新富盈川味米線・湯飯

营业中

休息中

新富盈呢個名對土瓜灣街坊嚟講一定唔陌生，13年嚟喺北帝街轉過3次鋪位，仲曾經一度結業，好開心老闆而家重開，比我食返童年嘅味道😋而家一樣係有米線同湯飯，兩者各自會配芽菜同時菜，記得最初最初仲會有埋腐竹，不過而家物價高漲當然冇辦法做到咁多，但繼續有幾個牌仔比客人揀選今日嘅時菜😛我叫咗兩餸米線、牛肉同豬潤($53)，要小辣，牛肉雖然都係茶餐廳式”疏”過嗰種，不過咁多年都keep住佢某種調味方式，而我就係幾鍾意呢個味道，所以次次都叫呢款餸😆以前最鍾意食嘅八爪魚而家冇咗，就改為試下豬潤，爽口得嚟唔粉，以前屋企人都必定會嗌呢個做餸👍🏻提提大家小辣都幾辣下，而我已經係食得落譚仔大辣嘅人，所以唔好睇少佢啊🤣新開張期間仲送每人一杯酸梅湯，酸酸甜甜好解渴～呢篇食評可以話係好有個人主見，話晒真係由細食到大嘅餐廳，就算一般般都會覺得特別好味，希望大家都可以支持呢間屹立咗咁多年嘅小店🤓

以前中學年代lunch 必食，湯飯/米線一樣咁正。有時收工順車都會去食埋dinner 先返屋企。食材新鮮又大碗。前两年老闆退休，餐廳轉手之後仲執埋。覺得勁可惜。好彩老闆又開返，D回憶返哂泥！湯底味道鮮味十足，無以前咁食得辣，今次揀左小辣，叫左以前食開嘅1. 魚腩，2.手打牛肉餅3. 雞肉，味道無變！一樣咁好味！！😋😋p.s.手工酸梅湯好飲🥤🥤雖然菜單改左，以前食開嘅炸魚餅無左，希望遲d 可以加返入菜單！！