新寶華茶餐廳 (已結業)

喜歡尋找隱世味道的我，一見到一些細細間而且又有一定人氣的茶餐廳，一定會抱著一個滿心歡喜的態度去拜訪。在北角工作的我，有時會到過晒皇都戲院那一頭尋食。然而就在皇都戲院的地盤旁，有這一間似乎只能容納10人左右的茶餐廳《新寶華茶餐廳》。我就是看見這兒有一氣，有客情，又分了兩次來一試了。有湯有主食有野飲，仲要$50左右的午餐，在港島區來說，絕對是抵食到爛。第一次來，我要了中湯，當日的是青紅蘿蔔豬骨湯，味道清甜，而且是絕對的老火出品，豬骨的味道煲到出晒黎，很有家庭 feel。因發現有餐湯有西湯可供選擇，所以，第二次來的我，選擇了羅宋湯。又濃又香的羅宋湯，我可以說，這茶餐廳的出品仲好過好多豉油西餐廳，令我之後的每一次來，都會要這一個香濃，半甜半酸而帶有少辣的紅湯。第一次來，發現 ABC 餐的食品不太合口胃。那就叫餐廳常設的其中一個午餐，梅菜扣肉飯。份量剛剛好，味道也是剛剛好。喜歡肉，喜歡濃郁味道的話，這一個梅菜扣肉飯絕對是一個小滿足。第二次來， ABC 餐出現了肉絲炒麵。我看看鄰檯吃的，是炸麵餅，即叫即炒的啊。咁，我不得不要一份作為是日的午餐。麵底脆脆的，吸了肉絲的汁依然能夠保持到香脆的口感，吃得

在昂貴的舖租下，細細間的茶餐廳若沒有一羣固定的捧場客，是很難經營。這間茶餐廳舖位細細，不過已經開業很久了。主要做熟客及外賣，逢星期日休息。推出每天精選午餐$40，包主食、湯及飲料。今天要了個干炒三絲銀針粉，銀針粉夠新鮮軟硬適中。而三絲則有肉絲、火腿絲和叉燒絲，配料十足，還加入芽菜及䓤段炒得有鑊氣，色香味全。午餐附加冇味精老火湯或羅宋湯，今天選了中湯，味清淡最重要冇味精。另送咖啡或茶（凍飲加兩蚊），我叫了熱檸水，都有三片檸檬，故不會沒有檸味。

一入嚟呢間茶餐廳就知道佢係男人的浪漫全部都係 雄性麻甩樂園佢哋見到我好似 有啲愕然咁樣妹妹突然間好想 飲港式奶茶我都好耐冇去過茶餐廳如果淨係嗌一杯奶茶唔抵㗎嘛加多十幾蚊就有其他嘢食下午茶餐炸魚加薯條 再加奶茶 都係32蚊其實 我都冇期望好高但係我食佢個炸魚都好滑唔會厚粉過靚模又夠大塊茄汁好似有少少酸得滯反而個沙律醬幾正可能 要俾男人食所以分量就多啲我同阿妹分呢個餐 係兩個都飽薯條炸得又鬆又脆真係比我想像中好個奶茶妹話好似唔夠濃服務超好

北角LUNCH之旅今日黎到新寶華係一間得麻甩佬食既餐廳(至少我地去到得男人)咁我地好求其點咗個午餐食佢有中湯同西湯我地要咗個中湯味道唔錯之後我地叫咗個係茄汁豬扒飯咁我地飲完個湯個侍應問我地仲要唔要枱面上既刀叉我答咗要之後伸手去拎返諗住佢就收咗我隻叉我飯都未食 仲要係豬扒黎佢好驚要洗叉所以收返埋先??咁我點吉塊扒食呢咁之後朋友話比佢個鮮茄呃咗係大堆茄汁喎不過我就覺得無乜嘢既因為佢只係36蚊係平既內在環境比較泊但勝在價錢比較便宜但價錢黎講 隔離幾條街都係呢個價既咁又

中午同三位同事去食飯，先講環境，舖位超細，坐得好迫。我哋分別叫咗三個排骨炒河同一個炆雞飯，講到食物質素，碗羅宋湯不過不失，一般餐廳羅宋湯口味，冇特別，碟炒河略為多油，啲排骨細粒多骨少肉，但$36有飯有湯有熱飲，係咁上下。我哋三碟排骨炒河先到，食完大半碟另外個同事碟炆雞飯都未嚟，於是我就同個老細講話仲有碟飯未嚟，佢check都唔check就話"出緊喇!"。等到我哋三個碟炒河食哂碟飯都未到，於是再問吓佢，佢就好悔氣咁話"佢唔出我有咩辦法呀！"，態度極差。

可能是因為天氣熱, 心情非常惡劣, 自問不是一個 EQ 高的人, 若然肚餓心情會更差, 所以先醫肚 ~肉絲炒麵 配凍鴛鴦 麵炒得乾身脆口, 但又略嫌有些許過了火, 肉絲粗身而且份量多, 銀芽清甜爽口, 芡汁稀杰適中, 調味得宜, 油份少,  以一般茶記出品來說, 算是中規中矩, 不過不失 ~凍鴛鴦個人覺得啡和茶的比例好, 奶亦下得適中, 味道芳香濃郁, 甜度也頗適中 ~本篇完 ~

又到了覆診的日子，一如概往，大清早便撲去北角排隊，雖然辛苦，但為了身體健康，也是沒有辦法。取過籌號，便可以心安理得去食早餐，已習慣了每次過來都找一間新的餐廳試試。新寶華早幾次已經想光顧，但往往坐滿了人，反正有其他餐廳，所以一直路過便算。難得今次店內只得小貓三四隻，找個靠牆位坐下，望望餐牌，選擇都是一般茶餐廳貨色。先來火腿公仔麵，加插了少許鮑片絲，多了嚼口，麵條淥得剛剛好，不錯。煎雙蛋就太求其，邊位已經起焦，而多士亦烘得過火。加杯熱檸檬茶，簡單快捷，還未食完，已經差不多坐滿了客，都是街坊的多，也許是生存之道。

難得星期天放假，原來家中各人各有節目，兒子去露營，女兒要返樂團，連太座也要往宗教活動，剩下我自己，到維園游泳後，獨自吃午餐。今天不想吃燒臘飯，沿著渣華道一路看有甚麽合心水？偶然發現這間小小的茶餐廳，事實上經過這條街不下百次，但一直都没留意它的存在，門外貼著是日的午餐，頗合胃口，今天便試試它吧！看內裏的裝修和盛載凍紅茶凍咖啡膠壺的茶漬，相信這茶餐廳已經營年代久遠，座位不多，亦不寬趟，午市有套餐有四款，我選了咖喱牛腩飯，還有中、西湯可選擇，我選了羅宋湯，還有咖啡。羅宋湯大大碗，材料有番茄、详葱、椰菜等，湯面泛著紅油，湯的味道酸酸，帶點辣，由於材料足，味道非常對辦。咖喱牛腩飯，份量頗多，咖喱汁絕不馬虎，不算辣，但香料足，還有淡淡椰香，有三、兩件薯仔，牛腩更精采，有我喜愛的半肥瘦腩，肥的部份不是一大堆肥膏，而是一塊筋膜，腍帶微爽，附有些少脂膏，瘦的部份很腍。有牛香、脂膏香、咖喱香，整碟飯好吃到無朋友，唯一可挑剔是白飯，部份稍軟爛。咖啡有著一般茶記的燶香，夠watt數，好飲。湯、主菜、咖啡都精采，只是賣＄34，可說是平、靚、正！一定會再來。

環境大油煙到不得了！搞到成身都係味！抽氣系統真係要改善！咖喱牛腩超級唔夠味，D飯好林，哥D牛腩極奇量只可以叫牛肉！唔掂！之後夜晚外賣抄貴刁,碟野黑到完全唔食得!死未？唯一可取既係D例湯幾好飲同職員態度好。

呢間茶餐廳細細地, 樓面只容納到唔超過20人, 想食得舒服D, 唯有叫外賣啦~呢日叫左2個小菜套餐, 再加多1個小炒.蠔皇冬菇鮑片扒時蔬 套餐 $40 清蒸是日海上鮮 套餐 $44宮保腰果炒雞丁 $48套餐係跟一個例水, 一盒大大盒既白飯同埋一杯野飲 (凍飲+2)外賣送到屋企仲非常之咁熱辣辣, 尤其條魚, 好開心, 即刻轉晒屋企碟裝住, 費事熔左D發泡膠有陣膠味.開飯啦~ 一飲個例水(粟米紅蘿蔔唐排), 嘩!!!! 好好味呀! 碗湯係見到有新鮮既湯料, 好夠味, 飲唔到味精, very nice gei nei~ 下次希望飲到其他款靚湯!跟住食個雞丁, 雞肉冇雪味, OK喎, 而且真係有泡椒, 有腰果, 又唔會辣到痴線,又唔會口話鬼死咁多油, 幾惹味! 唔錯唔錯!跟住食個時蔬, 嘩~真係有鮑片, 唔係呃人齋鮑片, 雖然得4塊, 但係俾44蚊, 我覺得起碼有HEART囉. 味道OK!最後就係我最期待既蒸紅鮋, SIZE OK, 岩岩熟, 豉汁份量岩岩好, 夠味又夠汁. VERY GOOD!! 一定有下次!!野飲方面, 叫左岩飲凍奶茶&凍檸茶. 奶茶d 奶夠, 茶就薄左dd, 同甜左

間鋪細細咁.估吾到d野又幾好食平時返學都會經過.終於有一次返學前去食左叫左個餐(通粉.炒蛋.厚多士.飲品)都係$18一般學生都負擔得起.仲有個老闆態度好好.有效率又好主動問你有無野幫到你.打下牙較咁又吾會煮得好差.一個令人滿意既早餐!

媽媽突然說想飲奶茶，我地就出去食早餐，上次食過呢間新茶餐廳的早餐唔錯，今次又黎翻炒舖仔細細無乜座位，因為佢主要想做外賣，好彩今次人唔多，唔會好似上次咁迫，都總算坐得舒服，好lucky媽媽叫了早餐A（煎雙蛋多士＋火腿通粉）：大陽蛋煎得好靚，蛋黃真係半熟，唔會切蛋白時已經流晒Ｄ蛋黃汁出黎，呈凝固狀而不全熟頂胃，好正！今日無通粉，以螺絲粉代替，一Ｄ都唔硯水，夠彈牙，好味！我叫了早餐C（火腿芝士奄列＋厚多士）：等左成半個鐘先有（媽媽都食完晒我那個都未黎），不過同上次一樣咁大份咁靚仔！難道真係慢工出細貨精心炮製？奄列煎得略老（可能係因為我偏好半熟滑蛋）但係勝在火腿絲同芝士都好多，味蕾受到多種味道衝擊，唔會集中挑雞蛋的不足，所以好好味！厚多士烘得夠脆夠香，而且搽左勁多牛油！一Ｄ都唔寡唔乾爭爭，好滿足呢！跟餐奶茶相對差左少少，無乜層次感，不過算係咁啦！鐘意呢間夠新鮮夠足料，大大份好抵食，而且服務好好，因為我份餐等左好耐，我望住佢個水吧佢好體貼咁同我講整緊，問佢攞杯水都好爽快咁俾我，咁好的街坊餐廳，下次都會再幫襯啊！

上星期咁o岩經過，係門口見到入面有位，就一家三口入去食個晚飯入面d位好少，細細間坐得十幾個人到，我就叫左三個小菜晚餐$38一個餐有飯有例湯有飲品(凍飲+2元)d餐上得好快，哇我一見到，我就覺得好抵食，因為比起出面個d茶餐廳d料多好多食落去，d味好夠好好食，我同屋企人都覺得真係好好食!雖然間餐廳細細間，見到都幾多人幫襯，有又外賣服務，d職員超忙，但d水準都咁好服務好，我有機會一定會再去幫襯。

個日經過見到早餐好抵食,今日終於去試~因為細間,好個位好窄,又多人,坐得麻麻,但係野食好好味!好足料!叫左:早餐C($18)火腿芝士奄列:煎得略嫌熟,但係唔老,入面好多火腿,芝士完全融化左係D蛋入面,好足料,有2隻蛋,熱辣辣,超正!厚多士:烘得好鬆化,又搽滿晒牛油,好好味!凍奶茶(+$2):奶味重D,幾滑!$18咁足料,真係好抵,係超水準,遠D都行過去食呀!其實個餐好靚仔,但係因為人太多太迫,對面坐左對唔識0既夫婦,所以唔敢影相,下次等人少D先影