新中華飯店 (已結業)

友人月前榮升做媽咪級,而我亦榮升做契爺級.日前抽空作客西環,兩手空空又似乎過唔到自己果關.去新中華斬些油雞鹵味,皆大歡喜.幾年無來過,今次take away,外面睇入去,似乎裝修過.舊印象,只記得同幾個近乎毫無音訊的舊友去過.入面係點,食物係點,差不多忘掉得一乾二淨.燒肉已經唔脆,半肥瘦叉燒,還是可人.呢樣已唔係重點,一圍人坐埋一檯,手起筷落黃花魚,大銀幕正在播"東張西望".仲有訓左床上的未足月的契仔.完全係久違的住家感覺.尤其對我呢個缺乏家庭溫暖的麻甩黎講,十年難逢一潤.

11 Dec,2005 星期日一時多到達,出奇地不是太多人。今次只吃點心,不吃飯麵。燒肉燒: 皮脆肉嫩,值得一試!!奶皇包、菜、梘水糭、煎薄餐: 一般。馬拉糕: 很軟熟,不甜,好吃。豆苗餃: 內裏蝦肉彈牙,有不少豆苗。不錯。糯米卷: 不是我杯茶....家人說味道淡了少許。鬼馬腸: 在腸粉內的春卷很脆,也是值得一試!芋頭糕: 也不是我杯茶...家人說好吃。蒸魚咀: 父母很欣賞....我對這菜式沒興趣.....埋單: HK$198 抵食!!

同家人去完探病, 一般都是晚飯時間, 順理成章一起去晚飯.在瑪麗乘54號車可到西環, 而在西環我只會吃新中華. 爸爸間中去附近較便宜的權發, 我嫌權發的菜式「粗」, 不喜歡.新中華其實也不算貴, 像是西區的「泉章居」.本來爸爸又想點鮑翅東星餐(6-8人分$398), 我地只得6人, 我唔想食咁多, 改為order:臘崧炒芥蘭- 臘味切得好細, 炒埋令菜入味, 可以讓我揀走臘味不吃.蒸石斑- 我冇食, 好似都唔錯.(還有一道忘了)驚喜之作:糯米蒸花蟹超美味, 竟然用潮州大花蟹, 一籠$78已用上2/3隻花蟹, 買料都唔得! 糯米有極香濃蟹味, 蟹殼又拑碎了, 方便我食. 比起大阪的「蟹道樂」好味幾倍! 真係估唔到.

小菜份量相當大，如"籠仔蒸豉汁豆腐"，8大件滿佈麵豉醬的豆腐，用大的蒸籠呈上;"什菌南瓜煲"，煲內充滿南瓜，南瓜似乎是先炸後炆。整體上，食物味道亦唔差。

此店是我自己N 年前擺滿月酒之店, 亦是西環老街坊得閒食下乳豬飯之熱點.上月爺爺生日, 兒女子孫坐滿一桌, 即時找經理寫菜.乳豬燒味拼- 海蜇好味. 此店乳豬全體要預訂. 雖然上菜時不及"城寨風情"咁熱辣, 但一樣脆, 冇失手.白灼大海蝦- 鮮, 甜, 冇花巧, 亦唔貴.瑤柱扒菜膽- 菜膽爽, 埋獻靚, 絕無稀流流生粉水之感.清蒸大海班- 唔夠上環"好彩"咁好, 但好過好多酒樓.紅燒雞絲翅- 唔貴, 做得好濃火腿味, 抵食.蜜糖豆炒珊瑚蚌- 唔錯.還有一、兩味唔記得.埋單位位$200幾. 同區比較, 好食過一品燒鵝幾倍, 但又平過金龍船幾倍, 企理過西環好彩, 正宗過權發, 更唔好用海天漁港來比, 是西環區最掂o既晚市酒樓.