新志記海鮮飯店 (已結業)

都係見到呢度既食評又咁o岩去開附近拎野先過黎試下...地方好窄...好典型既舊式菜館間局....2個人叫左:海底椰螺肉燉湯- 好夠火喉...飲完唔口渴蒜蓉豆苗- 油左d...菠蘿咕嚕肉- 係炸得唔錯,不過唔夠熱...有d失望百花蒸釀豆腐- 豆腐幾滑有豆味...唔錯..服務幾好...有無味精唔知...不過d野食完都唔口渴...所有野都幾大碟下....食唔哂仲打包走...

6/10(五) 7:30pm中秋夜,與家人的團圓飯局選址於此.原定訂了7點臺,8時半要交臺;家人卻遲到,最後遲了20分鐘方能交臺;值得一讚是老練的侍應們仍保持笑容,禮貌及高效率的服務.環境比想像中光猛整潔,被安排坐入細房更好,最少沒外面那般嘈吵;而店子7時多已全場爆滿,大時大節不足為足.一行6人點了沙薑雞$75半隻,百花釀豆腐$48,咕嚕肉$42,大斑兩味$135--芥菜豆腐骨湯及翡翠油泡球,花姿蚌片炒西芹$68,泥鯭粥$18;原先兄長想吃的龍蝦亦早已售罄.沙薑雞--件頭不算大,雞肉卻頗鮮嫩,肥瘦適中,食味不賴!百花釀豆腐--蒸豆腐口感格外滑溜,釀上的蝦膠也富鮮味且彈牙!咕嚕肉--傳說中的菜式,反而令人有點失望!不可不讚是脆漿相當薄身,肥肉不算多,甜酸汁味道醒胃!但咕嚕肉談不上極香脆可口,脆度可再高些.翡翠油泡斑球--份量偏少,鑊氣不足也是另一弊處;西蘭花雖爽脆,但未能與斑肉的鮮味融合,至於斑肉咬落結實彈口,魚味屬豐盈.花姿蚌片炒西芹--碟頭屬細,幸好花姿蚌片份量適中,鑊氣同樣欠奉!芥菜豆腐骨湯--湯頭十分清甜夠味,芥芥帶甘甜,味道討好!很有住家風味!泥鯭粥--以膠湯碗盛上;粥底煲得相

終於試了這間酒家, 我和老公2人叫了咕嚕肉‧什菌魚腸, 百花煎豆腐咕嚕肉真係好正, 我一向也不愛咕嚕肉, 所以老公同我2個食飯時, 次次都叫不到這味餸! 但看見這裡咁多好評, 緊係要試啦, 最正係d粉唔厚又唔太酸ｏ百花煎豆腐都好正, 煎得很香, 豆腐豆味都好重, 瑕膠都好大塊和彈牙!什菌魚腸--我覺得麻麻, 唔知点解好似無咩味, 只有菌類的醒味! 我見好多人都叫蒸帶子、埾子, 我估應該都好味, 不過實在太飽, 唯有等下次啦!

22/5(一)家姐同未來姐夫係附近金都有野整,所以最後約左佢地係呢到食飯3個叫左老火燉湯,菠蘿咕嚕肉,沙薑雞半隻,西蘭花帶子蝦球老火燉湯係菜乾豬肺湯,可以分到6小碗,個湯好鮮甜,d湯渣重可以"畢"出黎食,不過d豬肺bo到已經淋batbat菠蘿咕嚕肉應該係即叫即整,炸得好脆口,唔會咬到一口粉,d咕嚕肉唔肥,有肉食,汁調得0岩0岩好,唔會太酸or太甜,連平時唔鍾意食咕嚕肉既家姐都讚沙薑雞都唔錯,叫半隻都好大碟,皮同肉之間無肥膏,雞肉嫩滑,有雞味之餘又夠沙薑味,不過我自己覺得雞肉淋左小小西蘭花帶子蝦球個presentation好好,擺得整整齊齊,帶子蝦球都新鮮爽口,味道恰到好處另加2個飯,埋單$23x小菜確實出色又大碟頭,但環境好麻麻,而且出菜好慢,不過為左個咕嚕肉,都會再黎食

跟舊同事晚飯聚舊, 樹熊B 提議這裡, 於是便來這裡了。8 點左右到達, 立即有檯。店舖是典型的街坊飯店感覺, 沒什麼裝修, 有點破舊, 但尚算光猛乾淨。全部菜式由樹熊B發板:1. 老火燉湯: 材料豐富, 有瘦肉、金華火腿、雞腳等, 很鮮味的一個湯。2. 濃湯野菌浸魚肚. 份量超級的多, 湯夠濃, 有很多菌類和魚肚, 清得來很健康的一度菜。3. 菠蘿咕嚕肉: 該是即叫即炸的, 新鮮得很, 汁的味道也是一流, 只是畸嫌太多骨了。4. 生炒臘味糯米飯: 不太多油,好好食,不懂怎去形容, 就是很好食吧。5. 蒜蓉粉絲蒸帶子: 帶子是新鮮的, 但整體未見特出。6. 沙薑雞: 大大隻的肥雞, 雞肉嫩滑, 也很有雞味。7. 雜菜煲: 份量很多, 但平平無奇, 可以接受的。8. 椒鹽鴨舌: 在香港好像只有很才地方可以吃到。鴨舌夠鮮嫩, 經椒鹽後既香口, 又惹味,我吃了很多。可惜沒有人喝酒, 要不是這味菜用來下酒真是一絕。整體來說是頗滿意的一餐, 下次可以和家人一起來試試。

琴晚約左朋友仔o係旺角食飯拎住好重既野唯有自己坐低等一入門口見到幾位阿叔已經問我係d乜講真個心即刻打個突我都未黎過只係生客駛唔駛咁八呀??但坐低之後你會發現呢度幾位阿叔都好好人只係佢地係古老人講野大大聲感覺粗魯d o者其實佢地好有禮貌架!!當我幾次同佢地講唔該時佢地都會話唔駛客氣而且因為我坐廳但開著既係亞視時佢一留意到我望入房睇無線時佢即刻轉番去無線等我唔駛轉晒頸睇講番食物叫左咕嚕肉($42),骨髓會三鮮($48),白飯($6)同泥猛粥($10)咕嚕肉～新鮮即炸,脆口得黎個外層唔厚,隔油又做得唔錯,唔會油淋淋;而且肥肉同骨都唔算太多,甜酸汁味道唔錯,無話食到哽喉,不過至驚喜係以呢個價錢,份量真係好多,食極都仲有!配菜菠蘿就差左少少,有d厚有d薄仲要好多加工糖水味!骨髓會三鮮～其實佢應該叫雜錦多d,有去骨鳳爪,魷魚,春蛋,豬肚菇,秀珍菇,仲有一隻唔知咩菇同骨髓一齊煮,清清地可以平衡番咕嚕肉既重味,個人黎講都ok!泥鯭粥～一般d啦,泥鯭洗得唔太乾淨所以有d魚肉仲有苦味,而且唔夠熱,幸好粥底幾綿而且無乜味精,起碼食完成晚都唔覺口渴,而且佢加左果皮去煲,所以唔覺有鯹味送既花生幾脆口但略嫌鹹左少

我們間中都會唔多想出街，所以便會買點外賣回家食；一來可以看看戲，二來可以飲飲酒，真係一樂也。早幾晚又在家飲酒食飯，見天色唔多好，所以便選了這間近近的食店，我們叫了菠蘿咕嚕肉、菜甫肉崧煎蛋角和百花煎釀豆腐。因其它兩個小菜，之前已經寫過，所以不用再寫了；只寫這個菠蘿咕嚕肉，口感幾好，肉質又唔會好韌，酸甜汁味道也不錯，份量也很足夠，送飯一流；相信也會喜歡。

三月八號晚放工後和同事及林小B到這裡晚飯。點了以下小菜:濃湯野菌浸魚肚- 湯較上次俗, 但依然好食。菠蘿咕嚕肉- 即叫即炸, 未上檯已經聞到陣味好醒胃。斑魚兩食- 時菜豆腐魚骨湯:鮮味好飲, 當然我都係覺得燉湯好飲D。西蘭花炒斑球:斑球炒得唔過火, 食落仲好滑。生炒臘味糯米飯- 炒得均勻又唔油, 軟身好食又唔爛。涼瓜炒田鷄 - 田鷄炒得嫩滑, 涼瓜夠入味煮得剛熟唔太腍。百花蒸釀豆腐- 百花嫌細舊, 但豆腐蒸得夠滑, 生熟豉油淋面清清地幾好食。沙薑鷄 - 同上次一樣好食, 夠味。另點了四個飯,兩枝獅威。P.S. 今餐以六人計算

早前兩個人唔想出街，便決定買外賣回家飲酒食飯，最後決定了來這裏買。我們要了三個小菜，沙羌鷄半隻、蒜茸粉絲蒸聖子和蒜茸粉絲蒸蜆。沙羌鷄 - 沙羌汁係分開上的，味道幾好，雞肉就比較上韌，唔多入味，沒有之前人說得那麼好，難道失手了。蒜茸粉絲蒸聖子- 聖子大大隻，味道新鮮嫩滑，送飯一流。加上用蒜茸蒸過的粉絲，食完都幾飽肚！蒜茸粉絲蒸蜆- 蜆肉很細隻，而且很多也只得空殼，雖然都很新鮮好味，但感覺就唔多抵了。今次比較上差了點，唔知係唔係二廚煮的呢？

昨天17/02同林小B及來喜三人第一次到這間飯店開餐,來喜係個成日出日食飯都話呢間好正,完全無將價就貨,全部由我發板(梗係喇!我上嚟睇咗有咩食先,做定功課)沙羌鷄-連來喜呢個鷄癡都話好,夠味又唔"O鞋"濃湯雜菌浸魚肚-林小B最鍾意食菌類又鍾意食魚肚,因為 夠入味。菠蘿咕嚕肉-一睇就知即整又唔駛咁慘食炸粉,酸味唔會 過份,送飯正。西汁煎倉魚-又係送飯正,我第一次係街度食煎魚魚頭都 食埋,煎得夠脆,洋蔥勁多勁惹味。海底椰鷄腳燉瘦肉湯-林小B因為有咳,呢個湯佢啱飲;來 喜話料好足,又夠味,唔係老火湯扮 燉湯;記住湯料不要放過,D螺肉勁 好食,鷄腳夠火喉到連骨都食埋。飯後糖水:南杏雪梨雪耳-好有杏味,絕對係靚貨,林小B話食咗喉嚨 好舒服,大家都估唔到連糖水都咁正。是晚另外尚點了:兩碗飯,一枝獅威

知道這間食店已經很久了，但一直都沒有試過，早幾日想不到去那裏食，忽然想起這裏，便來了。我們叫了三個小菜，濃湯野菌浸魚肚、菜甫肉崧煎蛋角和百花煎釀豆腐。菜來到時，真是嚇了一跳，這樣大碟，點樣食得完，最後只好決定唔叫飯，淨食菜。濃湯野菌浸魚肚- 味道唔錯，野菌很多，魚肚也煮得好腍又入味。菜甫肉崧煎蛋角- 大大碟，煎得好香，味道也很好，但如多人一起來食就更好了。百花煎釀豆腐- 豆腐好滑，釀的蝦膠也很好彈牙，味道幾好，但可惜又是一味好飽肚的菜；最後只是食完中間的蝦膠就算了。走時沒有細看單，但回想起價錢應該計多了，下次真係要計清楚單才好。因計錯數，所以今次唔多抵。

在屋企附近, 但不知道有這店. 上月朋友gathering, 第一次去.基本上這樣的店沒有環境可言. 服務okay.至於食物相當出色. 當晚點了沙薑雞, 豉椒炒蜆等等, 全部都好味. 值得推介的食店. 回家後和家人說起, 原來他們都有去幫襯過. 評價都幾好.

8月27日晚餐在太子區食晚飯我們多數會去福來居牛記，今晚試試曾智華(活力先生)曾經在專欄介紹過的志記。沙薑雞半隻($60) - 本想叫炸子雞，但炸子雞要成隻叫，所以改要活力先生大讚的沙薑雞。果然高質素，雞不是很大隻，幾肥美有雞味幾嫩，沙薑味剛好。炆斑頭腩($95) - 好大碟，有斑腩，燒肉，豆腐，冬菇。這道菜牛記造得較好味，但這裡大碟，斑腩多肉，味道也算不錯。豉椒炒蜆($38) - 抵食夾大碟，豉椒汁香微辣又惹味，蜆肉一點沙也沒有，送飯一流。大喜力($20)雖然牛記某些菜造得較出色，志記也算不錯，而且價錢較便宜，以後在太子區又多一個選擇。記得不要太早到，我們6時左右去到，員工還未食完飯。加白飯一碗，好大碗，飯後送糖水。埋單共$235。

同屋企人親戚一行十二人去食飯,諗住去好彩,但daddy 就帶左我地去依間,初時有d失望,因為環境唔係咁好,好似d打冷鋪,不過daddy一向識食,我諗應該唔會太差掛,daddy都好醒,一早order定野,咁我地去到無耐就可以上菜,大約叫左九菜一湯:1)冬瓜盅---湯底幾清,"不"極都仲有好多料2)炸子雞---d皮好脆,隻雞又唔肥,雞肉又好有雞味,真係幾好食架,daddy話佢每晚都限賣架,有機會食既,一定要試3)椒鹽大頭蝦---蝦又係炸得好脆,連殼都可以食埋,仲要有膏架,我最鍾意依個食送4)芹菜魚柳---魚柳好滑,炒得有鍋氣5)上湯魚腩---我諗係同一隻魚既唔同煮法,因為我不嬲唔食魚腩,所以無試過6)菠蘿咕嚕肉---又係好好食既一個食送,一d都唔厚炸粉,味道岩岩好,食左好開胃!!7)洋蔥牛仔骨---一d都唔"un",肉質好嫩,拿來食送飯一流呀~~8)清炒白菜---普通啦,無咩特別9)咸蛋炒莧菜---我覺得比白菜好食我個人認為整體好食過酒樓,唯一不足既係佢得好少伙計,有要求多數要嗌好多次

聽志記個名好耐, 去附近買燒肉都成日經過佢門口, 卒之試一次啦! 大班兩味百三蚊, 好多卅蚊度特價小菜, 幾相宜丫!我地三位就大班兩味, 半隻菜膽雞同生炒骨, 落單個阿叔猛push?地王牌豬骨, 真係一一碟咁滯, 但我地都係無興趣, 咁阿叔都唔勉強, 又無俾面色我地睇, 有品過好多高檔地方伙計, 抵讚!講返野食, 炒班片就只可以話過得去, 但炆頭腩就好鬼掂, 隻雞都ok啦(要彈就彈D囉, 不過呢個通病度度一樣!), 個特價生炒骨無將貨就價, 食得過!三隻友埋單二百幾, 抵!