影片
今日系红磡呢个foodcourt食个快餐晚饭，见呢间都算多人排队所以试下～我叫左个菠萝鱼柳饭少饭，饮热柠水～呢间舖头啲野应该除左海南鸡其他全部都系即叫即炒，望入厨房见到几有镬气👍等左大约五分钟左右就有，卖相算吸引～第一旧食既鱼柳得块皮，有啲失望😅试埋第二旧同其他，鱼柳几滑但略嫌有少少太淋，皮唔算厚但食落去亦已经唔太脆，味道酸酸甜甜几好送饭既～啲菠萝有种奇怪既酸味，我食左一旧就唔敢再食落去🙈青红椒同洋葱都爽口～总括黎讲其实我觉得即叫即整既水准应该可以比宜家高，不过呢个价钱配合呢个味道同份量都算合理，下次可能试下佢啲炒河，因为见到其他人叫望落都几吸引，而且见到厨房几有镬气👍
继续阅读
我自己系读PolyU嘅，大学四年入面，除咗食学校canteen之外，最多人食、最方便嘅一定系「都can」。「都can」即系置富都汇商场嘅food court，入面有好多餐厅拣，然后坐喺中间嘅枱櫈食，形式同学校canteen差唔多。而且呢度大部份餐厅都有特别优惠比学生。而喺咁多间餐厅入面，我同男朋友都系掫钟意食新垭加坡南香风味馆嘅。佢钟意食海南鸡饭，我就最爱喇沙。鸡翼喇沙米线✨机本上，十次黎我姷九次都系食呢个喇沙嘅。佢除咗份量大，仲好好食，面入面本身已经好多𩠌，仲有得拣鸡翼/海鲜等等，都系$40零蚊，好抵食。而且佢嘅辣度唔太高，啱晒钟意食少少辣但又唔系好食得嘅我😆我以后黎都会继续叫呢个面咖❣️
继续阅读
系红磡火车站附近做野，果度系得呢个商场good court，谂住系food court 应该无奇望，但竟然都好食，姐姐服务都唔错，性格比都算高鸡肉质滑，油饭香，值得一试！！
继续阅读
海南鸡饭一人餐海南鸡肉质唔算鞋，但又未到好嫩滑既level，佢做到有小小啫喱，不过鸡肉味就无乜，食到小小冰鲜既味道，但鸡皮有弹性，整体都可以接受！酱汁有辣酱同姜茸，酱油要问佢拎先有！个人觉得辣酱同酱油最夹！娃娃菜份量算多，几好味，新鲜，唔会话啲菜烂烂地！饭就落左鸡油同香茅，唔会好油同好浓味，但食到油香，唔错！份量都多，差小小食唔晒！野饮叫左热柠茶，糖系佢会帮你加埋，细心位加分！foodcourt黎讲质素都ok! $52 都可以接受！
继续阅读
今日黎到都会food court食饭，拣左个干炒牛河，想食返啲有镬气既炒河～点知，好失望，碟河粉炒到碎晒，断开一截截，好难夹黎食，得个咸味，好后悔系呢间店拣左干炒牛河！啲牛肉又极少，又碎，都唔知系咪无晒材料，随便炒出黎既河粉！十分之失望，完全无晒食欲，望住碟油淋淋既河粉碎，食左唔够一半就停口了！杯冻柠茶又系失望，极甜，好似饮糖水咁，好难饮！之前食其他炒粉面饭都无咁伏，今次既干炒牛河真系令我对呢间店起左戒心了，要小心选择食物！！
继续阅读