新光酒樓火鍋 (已結業)

一心一意來到北角諗住食東寶， 可惜人山人海完全冇心機等。 行過少少見到新光酒樓便入咗去， 睇睇餐牌所有嘢都好平。 第一個感覺就是平， 第二個感覺就是乾淨光猛。 晚飯比較出色的就是海鮮和燒味。 由於我哋一枱12人， 叫咗好多嘢食， 可能係因為心情好， 覺得樣樣嘢都唔錯。 而且， 價錢真係算好平。

星期六飲午茶，呢間酒樓環境麻麻，有少少迫，繁忙時間可能需要搭枱，但北角酒樓通常都係甘。但價錢非常優惠，茶錢只係6蚊@位，真係幾難得，而且選擇多，上菜快，味道唔錯。炒粉面份量足，夠4人份量，都係$48，真係抵。只要唔介意環境，性價比都幾高。

今日午餐，三個女人一個墟，講講工作是非，當然去酒樓最好由於北角午市係超繁忙嘅！電話訂咗枱去到都要等15分鐘，坐低即刻叫野煎釀茄子，超油膩！好似海綿咁，咁得出油🙈，女士們大忌！中伏嘅菜苗餃，唔係用豆苗，係用白菜仔苗，唔夠香清清地嘅蒸鯪魚球，魚係無魚咊嘅👎🏻！加左胡椒粉，只食到胡椒粉味要個飽肚嘅炒飯👍🏻電話訂枱送嘅桂花糕，味道唔錯😻

事緣四月廿九陪老人家去大廟拜神，山長水遠去左北角碼頭再搭船，拜完搭船出返北角果頭，老人家都係想去茶樓飲啖茶。於是望下附近邊度有茶樓啦，咁就見到隔離街有間新光，一於上去食野啦！一行三人，叫左切雞飯同兩籠點心，加一碟肉絲炒麵。頭兩者都幾好，但上次食新蒲崗果間新光，啲切雞就多肉啲既，不過都係咁岩既者。重點係肉絲炒麵，本人見識少，未食過分開上既。佢係炸麵餅一碟，然後個汁一大碗咁，成碗碗仔翅咁。好正。炸到脆卜卜，好香口，想食腍啲又可以撈多啲汁咁。一麵兩種食法，正！