新巴黎越南餐廳 (已結業)

尋日同女友行旺角，本來打算去女人街食西門町，不過太多人，又唔想等，眼見呢間野唔細排隊兼新開張，於是就入阻去。點左：1. 牛肉湯河2. 粉卷3. 豬頸肉炒時菜(本來叫鹹魚炒芥蘭，點知鹹魚又無、芥蘭又無，吹脹)4. 明爐烏頭5. 飲品兩杯牛肉湯河完全唔係越式。牛肉係蠔油牛肉o個種，湯底又唔係越式，擺明係開粉o個隻，D河粉好滑，因為係潮式o既。金不換、芫茜、洋荵亦欠奉。粉卷層皮唔咽韌。豬頸肉同椰菜唔係一齊炒。明爐烏頭的確係用隻魚型鐵兜上，不過無跟個爐。但係呢味已經係最好o個樣，起碼魚夠滑亦唔腥。最嚇人就係D management，基本上每檯都落錯單，waiter唔記得或寫錯檯號，食物出左黎之後就好似酒樓咁逐檯巡，問食客要唔要，呢方面真係要改善，好致命！餐牌上面無火車頭同牛油雞翼，亦令人失望。

8月19號(上星期日)o係佐敦分店叫左個烤豬肉檬外賣...食完之後覺得好正!今日...8月26(又係星期日)我又想叫凍檬~點知打左2次電話都冇人聽結果打左去銅鑼灣分店問...佢地同我講話佐敦搬左去旺角...天呀~咁我第時返返下工叫咩外賣好呀...咁難得先搵到一間自己咁岩食~d凍檬真係好好食ga~真係有讚冇彈!偵錢又唔係貴...不過星期日就衰d囉,我上次叫1個餐話唔送,結果我要搵多個fd叫~total叫2個先話"er...2個呀?好啦好啦"

上星期有日o係附近收工天氣熱辣辣唔想煮飯路經決定買定凍檬番屋企當晚餐貪佢酸酸咪咪開胃d仲有下午茶餐叫左香茅牛肉撈檬+凍檸茶香茅牛肉份量唔少但醃到無晒牛味又唔覺有香茅味檬粉份量唔少加埋另上份量又唔少既酸汁味道唔差當晚餐食飽晒

我鍾意食凍檬,食過好多間,始終覺得呢度最好食,又或者,或多或少我俾左少少感情分(童年時成日同母親係呢頭食肆食野,因為佢係附近番工)...一個扎肉雞絲凍檬,好大碗好多檬,扎肉同雞絲都有番咁上下份量,而且無雞皮,唔油,最鍾意佢任落酸汁,食食下唔夠又可以落,想開胃些又可以落多些,而且個汁好好味呀!同埋呢度既員工都好nice呀,感覺上幾親切啦!至於價錢,一般啦,唔係貴果類!

來過幾次食晏, 除了有越南食品外, 亦售賣多款港式食物如貢丸河, 乾炒牛河等, 越南食品講不上正宗了, 大路如香茅豬扒, 雞翼, 生牛肉河等都有, 唔難食但亦唔算好食, 午餐賣得好平$23, 樓面都是上年紀的女士, $23別無所求了, 久不久食一次啦.

星期六放工成3點半,無乜胃口,所以同肥b去越南,我住附近,又成日經過呢間鋪,次次見到都唔係好多人,所以未食過,今次都係第一次食咋,雖然係下午茶時間,但都仲有飯食,選擇都幾多,我食香茅牛肉檬同珍多冰,香茅牛肉幾入味,但厚d,有d硬,檬同出面食差唔多,珍多冰係肥b鐘意飲,我麻麻，佢話ｄ椰汁都ok, 而肥ｂ叫越式咖喱炒飯，我同肥b都覺得幾好食,雖然個買相麻麻,但炒得乾身得,有dd濕濕,咖喱味都幾香,料唔係太多,有d雞絲同蛋絲咁,而肥b杯凍奶茶,都幾滑,但甜d,見到晚餐d套餐都幾引人,同都唔貴,會再幫襯!

食左佢lunch既香茅豬扒飯set, $23真係幾平. 因為我唔食聰所以我叫佢走聰但我又想食佢d香茅豬扒~點知走左聰=走埋汁~! 變左=香茅豬扒+白飯! 但佢d香茅豬扒就真係幾好味既. 如果唔食聰既人想走聰, 記住叫佢落返d汁比你呀

20060702 14:45同老婆相約尖沙咀行街, 先在佐敦落腳醫肚. 今日大家都晏起身, 搵個下午茶餐食o下先!官涌呢頭都幾多野食, 咁o岩見到呢間越南餐廳, 下午茶好似幾抵咁, 一於試試佢.茶餐分兩種, 分別係$17 o既湯粉麵/小食餐同$25 o既炒粉麵/飯餐. 我地叫左生牛肉河同烤豬肉撈乾檬各一, 飲品方面要左熱檸水同珍多冰(+$5), 再加一碟炒通菜($11).生牛河都幾大碗,湯底清甜,牛肉有o趙頭不會韌,不過河粉就硬身少少,美中不足. 烤豬肉很腍而且入味, 撈檬配料有生菜同青瓜絲,再加上花生碎同蔥花,加少少越式酸汁, 食落非常清新,最o岩炎炎夏日食. 珍多冰很足料, 差不多有半杯, 當中以綠豆做得最好,很夠腍.炒通菜略嫌欠缺鑊氣,不提也罷!不收加一, 埋單剛好$50, 份量足以作為一個午餐, 抵食!

我食左個豬扒撈檬,味道ok,不過始終覺得小巴黎好食d, 另外一次就食左豬扒雞翼飯,果次d米就好似未煮熟,d米硬身有粉狀

係佐敦呢頭有好多餐廳,夜晚旺過日頭。今次我地晏晝12點來食野,見到呢度都有d人氣.我地叫左個香茅豬扒飯同越式炒河.個炒河冇乜特別,有d蛋絲雞絲咁,個豬扒飯就太多飯太少送,對我地d大送王來講冇乜肉食.但係到左1點呢間野就好旺,旺到唔好意思坐落去勒。

昨天來呢度食lunch，我食干炒豬肉河粉，老公食咖哩牛肉炒米，兩份都好大碟亦好多料，食唔哂，要叫阿姐俾個飯盒來裝走。餐飲方面，我就選例湯，係粉葛湯，幾好飲又冇味精，我老公既凍奶茶非常香滑可口，製法有別於一般茶餐廳，唔錯唔錯。呢度最正係閒日lunch時間，架車可以就咁泊在外邊唔駛入錶，在餐廳內坐近窗邊可睇實有冇差佬抄牌，一食完即走，真係方便。

陪老婆食lunch，分別order左：烤牛肉飯+熱檸檬茶及札肉雞翼飯+ 凍檸檬茶。烤牛肉飯係一大碟白飯上面舖滿半碟烤牛肉、伴以大量碎蔥、蔥油則適量，鍾愛蔥油既我，自然食慾大増，烤牛肉有啲un，味道一般，連熱飲賣23蚊，算係咁啦！老婆既札肉雞翼飯又係勁多蔥油，而我只係食左件幾爽口既札肉，老婆話佢碟飯好好味。兩個人埋單48蚊。

O尋晚打完波，走o黎食越南野，以前食過都覺得幾ok。今次食o左個二人餐本來指定係越南春卷或粉卷，但我改o左烤豬肉卷，外層塊米紙比較韌，烤肉好少所以唔太食得出咩味。香茅豬扒併雞翼幾大碟，豬扒唔夠入味，似普通煎豬扒，比較乾唔鬆化，小巴黎好食好多。而雞翼我就冇食，不過老公就食晒4隻，睇佢得食好滋味。炒雜菜冇乜特別，我一早已叫佢少油，上菜時仍然有好多油，早知改灼菜啦!最後係扎肉撈檬同雞絲撈檬，好大碗食唔晒。不過雞絲唔掂，落了好重胡椒粉味，我估為了僻o左d雪味。而D魚露又唔夠味，所以做來點檬食，味道麻麻。冇食幾年，比以前差o左，下次可以不來。

上星期六下晝都要出動，係俾個老友拍左膊頭去開工。收工之時已是三點幾，在佐敦廟街頭一帶，沒有什麼好店子，見這裡下午茶幾平，就無可無不可的試一試。下午茶都有十多款選擇，由各式湯河至炸春卷到甜品都有。原本想叫檬，但諗諗下食甜品都好，就叫了綠豆椰汁糯米飯煎蛋。阿姐不忘關照一聲「甜品來的」，知架啦！個椰汁糯米飯是即炸的，熱辣辣。一個圓餅似的一開四，吃落不算太甜，都會飽的，其實當點心吃也可以。杯熱咖啡是普通水準，呢個預左。埋單17蚊，是非常之平，跟同街一眾平價食肆一般，是一試無妨。

昨晚九點幾十點去都好多人，其實以前食過，不過兩條友食唔到d物，昨晚6個人可以試多d野，我o地叫了個四人套餐，再另外叫了三樣野，都食唔曬。佢o地d套餐都幾抵食，分量都幾足。講到好味，其實一般，不過我都覺得好過出名的“老x”(最主要係不太多油)，“無骨鳳爪”d汁略甜、“香茅雞翼及豬排”不太入味、“海鮮雜菜煲”材料都幾多、最好就係“越式炒米蒙粉”及“炸綠豆糯米”值得推介，另外其他就一般水準。值得一贊就係佢o地d service，埋單都係每人60蚊，而且飯前仲有例湯送(相信到幾真材實料因為好多湯渣)，抵到瀾。