影片
营业时间
今日营业
10:00 - 21:00
星期一至日
10:00 - 21:00
以上资料只供参考，请与餐厅确认详情
自己住附近，成日都有铺生蚝瘾以前去过大型连锁超市食…食一只都还好，食多两只就免喇但系新干线嘅生蚝….我试过一次之后，真心每日都心挂挂😂😂唔系讲笑呢间系我第一次可以食到啲生蚝…系开左都仲好生猛郁郁下！！！真系好新鲜！可能因为佢又用水养住，真系唔同啲☺️趁最近佢做紧优惠 买六送一(不开蚝）我都买多左几次！好彩我自己识开🙊如果唔系就冇得送多只不过自己始终唔系熟手，开得丑样啲😂😂点都好，帮衬左咁多次觉得点都要比返个好评佢👍🏻👍🏻👍🏻👍🏻👍🏻
继续阅读
因为中秋 最近又好兴食阿拉斯加长脚蟹屋企人就落咗order叫我买只返屋企做节食因为太迟准备嘅关系 好多间都已经俾人订晒点知就俾我系网上发现呢间新干线其实我都系第一次听呢间铺 就胆粗粗一个人去买因为一个女仔又唔识拣海鲜好惊俾人呃钱(*´-`) 我星期六食 但我星期五就去谂住拣定先 怕正日比人拣晒 点知一去到 佢只系问咗我要几大只 我话4斤左右佢直接问我$1700得唔得咁我唔系好知价 都觉得可以接受 就ok不过原来订蟹钱都唔洗俾住佢就直接开咗单俾我 叫我听日嚟拎就得 因为星期六嘅关系一早我就去拎 因为怕靓野俾人拣晒XD点知去到先知原来无得拣佢直接系1700果个鱼缸 拎一只比我！原来只蟹都真系好大只佢仲会帮我包好 好似礼物咁（＾ν＾）个姐姐知道我唔识仲教我水滚 放入去 蒸16分钟 熄火焗5分钟！劲细心～岩晒我呢啲新手！返到屋企屋企人话呢只系6粒钉唔系啲cheap野 咁个心都安乐啲 无俾人呃！我地6个人食 食到劲饱 特别系啲脚位 超多蟹肉不过佢嘅蟹系偏咸 重海水味果种好鲜味 唔洗加调味料都已经够味～屋企人都话正 话下次可以再买！
继续阅读
家下限聚，我地唯有转战家中啦！成日叫pizza 都闷啦！咁我醒起不如系新干线买嘀生蚝，刺身同我最爱海胆食下啦！yummy yummy因为我唔系好知价钱，上网睇嘀相又松、郁、蒙，咁我打去叫佢WhatsApp 嘀价钱单嚟睇下啦！呀姐话到自已好忙咁，话得闲先send，我意为佢hea 我呀！明明平时见佢地好似好清闲，到我落到去，爸爸，我知错啦！喂？乜有咁多人㗎咩？可能好多人转屋企gathering，人头涌涌㖞！我叫咗打蚝$300 加剑鱼腩，吞拿鱼，三文鱼刺身要开要切，真系企咗九个字，期间有个呀叔几chill 呀！开两只蚝即场食，其实我真系好欣赏呢嘀咁活在当下，自由自在嘅生活态度我几好彩呀！本身佢话海胆到咁机场未送到，我几失望呀！点知差唔多走，终于送到货！好靓呀底海胆叫咗咁多样野，带子、三文鱼、吞拿鱼、剑鱼腩、海胆同生蚝，先千六蚊松嘀！好开心好满足呀！但最后都系唔够饱，要叫pizza 🤣🤣🤣
继续阅读
价钱贵已经其次，店员帮我地挑选只换紧壳嘅蟹，又瘦啲膏又唔靓，食落无口感 ，仲多左层衣（因为换壳中）又太咸 ，无乜鲜味，期待左好耐😔但好失望，以后都唔敢帮衬。唔识拣海鲜就要小心啦。
继续阅读
最近帮衬过二次一次人少入门买只松叶蟹$680，即㓥鲜甜用来打边炉，蟹羔我另外蒸起上，好味，三人分量差不多另一次十人边炉买咗只二千元的皇帝蟹，即㓥返家食，今次估佢唔到分量足！肉厚，好似食极都食唔晒咁！切得好，连老人家都食咗二只脚，证明佢like!!!今次蟹羔临尾加饭放汤底加只蛋做蟹粥，大人小孩都喜欢比较之下，以后够人脚都系买皇帝蟹好D！啖啖好肉，正！另外明知贵都买咗支细的獭祭50 sparking, 本身就想试sparking , 似獭祭清酒加soda water, 更易入口又清！
继续阅读