影片
寻日同女友行旺角，本来打算去女人街食西门町，不过太多人，又唔想等，眼见呢间野唔细排队兼新开张，于是就入阻去。点左：1. 牛肉汤河2. 粉卷3. 猪颈肉炒时菜(本来叫咸鱼炒芥兰，点知咸鱼又无、芥兰又无，吹胀)4. 明炉乌头5. 饮品两杯牛肉汤河完全唔系越式。牛肉系蚝油牛肉o个种，汤底又唔系越式，摆明系开粉o个只，D河粉好滑，因为系潮式o既。金不换、芫茜、洋荵亦欠奉。粉卷层皮唔咽韧。猪颈肉同椰菜唔系一齐炒。明炉乌头的确系用只鱼型铁兜上，不过无跟个炉。但系呢味已经系最好o个样，起码鱼够滑亦唔腥。最吓人就系D management，基本上每台都落错单，waiter唔记得或写错台号，食物出左黎之后就好似酒楼咁逐台巡，问食客要唔要，呢方面真系要改善，好致命！餐牌上面无火车头同牛油鸡翼，亦令人失望。
继续阅读
8月19号(上星期日)o系佐敦分店叫左个烤猪肉檬外卖...食完之后觉得好正!今日...8月26(又系星期日)我又想叫冻檬~点知打左2次电话都冇人听结果打左去铜锣湾分店问...佢地同我讲话佐敦搬左去旺角...天呀~咁我第时返返下工叫咩外卖好呀...咁难得先揾到一间自己咁岩食~d冻檬真系好好食ga~真系有赞冇弹!侦钱又唔系贵...不过星期日就衰d啰,我上次叫1个餐话唔送,结果我要揾多个fd叫~total叫2个先话"er...2个呀?好啦好啦"
继续阅读
上星期有日o系附近收工天气热辣辣唔想煮饭路经决定买定冻檬番屋企当晚餐贪佢酸酸咪咪开胃d仲有下午茶餐叫左香茅牛肉捞檬+冻柠茶香茅牛肉份量唔少但腌到无晒牛味又唔觉有香茅味檬粉份量唔少加埋另上份量又唔少既酸汁味道唔差当晚餐食饱晒
继续阅读
我钟意食冻檬,食过好多间,始终觉得呢度最好食,又或者,或多或少我俾左少少感情分(童年时成日同母亲系呢头食肆食野,因为佢系附近番工)...一个扎肉鸡丝冻檬,好大碗好多檬,扎肉同鸡丝都有番咁上下份量,而且无鸡皮,唔油,最钟意佢任落酸汁,食食下唔够又可以落,想开胃些又可以落多些,而且个汁好好味呀!同埋呢度既员工都好nice呀,感觉上几亲切啦!至于价钱,一般啦,唔系贵果类!
继续阅读
来过几次食晏, 除了有越南食品外, 亦售卖多款港式食物如贡丸河, 干炒牛河等, 越南食品讲不上正宗了, 大路如香茅猪扒, 鸡翼, 生牛肉河等都有, 唔难食但亦唔算好食, 午餐卖得好平$23, 楼面都是上年纪的女士, $23别无所求了, 久不久食一次啦.
继续阅读