影片
之前已食过, 今次再来。今日汤底比较咸, 如淡少少好些牛什够霖, 食时也觉香口, 如有多些五香香料等味更好河粉碎了少少, 都算ok!今天有两只乌蝇飞来飞去, 卫生要改善。
继续阅读
当日想食清少少,因为又病病地....路经呢间餐厅,咁就试试看~鱼扎河粉 $19, wait 6min左右~共5件~有西芹,几爽口~还有鱼肉+猪肉合体而成~鲜味~但有一啖有d腥味.......附葱,芫西,足够的蒜茸~很香~好好吃~但个汤底油腻左d~食完见口干..味精都几重 我见到加 $7有油菜一大碟~都抵o既~下次有机会再食...
继续阅读
本人有时下午时候去深水埗揾野, 都会去新合记食返碗面做tea, 无他, 因为够平够大碗又好味! 我最钟意食佢既牛腩河, 呢度d牛腩做得几好, 好淋够入味, 不过汤底呢.....就普通汤底, 唔好有咩期望啦!佢d河粉都做得几好, 起码够滑, 但唔讲唔知, 佢d面做得先系最好, 好弹牙, 冇咩"简"水味, 落少少醋去食~ yummi! 可惜本人唔太钟意食面, 多数叫河粉.呢度d辣椒油都做得唔错, 够辣~ 加豉油一齐去点牛腩食, 一绝.仲有呢度d鱼皮都几好味, 够新鲜, 好脆, 点一点汤食~ 饱饱!最后, 不得不提呢度既服务, 可能系小店, 万事有商量, 你够胆问, 佢唔系好多客人时, 都会尽量满足你要求, 好似话落单时同阿姐讲声d牛腩要淋d, 肥d.... 唔太忙的话佢地都会跟你要求比你, 一个人去食, 鱼皮$10太多, 同佢讲声, 要半份得唔得? ok!! 什么多葱多汤等特别要求, 唔过份佢都尽量做足!! 今时今日呢d服务真系要比个good!!!
继续阅读
090412 墨鱼丸河$18菜$7合共$25.00口淡淡，冇胃口，去新合记食碗粉，墨鱼丸有重墨鱼味，佢话自制，食落鲜味，大粒够弾牙，河粉几滑够大碗，个汤唔会过咸菜爽口有菜味
继续阅读
数一数手指, 发现师傅都差唔多有成年冇黎呢间食店, 昨日咁啱行开呢区, 决定入黎回味一番, 顺道睇睇水准变成点样!两个人入到去, 求其揾个位就坐底, 睇下食咩好先, 点知一望之下,发觉又加左价, 师傅亦不禁心里暗地唱出歌神嘅名曲"加价热潮", 来抒发香港现时百物腾贵嘅境况同师傅此刻嘅心声, 真系加加加加, 糖又加盐又加…… 唉! 贵还贵, 如果好味嘅话师傅都会觉得值, 万一走晒样唔好味, 都咪话唔失望! 最后柯打左一碗牛腩河, 一碟净牛肚, 一碟油菜, 一碟炸鱼皮再加一罐汽水! 最先登场嘅系炸鱼皮, 炸鱼皮又香又脆, 一d都冇腍到, 浸落汤黎食又好味, 就咁食一样掂, 水准保持到, 好野; 再黎系牛腩河, 先试下个汤底, 汤底几香几清, 冇咩味精, 好味; 牛腩就有好多件, 加上牛腩半肥瘦, 又腍又松又入味, 正呀; 而河粉好滑口, 份量都唔少, 加d醋同辣椒油, 真系好好味!油菜要左腐乳通菜, 通菜几绿几嫩, 卖相一流, 不过腐乳放喺菜面太多, 令到通菜太咸, 要扣分; 而净牛肚嘅份量系几大碟, 牛肚好多件加上好腍好入味, 而且仲有生菜伴碟, 卖相几靓, 不过个厨临尾淋左d汁上牛肚面, 间接令到牛肚好咸, 师傅亦要问阿姐攞碗清汤拖一拖先食到!总括而言食物质素维持到水准, 依然好味, 环境就普通, 不过唔知系天气唔好定咩, 食店内都有d昆虫飞来飞去, 卫生情况一般, 几骚扰下啰; 阿姐态度友善, 服务唔错; 价钱就廿四蚊一个餐有粉面一碗同油茶一碟或汽水, 净牛肚都要四十五蚊, 而炸鱼皮就十蚊碟, 系贵左, 不过依然好味; 唔知呢个加价热潮会维持几耐呢? 下次都会再黎不过唔知又会加左几多呢?
继续阅读