新幹線刺身壽司外買店 (已結業)

以前幫診過佢一次買三文魚柳.之後未幫診過,因我好怕睇野時,店員太熱情係咁問你想食咩野.而且成日見佢無咩人,總會懷疑係咪唔好食.今日心血來潮想食壽司,附近得佢有外賣於是試下.多數都係6蚊件, 每款2件起, 我中意既海膽就20蚊一件(2件=40元),感覺以外賣來說有點昂貴.因為我覺得外賣應該要比堂食平.才有競爭力.飯的味道幾好,令人失望的是飯是溫暖的.生的三文魚放在暖的飯上, 行返我家有段距離,我有點怕魚會壞.不過除此以外, 佢既魚生味道是OK的, 感覺也新鮮.

其實之前幫襯過深水埗果間,佢地D野好新鮮,最近得知葵涌呢邊都開左分店,仲好啦,近我咁多,開頭抱住新檔口唔知D野得唔得既心態,結果係同總店冇分別~~掂呀~!!大路野唔講喇(即係三文魚,油甘魚,海胆果D,平同靚~!)佢地而家賣梗海蝦刺身,好正呀~睇住師父即叫即劏,我叫左兩隻,都只係$88~仲有生蠔等等~葵涌呢邊個魚池就冇深水埗咁大~不過師父話想要D咩都可以預訂~同埋最梗要係衛生~佢地每做完野都會洗工具~絕對令顧客放心呀~~!!抵讚