新新牛什粉麵家 (已結業)

牛什/牛腩麵就是喜歡幫襯舊式的老店。只能在香港先食到的原味道套餐只需$45 ,包一碟油菜，再加一杯冷熱餐飲，另加$2可轉豆漿，紅豆冰牛雜粗麵~香料味完全渗透入牛雜內，湯底也有濃濃的牛味~牛腩河~牛腩半肥瘦，口感軟綿，入口完全沒有油腻的感覺,牛腩再加油脂在口內溶化，實在太美味香濃的腐乳醬汁配通菜合拍度滿分，還可再加腩汁絕配紅豆冰~加$2便可轉紅豆冰，差啲以為自己眼花，唔轉對唔住自己個胃，紅豆大大粒，粒粒巳淋身，再加奶加冰，香港獨有的飲品.…查看更多

本身我們幾個女仔一起去朋友屋企探訪，一落車見到呢間店，諗住買個格仔餅、雞蛋仔、魚蛋燒賣食。格仔餅：朋友話入面的醬料不夠，成個餅好乾又硬。:(雞蛋仔：望落去好似好脆，但食落完全吾係果回事，又係硬繃繃，食多幾舊牙骹都軟埋。燒賣魚蛋：味道正常，燒賣是特別好味，真係有魚肉味。…查看更多

今天晚上因爲要上課的緣故，隨便在附近找了一間港式粉麵店吃個快飯。叫了一個套餐：鮮蝦雲吞河、腐乳通菜、熱檸水，盛惠$45。河粉的份量不算多，有5隻雲吞，對女孩子👩🏻來說是足夠的，但略嫌味道有點鹹。通菜和熱飲尚算過得去（忘了拍照📷😓），通菜不會太硬，腐乳的份量剛剛好。$45元能有3款食物，算是不賴了。**我很喜歡嘗試小本經營的食店，因為香港實在太多集團式連鎖店了😞，大家也要多多支持他們啊！😉😉味道：7/10環境：6/10服務：7/10性價比：7/10…查看更多

平時我個人幾中意食格仔餅特別學生時候既~格仔餅外脆內軟可惜今次係人生中食過最難食既~因心血來潮, 好想食格仔餅點知到當佢黎到的時候就..."謝"晒, 明明熱, 但似微波爐叮熱甘怪~!!!而一塊仲要12蚊, 唔值得~同行朋友亦極失望因格仔餅好難整得佢難食魚皮比平時食既, 特別腥脆度OK~配餐個價格上是很優惠兩個麵就不過不失但是不是味道很好可算能夠入口牛根口感可以, 味道可濃番少少牛雜味道亦較淡, 似岩岩放入去煮既感覺我下次應該唔會再去…查看更多

土瓜灣開到凌晨一點既牛腩麵。一入去其實無乜人。因為我入去嘅時候已經係夜晚12點。一入去已經聞到一陣牛肉味。一坐底就 無慮即決！牛腩粗！因為套餐所以有埋魚皮同埋野飲！40蚊！邊到揾？超級好食又未到。只能講正正常常。魚皮可能跟餐，所以都好少！野飲都吾洗特別講。因為都係正常味。環境就預左吾會好華麗，吾會好干淨。所以吾好有咩要求！Staff就得一個樓面。一個煮面。一個沖野飲！樓面一個打10個。落吾切單。又吾夠人攞野食。我碗野都放左幾分鐘先拎泥。…查看更多

平時都唔會行呢區，今日喺土瓜灣探完親戚等車，見有啲肚餓就去咗車站隔籬呢間買個外賣走…佢的宣傳招牌以40元一個套餐作招來，不過我選擇單買粉面怕食唔曬…見店面有兩個姨姨，有一個用緊膳，得返另一個姨姨係樓面跑來跑去好忙的樣子呢…而家雲吞店鋪仲有個特色就係喺門口有個位置是賣雞蛋仔和燒賣，螺肉串等等…叫了一碗牛筋牛肚河外賣，單子比較多…廚房的接應不暇…也需要一點耐性才能拿到食物呢嗯…一打開滿滿的牛筋和牛肚呢（每次也很會留意餸的分量）還有很啱我的口味。因為佢的蔥裡很香的芫荽味。不過不愛吃蔥的人士可以選擇走青了牛肚是我最喜愛的金錢肚呢牛肚油分很多種，有草肚什麼的，但我最愛就係金錢肚，夠咬口，滷得入味，唔錯唔錯肥嘟嘟的牛筋。咬落彈牙…吃完黏住個嘴唇，充滿骨膠原的感覺愛美的女士可以試下。一個雙拼粉麵39元來說。味道價錢方面合格了…查看更多

這間位於屋村的粉麵鋪，面向馬頭圍道，前面就是巴士站，人流好旺，老闆識做生意，門口做魚蛋小食，不過未吃過，因為每次都只係食牛腩河。其實牛腩唔係好味，只係每次落巴士都路過，所以貪方便同平之麻。…查看更多

偶爾行過土瓜灣都會去新新食碗粉。呢間麵店的價格平民化。而位置在巴士站旁邊，十分方便。今次食咗個水餃河套餐，叫餐落單到有得食都係10分鐘左右。水餃非常足料，有雲耳，蝦，豬肉等等。但係水餃的調味比較鹹...河粉是即叫即煮，口感彈牙，不得不讚。套餐另外很有一碟菜同飲品。埋單$40，其實最近加了價，但都是可接受的。相片中鋪面都幾整潔，感覺企理。呢間麵店的牛什都唔錯！下次有機會再介紹。…查看更多

一個麵餐$30, 食到尾先發現有小強係麵入面,向店員反映,佢話換個碗比我食~心諗:仲有胃口食咩??叫佢扣錢就算.埋單時~佢大拿拿平左$11比我. 全日心情都比小強湯底影響晒. …查看更多

睌上有事去土瓜灣搵完親戚，找小巴站返官塘好肚餓，見到呢個舖，唔理三七二十一就入去都晩上九點幾，舖內得十個八個客人而我就揀左個四人大卡位坐，見到枱面餐牌有各式粉麵粥套餐就要了個墨魚丸河，芥蘭，連埋一杯凍檸茶三樣野好快就到，墨魚丸河，河粉尚算滑，湯底亦吾錯可惜主角墨魚丸沒有咬口，完全沒有那種爽口彈牙感覺連少少墨魚粒都沒有，只覺得咸咸地，沒有墨魚味芥蘭夠青綠，亦夠爽，可惜份量太少，如果正價十二元就吾會叫不過跟套餐我唸都差不多，凍檸茶夠哂濃，好有茶香味舖內地方好大，卡位都有五六張，仲有十多張圓枱服務普普通通…查看更多

好彩同朋友早左到, 完全唔使等都有位了, 坐左一陣都已經幾多人了入門口的時候見到牛腩都幾靚, 跟朋友叫都係叫左牛腩河的牛味都好rich, 加上唔算太肥, 只係有少少邊位係肥比到個香味出嚟入口keep 住都仲有一份嚼勁, 當然睇相都知唔係林曬散修修0個種最重要係份量好夠, 一碗都相當滿足了另外有朋友叫左水餃都係好大粒的 !竟然還有蠔餅, 跟朋友們一起share 了, 有點奇怪竟然也有小菜類的食品可以order油炸的入口少不免是一點點油膩的, 蠔仔夠多, 熱辣辣自然都是好味道的豆辦醬唔太辣, 不過我主要吃原味, 唔特別評論了其實還有很多生滾粥, 雞肶之類之類都想食的, 無奈眼闊肚窄下次總有機會的另外亦都叫左杯豆漿, 都有D surprise 豆味都幾重, 係甜左少少同上面提過的食物有著同一特點, 就是份量好夠, 幾大杯的!最後順帶一提, D staff 都幾friendly wor應該都係做開街坊熟客生意, 但對生客都好好笑容呢個價位的食肆好少見 :) (可能只係我見慣人黑口黑面! )PS 門口的雞蛋仔好香, 是實心的 …查看更多

呢間新新牛什粉麵家,最特別的係螺頭,因為D螺頭有自製甜醬特別好味.佢D牛雜,雲吞,水餃撈都好味 『傎得一讚』價錢:魚蛋,螺頭,燒賣等都係5元 抵到難la ^^ Very Good…查看更多

水準勁差，晚上十一點幾放工回家，買咗一碗凈雲吞及一碟肚腩撈麵，回家只需3分鐘(就在隔鄰大廈)。麵餅未淥開勁硬不特止，牛肚、牛腩凍(有一兩片牛腩更有冰塊在面)，雲吞更有一半肉是變咗，有一點酸味。 極之差 !!…查看更多

十一月中旬‧晴來了這裡附近買點東西，順手在這邊吃午飯吧。這裡雖然以牛雜為店名，但粥粉麵飯又或是小炒都有賣，是樣樣齊的。進店時見那窩牛雜也幾似樣子，就來一碗腩雜河。牛雜有牛肚、牛腸、牛肺及牛膀各幾件，還有幾塊牛腩，不計味道，單計份量，是絕不欺場的。先吃牛雜，這裡的鹵水不夠香，牛雜吃走來風味也略遜。這問題在牛腩那邊就更嚴重，加上牛腩本身幾韌的，更顯得不好吃。不過墊底的河粉是壓得實實的，吃起吃去也吃不完，夠飽肚。不過這裡的衛生情況麻麻地，店子也有一點味道的。連油菜一碟，埋單26蚊，不算貴。…查看更多

好久沒有吃牛什。對面海的十三座當然是其中表表者。身在土記，想不到何處有好的牛什吃。頭上的電燈泡忽然亮起，想到每天早上都行經的這間叫"新新"的，主打的不正是牛什麼 ?....一個人走進店中，叫一碟牛什飯，再來一小份油菜，簡簡單單就攪定一頓午飯。有時吃飯是不需要呼朋喚友的。只是一個人啖着一口牛什，樂得清靜，又有何不可呢 ?鹵水望上去色水不深，但味道不算淡得很，還可以；牛肚炆得不特淰，帶點咬勁，牛膀不韌，入口很"粉"；牛腸肥得要命，是真正吃得"肚滿腸肥"；牛肺很夠淰.....菜心是比較老的，有不少的渣，又不夠爽甜，劣貨是也。唯一的好處是明確的知道吃了不少纖維進肚子內，明天去washroom時就是快樂時了.....水準是可以的，而且二十八大洋能換來一刻的寧靜，值得，值得.....…查看更多