新光海鮮酒家 (已結業)

新光酒樓其實只係間坐落在屋苑樓下間酒樓, 歷史很悠久, 但其實又沒有很特別, 只係十分便利屋苑裡唔方便出遠門的老人家, 如果孝子賢孫番黎, 樓下間酒樓方便就腳又唔洗等位, 新光就是首選, 而我, 就是其中一個。今日和家母落黎, 唔洗等位, 簡簡單單點左少少野一人一碗叉燒河, 唔好爭, 20蚊唔洗, 叉燒其實都唔差, 因為無期望, 反而有驚喜。另外又叫左幾樣點心同小食, 陳醋豬手平日叫28蚊, 抵食, (因為做豬手要好多功夫),叉燒腸, 珍珠雞, 中點而言, 味道可以, 對版。最後甜品係薑汁糕, 即蒸, 也OK。總評, 簡單, 要求唔好gam 高你呢一餐就好歡樂。

今日提早冬至做節，佢阿媽附近嘅商場間酒樓食晚飯，可能個個都有啲提早嘅關係，好多人，因為冇諗過咁多人所以冇定位，最後等左20分鐘左右就可以入去了這家酒樓其實我哋都經常去飲茶，因為近阿媽，晚飯就比較少來試乳豬半份，啲皮都炸得有點脆，不過可能人多嘅關係這個已經上菜時凍哂瑤柱上湯豆苗，上湯有點鹹，連買菜加埋飯一齊食尚可以，不過啲菜就有點過老珊瑚蚌貴妃蚌炒翠玉瓜，這個炒得幾好，這碟唯一上菜時熱辣辣，所以覺得份外好食清蒸石斑，分量有點細條，不過煮的熟度剛剛好

我感覺“吃下午茶”這件事已經成日香港飲食文化的其中一個重要特色。 雖然“喝下午茶”這項日常活動是來自於西方，但不知道什麼時候開始引入香港後，好像大部分食肆都設有下午茶時段，就連中式酒樓也不例外。今天，我和朋友來到了位於鑽石山龍蟠苑內的新光酒樓吃下午茶點心。 挑選這間酒樓的原因是它的地理位置非常就腳;從鑽石山地鐵站徒步兩分鐘便能到達。 而且點心的價格相宜，下午茶時段人均消費只須大概30至40元， 在中式酒樓點心之中這個價格實屬非常吸引。蘿蔔絲春捲: 春捲皮內只有由蘿蔔混合麵粉製成的餡料， 而且蘿蔔被碎成茸狀，連蘿蔔絲都欠奉。賣相、味道和口感均令人失望。鮮竹牛肉球: 鮮牛肉被攪成茸， 加入蔥花及芫茜碎攪勻，再被蒸至全熟。 上枱時牛肉球熱騰騰，肉香撲鼻。咬一口便能感受到軟綿的質感。鹹蛋切雞飯: 切雞肉質鮮嫩，沒有多餘的皮下脂肪， 味道尚可，屬健康之選。 配上大大碗白飯，頗能果腹。另附上點心菜單供大家參考。其實這不是我第一次光顧新光酒樓， 感覺它從食物味道及質素、環境衛生、侍應服務態度等各方面， 都有明顯退步。 期待酒樓方面能覺察到各方面的缺點，並在未來有所改進。

新光，是我們小時候的回憶！其實是母親大人～母系家族的回憶。因為母系家族原居於黃大仙，鑽石山這區，所以自小就在這附近＜吃喝玩樂＞，跟母親大人在這區飲飲食食，對新光不陌生。這晚在這裡，來一個壽宴，順便親友來飯聚，大家圍威喂。　餐廳安排一間板間房，有麻雀耍樂，也有靚靚大飯枱，餐巾也摺得靚靚的。　人齊了，乳豬先上。　鴻運乳豬全體　　　乳豬件不算太熱，而且皮下脂肪很厚，口感很油膩。上湯焗波士頓龍蝦伊麵　　波士頓龍蝦，其實不是龍蝦屬。只是紅紅外殼的喜慶之色，肉質與龍蝦又很相似，而價格更實惠。大家看到龍蝦伊麵，都忍不住了。波士頓龍蝦肉質正常～夠爽口，没有霉。可是以筷子夾起伊麵，容易斷開，而且一咬即斷，口中的伊麵没有回彈力。再細看伊麵，表面光滑，難以看出有油炸的紋理。可能麵餅泡油的時間太短，令伊麵失去了煙韌的口感。　食波士頓龍蝦，要出動五指山，幸好職員提供洗手盤。翡翠帶子珊瑚　火喉夠，炒得很好味。帶子的雪味不重，珊瑚（海蔘筋）爽脆       酥炸百花球　　細細粒，夠彈牙　　　紅繞竹笙雞絲翅　只見竹笙肉絲，不見翅。嚐過後，嘴唇不會粘粘的。　　鎮江小排骨　　這小菜是額外加的　　用上豬肋骨，肉質滑溜，加上

好耐冇嚟過新光酒樓 😂次次來都會叫脆皮豆腐fried crispy marinated tofu，豆腐花 tofu fa，綠豆沙 sweet mung bean soup! 鹵水豆腐一如既往嘅脆，豆腐花好滑！撈埋啲綠豆沙落去，甜度armarm好

sunday night 同老人家食生日 提早2星期 book左 18人 2張枱 點知比左間房我地 开波乳猪正常 炸子雞超脆超滑好正 魚翅都正 E 個價 算好粗架啦 寿包都好好味 最后仲有生果 同 糖水送 ！ 經理服務好好 好過出面D 大酒楼 環境就一般啦

打開個盘菜其實都幾靚，入面D野睇落去都幾名貴，又鮑魚又海参咁但食落去，真係好咸，唔係其中一種野食咸係隻隻野食都係咁，攪到我食完個盤菜之後飲左三大杯水。而佢最好既就係個底果度好多芋頭同埋蓮藕，如果鍾意食呢兩種食物既朋友，就真係會幾啱食既，但係真係要預左佢好咸

今日中秋，打去間間酒樓都話滿晒，唯有walk in 去博一博！去到已經兩點鐘，酒樓唔算滿，有唔同位置任我地選擇！去得飲茶多數都係為左食點心，第一次嚟呢間酒樓，點心熱辣辣，但煎物就不夠香脆！千層黃金糕，有驚喜！加了蛋黃溶嘅馬拉糕，中間夾住層層芋頭溶，質感樂實在，香得嚟又唔會太甜，值得一試！

同幾個朋友一家大細13人訂左枱食晚飯,女侍應一開始就推介套餐, 我們認為太貴就點小菜,侍應又落力推介燒鵝, 見佢咁hard-sell就要半隻鵝$200,點知等左成晚, 所有餸都食完, 隻鵝仲未有上枱, 問個女侍應就答隻鵝燒緊, 一陣你就知好味道!!我們唯有繼續等多10分鐘, 隻鵝終於上枱,見隻鵝部份顏色唔對稱之餘 , 食落口溫度只是微暖, 像是淋上熱油之後才捧出來,完全不似剛剛燒出來, 食落更冇鵝味, 似有掛鵝頭賣鴨肉之嫌,其他小菜味道都是一般,份量又不足, 假日晚上都只有一半坐位有客,所以奉勸大家小心.

大年初一晚，我同婆婆、公公佢哋成班親戚去咗依間酒樓食晚飯。於是，我哋就叫咗個套餐「歡樂年年 $1880（供 8 位用）」。第一味餸係「鴻運海蜤乳豬件（半隻）」，乳豬皮夠香脆，可惜乳豬太肥，太多油份。然後係「醬皇脆雙蚌」，有些少辣，唔夠熱。其次係「紅燒鮑參肚翅」，味道可以接受，不過唔熱嘅。跟住……係「瑤柱扒雙蔬」，有小棠菜、草菇、瑤柱。味道幾好，唔會太鹹。不過都係唔夠熱。之後到「清蒸大青斑」，D 肉好「鞋」，條魚應該過耐。最後，就食橙同糖水。D 橙好甜呀！糖水就係「紅豆沙」，味道唔會過份甜，都 ok。

2點鍾, 下午茶時間到。鍾意呢到唔多人, 唔洗等, 價錢平民, 野食ok。 3個人食左9碟野, 每人都係$60落樓。1) 原籠馬拉糕, 我至愛, 熱la la , 香嘖嘖, 大大個, 軟綿綿, 最緊要襯熱食, 凍晒就差好遠啦!2) 山竹牛肉, ok3) 蕃茄湯鮮竹卷, 特別, 蕃茄湯酸mi mi, 好開胃4) 什菌腸, 普通, 皮厚身左d5) 青瓜海蜇, 夏天食最岩, 青瓜爽甜, 配上ma 油, 好香6) 蘿白絲酥餅, 咬落有足夠既蘿白絲, 但咸左少少7) 咸水角, 好耐無食, 特別覺得好味, 不過油左少少8) 菜苗餃, 皮薄, 好味9) 金錢肚, 我無食, 朋友自己食晒一碟食到托住個肚走先係位位$60, 太抵啦!

今晚阿媽唔煮飯, 大家落街食飯。7個人有一大隻豉油雞送, 滑lu lu, 好味哦!另外仲叫左6個送1) 啫啫油麥菜煲, 上台仲吱吱聲, 好香, 夠晒味。2) 節瓜粉絲海蝦煲. 好多隻中size 既蝦, 不過d 蝦唔爽既, 節瓜又切到超幼, 幼到差d 睇唔到佢, 粉絲就好入味。3) 生炒骨, 炒得好靚, 好夠色水, 但平時有菠蘿, 宜家就變左士多啤梨同桃, 仲要貴d, 但我鍾意菠蘿多d。4) 八珍豆腐煲, 聽個名應該係素, 但原來係咩都有既豆腐煲, x 燒, 冬菇, 瘦肉片, 味道普遍。5) 竹生三層樓, 個名好得意, 個樣都好得意, 其實係d 玉子豆腐煎香, 配上竹笙, 好味哦, d 玉子豆腐好滑。6) 西蘭花炒帶子珊瑚蚌, 好味!飯後仲有糖水, 紅豆沙/ 南瓜西米露, 我愛南瓜西米露, 食到一絲絲既南瓜, 西米大大粒, gd!我地show住戶證仲有9 折, 7個人埋單$619, 抵啊!

今日好開心同班朋友黎茶聚。2點係下午茶時間, 都有人等位, 但唔洗十五分鍾就有位啦, so fast!下午茶好多特價點心。4個女人仔, 食左1) x燒腸: gd. 好滑, 好多料2) 青瓜海折: 青瓜爽脆, 不過好咸, 同埋係暖既, 如果凍食應該會好d3) 粉果: 皮薄, gd!4) 鳳爪: 有d 咸!5) 牛肉球: 普通6) 硯芥鯪魚球: 個樣好差, 炸到變晒型, 但食落ok!7) 原籠馬拉糕: 岩岩蒸起熱la la, 好香,好軟, 大家都讚好!8) 蜜棧雞翼: 好似燒雞翼咁, 好香脆, 好多蜜糖, $28有6大隻, gd!9) 春卷: 炸得脆卜卜, 其他酒樓炸到個皮好硬, 呢到就炸得好好。10) 灼生菜: 大大碟11)煎蘿白糕: 煎得唔夠香, 見到一絲絲蘿白絲, 好味。我地4個人由2點坐到4點, 坐到人地下午茶收市, 開始關燈先走人。埋單4人總共$218, 每人$5x 就食咁野, 抵啊!

星期6登去同阿媽飲早茶, 好耐無黎飲啦, 感覺比以前多左野食。我地4個人叫左1)生菜鯪魚球粥, 生滾粥特別好食, 真係貴d 都抵呀, 鯪魚球大大粒, 正。2) 原籠馬拉糕, 呢到d馬拉糕籠咁大, 大件夾抵食, 仲好好美tim呀!3) 潮州粉果, 呢d 普通野, 無咩特別。4) 腸粉, 又薄又滑. 好味。4個人埋單$8x, 都算抵食啦, 如果係平日既話. 好多優惠點心, 仲抵食呀!

呢排飲早茶時發現好多枱都有碗水餃晨早優惠 --- 中點 幾抵食, 四隻水餃, 底墊唐生菜 上湯灼水餃 水餃餡最多係蝦, 有些還有兩隻原蝦, 再加冬菇絲, 肉就幾乎看不見 質素幾飄忽, 平日會飽滿大隻, 試過星期日叫, size縮左水, 仲淥得過稔