影片
以上资料只供参考，请与餐厅确认详情
大家会唔会耐唔耐都想食下粥呀肠粉？ bakbak最爱中国四大发明…当然唔少得吔下粥啦…今日油麻地食完lunch经过呢间粥铺…见到又自己炸油炸鬼又见到有即蒸肠粉…就贡入黎参观下既然食左野…系咁2点个艇仔粥走花生…加多个叉烧肠 个粥底都唔错…系淡dd…艇仔有牛肉碎…水鱿…猪皮…都几多𩠌。肠粉即叫即蒸…个皮比较削dd…难夹少少…不过个豉油唔错…怕肥既记得叫少油。我就完全唔抗拒多油的😌😌😌最紧要价钱好合理…一碗艇仔先盛惠$19蚊…店员(可能系老板同老板娘)好好礼貌
继续阅读
我同朋友睇戏去食 叫左鱼腩粥 好足料 至少有4大块 再叫左果虾米肠 叫佢整薄身D 出嚟效果唔错 浓浓的虾米味 只不过有D油 下次可以走油 𠮶粥好出色 有清甜 绵绵地 应该冇落味精 我朋友碗猪红皮蛋粥都好食 好抵 $2x.
继续阅读
因为下一天要照肠镜，所以前一天要食粥..在此app search了一段时间买了一碗鱼片白粥..老板很好招呼老板很亲民...价钱又很平民，值得推介希望他们生意兴隆..
继续阅读
这间食店我之前未试过 因为佢嘅位置在民居附近 如果唔系在附近工作和生活 都好难发现和光顾 但因为最近想尽量食点健康食品 所以尝试寻觅附近有咩粥店 可以试一试 未入门口其实已经感受到佢哋嘅小本经营 门口简单 有一个大餐牌 透明度高 你会见到厨房和里面所有格局 里面其实无客的 只有一个职员在食饭 有一部大电视📺里面播放新闻 但其他地方睇落就好老旧 这里的餐牌已经贴在墙上 食物种类唔算多 但普通食客应该足够 价钱大众化 街坊都应该接受到 今日想食生滚粥 因为好少见到生滚粥那么抵食 但其实心里都有点担心送到嚟嘅时候都真系令我好开心 因为份量足 鱼腩都算大大件 𠮶粥底几棉 煮嘅时候女职员大声问我要唔要姜葱？我就大大声答佢要多啲呀😝跟住佢话收到 那个时候我突然之间𠮶心有一阵暖意 好似老熟客一样所以我都几喜欢这种感觉 虽然这里格局真系好乱 但都几有爱 当我想睇吓再有咩食 有食客想点肠粉 但佢哋话无晒 本想放弃 职员姐姐见我眼望望问我想要咩呀？我问佢还有没有叉烧肠 佢话有呀即刻拉比我太好了讲返食物质素先 这个肠粉我系有失望 我觉得好厚皮 还有好油 叉烧都足料 豉油好油腻 味道偏咸 我见好多街坊都走豉油 下次都系自己控制返会好一点 桌上有好多酱料 我开头都好惊会唔会放咗好耐 用咗一啲都无咩变味 应该都系正常嘅桌上还有纸巾🧻都算方便街坊 会再试下次再试其他生滚粥
继续阅读
平时我都好钟意去不同粥店，发掘下不同粥店，可以睇吓佢哋有咩唔同，而今次去呢间粥店好特别！佢哋装修睇得出系有好耐历史，呢个唔系重点，而系亦都睇得出佢哋好耐冇清洁，甚至喺呢度住，应该系前舖后居。👌🏻正因为咁，觉得呢度环境好特别，好似入侵左别人屋企，参观别人屋企嘅感觉，虽然有啲似乱葬岗，但系同时亦都有一种好真实嘅感觉，一种不修边幅的感觉🤣🤣👍🏻👍🏻👍🏻食物来讲我觉得一般般，叫咗一个炸两，一个炒河粉。炸两中等，唔算脆卜卜，同时亦都唔会林啤啤。而最值得一题就系佢哋嘅炒河粉，完全唔系一般粥谱𠮶种豉油王味道，佢炒出一种泰式嘅感觉，有少少似日式酱料，但有少少辣辣地，不禁令我谂，究竟系佢求其用不同酱料，随心而做，定系佢一直都系咁做呢？因为真系未食过香港粥店会做出呢种味道。
继续阅读