新新酒家 (裝修中)

連續三年購買了新新海鮮酒家的年糕，佢哋有三款糕點，分別係臘味芋頭糕、椰计年糕和臘味蘿蔔糕。我最喜歡佢哋自家製的椰汁年糕，真係即做新鮮軟滑又冇甘甜，真係👌好味呀！👍👍👍蘿蔔糕夠香口臘腸份量又夠多，價錢又便宜$88@。值推介👍👍。

唔使上網左睇右睇！新新酒家秋冬滋補蛇宴！必食宴中主角—金菊太史五蛇羹，行氣活血，有暖身作用！另有多款以蛇入饌的美食如妙齡燒鴿，七彩炒鴛鴦蛇雙絲，蟲草花清蒸沙巴龍躉，鮮什菌魚湯浸菜苗，等滋味菜式，不但美味可口，還滋補養顏，非常適合秋冬寒冷及乾燥的天氣！一餐完美的蛇宴又怎少得生羊腩煲呢？羊腩是冬季滋補佳品，能暖中祛寒、溫補氣血、開胃健脾！食完呢餐，整個秋冬都暖笠笠啦！飯後還有美味滋潤糖水，適合一家大小老幼！還不盡快來嚐嚐！

相信好多香港人晚上都會選擇返屋企煮飯，就算有一晚唔煮，都會選擇茶餐廳或快餐店，而往往唔去選擇酒樓，因為價錢比較貴。不過呢一晚約左幾個舊朋友去預早慶祝聖誕節，想去銅鑼灣感受下呢個特別日子嘅氣氛，所以選擇咗係銅鑼灣酒樓用餐，呢一餐絕對驚喜！新新酒家環境寬敞，又唔駛等位，睇睇menu，價錢真係一啲都唔貴。位處銅鑼灣中心地帶，但價錢居然係屋邨嘅level，份量又足，味道又唔錯，真係無嚟錯。食完飯行去時代廣場只係數分鐘嘅步行路程，非常方便。酒樓後面就係鵝頸橋，穿過鵝頸橋就已經到達時代廣場，聖誕氣氛濃厚，係打卡嘅熱點。

呢間新新 經濟實惠 酒樓格局 幾啱一班朋友 或者一間大細食飯🧀慣例放假同屋企人飲茶😊😊😊😊😊😊😊,朋友介紹兩間酒樓話都唔錯,咁就上黎睇下食評先!睇完發覺好似一間小菜比較出色,另一間點心比較出色,咁就試左點心出色果間!食完發覺果然無介紹錯!點心水準相當出色💪🏻💪🏻💪🏻💪🏻💪🏻💪🏻💪🏻!由於我地食假日午市,食物價位屬於中等至中上,但食完覺得性價比都幾高!可惜食物無影相😂😂😂😂😂😂

下星期做冬，避免同人逼 ，所以提早一星期同屋企人做節， 簡咗屋企附近間新新酒家 ，因為提早訂位， 所以七點半準時到達好快有位入座因為公公婆婆喺度飲開早茶，所以同啲夥記都好熟 ，佢哋介紹咗個過節例牌餐單畀我哋揀，雖然 大時大節都係食埋啲例牌嘢， 但大家都食得好開心 ，啲碟頭都好大碟

早茶 午市 點心炒粉麵一流 又大件 又抵食 蝦餃 燒賣大粒 炒粉麵好大碟 味道ok可以 可以試埋流沙包 同埋我最鍾意食嘅糕點 薑汁糕 好有薑味 但係唔係好苦嗰隻 味道配搭適中 埋單每個同事夾幾十蚊 就食得好飽 仲要打包

尋晚約咗幾個麻甩佬打完波 諗住去食飯 經過銅鑼灣 見到呢間酒家 就入去試下 因為價錢見到都幾實惠 環境唔算嘈吵焗促 反而可以幾條麻甩佬聚埋一齊慢慢食小菜 慢慢傾計食飯 味道可以 埋單都係 一百多元 一個人 喺銅鑼灣算係 實惠

冬天任食火鍋不錯選擇 只要唔係對任食火鍋有超高要求 這間是不錯的選擇 價錢實惠 仲可以嗌多幾個小菜一齊食 小菜都唔係太差 而且仲喺銅鑼灣 只要 喺銅鑼灣地鐵站 行多一兩個街口就到方便

我哋成日都會去新新海鮮酒家用膳，𠈄哋d食物都幾好食，價錢便宜，菜式又經常轉款式，我哋上次食鱘龍宴都幾好味，又其個川弓百止天麻燉龍頭湯好正👍👍👍。今日天氣轉冷，所以又約左三五知己到新新酒樓用膳，一定試試最新推出的蛇羹了。你哋真係要一試，$68@份量多、料更多，又夠熱都幾低食。另又叫左值得推介羊腩煲$198@重送一碟菜，味道👍👍👍。其實新新酒樓，光顧了一段時間，食物和服務都ok，唯美中不足是酒樓太舊。

呢間酒樓喺度都好耐㗎啦，每朝飲茶都有好多公公婆婆喺度， 有好多老主顧， 舊年重裝修過下添，換咗啲新地氈中午附近有好多寫字樓啲人同埋裝修師傅 都嚟呢度， 下午茶都好抵食， 夜晚仲有打邊爐添

抵食夾大件 餸菜點心味道算唔錯 喺銅鑼灣呢個價錢喺邊度搵 環境寬敞 同一大班friend 最好嘅落腳位 傾下偈 吹下水 打邊爐 打邊爐仲係任食 飲下啤酒 算舒服 唔係講笑 啲嘢食好大件 推介

四個字形容：極度恐怖我們係2018年10月6日夜晚打邊爐，有三個地方都有蟑螂（曱甴）1. 菜 2隻蟑螂從生菜同油墨菜爬出黎2. 牆 1、2隻3. 音箱同天花板 越食越見得多蟑螂 由開始到唔食走人 見到7、8隻蟑螂同老闆講老闆話打個折過左一陣 完全無跟進 原來老闆離開左酒樓！再同店員講店員竟然話平時D蟑螂藏係爐入面 如果唔撻著火 就唔會出黎呢句說話係咩意思？即係餐廳衛生話唔關你地事？？雖然最後打左七折但係都唔會想再去 都唔知食左幾多細菌已經同食環處投訴 真係太唔衛生

The food in Sun Sun Restaurant is pretty good.Firstly there is 羅漢齋煎麵, the noodles were extremely crunchy and tasty. The sauce was quite thick and unique with a salty broth-like taste. The dish is served with a wide variety of vegetables such as mushrooms, carrots, white mushrooms and greens.Secondly, the 小籠包 is also very well made and rich in flavour.I would recommend both the items above.

話說愛衛生嘅就唔好去...事關餐廳嘅曱甴多到上枱面🤢注意:係真係有曱甴係鍋邊🐜第二店員態度極差，好似前世欠左佢地班諗樣咁三，食物質素極差，鴦鍋油多到顛，食物應脆嘅就淋，應好食嘅就臭🤮第四，啲飲品唔係大陸野就又凹又痴立，總之就污穢到不得了。可以比負分嘅佢係uncountable👎🏽最後，小弟一食完就痾到仆直...無服務仲要加一服務費...2個人3百幾完全唔抵，行過2步去第二間仲好。依間野，入到去好似大陸咁...真係不了

新新酒家在夜晚有小菜係值得高興，因為同區有經濟D 宵夜飯都係不多。今晚有跑馬，不少馬迷飲啤酒食小菜，該酒家通常不會太多人，宵夜通常5-6成客人。可以選擇任食火鍋或者特價宵夜小菜。籠仔蒸蝦，份量十足。薑蔥蟹都大隻。JeJe豆角煲味道稍鹹。有白飯可以，冇食白飯就飲好多杯茶。宵夜營業時間每月不一樣，可能提前12:30. / 今期零晨1:30關門，要留意。