新德里餐廳

营业中

休息中

食過幾次重慶大廈 始終都係覺得呢間最抵食最好食入到去重慶大廈自然會有人派單張同帶位佢哋啲侍應同帶客個個都好Nice餐廳環境舒服 整潔 企理當日禮拜日晏晝去 都唔算好多人所謂都幾闊落 坐得舒服嘢食方面，兩個人食叫咗唔係好多#香濃牛油鮮茄咖喱 Butter Chicken $74用咗牛油同鮮茄嘅咖喱！真係印度咖喱之外從來冇試過嘅口味！個人極之鍾意！咖喱汁又甜又香 雞肉又夠滑絕對係印度餐廳之外食唔到嘅味道！用嚟搭飯或者烤餅都一定好好味嚟到呢度唔食咖喱簡直對唔住自己😭#芝士烤餅 $25佢個烤餅芝士相當之多 夾住晒喺塊餅入面！而塊餅本身個麵粉味好濃 個人超級鍾意濃濃嘅碳水化合物 真係愛不釋手😭😭再配搭埋咖喱 完全唔知點解可以咁match#蒜蓉烤餅 $23因為唔夠飽嘅關係 再叫多咗個蒜蓉烤餅同芝士烤餅唔同 呢個整到好脆比較有咬口蒜蓉味都十足！麵粉味雖然都有但唔夠芝士烤餅濃厚個人都係鍾意芝士烤餅多啲#雜菜乳酪 $22味道幾獨特 唔係太識形容#印度瑪莎拉奶茶 (熱） $15感覺上有啲似港式奶茶 茶葉味好香濃奶味都好足夠 成杯飲落都係好香口而且飲到底好似仲有少少香料個人好鍾意 值得推薦

朋友話從來無入過重慶大廈食印度菜咁就帶佢去我既愛店新德里試吓呢間係難得好食又唔算貴 有信心保證❤️首先係腰果汁咖喱雞完全唔辣 有香濃的椰子味配上嫩滑的雞肉適合一家大細食得辣既一定要試瑪莎拉羊肉係越食越辣但相當過癮羊肉一啲都唔羶 亦唔會痴牙個汁用嚟撈飯一流嫌太辣既話 可以加少少薄荷醬中和薄荷醬既清新配上羊肉係別有一番風味大推香蕉乳酪入口非常濃郁應該係用真香蕉和yogurt加冰打醉唔係一般稀到水咁既乳酪飲品清爽又解辣！

好愛印度烤餅NAAN laziz laziz跟好友晚餐，今日好想食印度咖喱，於是我哋去咗重慶大廈的「新德里餐廳」。7:30已有七成顧客入座，在疫情下生意還算不錯。「免治羊肉咖喱角」KEEMA SAMOSA 是一個三角形脹卜卜的印度小食，厚厚實實的外皮是用麵粉搓成，餡料則非常豐富有我哋選嘅羊肉、薯仔蓉、青豆、小茴香及其他香料混合而成，所以味道和口感都好豐富，值得推介。「瑪莎拉烤雞」是用上新鮮的蕃茄加入咖喱中，咖喱香甜濃香而小巧的雞件很入味。「新德里特色會羊肉」MUTTON KARAI 羊肉一啲都唔羶，好味嫩滑，配上烤餅滋味無窮。叫咗一個普通烤餅 NAAN 因為我好喜歡原味能夠吃到烤焗麵粉的香氣，點上咖喱汁非常好味。另外叫咗兩個芝士烤餅Cheese NAN 芝士溶化其中，好吃但好容易飽肚。Sweet Lassi 乳酪飲品，像濃稠的益力多 不過有重重的奶味，我哋今日都係選擇甜乳酪，好好味好好飲。

男朋友抽起條根好想食印度咖喱同烤餅唯有陪佢去食啦😂呢間新德里好耐之前都已經聽聞過不過總係覺得 啲太出名既店都係食名氣多過食物 通常貴夾唔好食奈何網上介紹來來去去都有呢間咁就一於試下啦點知睇左menu先發現 其實新德里真係唔貴甚至對比幾年前 啲食物都只係加左一兩蚊😳對於cheese naan, garlic naan同butter chicken都好滿意！兩款Naan都好有麵粉香 cheese既識拉絲 garlic既相當香脆Butter chicken更加係無得彈😍有濃濃的蕃茄味之餘 相當creamy 再陪上烤雞就咁食 配飯 配naan都好出色！之於個雜菜乳酪就因人而異我鍾意乳酪 所以覺得幾解膩我男朋友就一啖都冇興趣😂

重慶大廈俾人嘅感覺都係神神秘秘，屋企人仲會覺得有啲龍蛇溫習，咩人都有嘅感覺。自從上年社會運動開始，就多咗好多人講起南亞裔人士，有一次仲要係同重慶大廈有關嘅活動。所以一直都想來試吓食飯。大家要有心理準備一行入重慶大廈，就會有好多南亞裔人士，應該係印度人，佢哋會追住你叫你去佢哋屬於嘅餐廳，佢哋好主動想搵多啲生意。初初真係比唔切反應，都唔知理邊個好，都真係有少少得人驚。跟住我扮睇外幣匯率，之後自己再搵電梯上去😂🙈我嘅第一次重慶大廈食咖喱體驗，揀咗新德里餐廳，因為感覺好似乾淨啲，新啲。食咖喱梗係要嗌烤餅啦，我哋揀咗新德里特色烤餅，加牛油雞。上菜之前會比一塊好薄嘅脆餅你，不過個汁唔係好頂得順，太重香料味🙈特色烤餅上面係椰絲，熱辣辣咁樣好香蛋味幾好食。個咖喱微辣啦，好好食，有蕃茄味，亦都有牛油味👍🏻👍🏻好驚喜呀！啲雞唔會好鞋，唔錯！叫咗杯青檸梳打，配咖喱真係一流😋下次有機會再嚟試吓其他咖喱先😆

今天上午約舊同事往該餐廳用膳，只想與他聚舊，閒話一二小時，對食物要求不高，但有著意外的收穫，享受一頓滿意的美食。我們點了數款美食，食物不外乎雞及羊，另外加上薄餅，當見到食物時，一看而知是冰鮮食品，或是麵粉製的食物，可是一嘗時被其味道吸引，多種配料配上食物，味道恰當，刺激味蕾，有著清新的感覺，加上烹調得宜，不太熟、不太生，不太油、不太鹹，食物與香料互相配合，雖然只是冰鮮的食材，卻令我們食慾大振，很快便來個清空食物，要添加其他食物補充，最後以甜品及特製茶作結，加上與舊同事閒話，如此便過了美好的一個午飯時段。總括而話，那是個值得推薦的地方，舊同事也是食家，經他推介的必是佳品，如果讀者有空的話，可嘗試到該餐廳一試，必定不會令你失望。

香港係一個多元社會，好多土生土長嘅南亞朋友都好愛香港，都係手足黎，今次要介紹嘅係重慶大廈裏面幾受歡迎嘅新德里餐廳。🍗燒烤五香雞件 Chicken Tikka $78雞肉用咗比較嫩滑嘅位置，啖啖肉得嚟都幾juicy，雞肉本身用咗特製香料醃過，加上微微炭烤味道，食落都幾惹味，用鐵板上亦可以keep住個溫度。🥘腰果汁燴羊肉 Mutton Shahi Korma $82印度菜除咗食咖哩之外，腰果汁都係我其中一款幾鍾意嘅醬汁，比起咖喱味道唔會過於複雜，質感比較Creamy易入口，用來點烤餅同配印度飯都好出色，而呢度嘅羊肉完全唔騷，味道同質感都同牛腩相似，比較貼近香港人口味。順帶一提，新嘅餐牌唔見有腰果汁揀，有興趣嘅朋友可以就咁俾個菜名佢落order。🌮芝士烤餅 Cheese Nan $25呢度嘅芝士烤餅都係十分推介，熱辣辣嘅烤餅包住勁多mozzarella cheese ，就咁食已經好好味，撈埋汁一齊食就更加滋味，而且$25一份真心抵食。🥟素咖喱角 Vegetable Samosa $8/件咖喱角都好大件，裡面餡料係青豆、薯蓉同薯粒，整體味道偏淡，可以配佢哋嘅燒烤醬同薄荷醬一齊食，但薄荷醬個人覺

多年前在樓上店吃個粒粒分明的印度炒飯（Biriyani）就一直想搵返個種味道，加上脆扑扑的印度簿餅（Papadum）可以沾紅色及綠色的好味醬汁，更加是一試難忘，所以去了重慶森林尋找印度菜。大門附近有大量南亞同胞在派發卡片，帶食客到電梯上餐廳，賣力非常，最後決定去其中一間比較有名的菜館名叫新德里，亦是很多海外遊客會光顧的小店。相信大家對印度菜的概念第一必定是點咖哩，另外加點炒飯，下單時掌櫃非常緊持，必定要我們點印度烤餅（Garlic Naan），雖然印象中烤餅都是軟趴趴不開胃，但也賞面點了一客，然後驚為天人，好難烤得好食的印度烤餅（Garlic Naan）在這店是我吃過最好吃的一次，咸香油香配合加上質地鬆化，即使不配咖哩單吃也非常野味，兩款咖哩也不遜色。可能一開始對炒飯抱有期望，雖然很可口但找不到回憶中的感覺略感失落，但整體感覺非常滿意，也沒有想到，尋找炒飯時試到如此好吃的印度烤餅（Garlic Naan）。

要記錄一下第一次踏入重慶大廈既感覺之前已經預先上網決定食The Delhi Club去到門口啲人就會問你食唔食呢間呀有張卡片寫著新德里餐廳 但係我仲係咁話NONO過左幾秒諗諗下先發現 唔係咼 新德里餐廳咪者係The Delhi Club囉傻仔!!!!不過算啦 好彩C座唔難搵 一路入就得架啦上到去7點到 已經有幾檯客人裝潢俾我想像中精緻同光因為本人唔食辣好彩menu都有提供少辣首先烤餅係必點 叫左個蒜香烤餅蒜香唔係好重 無蓋到烤餅既香味再黎咖哩雞(少辣)烤餅沾咖哩 簡直係perfect的確少辣係辣中帶甜 好似我唔食得辣就岩岩好因為擔心唔夠食所以叫多左個羊肉飯 呢個就有啲辣同埋俾我想像中多飯 飯粒亦同香港既飯粒唔同係長條型架最後當然叫左杯banana lassi解辣非常推薦呢間餐廳 員工都好nice 環境又好!下次絕對會繼續幫襯

Weekend venture to the Chungking mansion. Our curry expert took us to this New Delhi curry house on the 3/F, you can choose to be escorted by the welcoming Indian or just take the lift at the end of the lobby. The restaurant has amazing graphics on their tables, and I liked the arts a lot. The service was superb, all of their staff were extremely friendly and they just couldn’t wait to flatter with you in both English and Cantonese, to make you feel like home! We even got free papadum as appetis

🇭🇰 新德里餐廳·第一次入去重慶大廈🤭🤭佢比我想像中好食 同埋無咁重香料味 唔錯唔錯 大家可以去支持下😋·瑪莎拉烤雞（小辣）$74個汁好好食 好襯個蒜蓉烤餅 個雞就一般啦 再嫩滑d就更好keke😌·新德里特色雜菜（小辣） $65因為我地唔肯定中辣會唔會太辣 所以就算我地唔知特色係咩味 我地都嗌左呢個😎😎佢其實係少少番茄味咁樣 幾好食 不過d雜菜細細粒 不過多既keke·蒜蓉烤餅 $22呢個好好味😍😍一上台已經超香 而且佢個邊燶燶地 有d炭火味 好正

由於我地怕要排隊所以我地6點就已經企左係門口等佢開門🚪 餐廳裝修好有印度風味而且都算大不過就要搭枱, 不過冇所謂啦, 因為都坐得舒服😚 難得黎到梗係要試多少少野啦, 我地叫左四樣野同埋兩杯飲品, 我地叫既時候個waiter 都叫我地叫住先, 應該係驚我地叫太多食唔曬😂 我地最尾當然食得曬啦芝士薄餅🧀呢個係必點, 總共有4️⃣大塊, 每塊都夾住滿滿既芝士, 不過呢個真係要襯熱食, 凍左我覺得冇咁好食, 熱既時候食會食到芝士拉絲, 好正🤤 薄餅厚度適中而且唔會過分油膩味道啱啱好新德里式燴羊肉(小辣)🐏呢個羊肉既汁係完全唔辣😂唔好睇佢細細兜其實都有頗多舊羊肉, 不過羊肉肉質偏”鞋”身, 不過整體黎講都唔錯瑪莎拉烤雞(中辣)🐔呢個咖喱我超鐘意, 雖然唔係我想像中咁既味但係都係我鐘意既野, 咖喱汁夠惹味而係雞肉夠滑嫩🤤 完全係食唔停, 好正雜菜炒黃飯🥦🥒🥬呢個飯黎到既時候已經唔係十分熱, 不過都好大兜我地兩個人每人都食左三轉🙈 料都幾足, 有好多菜, 絕不欺場🤓另外叫左一杯青檸梳打同埋士多啤梨乳酪, 前者味道正常後者幾好味, 無論質感或者味道都好似飲緊平時果d乳酪咁😍 等食物既時間有少少耐因為好快坐

一直有聽聞重廈大廈的印度菜非常出色，難得今次有朋友推介，終於可以試一試了。首先一進重慶大廈已經有非常多人很熱情的跟你招手急著遞宣傳單張給你。今次我們要試的就是這一家了。.我們一共七個人，選了幾個菜，不得不試的當然是咖哩和烤餅。我們點了椰汁咖哩燴魚（中辣），蘑菠菜芝士（小辣）為不嚐辣的朋友而點的香濃腰果汁燴羊肉，配上芝士烤餅，再叫了一個新德里特式炒飯和蘑菇印度黃飯。.飲料方面，咸乳酪比較特別，芒果和士多啤梨乳酪也不錯，但喜歡乳酪味較重的就要試一試甜乳酪。最受朋友歡迎的是蘑菠菜汁和有拉絲的芝士烤餅。另外可能因為我們去的那天人客比較多，所以上菜比較慢，如果趕時間餓著肚子去的朋友要注意一下～

一路都以為重慶大廈好雜唔敢入去，但入咗去又唔係印象中咁，只係一個多元文化嘅地方。聽講新徳里喺重慶都幾出名咁就去試下。當日平日晏就大約1點鐘上到去，都唔使排隊，入到去搵位坐低就得。同朋友都吾食得辣所以嗌咗個新德里燴羊肉，芝士烤餅，蒜蓉烤餅同一人一杯乳酪。個燴羊肉唔辣，食落係有啲特別嘅香料味，又少少有咖哩嘅影子，但配埋啲烤餅係好食。芝士烤餅熱辣辣上枱嘅時候係仲可以拉絲同聞落好香芝士味。蒜蓉烤餅又係聞落好香。香蕉乳酪飲落都幾有蕉味同埋都食到有啲蕉蓉。

第一次同朋友去重慶大廈試印度餐到樓下有保安員指引我們去最入果部lift上樓。 一出lift門，差點跣腳，因餐廳門口地上有水，似大廈溜水。推門再入餐廳，點野食。我們已經預早到12：30分還未滿坐，已點了一個咖哩雞飯，芝士薄餅，2件咖哩角等了差不多一小時，如果太餓或趕時間請不要去吃。。我問他們有沒有落order,他查完話有，仲問我做咩事要問佢我問要幾耐先有得食，佢答我佢都唔知總括而言，食物和環境特色滿分。但衛生和服務，送餐時間有待改善。