影片
半夜收工想食碗云吞面，见到呢间面档好似老字号咁，而且门口放咗好多鱼蛋鱼片，以为做鱼蛋做得好专业，就入去试吓啦。夜晚11点呢个钟数冇咩人，全场得我一个。我叫左碗鱼蛋云吞米粉，鱼蛋明大过实，咬入去觉得好似仲有啲骨咁，我真系食唔惯，而且唔够爽成日都好似有啲揸甘。又吾弹牙。而个云吞就不过不失啦，但系就好细粒，唯一一赞嘅系啲米粉好多,绝对够饱。但系我觉得价钱都算贵，因为其他鱼蛋店都系30几蚊就食到啦，仲要菜都无条，而且佢贵得来又唔系特别好食，所以应该唔会再食啦
继续阅读
黎到荃湾，同屋企人食完冬至饭，所谓冬至大过年，饱到反艇，梗系要同致爱的另一半一齐去填满个肚女朋友知道我钟意食旧阵史味就带左我黎呢一间粉面舖。佢呢度啲鱼蛋全部都系手唧，你食落去佢唔系𠮶啲好爽口既鱼蛋， 而系软绵绵有啲空气感好似细个食紧𠮶啲味咁好令人回味
继续阅读
今日同男友仔去荃湾百老汇睇 12 点场!!好睇 睇完出黎 2 点几, o岩o岩系 lunch 时间...不过因为睇戏果时偷食左私伙辣鱿鱼, 所以又唔算太肚饿...谂住求期食少少野就算....就响戏院出口一出黎, 对面街就有好多选择....原本男友仔话茶餐厅搅掂...但系望 2 望之后, 又觉得唔吸引...行多 2 步就见到 "新东记鱼蛋粉", 好似唔错...一于试下先 舖面系一般鱼蛋粉格局, 一 D 都唔起眼..坐低周围望左一圈, 见到墙上面有 D 相... "董标" 叔叔都有黎过 跟住再先到, "每日自制手打鱼蛋, 鱼片...."愈望愈肚饿....先落 ORDER!!男友仔 鱼蛋河 ($18) + 豆浆 ($7)我自己 鱼片河 ($18)评价如下: 鱼蛋河 - 鱼蛋爽口唔弹牙, 色泽偏淡, 但系鱼味真系一流!! 食得出真材实料无沟粉, 就算有都肯定系多鱼少粉, 好正!!! 好耐无食过真系有鱼味既鱼蛋... 鱼片河 - 同鱼蛋一样!! 正!! 豆浆 - 唔得, 无咩味, 淡淡... 奇怪!! 奇怪!! 男友仔果碗明明叫鱼蛋河, 但...竟然....都有几片鱼片...但系我既鱼片河, 就真系得鱼片, 唔会有鱼蛋...可恶耶 =.=原本仲谂叫炸鱼皮, 可惜....时间尚早, 未整好, 唯有下次再试 鱼蛋/片, 推推推!!!
继续阅读
因准备今晚预祝中秋, 大伙十几人食饭, 走来杨屋道街市买𩠌. 之后, 由爸带路, 带我食好味鱼蛋同正牛腩.一般潮州粉面铺, 不是华丽食堂, 以质素好, 来吸引客人, 而且, 是街坊客多, 需要的是抵食, 好食.先说其手打鱼蛋, 爸上次就是被即场手打的鱼蛋, 吸引入来, 潮州鱼蛋, 食落软棉棉, 咬落是啖啖鱼肉, 而不是啖啖粉. 牛腩, 精选了廋腩肉, 清汤靓腩, 带少少肥肉, 近乎爽腩, 亦非常入味. 爸要了个牛腩饭, 牛腩另一碗上, 用上腩汤汁捞饭. 份外冶味. 我食一个牛腩鱼皮饺面, 妈要了一个鱼蛋鱼面, 也相当之不错. 补充体力后, 再战街市. 补充, 紫菜汤, 值得饮完再饮.
继续阅读