影片
星期日去饮早茶, 谂住可以好好地食小小野啦, 点知...落完单叫野食之后, 好快就有野到, (我地都系叫左点心~) 全部都系涷既, 同阿姐讲话d野冻, 阿姐话: "哦, 咁同你"丁"番热佢啦, 不过你有排等架!" 语气又差, 态度又差; 算啦, 废事一阵丁完d野仲唔食得, 又等左一阵, 另鲱叫左既食物到啦, 以为会好d啦, 都系冻既, 而且d味好似有d叔叔地, 三十分钟之内埋单走人, 点知等人帮我地埋单都仲要一段好长既时间... 期间, 留意到一样野, 有好多茶客同d侍应完来好熟, 一边饮茶, 一边同佢地倾计, 仲有d会一齐食野, 唔怪得冇人理我地, 而我地叫既野又咁有问题; 原来我地冇同佢地一齐食!!
继续阅读
前几个星期同左屋企人去食晚饭.. 如果无记错应该系星期一.. 大约晚上8点入座.. 人唔算多. 所以唔驶等就有得坐叫左几个小菜同埋上汤龙虾伊面底落单时已经讲左2次话系上汤. 唔系芝士落完单之后个阿姐突然行返转头"系唔系芝士呀?"于是我地又再重申一次系上汤结果依然系比左芝士龙虾伊面底我地就系因为怕芝士太肥腻所以先叫上汤于是唯有同返阿姐讲: 点解系芝士?阿姐立即以一个颇差o既态度话: 你地唔系嗌芝士咩?!我地就再解释返头先前后总共讲过3次系上汤. 而其中一次佢亦都曾经特登走返转头问我地于是阿姐就去同个部长讲返部长行左过黎 (我以为部长会好声好气咁讲:"唔好意思. 等我同你转返"之类的说话)点知唔系, 佢一行过黎就好串咁话: 你地头先明明嗌芝士咖ro!!!我心谂: 我地落单o既时候你都唔o系附近. 点可以因为阿姐o既片面之词而一口咬定系我地错?然后屋企人都忍唔住同返个部长讲我地真系嗌左上汤.. 我地因为健康著想连其他小菜都嗌少油.. 所以我地又点会嗌芝士呢?最后佢地都有再换过比我地... 不过当然成碟壳多过肉.. 味道亦十分之一般啦阿姐仲要走黎加水o既时候好不忿咁话: 系! 听左3次都错系我唔o岩!其实我觉得阿姐一心就认定我地系叫芝士.. 就算我地讲10次系上汤. 依然会错本人对食物要求唔算高. 但系以今次o既服务态度黎讲我以后一定唔会再去帮衬!!!
继续阅读
早前小弟行经北角渣华道，见到粤华酒店内的酒楼，由原来的凤城酒家改为新光宴会厅。提到新光酒楼集团，自然令我想起多年前，位于柴湾新翠花园商场的新光酒楼，记得当时我只是一位小学生而矣。不经不觉，新光酒楼集团在香港饮食界，已经拥有超过十年的历史。家中的爸爸及妈妈二人，常常喜欢将"饮茶"二字挂在口边，而星期一正好是小弟的放假日。早上经过一番商议之后，决定中午前往新光宴会厅试试点心，然后再去百货公司购物。到达酒楼还未到下午一点，我们唔需要等位。坐下来之后，花了几分钟去研究是日的午饭。其实午市有许多选择，不过有一个午市自选套餐推介，内容包括一碟白灼生菜、一款至尊烧味、一款精选粉面及三款精选点心，价值HKD$148。和爸妈二人商量过后，马上落单。今次选择了脆皮烧腩仔、银芽肉丝炒面、蜜味叉烧饱、上海小笼饱和蚝皇鲜竹卷。不消三分钟之后，生菜及烧味等等的食物都陆续送到。此时大家都急不及待，拿起碗筷「开餐」。白灼生菜 - 虽然是一碟很普通的灼生菜，但是起码在灼菜时，并没有直接加入油份。望落碟菜虽然「好旱」，但是合乎健康原则。与此同时，点菜的豉油亦是分开送上。脆皮烧腩仔 - 就现场观察所得，这里的烧腩是分为五层，见到是肥瘦相间，层次亦分明。虽然外皮真是香脆，但是味道上略为咸了一点。反而拌碟的麻油海蜇，更见得爽口弹牙，还加入了少量的指天椒位，非常惹味。银芽肉丝炒面 - 面底煎得金黄而入口香脆，见到有许多银芽和肉丝，茨汁本身又不会太浓太抢。蜜味叉烧饱 - 一笼有三件，将叉烧包撕开之后，见到里面的叉烧馅够晒色。上海小笼饱 - 一笼有四件，外皮本身比较薄，里面的馅又充满肉汁的鲜味。为避免令肉汁流走，每一个小笼饱都有一个迷你饼盘盛载，非常贴心的安排。不过在馅料的调味上，较为咸了一点，希望下次可以轻手就更好。蚝皇鲜竹卷 - 同样地一笼有三件，馅料包括甘荀丝等等。其实蚝皇鲜竹卷，馅料固然是重要，但是茨汁的调配上亦同样重要。今次在新光所见的蚝皇鲜竹卷，茨汁的稀稠度是刚刚好。既不会太稀，也不会太稠。说起侍应的服务态度，所见的有好也有坏。有些服务员是主动帮食客的茶壶加滚水，而部长主任亦主动向我推介晚饭套餐。小弟一时兴起去留意水池内的海鲜，这位部长主任亦介绍海鲜的品种。这些积极的做事态度，值得一赞。只不过在我用膳期间，亦见到有两位服务员，因为工作调配上出现误会而发生争吵，需要部长主任去调解。其实作为服务性行业，特别是涉及饮食行业，人手虽然多但也少不免会有一些误会。小弟认为在食客面前互相争吵，不但失礼于人前，而且会令食客们对食肆留下一个坏印象。另外有一位服务员，在传菜期间只顾和身边的同事谈话，似乎已忘记了传菜这回事。虽然这只是一件小事，但也令食客怀疑有关服务员，对工作本身的专注力。在小弟的记忆中，新光宴会厅进驻粤华酒店只是一段短时间。未来的道路仍是漫长，他们所面对的客源也愈来愈多。希望酒楼方面的领导，能够时刻和员工们检讨工作调配和提高工作时的专注力。而是日的午餐，连同三位茶芥(共HKD$15)及加一服务费，共银HKD$179。虽然银包内要付出金钱，但是能够与家中的至亲一同品茗，的确是一件难能可贵而又令大家暖在心头的事情呢!!
继续阅读