影片
以上资料只供参考，请与餐厅确认详情
元朗地胆寻早餐系列早餐推荐：我系超级钟意食茶记早餐嘅人，呢间早餐性价比来讲都算好唔错，价钱适中，餐牌配搭亦都好正常👐🏻特别推荐秘制炸酱，佢真系炸酱面然后汤另上。呢个价钱同配搭来讲都算第一次见👍🏼食物味道：今次叫咗雪菜肉丝面再配餐蛋多士，然后再加杯热奶茶。雪菜肉丝非常足料，然后有一丝丝辣味，但系辣得来又唔会太重。汤底非常浓郁，公仔面嘅软硬度亦都适中，个人来讲我已经非常欣赏呢一碗雪菜肉丝面👍🏼👍🏼👍🏼🫖☕️嘢饮亦都够热，茶味浓郁，如果在大杯啲我会更加开心😃😹地点位置： 元朗教育路附近，唔算太方便。其实系去对面绿在朗屏环保物资♻️先至机缘巧合下入去试食。餐厅环境：座位舒适，然后有装修，总括嚟讲干干净净
继续阅读
今朝同同事入元朗做嘢，食早餐。正常早餐沙牛面，肠仔炒蛋加鸡排，多士。味道问题不大，只系大家都叫加鸡排，但上枱，一块大一块细。同阿姐讲声，讲块鸡排有啲大细超，阿姐净系讲咗句，无办法，来货系咁，就行开咗。我明食材来货有大细，同一间餐厅隔离枱大碟啲都系常有，但阿姐嘅回覆，真系无敌。我唔知以为块排系供货直接出比我，无经厨房。其实你讲声“唔好意思”我都无咁嬲。讲返食物，无太特别难食，唔讲块鸡排，沙牛面，肠蛋多，冻饮，呢个价钱其实算合理。
继续阅读
呢间店开到凌晨两点，所以我成日经过鸡地食宵夜嘅时候都会入去食返碗云吞河~ 呢间舖头24小时都好旺，如果你外卖嘅话，佢仲会帮你分汤，等你啲面唔会浸淋晒，劲好。【云吞河$43】馄饨由鲜虾和新鲜猪肉制作而成，无味精，好有鲜味，真材实料。一粒云吞最少有两只虾，啲虾好大只，好食过大粒云吞多多声。河粉上面仲会加啲莞茜，葱&蒜蓉粒，令碗面更加香!另外，有蔬菜畀你拣生菜/菜心/芥兰，我拣了芥兰，蔬菜可以点蚝油，如果你唔钟意蚝油嘅话，可以自己加辣椒油或叫待应转牛腩汁菜都可以。冻饮唔洗加钱，我最钟意饮冻柠茶，啲茶好够味， 有成四五片柠檬，十二点前就更抵食41蚊！员工服务态度良好，有礼貌， 快手快脚，有效率！
继续阅读
您可能会有兴趣的...