新容記小菜王 (已搬遷) 新店位置

40 幾蚊唔應該高要求，但啲嘢食真係難食，飯底個碟係濕既，杯凍檸茶成杯冰又冇味，好似飲凍水加糖咁，最後啲人黑口黑面，收銀好似見唔到你存在咁，我以為自己去左難民營定係做錯咩事班主嬲豬左

深水埗真係好多好多好野食，同朋友今次約左喺呢度食，因為朋友話佢啲燒肉好好食，同埋啲小炒都唔錯，所以一行5人約好一齊食靚燒肉，叫左個例牌，啲燒肉上枱時就係好平凡咁整整齊齊放在一個極普通嘅碟上，但外表睇已經見到佢唔單止肥瘦分明，仲係肥瘦肥瘦咁梅花間竹，肥嗰層又唔會太厚，食入口仲發現嗰層燒肉皮香脆可口，啲肉肥瘦均勻之餘，咬落口仲係有種豬肉本身有嘅韌度，好明顯係冇放到鬆肉粉，所以好快大家就已經食曬佢，真心推薦比大家。

呢都係食D打冷野既 咁就岩晒喇 而家凍凍地既天氣就一於叫返個羊腩煲 因為佢係時令架平時都冇既 都幾蘇架D味 好好食 食完成個身都係暖粒粒 之後都叫左個沙拉骨 好好食唔錯呀 沙拉醬味都好濃

上星期表哥提議去試下深水埗新容記小炒王， 佢之前去過話要再encore ！佢個人極力推介燒腩仔， 佢話超正，於是我們一行八人， 收工相约深水埗一聚！燒腩仔 果然真的皮脆肉嫩， 肥瘦適中 ，很好吃！ 重要分量十足!乳鴿偏細 ， 不夠乾身， 只能說不過不失！ 有點兒失望……黃金鮮魷 ，就嫌唔夠脆口，有點油膩， 失色！羊腩煲 腩位較多偏肥， 唔係我杯茶！招牌菜小炒王 果然係送酒嘅恩物， 一流整體而言，燒腩肉及小炒王十分出色，價錢公道，好有懷舊風味

天氣涼涼地最啱食羊腩煲，正因為亞哥早排嚟到見到呢個海報，所以就約埋一齊滾一滾叫咗大羊腩煲送一大籃生菜，羊肉冇騷味，食得腩位就預咗有啲肥，不過咬落都仲有啲韌，支竹炆得幾淋，每人跟一碟溝淡晒既腐乳小炒皇海味炸得夠香，韮菜花唔會食到成口渣第一次食焗魚腸，食落有少少甘香味一啲都唔腥，魚腸咬落嗦嗦聲，不過都唔係我杯茶味道偏咸，受熱唔均勻，有啲菜食落仲生有草青味現場所見黃金魷魚係橙色，咸蛋唔夠咸香味，估計咸蛋黃太乾要用好多油先搓得散，搞到油落得太多食到成口油乳鴨細細隻夠嫩滑，滷過再炸夠香口燒腩仔大舊到燒肉咁款，豬皮脆到炸過一樣，脂肪分佈平均肉質鬆軟，如果可以預先去骨一口一啖會更好

深水埗食肆林立，跟其他地区最不同之外是地道，小店经营為主，比較著重人情味，冇花冇假。今晚幾个老友聚首，就在這𥚃落脚。1. 葱油雞：雞夠滑，豉油調得好味，再配合姜葱荽茜，冇得輸。2. 意大利陳醋西班牙黑毛猪骨：鎮店之寶。大大塊排骨，夠腍嫩滑又juicy, 配上陳醋，做到不甜又不酸。3. 炸大腸：外面大部分是大腸身太薄，又炸得太乾。這𥚃大腸夠厚身，大大塊，食落外脆內軟。4. 蒜蓉炒白菜：煮得好吃绝不容易。蒜蓉要足，炒到白菜夠腍夠軟但有吾乾。

當日帶住一班朋友黎容記食野，老細見我地係福利機構，免費贈送例湯一大碗﹗老 細亦不時問我地夠唔夠食，湯夠唔夠飲，非常細心﹗食物非常好食，每一道都係熱騰騰上菜﹗第一嘴非常香口鬆脆，果然係招牌菜﹗我地食到每一碟都可以照鏡﹗我地班舍友都問我幾時可以再黎食﹗

揚明國際燒肉真係保持水準，皮脆，好似食薯片咁，肉嫩一啲都唔鞋口，老人家都啱食呀，再點少少醬汁就去到另一層次。天下第一咀，脆漿包住墨魚，咬落去係脆槳同墨魚分得好清楚，唔會嗱埋一嚿唔知食乜。天下等一雞，即係沙薑雞，雞香肉嫩，沙薑汁恰到好處，滋味滋味。燒汁牛肉粒薯粒，牛肉嫩唔會韌，薯仔粒粉，加埋燒汁又係餸飯之選呀。薑蔥炒蟹，獲氣夠，識食嘅係食薑蔥呀。蟹比我地睇仲識郁，夠新鮮，多膏肉厚又鮮甜。紅燒乳鴿，冇咩特別，同普通街市貨式差唔多。秘特豉油撈飯，食得出加咗啲鵝油，再配埋啲豉油，呢個撈飯唔試唔得呀。

食個晏姐，吃到一肚氣。叫個鴨腿湯飯，單已落，等等等，再來幾條友又係叫鴨飯，過多十幾分鐘，走來講鴨飯已冇，叫個第樣，過多陣，遲來幾條友鴨飯已上齊，問個姐仔，姐仔話廚房佬抽喎。真係不知所謂，既然廚房佬抽既不如坐低叫廚房佬決定吃乜啦，使鬼落單啊。既然咁講，諗住算啦，點知來碟排骨炒河的排骨柴過干柴，根本就係干柴豉油撈河冇炒過，真係吃左兩口就吃唔落。唉，做得咁差，午市就唔好做啦，做壞個招牌。總結一句，永不再吃

必吃：燒肉，可樂鵝，香醋骨，蟹肉蛋角，墨魚咀吳式評價: 水準依舊，新菜式更多驚喜，街坊小菜，人情味濃 。（要求酒店service 者不宜）性價比1. 抵!(不代表平)超乎想像的驚喜之前果報不停大肆宣傳「容記小菜王」這間米芝蓮平民食肆於2016 年4 月結業後重新於太子開業，並訴說當中恩恩怨怨，這些按下不表亦暫時不打算討論「太子容記」（ 成日冇燒肉供應很難討論）。深水埗舊舖現叫「新容記小菜王」，同舊舖100%一樣。而廚房班底知道亦一樣，所以基本上如你只想吃回以前的味道其實就絕對可以。親眼幾次所見，街坊平日依舊絡繹不絕，似乎新店對舊影響不大（甚至有正面影響）吃了幾次和現任老細東哥熟了（他外表嚴肅但其實就頗健談）就知道一些歷史，但我回頭幾次當然和食物有關。食評：1: （舊菜式）燒肉： 用眼看就知絕對可以，皮脆肉香，就算試過放了半小時也未變質，而且「五層天」肥瘦分明，切割大少也十分理想，一口一塊肉。送酒一流! 連汁不用配。2: （新菜式）黑醋骨：相信是用來去逐漸取代蒜香骨，由於送酒開頭怕太酸沒有叫，東哥叫了100 次要食，Ok 試試。其實size 就蒜香骨size , 不過十分入味鬆化，並不會

接媽咪放工 係深水埗已經食到厭所以今日試下容記- 蒜茸蒸扇貝呢個真係食極唔厭既但大家有無發現以前只有蒜茸同粉絲 依家好多酒樓都會加埋金菇🤔口感又多左層 豐富左好多對於好鐘意食金菇既我黎講為呢個菜加左好多分☝🏻- 涼瓜肉碎煎蛋🤤好好食 不過油左少少而且涼瓜可以多啲有肉碎幾好餸飯既都- 通菜炒鮮魷味道只係一般 而且都幾貴下要$90幾蚊 貴過哂其他野😰可能佢呢到鮮魷特別貴本身諗住$70幾左右 所以無睇到價錢所以大家要留意下

好耐冇嚟食，仲記得上次嚟食過薑葱炒蟹，豉汁蒸帶子同魚湯魚腐浸菜苗都好好味!果陣都已經係“新容記”!點知今次食就好驚喜，一d都唔好食!仲唔小心攪到4個小菜都係炸!超級失望!!!容記小炒王極其量只可以叫炸魷魚豬油渣炒韮菜花，你懂的!椒鹽九肚魚全晚比較正常的一碟，唔係特別出色，只係無失色!炸乳鴿鴿肉梅梅地，外皮完全唔脆!招牌蠔油齋卷一上枱見到個汁個色偏橙已經知不妙，同以前容記果個差太遠!!齋卷好明顯翻炸再翻炸，腐皮已經炸到硬晒，入面配料完全無味亦成糊狀，痴埋一舊!墊底嘅韮菜花老到完全咬唔到，唔比好過比。

7/21食飯叫左碟金銀蛋浸時蔬，我哥居然食到一支有線嘅針！！！盛怒之下見到個似係老闆人物投訴，仲以小事處理，仲話只係條線。喂！就算係條線都有問題啦，佢仲係求其叫人之後補番一碟，我xxx我唔爭呢碟野錢，問題係你乜態度，連入廚房問清楚都冇，係唔係要咬到插針入院先得？？？先寫信去食環處，希望能提出檢控

食親都因為太好食唔記得影相容記 我未有幸食到新容記 我食完又再去食好野 唔需要比較活在當下吧必食：1. 蒜香骨基本上餐廳有 我都會叫黎試呢間做起真係好 好 好 正重要野講三次🤣真係用有骨排骨唔係肥膏加肉就叫骨蒜香味超勁不過怕熱氣就唔好食喇2. 燒腩仔咸味適中 我本身好點肥些少覺得暖暖地咁入口真係好味3. 可樂鵝4個人叫個例牌算喇8個人叫半隻本身唔太好呢味菜式但呢度整得少甜 又提到鵝肉香無左鵝鴨肉個種少少so味我 喜 歡4. 仲有個齋卷抵食又平都有唔推介野魚腸好麻麻海鮮就一時時個人覺得想食小菜 小炒新容記真係諗得過

好久沒來。之前轉手後還可以，但這次體驗完全不知道這店東想怎樣…… 椒鹽腰果排骨粒，店員說是豬扒不是排骨，沒所謂照order, 但上菜後嘗了那些肉跟本不知是什麽！很明顯是一些雪了很久的肉加了很多鬆肉粉再炸，而且那些肉是完全沒味並肉質不知怎形容，感覺完全像是吃垃圾！感到容記菜式的光輝已經被這家店完全催毁，這次也是最後一次光顧了……