新斗記

营业中

休息中

早幾日在網上TapNow買了乳豬券，即時用WhatsApp聯絡了店舖，要求安排年初二晚上六時送貨。店舖即時確認了送貨時間。直至今天，15:23 經WhatsApp問店舖司機會怎樣聯絡，店舖亦沒有提過任何問題。晚上18:13，任何消息也沒有， WhatsApp也沒有回應(但電話看到不斷在線上)，直接致電店舖，回覆是司機已在10分鐘前出車。一直等到18:55，仍然是什麼也沒有，電話沒有， whatsapp沒有，致電舖頭，竟然跟我說司機不只送一個地方🤬🤬🤬如無法在指定日期指定時間送貨，是否有責任先告訴客人？尤其是年初二開年飯！後來換了店舖林先生接電話，我跟林先生說， 10分鐘內，如果司機未能送到，請讓他收回。結果，司機致電給我，人仍然未過隧道，根本冇可能10分鐘內送到貨。再多次致電店舖，冇人接電話，致電多次之後，終於有一位女士接聽電話。嗰位女士說我很勞氣，我想請問有哪一位客人在年初二開年飯的時候，等了一個多小時也沒有回音，會不勞氣？當然，最後林先生也沒有回覆電話給我！司機最後也送到乳豬，但整隻乳豬是淋的！究竟這隻乳豬在車裏待了多久？司機究竟送了多少轉貨才到我這邊？奉勸各位，千萬不要幫襯這間店

聽朋友講老品牌“新斗記”於九龍灣Mega Box 重開，食品超水準力推一定要試下。入到去裝修好靚紅噹噹好貴氣，光燈明亮，座位又好舒服。之後叫左網上大紅的脆皮乳豬、咕嚕肉、椒鹽鮮魷、啫啫芥蘭煲、薑蔥生蠔煲。難怪會於網上紅火火啦！ 隻“脆皮乳豬”的皮真超脆又有肉汁不似外面的乾硬的，真超好味。另外一個力推的是“薑蔥生蠔煲”生蠔肥大肉厚又入味及熱辣辣的蔥油味超香口,咬入口肉感超正好creamy。第三道菜是“椒鹽鮮魷” 咬落去外脆脆內軟軟的，加上有椒鹽刺激味蕾，超好味。真多謝朋友好介紹。

過年做節媽媽想食燒乳豬, 聽朋友講新斗記乳豬好出名, 所以特登去訂咗一隻做節食, 預早約好時間去餐廳攞, 去到見到餐廳門面裝潢好靚好乾淨, 信心大增,  見到隻豬有個硬皮紙盒裝住, 好方便唔似得其他的用個膠袋裝, 攞時郁來郁去撞到崩晒, 抽住返屋企仲熱, 打開見到隻豬都幾大隻, 層皮燒得好靚好脆, 我地隔左2個鐘先食, 啲皮切開時仲嗦嗦聲, 好香脆而且唔肥, 肉同油比例好好, 真係幾好味, 真係值得 encore,  如果堂食可能仲正, 下次一定要試下!

又冇人招呼， 人未入座，未安排酒水，杯都未執好。就上菜，第二度上就食翅。 翅得半碗！後尾大盤仲有幾碗翅，佢將啲 醬油碟扔晒落去！水都要自己加，行出去比我見到😡 我問佢咩事，佢話吾好意思，睇吾到仲有喎！成枱都係食晒碟又吾收，一路擺上去！吾上菜冇人入嚟嘅！未食晒就話先埋單趕收工！！！咁嘅米芝蓮！點評審出嚟？？？？屋村酒樓都不如😠😠😠😠😠😠😠😠😠😠😠😠😠廁所污糟過公廁，地下好似去左溜冰場咁滑！

之前行過見開左新嘅斗記，見佢米芝連咁，咪入去試下飲茶，飲茶食蘿蔔糕，幾好味，見佢賣緊過年蘿蔔糕，咪買底食下啦，預購，買左張券，拎之前要打去預約。我10/1拎，18/1到期，所以未過年都煎黎食左先！點知，蘿蔔糕唔夠粉，切既時間已經覺得好散，點知一煎碎晒，啲蘿蔔一粒粒，好似煮得唔夠，未出過水咁，一路煎啲蘿蔔粒同啲粉分離晒，都唔知食左啲乜，強差人意！唔知係我煎嘢技巧差定咩，總之我就冇能力可以煎到呢底蘿蔔糕啦😞

一直以嚟都有食開新斗記，但今次嚟到九龍灣，係專登嚟megabox呢度試一試。門口知客態度惡劣，聲大夾惡咁叫大家禁機同等位。同時間，亦都引發到不少在排隊中嘅食客相繼離開，並沒在此等候。然後內進後，食品質素強差人意，豬腳本應係招牌菜，但奈何係一隻好多毛嘅豬腳，味道都係同以前唔一樣。去到另一招牌菜乳豬，佢係同以前嘅味道唔一樣，聞落食落都係好似格夜嘅騷味。如果大家係對新斗記有過記憶或進餐經驗，我覺得大家不用對九龍灣店有期望。

途徑此處想著時間剛好，就來到這試下新開的新斗記，飲下茶。這麼的裝潢比較新淨，這也是吸引我走進來的原因之一點了八個菜也算中規中矩吧中間有點小插曲，就是有個不知道新來還是沒受過訓練的侍應吧，問她「斗記得意腸裡面是什麼」她說「腸粉嘍..」再問「入邊有咩架？」她「我無食過，5知窩」再黎佢上煲仔飯都係，不提供幫開蓋無問題，熱騰騰上到都5提醒一聲蓋好熱🫠………呢個態度，我真系呆咗。除左佢，其他人態度都好正常，但都希望貴公司可以好似出品咁，服務都做好d，好食的食物千篇一律，好既態度真係可以萬里挑一。

新斗記原班人馬於MegaBox十三樓重新開業，就特登約埋一班老友前往這間有米芝蓮星級餐廳美譽的新斗記捧場。店內裝潢擺設什為精緻，整個空間設計優雅舒適，晚上用餐時間很多食客。新斗記主打廣東菜，招牌菜果然名不虚傅，即燒乳猪，皮又脆又薄，吃落不會過於油膩，加些砂糖和特制乳豬醬，好吃！豉油皇焗海中蝦肉質爽彈惹味，醬汁鮮甜不又過鹹。其它的美食抱括 荔茸香酥带子 、淮山杞子螺頭墩難、清蒸海杉斑、懷舊生妙骨、 蒜子上湯浸豆苗、金牌燒鵝皇味道也不錯，值得推薦。 一個非常愉快的晚上，會約朋友再來。