新星海鮮酒家 (已結業)

因為同媽媽行過見到有人派傳單話係新開既，於是就去試下飲下午茶~我地去到等左一陣子先有位，坐低之後我見到有蟹粉點心拼盤，因為我同媽媽都好喜歡食蟹粉，於是就叫左個黎試下，個拼盤比起散叫好似抵D咁，有4款唔同既餃，每款2件都係$38，我同媽媽每款一件岩岩好。D蟹粉點心都唔錯，不過要襯熱食唔係就會冇咁好味喇~ 價錢同服務都唔錯，下次有機會再去。

有朋友去過長沙灣分店, 服務及食物都唔差, 所以見旺角新開分店, 就拉大隊會試, 可惜超失望呀因為我地有幾個人唔食牛肉, 點了牛肉/羊肉及豬肉, 侍應送來兩碟肉, 我地問那碟係牛肉, 兩個著經理制服的人, 用好不肯定地回答我地: 應該呢碟似係牛肉, 我地唔接受, 最後要佢地入廚房問, 結果竟然係另一碟, 激死人 碟所謂美國肥牛, 成4mm厚, 硬如牛扒, 夠晒橡筋feel ar.九菜餃d 粉皮, 好粉好散, 好難下嚥.d 丸類係雪藏來貨, 好差ar.湯底淡而無味, 以每人HK$160下樓, 一d 都唔值ar

2008/6/15吾孤陋寡聞，剛知悉此酒家乃集團式經營，碰巧分店新開張闔家午茗。點心紙非常詳盡，連燒味廚部食品都囊括，一目了然，所以沒有另設小菜餐牌，厲害~除平時會吃的例牌點心，只有籠仔紅棗滑雞飯(HK$32)是吾等嘗試的另類蒸點，而懷舊甜品則有椰皇焗西米布甸，相信現今沒有幾間新式酒樓吃得到了；其它如蟲草蒸燒賣皇、冰梅醬豬手、薑米貢菜餃、老家蜂巢糕雖別有名堂，但未能引起吾等之興趣。唯最不妙的是上菜太---太---太慢，前後入點心紙三至四次，不停催促已令人氣咳，侍應頻以「開張首日」為由作殺手鐧；並到結帳時更發現一項金額數角的莫名收費，原來帳單有小數位的話會被調整進至個位數 !注意只會被調升，決非四捨五入。拿帳單來的女部長解釋此乃其系統操作所限，吾父反駁若言系統操作只容許計算所有金額至十位數，難道仍不合理地要求顧客照付如儀?吾等一圍初次造訪即被多收七角，試想集團每日經營時都能暗中多收額外不勞而獲的「利潤」，吾感到這種私下處理所有帳單的做法萬分猖獗。幸好下午茶時段各大、中、小點均以小點價格計算。