣仔春園街，未夠11:30已經門口排滿人😳 餐廳雖然唔大，裝修簡約有點陳舊，侍應都殷勤有禮， 亦充滿一份人情味❤️🥢乾炒牛河乾炒牛河份量十足，超大碟，即叫即炒熱辣辣，牛肉份量又夠多， 醃得入味，河粉條條上色，乾炒牛河很夠鍋氣，加上辣椒醬，口感油潤，香辣，而且醬香濃郁，真係好值得試👍🏻講真，新景園的份量確實很多， 我食咗三份二已經很飽，建議留肚享用。 .

灣仔著名港式咖喱茶餐廳！！！中午lunch time 過到去…門口已經有長長嘅人龍👯‍♀️👯‍♀️👯‍♀️…一條排外賣… 一條排堂食…但係都無阻我都依間招牌咖喱豬扒飯嘅熱愛💞💞💞🐾新景園的咖喱豬扒飯係必食嘅菜式👍🏻👍🏻…成塊面咁大嘅豬扒炸得金黄酥脆…肉質鬆軟…搭配香濃的咖喱同粒粒分明嘅白飯🍚🍚🍚…簡直係一道回味無窮嘅美食！！！如果各位朋友唔想等咁耐嘅話….可以預先打電話嚟order 外賣先…價錢平差唔多一半架🥰🥰🥰…不過就要番office 食～🤪

呢間又係一間大排長龍既餐廳 樣樣野都大大份叫左咖喱豬扒飯 $94❤️❤️❤️❤️❤️佢一上枱我被佢既份量嚇死😨😨超大碟 可以2，3個人share都無問題😆😂不過佢地有最低消費所以一人要叫一個飯 我地揀左2個都係呢個😂😂勁努力咁食先食到一碟半🤣個豬扒係屈機👍🏻👍🏻炸皮勁鬆軟，而且豬扒都好入味 再加埋佢嘅秘製咖喱汁佢係嗰種港式咖喱辣辣地好開胃，唔怪得咁多人去排隊😂😂希望下次可以食乾炒牛河五個心心為最高分新景園咖喱小廚 (灣仔)灣仔春園街20號地舖#food #foodie #foodphotography #wanchai #灣仔美食

今次終於帶大家來到灣仔超人氣嘅新景園咖哩小廚🥘‼️呢間真係𝐛𝐨𝐨𝐤𝐦𝐚𝐫𝐤左好耐😍呢間係我每次經過 都係好！多！人！排！隊！今次我係平日下午𝟏點半去到 𝟐點左右安排入座 如果唔想排隊嘅話可以叫外賣 無最低消費同埋價格都平好多💰一間咁細嘅鋪頭入面聚集左健人士、學生、夫婦、旅客可想而知佢幾受大家歡迎😂呢到啲食物份量比較大 所以價錢亦會相對上比較貴🫶🏻我地叫左：❶ 咖哩豬排飯🥘 💰𝟗𝟒大家可能會比個價錢嚇親 我一開始都係😂但來到之後發現原來豬扒份量係巨多加埋啲飯 應該𝟑個人食都得😂難怪對面嗰對夫婦走左飯 齋食豬扒🤣🤣不得不讚佢地嘅豬排真係好出色😍調味適中 外脆內嫩 仲有肉汁添！仲要一啲都唔油👍🏻配埋帶辣味嘅咖哩汁一齊食 好惹味😋最後當然食唔曬打包左 最𝐬𝐮𝐫𝐩𝐫𝐢𝐬𝐞嘅係返到去啲豬扒淋曬都仲好好食😂😂推薦大家食阿！🤤👍🏻❷ 乾炒牛河🥩 💰𝟖𝟗乾炒牛河份量又係超大 好足料👍🏻牛肉香口嫩滑🐄最值得一讚嘅係佢地炒得一啲都唔油 配上辣醬一齊食一流😋👍🏻❸ 凍檸茶💰𝟐𝟎茶味偏重嘅檸檬茶 但要加$𝟐𝟎就貴左少少整體嚟講都好推薦大家試阿！🤩店員服務態度都好好！個日見我攞住個手袋分別有兩位店員都問我洗唔洗要張