新丁餐廳 (已結業)

住在這區已有三年的日子，對附近茶餐廳的質素都大概知曉。見到開了間叫新丁的，拿了外賣紙， 知道是一些比較西式的款式，但一直都不敢試。直至最近再看食評，見到相片頗吸引，決定試叫下午茶餐試試。我叫了葡式豬扒包餐， 老公叫了西多士餐。由於離家兩個街口，都估計大約需時半個鐘，終於到了。看見用紙袋入住豬扒包，已經加了分，因為包一定不會濕濕的，因為紙袋會吸了水氣。相對其他茶餐廳，為了慳成本，竟然用膠袋入住熱的包，送到客人手上包都已經焗到濕濕的， 超差！打開紙袋一看，是用豬仔飽弄的豬扒包 ，很是吸引，並且已經切成兩半，方便客人食用。一啖咬下，嘩！很香呢，為什麼呢？ 原來除了豬扒以外，還有很多其他配料，是我完全意料不到的。這豬扒包， 首先用牛油搽豬仔包，再加上熟洋蔥絲，然後放上豬扒， 再加一層蒜蓉醬，再夾上包， 就完成了！非常有誠意的一個包， 相比我之前一天叫另一間茶餐廳的豬扒包，簡直是天淵之別！相信我以後也不會叫其他餐廳的豬扒包了！至於西多士，我只吃了一口，老公的評語是OK， 而我就覺得中間的花生醬略甜了一點點。…查看更多

今日三家人一共七口子到土瓜灣聚舊，其他人唔知食咩好，最後由我決定去返舊食堂 - <新丁>食，之前在土瓜灣返工，對於附近黎講，<新丁>都算係其中比較平靚正之一。剛去到，其實諗住走人，因為我一時忘記了我們一行七人，其實<新丁>好細間。點知正想閃既時候，有個阿姐竟然認得我，問我咁耐無見去左邊，仲拉埋我入去，加埋位，set好晒，唯有坐底。跟住見到份菜單多左好多野簡咁，一時間，點左好多新野試。坐坐下，個阿姐仲話老闆送杯朱古力咖啡俾我飲。話記得我每次都係叫呢杯野跟餐。咁有人情味又俾Face我，抵寫篇野讚下你。…查看更多

継上次試左蒜蓉多士！已很可口，愛吃䶢的，首選。今次點了很新鮮！熱辣辣！好味和脆！的奶油朱。喜歡簡單下午茶，愛甜但不愛太膩的女士可點選這個。還是我每次經過會再食多次。飲品亦推介熱奶茶或咖啡，冬季最好配熱柑桔蜜，滋潤一下乾燥的天氣。…查看更多

呢間新丁既厲害促使我寫第一篇食評。今次係第二次幫櫬呢家餐廳。第一次幫襯食早餐時,要門口等位,但奇怪的是不用劃飛,有位女士一黎就打尖,自動入左去坐低,最後等了15分鐘先有位。這種安排混亂已使我和友人很不滿。不過見佢D野食OK, 而且平便再幫襯第二次。呢次同樣要係門口等,但係等左一陣先有人問幾多位,之後仲要自己睇有無人走,完全無侍應安排入座。入座後,我地同兩位男士榙枱。飲品先到,友人叫了熱檸蜜,來的是熱檸檳,以為是榙枱的男士,但該男士也是叫了熱檸蜜,但侍應只一味話係,不斷遞杯熱檸檳俾該男士,應該係廢是換。講了幾次叫的是熱檸蜜,侍應才帶著他的熱檸檳離開。食物陸續到來,只差我的沙嗲牛麵未到,本以為廚房出得慢,便等多一會。但友人和另外兩位男士都差不多吃完,仍然未到,便同個侍應講,他的回應只是煮緊。不過同枱的人都吃完了,其他剛落單的枱都有食物了,我的沙嗲牛麵仲未到。那我們只好再向不同的待應催, 但差不多所有侍應都站在廚房前等出單,無人顧樓面。好不容易才等到侍應經過,催了四五次,但仍然只出俾其他食客。跟住諗住同個幫我地落單既中年阿姐講,諗住佢較有責任和經驗,會幫我地跟下,點知個阿姐不理我地仲逃避。當時已等了差不多半小時,快要午市。然後先聽到有人同廚房講8號枱仲差個沙嗲牛麵,之後先發現落留左單。不消一兩分鐘,待應把麵端來,都奇怪點解可以咁快煮好。點知一食落去,D麵硬既,未煮熟,!難道以為快,一碗未煮熟既麵可以應酬我地,塞住我地把口嗎?最終我當然把麵退回,不要了,扣回麵價。服務態度咁差,下次唔會再幫襯!…查看更多

今天下午去了新的茶餐廳叫做「新丁餐廳」 ，其實都開了一段日子，難得經過此地，我獨個兒去了食個下午茶，地方真是較細，大約都是坐約廿幾人，與平常的茶餐廳一樣有特餐、常餐、下午茶餐及午餐.....因為今晚都還要開工去到凌晨十二點，所以下午茶我就暫不考慮，因想食多少許東西所以後來order了個此店的「金牌常餐」每款都是$32而且可配火腿奄列或者是法式鮮牛油豬仔包，不過我就為食一點，喜歡奶油豬仔包需另加多兩元，而且我order了個鮑魚豬頸肉米線，同時order了杯凍的檸檬茶(凍飲加兩元), 所以總數是三十六元埋單, 都幾抵食。最快上枱當然是凍檸檬茶先，檸檬片都好新鮮好清香, 茶味都好足又不會瀝口，鮑魚片豬頸肉米線的米線都不會過腍，而且入口滑溜份量都好足，鮑魚雖然不是真，但是都好爽口，味道都好似魷魚般，豬頸肉不會太肥，而且豬頸肉醃得都好入味，不過最好食的都是等的時間都會比較耐一點，奶油豬仔包真是好正，豬仔包真是烤得好脆口, 而且牛油及煉奶都塗滿了整塊豬仔包，而且牛油入口都好香滑，豬仔包更是外脆內軟更充滿煉奶香甜美味，真是一點都不會吝嗇。奶油豬仔包真是值得一試。食物上枱時間都可以接受不算好耐，但是一坐下來個侍應企在旁邊等我order，有點被催促的感覺。…查看更多